.
.
أحس بخيبة/خذلان كبيييييييير من ريان !!!
وين اللي كنت شادة الظهر فيه ؟!!!
وأقول راح يحارب الكل عشان ليزا، فالنهاية هرب من المواجهة ولا فكّر فيها أبدًا !!!!!!!
اوكِ يمكن مانمت كفاية وانصدمت بشكل كبير بعلاقتها بآية ! بس صدمتك هذي اشوفها توازي مشاعرك القديمة واللي يازعم كنت تقول انها مجرد اعجاب مو حب ! والمصيبة انها مو حب !!! يعني لو كانت حب شنو بنشوف أكثر من كذا !!!!! 🧌
حتى لو قلت انو لازال عندك شعور بالهزيمة مع سيّد واللي كان "متزوج وأكبر منك بالعمر وعلى قد حاله"، وانت اللي ينقال عنك "عريس لُؤطة" انرفضت وفضلته عليك آية حتى وهي تدري انو يمكن مافي أمل لها معاه !
بس نظراتك المفروض تكون موجهة لسيّد أكثر من آية !!! ومن ليزا أكثر من سيد !!! لأنو وقتها بتحس بشعور ثاني أكبر من الصدمة ! وهي الخوف من فقدها واستعداد لحرب جديدة بعد انتصارك مع أمك .
ألحين إلقُم واستعد لحربك مع ليزا بالإضافة لأخوها يالجبان 🦦.
ليزا وشعورها بالوجع والخذلان من ريّان واحساسها اللي ممكن تفكّر فيه إنو بما انها تشبة آية بالتمرد والتصرفات فهو أكيد يشوف فيها البديل 😓💔💔💔.
والمشكلة مقدر ألومها !! لأني لازلت مصدومة من ردة فعل ريّان !!!!!
-آخ بس لو أشوفك ! وأحط رجلي ببطنك وأدوسك دوسه أبرد قلبي فيك- 🤾🏿♀🙂
اخذته عزّة النفس وتركها بدون تفسير ولا محاولة للتفسير !! حتى مافكّر بموقفها مع سيّد بعد انسحابه إلا بعد كم ساعة !!!! كم ساعة يالظالم !!!!
وكأنها ولا شي بالنسبة لك ! ولا المفروض تحتل كل تفكيرك 🧌.
أنا خلاص تراجعت عن قراري واشوفه مايستاهل ليزا الرهيفة 🥺 قهرني عليها والله 😤😢💔💔💔💔.
رغم إنها انحطت في موقف سيء مع أهله والخطيبة المرشحة إلا إنها دافعت عن مكانها فحياة ريّان وحاولت تتكلم مع أمه بطريقة عقلانية وماهربت عن المواجهة .. بعكسه اللي فكّر بنفسه وترك الجمل بما حمل 🧌.
سيّد !! 🙂
وإنت الثاني شسوي فيك ها ؟!!!
متى تبطل عادة التهجم قبل التفاهم ؟ والتهوّر قبل التريّث ؟ وسوء الظن قبل حسن الظن ؟ 🙂🙃
وزين منها زهرة ردّت عليك لأنو طريقتك بضرب الباب ماتدل أبدًا على الإطمئنان 😑.
ومدري ليه آية خافت من قول الحقيقة وانو خطبها ورفضته حتى لو كان فيها خوف على زيادة اسباب رفض سيّد لريّان !!
لأن هذا مو دورها هذا دور ريّان فإثبات صدق نواياه اتجاه ليزا وحبه لها والسّعي لرضى أخوها، هذا لو كان صدق يبيها وبيحارب عشانها .
وبالعكس أنا أشوف انو معرفته بخطبته لآية هذا يقوي موقفه من ناحية انو مايلعب وقصده شريف !
بيقول غيرة ! ياعمّي انت كنت وقتها متزوج ومالك حق تحاسبها على ماضي إنت بالذات كان أسوأ منها 🦦.
بس شقول بعد ! إذا آية بيكون موقفها نفس موقف سيّد لو كانت طليقته بالصورة 🤷🏾♀.
عالعموم، ماأبغى علاقة ليزا بآية تخرب والسبب الغيرة 😢💔 ولا ودّي افكّر انو ممكن يصيب ليزا انهيار عصبي، ويمكن بعد تزيد عليها مشاكل قلبها اللي هامله مواعيدة 🥺😢💔.
طول تصوّري لخيبتها جالسة أقول: وينـك عنـها يا رحمـة ؟ 😩💔💔💔
ومع تجاهل ليزا لريّان معقولة راح يستعين برامز للمساعدة ! بما أنو صعب أخته تدخّل وتطلب من آية ! وحتى لو آية صارحت ليزا هل راح تغفر له ؟
+ حبيت الصداقة اللي بين ليزا وسيلا 😟🧡.
ياسين ولُجين 🥺🧡🧡🧡.
كل تحليلي عن لُجين طلع صح 🦦✨ بكذا انبسط ويعطيني شعور إني فعلًا أفهم الناس 🫡😂🏃🏾♀.
وأخيرًا انمحى سوء الفهم وبدأ الربيع يزهر 🤸🏾♀✨.
انتظر معرفتهم بـ البرعم/الحمل بفارغ الصبر 🫡🧡🧡🧡.
كل خوفي يصير لصقر شي وهو يحاول نبش ماضي فراس 🤧💔.
وائل وماجدة، قُرّة عينكم بالمولود 🥹🫶🏿✨.
رامز ورحمة ✨🧡🧡🧡🧡.
تصدقون إذا قلت إني ماحسيت بـ ولا شي معاهم !! 😢💔
ماهو قصور بالوصف والأحاسيس والفراشات اللي كانت تمغص بطني !
بس لأني صعب اتخلص من حالة القهر والغضب والحزن اللي حسيته من بداية البارت 😣💔💔💔.
دائمًا يصيبني البرود والتبلد من الفرح بعد هالحالة وللأسف هذا طبع كريـه فيني 🥲💔.
.
.
|