[الجوزي ميم]

المشاركة الأصلية كتبت بواسطة قال الزهر آآآه

السلام عليكم ورحمة الله وبركاته
اسعد الله صباحكم بكل خير ومسره
صباح الشوق الي جابني لكم وسط شتات انشغالي التام … ووقتي المزحوم .. انا بخير ياروح قال واحباب قال .. لكن مشغووووله وقتي ضيق جدا جدا بس طيبه وبخير طوال الشهور الي راحت ابتعدت عن الكتابه لاني مشغوله ماحصل وقت ابد .. اشغال خارجه عن ارادتي وواجبات تحتم علي التفرغ لها لانها واجب .. دخلت اليوم رغم اني من فتره ابي ادخل وماحصل وقت او متنفس او روح رايقه عشان اكتب لكم .. او ارد عليكم .. بدا يترتب وضعي وصار وقت الصباح متنفس لي تقريبا ثلاث ساعات من امس بديت اختلي فيهم واكتب سطور من خذني .. وان شاء الله يتم تخطيطي ويمشي صح ومايعاكسني الانشغال .. بعد ماشرحت لكم اوضاعي حابه اقول لكم شي
( يعجز اللسان وتعجز يديني تخط لكم احرف تعبر عن مدى عمق العجز الي استشعره من الكم العظيم الي اشوفه برسايلكم وسؤالكم وشوقكم لي انا كقال بعيدا عن خذني والروايه تعجزوني بكرمكم وتخجلوني بتقصيري وتباعدي صغيره انا عند محبتكم ومقدار تقديركم لي ..ماكنت اتصور بيوم ولا اتخيل اتلاقا بارواح محبه لي هالكثر .. بالعالم الافتراضي ..دعائكم لي بغيابي رزق والله اني لااعلم وش خبيئتي الدنيا لجل احضى بهالرزق العظيم من خلالكم .. يرجف شعوري مبهور والله .. وبي خجل منكم اليم .. ماني عارفه اعتذاري يكفيكم او لا لكن بعتذر …اسفه جدا .. ومادري بعد وسط هالمشاغل اليوميه بقدر اكفي واكتب اليوم قدرت بعده مادري .. وقتي مو بيدي لكن بحاول .. )
بخصوص الي نسو خذني والله مالومكم .. ابتعدوا عنها لين الله يفرجها وتلقون النهايه موجوده .. والله اني معد لي وجه اطالبكم تعذرون فالسموحه منكم .. محدده وقت يبدا ٨ صباحا اكتب لمدة ثلاث ساعات من كل يوم بديته من البارح . .. ببتدي اراجع الفصلين الاخيره وارجع للنقاط المحفوظه لمسار الكتابه سابقا . وان شاء الله خير ..
محبتكم قال الزهر ..

السلام عليكم ورحمة الله وبركاته
الحمد لله على هالطلة الجميلة مرحبا تراحيب المطر والسيل وتراحيب الغلا المنقى عن الشك والتزييف
حياك الله ياكاتبتنا الغالية وربان روايتنا الغالية
الحمدلله على العودة بعد الترقب والانتظار الحمدلله على السلامة عوداً حميداً ومباركا بإذن الله تعالى.