(الفصل التاسع)
وقفت عند باب غرفته بنتها تسمع صوتها الناعم و الرقيق وهي تقراء القرآن لزلت تقوم من نفسها ما يحتاج حد يقومها ادخلت بهدوء وقربت من بنتها واقعدت احذاها على الارض واسمعت شمايل تختم الايه الي تقراها
شمايل"صدق الله العظيم ...صباح الخير على أحلى ورده وأم في الدنيا
وهي تلتفت على أمها بابتسامه مليانه حب
أمها"صبحج الله بالسرور والنور يا الغلا كله شلونج الحين ارتحتي يا قلبي
شمايل"أي والله أني نمت نومه صايرلي سنين ما نمتها نومه ملوكي شي
بس ليش ما قومتيني يومه
أمها " قومتج يا قلبي وصلتيي العشى وأنتي ما تشوفين جدامج ورديتي نمتي وما بغيتي تتعشين
شمايل بحياء"هههههههههه يومه من التعب شكلي ما عرفت طريقي الله يعين وما أكون خبصت في صلاتي بس
أمها بحنيه وهي تمسح على رأسها بحب"بنتي أن شاء الله ما خبصتي وبعدين سلطان النوم مالنا حيله عليه وأنتي كنتي تعبانه من السفر
شمايل"ما حسيت بنفسي من التعب
أمها "خلصي يومه صلاتج وانزلي تحت مسويه لج ذاك الريوق الي خاطرج فيه تعويض عن عشى البارح
شمايل"ليش تعبتي نفسج يومه كنت باكل الموجود
وأمها تقوم رايحه "خلصي وتعالي تحت أنتي بذات تعبج راحه لي
شمايل"فديت قلبج الغاليه انا لحقتج ببدل وجايه
طوت سجادتها وحطتها في مكانها وسحبت تلفونها تشوفه لقت وش كثر مس كول من فتون واكثر من عشر رسايل منها كلها تطلب منها انها تتصل فيها حطته على الطاوله و ادخلت تبدل اهدومها وتلبس شي مريح لبست لبسه صباحيه ناعمه قربت من شباكها تشوف الشمس تشرق بنورها تعلن عن يوم جديد عن أمل جديد هذا المنظر يسحرها دوم ويذكرها ان بعد اليل يجي النور وتشرق الحياه بس نعيش صح اطلعت من غرفتها
و انزلت تحت سمعت حس امها في المطبخ قررت تطلع تمتع نظرها بنور
الشمس خذت الباب الي يوصل لصاله الرياضه و المسبح الداخلي ويطلعها على الحديقه و المسبح الخارجي تمشت بهدوء وهي ضامه نفسها و تتنسم عبير الصبح قبل لا تصير الشمس قويه اقعدت على الكرسي وفي يدها تلفونها قررت تطرش لها مسج انها تتصل فيها اول ما تقوم من النوم وسوت له سند ما تبي تضرب ويشيله هو خايفه بعد الي سمعته حاسه بخوف رهيب وعذاب كبير لن قلبها مو بيدها و هي جرحت انسان حبها بدون قيد وشرط بدون ما يطلب منها أي شي كل غلطه انه حبها هي من دون كل الناس وهي مقيده بغلال الزواج الي ما يندر وش راح يكون مصيره الكلمه حسها يرن في اذنها كنها تحسه يهمس بها ياربي ليش ليش تسمع كلمه الحب من الشخص الغلط ليش
"ههههههههه صباح الخير حافيه هانم
شمايل بخرعه "بسم الله الرحمن الرحيم سكنهم في مساكنهم انت من وين طالع صبيت قلبي
علي"هههه انتي الي سارحه في الحدائق الغناء وشروق الشمس
شمايل تطالعه بغضب"متفرغ انت على الصبح قاعد تسوي موضوع نحوي حضرتك لحظه انت وش مقومك من صبح اخبر النوم عندك عزيز وغالي
علي"عندي رحله قريبه
شمايل"قول كذا اجل ليه ما تاخذني معاك وين بتروح
علي "هنا قريب دبي
شمايل"ويل حالي رايح دبي خذني وانا اختك مع الاشناط ما عندي مانع
علي"هههههههههههه الله يقطع ابليسج في الاشناط وش بتشيل وبعدين ما شبعتي اهياته و فقر في لندن
شمايل بستغراب "فقر ما فهمت وش تقصد
علي"فقرتينا فلوس ما خليتي شي ما شحنتيه عادج تبين بعد
شمايل بغرور وهي تمشي رايحه عنه"يوم يكون من جيبك تعال تكلم طرار ويتشرط بعد
ركظ وراها يوم شافته مقبل عليها اشردت و كانت اسرع منه لنها حافيه
وطيران داخل البيت لقت ابوها جدامها وبأسرع من الريح تخبت وراه وهي تضمه لها
شمايل"الحقني يوبه .....
ابوها يبتسم بحنان وهو يشوف علي داخل عليهم"خير وش فيك على اختك
علي"السانها يبيله قص بس تصبر علي
ابوه "ومن الي بيخليك تقصه مالها رجال يقوفون لك
علي"ههههههههههه قومك ما تدري وش قالت
شمايل تقوله بغرور"وانا الصادقه هذا من خير ابوي مو منك وبعدين انا اصرف على كيفي كم شمايل عندكم وحده بس
علي بطنازه "اخس على الواثقه
قربت من اخوها وحبت على خده "احلف انك بتقصه تقدر اهون عليك
ضمها بحنيه وقعدها احذه "ما تهونين انتي اختي وتاج راسي وغلاي بعد
شمايل"هههههههههههههه خلاص تراني بغتر بنفسي وين امي انا ميته جوع
\
\
\
\
\
يتخيلها يحسها دوم جنبه اكبر غلط سواه في حياته انه حبه ماله امل وانكتب عليه ما يشوف النور يختنق قبل لا ينولد بكاها يجرحه يحسسه انه ضعيف في مشاعره وحبه كان دوم انسان قوي وطموح و شامخ برجولته وكبرياءه عمره ما فكر ان بتجي الي تهز كل شعره فيه تحرك كل نبض فيه اصعب شي انك تلاقي حلمك ولما تقرب منه تلاقيه سراب يارب تصبرني و تفرج همي وكربي وتسعدها يارب معقول من قوه حبي الي داخلي اتمنالها السعاده مع غيري لهدرجه صار حبي لها صافي وخالي من كل الانانيه بس ليش ما اتصلت على فتون قلبي مشغول عليها خايف يكون فيها شي انا غلطت ما كان لزم اقول الي قلته البنت في حاله ما يعلم بها الا رب العباد و اقوم انا ازيد عليها يارب رحمتك وعفوك وغمض عينه يطلب المنى المستحيل النوم .....
\
\
\
\
\
تبدل اهدموها قررت تطلع و تروح عشان دروس التدريب سمعت طق على الباب شمايل"ادخل .......
ادخلت الجازي شمايل عينها عليها البنت حزينه و منكسره وضعفانه كنها تشوف نفسها فيها الشريط ينعاد بس هذي المره ضحيه جديده وضحيه ضعيفه مو مثلها
شمايل"هلا جزوي ادخلي ليش ما رحتي المدرسه خير عسى ما شر تعبانه
الجازي تقعد على الكرسي واعيونها في الارض مو قادره ترفع راسها تحس انها بتصيح جدام عمتها ما اقدرت تمسك نفسها و قامت تصيح بقوه شمايل اهني انرعبت وخافت عليها قربت منها وضمتها لها وهي تحاول تهديها بس مافي فايده البنت حالتها كلش
شمايل"الجازي عيوني طالعيني لا تصيحين يا عمري لا تصيحين ما في شي في الدنيا يستاهل انج تكدرين خاطرج عشانه
الجازي"عمه انا ما ابيه ما ابي اتزوج ابغي ادرس واتعلم وبعد مثلج دراسات عليا
شمايل"خلاص قولي لهم انج ما تبينه لا تصيرين جبانه ومثل النعامه الي تدفن راسها في الرمل لا تصيرين مثلي تنطرين لين تطيح الفاس في الراس
الجازي"عمتي ما اقدر اخاف اقول هذا الكلام وتصير مشاكل وانا امي اوردي مقاطعتني وما تكلمني يوم قلتلها اني ما ابيه
شمايل"الا على طاري عريس الغفله منهو ومن ولده
الجازي بغضب"هذا حمد ولد رفيج ابوي الي كانو قبل ساكنين احذنا و شدو وراحو الغرافه
شمايل تفكر"لحظه مو هذا الي امه سبيجه صح ههههههههههههه لا مو معقول كبر وصار ريال بس هذا اكبر منج
الجازي"مو وايد كبير الفرق بينا سنتين بس
شمايل تطالعها بمكر"اكوج تعرفين عنه كل شي اجل ليش الاصياح
الجازي احمرت اخدودها حياء ونزلت راسها "عمه وش تقولين انا ما ابيه
شمايل تفكر بهدوء "ليش ما تبينه في سبب معين يخليج ترفضينه
الجازي"عمه انا ابي ادرس وهو مستعجل ويبي تزوج الحين تعرفين انه ضابط والحين بيسونه مرشح ضابط وبيبتعثونه برع ويبي يا خذني معاه انا ما ابي اترك اهلي وديرتي واروح مع رجال غريب
شمايل"هههههههههههههه لين صار رجلج ما يصير رجال غريب وبعدين من كلامح الرجال ما عليه كلام وش الي يمنع انج تدرسين معاه برع واما عن هلج انتي مفارقتهم مفارقتهم ان ما كان اليوم كان بكره يعني مصيرج تعيشين حياه بعيده عنهم
الجازي"عمه انتي تبيني اتزوج انتي معاهم
شمايل"انا مو مع حد ضد حد انا مع الحق و الحق يقول انج انتي صاحبه القرار فكري واختاري ولا تخلين حد يضغط عليج في اختيارج وفكري عدل بعيد عن ضغوط امج
الجازي"يا ريت امي تكون مثلج تكلمني بهذي الطريقه تناقشني مو تصرخ علي وتزعل انا ماني عارفه وش اسوي محتاره عمه
شمايل"شوفي يا عمري امج بعد تفكر في مصلحتج بس بعد ارجع واقول القرار الاول والاخير لج لا تسمحين ان حياتج تتدمر اذا ما كنتي واثقه من نفسج واختيارج ويكون في علمج يوم تختارين حمد لزم يكون هو اختيارج انتي مو هم فهمتي عشان ما تلومينهم في يوم من الايام
الجازي"انا بفكر و بستخير وبرد على امي خبر
شمايل"خلاص الحين قومي ريحي عمرج وأنا طالعه تبين اجيبلج شي معاي وانا راجعه الا على الطاري وين اخونج الاتيوس ما جو يسلمون علي البارح
الجازي"تسلمين ما ابي غير سلامتج عمه انتي جيتي وهم في المدارس و يوم جو كنتي نايمه لين رجعتي بتحصلينهم رادين
شمايل"اوكي ما يخالف يلا مشينا
\
\
\
\
\
دخل البيت هادي شكل خواته لين الحين ما قامو بس وين امه تعبان بشكل كبير ويبي بس الفراش اليوم العمليات عنده شي متعب حط يده في خصل شعره الناعم يرده على ورا و رقى الدرج طالع على غرفته لزم يقول حق امه انهم عطوه اجازه لمده اسبوع من بكره ولن عنده اجازات ولا ما كان فكوه اكيد امه وابوه يريحون بعد الغدا مثل العاده يمر عليهم يبلغهم راح على غرفتهم وطق الباب بهدو ء سمع حس امه تقوله يدخل فتح الباب حصل ابوه نايم وامه قاعده تهمزه ابتسم بحب لها امه طراز من النسوان انقرضو ما عادو موجودين وهو يقول في خاطره
امه بصوت خفيض"هلايمه قرب فديتك كلت يمه ولا اقوم اجهزلك الاكل
حب راسها ويدها وحط راسه في حضنها وهي تمسح على شعره بحنان وحب
راكان"لا فديتج ما ابي شي ماكل في المستشفى بس جيت اقولج ان اجازتي راح تكون من يوم الاحد الجاي عشان تعلمين الوالد و الحين من رخصتج بروح اريح شوي تامرين على شي
امه "لا فديتك روح ارتاح تبيني اقومك ...
راكان"لا فديتج انا بقوم بروحي... وطلع من عند امه رايح غرفته
\
\
\
\
\
توها مخلصه من التدريب وامها تضرب تسئلها هي وين قالتلها انها في الصالون ما تحب تكذب تكره الكذب بس هذي المره مضطره وش تقول حق امها انها تتعلم وسائل الدفاع عن النفس عشان تكفخ رجلها اهني فقعتها ضحك حلوووووووووه انها تكفخه شي كشخه معقول راح تتضارب معاه هههههههه شي ما تستبعده شغلت الرادو وتسمع بهدوء الحين الفستان و قررت وين بتسويه يعني وخلصناه باقي الزفه و اذا بتجيب فرقه او تستخدم ديجي وين بيسون العرس في قاعه و الا في البيت اشياء كثيره تبيلها انها تخلص منها راسها قام يفتر من كثر ما تفكرو تحاتي اوف شدتها الاغنيه الي تسمعها كلماتها روعه و الموسيقى جاتها فكره مره عجيبه وبتخليه يدور حول نفسه
ادخلت بسيارتها حوش بيتهم وتشوف اعيال اخوها رايحن حق امها و ابوها مثل كل يوم انزلت من سيارتها و ترفع نظارتها عن عيونها وتصرخ عليهم "احمدوووو خلووووود وجع انشاء الله معليه يا مسودين الوجه تعالو اهني....
قربو الاعيال من عمتهم بحياء وخجل لنهم دارين انها بتهاوشهم عشان ما سلمو عليها احمد10 سنين و خالد9 سنين اعيال ثاني
شمايل"تعالو يا حلوين قربو ليش خايفين ...امسكتهم من اذانيهم واسحبتهم بقوه ...الحين يا حمير عمتكم جايه من السفر و ما اشوف رقعه وجيهكم الا اليوم الثاني
احمد"عمه انتي كنتي نايمه يوم نجي من المدرسه و ويدوه قالت ما نقومج
ابتسمت وضمتهم هذول من ريحت الغالي"تعلو بعطيكم هداياكم ومسامحتكم بس هذي المره مفهوم
خالد"ايوه ........بس عطيني الهديه
شمايل"ههههههههه الناس تقول أي مو ايوه جنك هندي
خالد مبوز"انا مو هندي انا خالد
شمايل تلوي عليه وتفعصه بقوه "فديت خالد و فديت روحه
خالد "بس خلاص فغصتيني يلا عطيني بسرعه
\
\
\
\
\
البنات يبرزون الا غراض اليوم رحلتهم لدوحه غرفت كل وحده منهم حوسه واغراض واشناط مش عارفين وش راح يحطون او ياخذون معاهم وامهم تحت تستعجلهم خاصه ان راكان جاي في الطريق واذا ما حصلهم مخلصين راح يعصب اطلعت جنان من غرفتها ساحبه شنطتها وفي يدها عباتها وشنطه يدها وراحت على غرفه اختها رناد وطقت الباب
رناد"أدخل....
جنان"اوف كل هذي شناط احنا وين رايحين الا الدوحه حذفه حصاه وش حاطه فيها يخرب عقلج هذي الاثياب كلها بتلبسينها متى هواستعراض
ازياء ...
رناد"الحين من متى ما شفنا بيت عمي و زوجت اخوج يعني لزم اكون اكشخ وحده ما يصير نروح مبهدلين
جنان"لا والله الحين تاخذين معاج الكبت احسن مره وحده
رناد بطنازه "فكرت بس قلت حرام اخلي في الطياره مكان هههههههه
ضرب جوال جنان بصوت عالي "لحقي راكان تحت خلصي ليجي الحين ويزفنا انا نازله تحت وانت الحقيني يوم تخلصين
شالت اغراضها وانزلت تحت شافت ابوها وراكان و بندر قاعدين يحملون الاشناط في السياره ولحظت ان راكان معقد بين حواجبه بشكل مخيف لين صابته حاله الصداع النصفي خلاص محد يقدر يقرب صوبه يصير روحه في خشمه قربت منهم التفت عليها وطالعها بغضب شديد من متى قايل لهم يبرزون بس وش يقول اولها واخرها حريم وش ينطر منهم سلمو على اخوهم وطلعو رايحين المطار كان راكان الوحيد الي متوتر وضايق و في نفس الوقت حاس بحساس غريب فضول وشوق من نوع عمره ما عرفه
...................................
.......................
.............
......
...
..