(الفصل الحادي عشر)
"عمه اصبري اشوي وش فيج مستعجله الله يهديج مو قادره امشي بهذا الكعب
شمايل"تستاهلين احنا رايحه تتسوقين يعني كراف يعني شي واطي مو كنج لبسه ناطحه سحاب وبعدين وش هذا الي في وجهج احنا رايحين عرس ولا سوق بتقابلين فيه خلق الله
الجازي"عمه بس روج وكحل تقولين رايحه عرس انتي ما تشوفين البنات الباقين وش يسوووون
طلعتها بغضب ودها تكفخها"تبيني الحين اقص السانج هذا انتي عليج من نفسج ولا من غيرج
الجازي "خلاص عمه ما اعيدها
شمايل "ليه انا راح اخليج الحين في السياره تمسحين كل شي و انا لي كلام ثاني مع امج شلون تسمح لج من الاصل تطلعين كذا وربي لو ابوج شايفج كان اذبحج
الجازي بخوف "لا فديتج لا تقولين له
شمايل"اني داريه انج مسويته من نفسج و امج بعد ما تدري عنه صح
الجازي"أي امي ما تدري ومحذرنتي والله عمه ما اعيدها اخر مره
شمايل"خلاص فكيني امشي خلاصينا خالاتج ينطرونا ولين عودنا لنا كلام ثاني هذني جدامج وخشتي ما فيها شي ليه ما سويت مثل غيري على قولتج امشي لا بارك الله فيكم وخرابيطكم الي ما تخلص
\
\
\
\
\
نزل من الجت السكي و هو يخوض في الماء المالح من متى ما طلع كشتات مثل هذي عده بها من سنين طويله الي يشوفه وهو مقبل عليهم ما يصدق انه الدكتور راكان الجراح و الاختصاصي الي ملامحه كلها برود قاتل و غرور انطلقت ملامحه عن راكان الي كان من قبل احدعش سنه المزوح
علي"ههههههه والله الي يشوف وجهك الحين ولا اول ما جيت
راكان وهو يقعد احذاه على الرمل "مشكوووووور يا علي
علي طالعه بستغراب "على ويش تشكرني وانا اخوك
عين راكان راحت بعيد وكنه انسحب بفكاره عن كل شي حتى عن علي الي قاعد احذاه ......
راكان"يمكن تستغرب الي بقوله بس هذي هي الحقيقه الي اشوفه كل يوم و الي اعيشه من موت وحياه جيده تنكتب بيد رب العباد خلت هذي الدنيا في نظري ما تسوى شي يمكن هذا السبب الكبير الي يخليني على قوله الكثير بارد وجامد مثل الصخر بس الحقيقه غير انا مثلي مثل اي انسان على وجه الارض يبي يعيش ويحب و يعشق خايف خايف اني اتعلق وافقد الي احبهم يمكن هذا جبن مني بس مو بيدي يا اخوي
علي وصوته يطلع منه معذب ومهموم"يمكن انا معاك الخوف انك تفقد الي تحبهم واسئلني انا شي يذبحك تعيش وتتنفس وتاكل وتشرب ويضنونك الناس نسيت اثريك ميت الروح و الجسد موجود
راكان"ههههههههه جيت اشتكي لك لقيتك اردى مني
علي بحزن"انا فقدتها راحت مني وضاع معها كل شي ما قواني وخلاني ارجع الا ايماني بالله وبحرمك المصون الي وقفت جنبي
راكان بستغراب"شمايل؟؟؟؟؟؟؟
علي"لا تستغرب وانا اخوك انا ما امدحها بس هذي حقيقه فيها شمايل على رغم صغر سنها عقلها يسبق سنها في الركاده و الحكمه يمكن هذا سببه انها الاصغر و الاقرب لبوي و امي بس فيها عيب واحد وهو انت
راكان بغرابه اكبر"ما فهمت كيف يكون عيبها انا
علي"ههههههههه ما راح اقلك بخلي الايام ترد عليك وبنقعد هذي القعده وساعتها بس راح اسئلك عادك عيبها ولا لا اذا الله كتب لنا عمر و الحين قوم ترانا حطينا الغداء
راكان"تسهل انت وانا لحقجج ......
علي"على راحتك بس الحق ما تلحق قبل ما يخلصون عليه الشباب
راكان"فيه العافيه.........وهويشوف علييدخل وفي راسه تدور افكاركثيره صاير في كل لحظه يكتشف شي جديد ومجهول في هذي الانسانه الي اسمها يرتبط في اسمه الكل يمدح فيها الكل معجب بها حتى خواته الي ما يعجبهم العجب حبوها وطول اليوم كلامهم عنها وعن روحتهم الي بيروحونها معاها معقول يكون الغلط منه رفع شعره النعام ونزل يده على لحيته يبيلها تعدل شوي طاوله بزود (شوفو وش يفكرفيه من بروده)
\
\
\
\
\
في الرياض وفي بيت ام نايف كانت ام نايف وبناتها الثنتين بينهم حوار غضب وصوت عالي....
ام نايف"متى راحو و انتي ليش ما تقولين لنا انهم سافرو
مشاعل بصوت هادي بس متحدي"وليه اقول ما اعتقد المفروظ اصير ناقله اخبار لكم .....
ريف بحره"على الاقل كنا سوينا شي ...
مشاعل تطالعها بشفقه"انتي صاير لعقلج شي وش هو الي تبين تسوينه تبين توقفين في وجه كتبت ربج ولا بتروحين لهم وتقولين لا تزوجون ولدكم تراني ابغيه ....
ريف بغظب "يومه شوفيها وش تقول انا ما احتاج اسوي هذا هو الي بيجي لين عندي ....
مشاعل بسخريه"هههههههه يجي عندج ما اعتقد ليه يترك بنت عمه وزوجته عشانج انتي عطيني سبب واحد بس........
ام نايف"انتي عدو مو اخت تحب اختها وتبي لها الخير
مشاعل بحزن"أنا يومه ليه تقولين لي مثل هذا الكلام الي يجرح العكس صحيح انا لو ما ابي لها الخير كان قلت تسوي الي تبغيه ولا همتني في شي بس لنها اختي وابغي لها الصلاح والخير انبها للغلط الي انتو ما شين فيه الولد عمره ما راح يفكر فيها ولا اهله بعد يعني انتو بس تاعبين نفسكم على الفاضي
ريف بغرور"خلج في نفسج محد طلب منج تصيرين مصلحه
مشاعل"مشكوره يا بنت ابوي يجي منج اكثر
دخل عليهم نايف وهو شايل اعيال مشاعل توه جايبهم معاه من الجمعيه يحب اعيال اخته بشكل كبير ويحب مشاعل بشكل اكبر هي الشي الوحيد الصح في هذا البيت الي كل شي فيه غلط من امه لين الزفته ريوف شاف الادموع في عيون مشاعل وسمع اخر كلام ريفوه الكلبه هد يدهم وراح عند ريف وضربها ذالك الكف الي يسمعه البعيد قبل القريب طاحت ريف من قوه الضربه وهي تصيح وتصارخ وامها ضلت مذهوله حدها اما مشاعل كانت تطالع اخوها بعتب ليش سوا كذا ما كانت تحب توصل لهذي الدرجه انه يضربها ,,,,,,,,,,
مشاعل"ليه يا اخوي سويت كذا ؟؟
نايف وهو يطالع امه"لنها كلبه ما تحشم حد لين متى و احنا بنضل كذا لين متى يا امي بتصلحين من بنتج الي قاطه روحها على ناس ما يبونها لين متى بتضل ضايعه لين تطيح الفاس في الراس وساعتها ما ينفع الندم
امه بغضب"شلون تضربها وانا جدامك ما حشمتني
نايف "والله من اليوم وطالع راح اكسرلج راسها طول هذا الوقت وانتي مانعتني عنها بس الحين ارويج فيها مو معنى مات اوبوي يعني تنفلت هذي الكلبه و ان طولتي صوتج مره ثانيه على اختج بيجيج مني اكبر من هذا الكف و ربي شاهد علي والله لربيج من جديد
وهي حاطه يدها على خدها من القهر و الحره "انت الي بتربيني روح ربي نفسك يا الصايع وبعدين تكلم
نايف بصوت عالي وصرخه قويه خلتها تخاف وتنحاش بسرعه "وين بتروحين من يدي وقسم برب العباد من اليوم مالج طلعه من هذا البيت الابشوري و ارويج وش راح يسوي الصايع من اليوم بنتج مالها ضهر وقسم لو دريت انها طلعت لقص رجيلها وهذني حذرت
امها"ارتحتي الحين هذا كله بسببج الله لا يوفقج ...و طلعت رايحه حق بنتها
مشاعل تحس بحزن امها تدعي عليها صاحت بقهر بس اخوها ما غلط يمكن هذا الشي كان مفروظ يصير من زمان نايف يمكن فيه عيوب العالم بس وقت الجد هو عن الف رجال يكفي انه هو الي شالهم بعد موت ابوهم وهو الي كون نفسه عشانهم بتروح تشوفه اكيد الحين معصب على الاخير
راحت صوب مكتبه وطقت الباب......
نايف"ادخلي يا مشاعل ............
مشاعل"انت بخير ؟؟؟؟
ابتسم لها بحنان"انا بخير قولي الي عندج
مشاعل"ماكان مفروظ تضربها وش استفدت غير غظب امي علينا
نايف"مشاعل انا قبل ساكت وماسك نفسي عشان امي بس لكل شي حدود وانا صبري وصل حده واخرها كلمها لج بس لين هنا وخلاص فاض الكيل عندي .....
مشاعل"خلاص لا تعصب هدي انا مو معترضه على كلامك بالعكس هذا الشي كان مفوض من زمان بس الاسلوب غلط على العموم انت رجال هذا البيت و انت تعرف مصلحت اختك وتهمك و الحين لو سمحت فيك توصلنا انا وعيالي البيت .......
نايف"ههههههههه ليه وين رجلج عنج ...
مشاعل"عنده شغل خلصني ابي اروح البيت
نايف"حاضر يا ام كرشه امشي جدامي والله حاله عجل ليش مزوجينج نبي الفكه جيتي انتي واعيالج ....
طالعته بستهزاء"امش بس ابرك لك قبل لا ربي عليك الحين
طالعها متخرع"لا يكون تسوينها امشي بسرعه
اضحكت عليه من قلب صدق وشكله متروع بس الحمدالله قدرت تطلعه من مود الغظب الي كان فيه "لا تخاف ما فيني شي عادني ريضه
\
\
\
\
\
وفي الستي كانو البنات فرحانين ومتونسين ببعض كانت رحله تسوق حلووووووووو و منها رحله تعرف حسو انهم اقراب كثير وخذو على بعض بشكل سريع والي ساعد شمايل الي كانت شخصيه حلوووووووه وجميله و جنان الي مهبله الدنيا ضحك وغشمره و هدوء رناد و والي زادهم وناسه ان شمايل الي تسوق و صلتهم شمايل على الفندق الي هم قاعدين فيه و كان قبل المغرب و الوعد انهم يتلاقون بكره في بيت عمهم ابو ثاني
وكملت طريقها على بيتهم ......
\
\
\
\
\
كانت منسدحه وحاطه راسها في حضن امها تشوف التلفزيون وحريم اخونها بعد قاعدين يشوفون شاعر المليون دخل عليهم علي الي توه جاي من الشاليهات ..........مغبر ومحلط من الشمس
علي "هووووووووود يا اهل البيت
حريم اخونه تغطوووووووو
علي "السلام عليكم ........قرب من امه وحبها على راسها ويدها ...هلا والله بالعزيزه الغاليه و خز شمايل الي منسدحه وتطلعه بنص عين .......كيفج يا خفسه هانم ...شلونكم يا حريم البيت
نجديه و مناير"و عليك السلام و الرحمه بخير الشيخ تسلم
امه"هلا يمه توك راد تعشيت يومه ولا تبي انجب لك العشا
علي"ياريت يمه عندي ضيف في المجلس اذا ما عليج امر الغاليه
امه"افا بس الحين يبرز و انتي قومي خليني اجهز لخوج و ضيفه
قامت وهي محتره من اخوها يخرب عليها القعده اوووووووووف منه
علي يضحك عليها يشوف بوزها"هههههه يمه ما اوصيج ترى راكان ميت جوع ما تغدى ..........
امها اهني وقفت والتفت على شمايل تطالعها بنظره شمايل سمعت يقول راكان تخبصت و احمرت اخدودها بس شافت نظره امها اعرفت قامت محتره "زين ...زين عرفت ما يحتاج تطالعيني
امها"زين انج عرفتي زهبي العشى لرجلج فاهمه
راحت وهي تحلطم على المطبخ محتره و علي و نسوان اخونها يضحكون عليها ........اصرخت بصوت عالي تنادي الخدامه
شمايل"سوينا ويهد قولي امين .....جات خدامتهم تركظ
سوينا"يس مام ,
شمايل"تعالي نجهز الاكل اوف ان شاء الله يغص ويموت
وخطرت في بالها فكره قامت تضحك قالت حق الخدامه تروح تجيب صواني الاضيوف وراحت على الثلاجه وطلعت عشر حبات اعلوب فلفل خضر حاروقصته شرايح ودخلته في الكبسه عشان يطلع طعمه عدل وهي تضحك بخبث وصغارقصصته وحطته في السلطه و الشوربه اترستها ملح بحر لين قبل
ورتبت الاغراض بشكل حلووووووووو وفخم و خلت الخدامه تسوي جيك عصير و حطته مع صنيه الحلوووووووووو وطرشته مع الخدامه و اركظت شرده على غرفتها توقع وانتظار للقنبله وهي تضحك من قلب ودها تشوفهم
وش توقعكم يصير ؟؟؟؟؟؟
وش راح يكون رد فعل راكان؟؟؟؟؟؟
...................................
.......................
.............
......
...
..