[شموخ بنية]

الـــبــارت العاشـــر ( الأخير)


الكل استقبلهم والكل كان مستانس ..
أما جوري لما شافت أبوها حضنته وتمت تصيح وتقول ليش
محد خبرني بس فالأخير رضت .. وبعد أسبوع من ردتهم كانو معزومين فبيت أبو سيف والعايلة كلها كانت موجودة,,

الجوري كانت لافتة نظر الكل لأنها متغيرة وحليانة وفارس بعد وكان واااايد مستانس

حمود الوحيد اللي كان بعده عزابي من الشلة ولما قعد مع فارس والجوري

حمود: والله لو ندري انه الزواج يحلي الواحد جان تزوجنا
فارس : تزوج شو وراك بعد
حمود : هههههههه
جوري : هي متى بتعرس انته الوحيد اللي باقي ..العزابية كلهم عرسو
ياسر ( ولد الريم صار عمره 14 ) : جوارتي ترا أنا بعد عزابي
الكل : هههههههه
جوري : فديت ولد أختيه أنا غدا ريال
فارس : استح على ويهك خالتك وتقول لها جوارتي
ياسر : يوم كنت صغير كله تنازعني وتقول لي لا تقول خالو
الكل : هههههههه
جوري : هاه حمود متى بتعرس
حمود : قريب انشالله
جوري : ومنو سعيدة الحظ
حمود : بتعرفون
جوري غمزت له : تراني أعرفها
فارس : خبريني حياتي
جوري : خخخ بنفشل الريال جذا عاد أنا بروح صوب الحريم
فارس : تمي حياتي
جوري : والله فخاطري اتم ههههههه
فارس : والله اليلسة ما تسوى بدونج
جوري شافته بعينه تلمح له حمود موجود
فارس عناد : أحبج أحبج والله أحبج
حمود : أمحق يا ولد
جوري استحت وطلعت وهي طالعة سمعت فارس يقول : وأموت فيج

عند الحريم
عبير : هاه جوار ماشي مشروع حمل
جوري : هههه تو الناس
سارا : خلي البنية تستانس مب نحن حملنا على طول
عبير : هي والله

عند الشباب

عمر : هاه فرووس سنة عسل ماشالله مو شهر
فارس : هههه حسد حسد
عمر : هههه
وطلعو فارس وحمود

حمود : هاه فروس قدرت عليك الجوري
فارس : وعلى أبو فارس بعد
حمود : يا عيني
فارس : هههه غريبة لاه
حمود : أبا أعرف كل شي بالتفصيل
فارس : استح على ويهك حرمتي وعلى كيفي
حمود : أفاا أنا ربيع عمرك
فارس : البيوت أسرار
حمود : قبل ما شالله كل شي تخبرني اياه
فارس : جوجو غير عن الكل
حمود : أشوف والدليل يدامي
فارس يضحك : اللهم لا حسد
حمود : ههههه ياريال الله يوفقك


وبعد شهر يا وقت عرس حمود من شوق بنت خالة وداد >>> عرفتوها اللي شافها أيام عرس سارا
وفيوم العرس

جوري وهي تنصح شوق : أوكي حبي عرفتي كيف تنزلين
و خل الابتسامة ما تفارقج
شوق : ايه وبعد نصايح خايفة أطيح جدام الناس وأنا قاعدة أنزف
جوري : أنا بعد كنت شراتج خايفة وااايد بس عادي
شوق : الله يستر
جوري : يلا عاد بروح برقص هههه
شوق : ياحظج
جوري : هي أيام عرسي قهرتوني
شوق : هههه
رن تلفون جوري
جوري : هلا حياتي ............... أوكي ...............لا انت بس اتصل بي وأنا بقول لكم متى بتدخلون المعرس ....................... هي .......................أوكي حبيبي .

جوري غمزت لها وبدلع : بروووح برقص يا روووح الروووح...
شوق : اهي
جوري : عيب يلا ماعندنا عرايس يرقصن
جوري : المهم لا تنسين اللي قلت لج اياه (وطلعت )

الجوري طلعت أنيقة بفستانها الأنيق اللي لونه أصفر وركبت عالكوشة وطلبت من الدي جي يشغلون لها وش جاه بس بطار ... عشان ترقص وسارا كانت قاعدة تصور عشان تنسخه على سيدي وتعطيه هدية لفارس ... ههههه نصابة هالبنية
وبعد ما خلصت نزلت
جوري : هاه شو رايج
سارا : عجيب
جوري : وفستاني
سارا : يلعن بو الكشخة
جوري : ههههههه من وين متعلمتنها
سارا : اللي يعاشر جراح يتعلم منه كل شي
جوري : هههه الله يعينج
سارا : ههههه

وبعد أسبوع فارس دخل وكان معاه هديه مغلفة فايده
جوري : هلا والله
فارس : هلا حبي
جوري بغيرة : من منو
فارس : من حبيبتي
جوري : نعم نعم
فارس : من حبيبتي سارو
جوري بارتياح : أتحرى بعد
فارس فتح الهدية وشاف سيدي
فارس : ليش خلصت هدايا الدنيا عشان تهديني سيدي
دخل السيدي فاللاب
وشغله وشاف جوري ترقص ( ههههه بس رقصها ناعم ويهبل )
جوري بعصبية : أنا براويج سارووو
فارس : هههههه أعصابج المهم جوور من وين متعلمة الرقص
جوري : الكل يعرف يرقص
فارس : أكيد من مدرستكم هاي المكس دارسة مع جزايريات وعراقيات وزلمات ما تنلامين ههههههه
جوري : يلعن أبو النذالة اللي فاختك بس أنا براويها
فارس : ههههههه لا حرام هاي أحلى هدية لأني عرفت انه زوجتي تعرف ترقص
جوري : ههههه حلوة هاي بس ليش
فارس : جذي
جوري بقلة حيلة : خلاص أنا برقد ما فيني حيل
فارس : وأنا بعد

الساعة 3 الفير
جوري : آه ه ه ه ه ظهري
جوري : فارس فارس
فارس : اممممم ( فسابع نومه )
جوري وهي تتألم : فارس ظهري بينكسر من الويع
فارس قام بسرعة : شو فيج
جوري وهي تصيح : ما أقدر أحس ظهري بينكسر
فارس قام بسرعة ووداها المستشفى
وفالمستشفى

الدكتورة : حدرتك بتأرب لها ايه ( شو تقرب اها )
فارس : ريلها
الدكتورة : أبشرك هيه حامل فالشهرالتاني
فارس استانس وطار من الفرح : والحين شوفيها شخبارها
الدكتورة : هيه متيحة أبل كدة ؟ ( طيحت قبل هالمرة )
فارس : هيه قبل خمسة أشهر طيحت
الدكتورة : أيوا عشان كده دهرها بيوجعها اللي بيتيحو فالحمل الأول عاوز لهم ابر تسبيت ( هي عشان جذا ظهرها يعورها واللي يطيحون فالحمل الاول يبالهم ابر تثبيت )
فارس : مشكورة دكتورة
الدكتورة : العفو بس هيه لازم تنام عندنا الليلة
فارس : أوكي

راح فارس لجوري
فارس دق الباب ودش مايل ومبتسم لها : الحمدلله عالسلامة يا حلوة
جوري ابتسمت ابتسامة تعب : الله يسلمك هاه شوقالت الدكتورة
فارس : انتي حامل
جوري استانست : صدق
فارس : هي حبيبتي ولازم ترتاحين الحركة مو أوكي حقج
جوري : ومتى بطلع
فارس : بعد ما يعطونج ابر ويثبت الحمل بيطلعونج قولي على باجر الظهر
جوري : أوف ملل بس يلا زين ,,, بس انت حبيبي روح ارتاح باجر وراك دوام
فارس : لا بتم عندج حبي
جوري : ودوامك روح ارتاح حبيبي وشوق بتي تبات عندي
فارس : أوكي بتصل فحمود خل ييبها
وطول شهور حمل جوري فارس كان يخاف عليها من نسمة الهوا

وجوري ربت بالسلامة ويابت ولد وفارس سمه ولده
( حــــــــــمــــــــــدان )
^^
أم حمدان و بو حمدان لايق عليهم لاااه ^_^
وبعد شهرين
جوري نومت حمدان عالسرير بس هو مب طايع يرقد و كله يصيح
فارس وهو راقد يتجلب عالسرير : أووووف طلعي هالحشرة بره ولا خل يصخ
جوري : حراااام عليك شكله تعبان أكيد شي يعوره

خخخخ تمو على هالحال لما حمدان كبر شوي
وبعد ثلاث سنوات ربت جوري ويابت بنت

فارس وهو حاضن حمدان : حمدانوه حبيبي عندك أخت ألحين
حمدان : هولوه ثح ( حلوة صح ) <<< حلوة اللغه خخخ
فارس وهو يقلده : ثح هههههه
جوري : ها حبيبي فروس شو بنسميها
فارس : العنود
جوري : لا عاد النوّار أحلى
فارس وهو يقلدها : النوّار قالت تقولين اعلان زيت
جوري : تتطنز بالعكس حلو وايد والله
فارس : لا العنود أحلى
جوري : النوّار يعني النوّار
وبعد الحاح وافق
جوري بنص عين : لييييش بغيت تسميها العنود ليكون حبيبة سابقة وأنا ما أدري
فارس : وروحي بعد
جوري رمت عليه المخدة : شــــــــــــو تقول
حمدان : ماما لا تثويين بابا تأ يثتوي واوا
جوري : بسويه تأ وبكسر عظامه لأنه يرمس عن وحدة جدامي
حمدان قعد يصيح
جوري : خلاص فديتك والله قاعدين نمزح
فارس : زين جي صيحتي الولد
جوري : اسكت انته وقول لي منو العنود
فارس : هههههه أقول لج حبيبتي اللي عرفتني عليج
جوري بحدة : ترمس ولا لأ
فارس : تذكرين وحدة كنتي ترمسينها اسمها العنود
جوري : امممم لأ
فارس : تذكري عدل عالمسن
جوري : اممم يا رييييييه منو هيييييييه تذكرت
فارس : وألحين شخبارها
جوري : وانت شويخصك
فارس : ارمسي يلا
جوري : ما أعرف عنها شي بس آخر مرة كلمتها قبل عرسنا بشهرين لأنك ماشالله ما تخليني أحدر المسن
فارس : وهذي العنود أنا يعني مو وحدة واحد وهو أنا
جوري : هااااه
فارس : هيه وكنت أحش ففارس واللي هو أنا عشان ترفضيني وما أتزوجج
جوري بحزن : لهالدرجة كنت كارهني
فارس : يالغبية ماضي
جوري تذكرت انه يحبها وبالفعل هذا ماضي : ههههه يخس ابليسك
فارس : عرفتي ليش مانعنج عن الايميل وخرابيطه
جوري : هي أكيد خخخ ينقص علي بسرعة
فارس : بس خطتي ما نجحت وما فاد بس يلا الحمدلله انغصبنا
جوري : هههه ( وتمت تضربه )
فارس : أحبـــــــــج أحبج
جوري : وأنا أموت فيك يالخاين
وقامت البيبي ( الــــــــنــــــوّار ) من صراخهم وتمت تصيح
فارس : أوووووووه عيالج هاييل حشرة ما يخلون الواحد يستانس 24 سلعة يصيحون
جوري : حرااام عليك أكيد في شي يعورها
فارس : إلا قولي دلوعيين طالعين على أمهم
جوري رمشت بدلع وقالت : ودلـــــع أمهم بلاه مب عايبنك
فارس : إلا عايبني ونص بس زمان كنت أكره هالدلع

جوري : فرّوس الحين صدق انته ليش كنت تكرهني
فارس : اللي ما يعرف العنب حامض ٍ عنه يقول
جوري : ما قلت لك تغني لي
فارس : لا بس كنت أتحراج مغرورة ودلوعة وااايد
جوري : دوم تقول جي بس ها مب سبب مقنع
فارس : الصدق كنت أتحراج راعية سوالف وشباب
جوري بحزن : والحين
فارس : انتي شو غبية بتخبليني في واحد يشك فزوجته
جوري : لا الصدق
فارس : انتي دنيتي كلها
جوري ابتسمت ابتسامة تطيح الطير <<< تشبيه حلو هههه
وحطت راسها على كتفه
فارس : وانتي شو أكثر شي تحبينه فيني
جوري : شخصيتك لأنك تقريبا أو تقدر تقول الوحيد اللي كنت أخاف منه ههههه
فارس : ههههه يالخوافة
جوري : هههه لا بس أول أيام زواجنا يوم كنت تهدد كنت تخوف وااااايد أنا أبوي لما كان يعصب كنت أدش الحجرة أضحك ولا جنه صار شي ما كنت أخاف من أي أحد
فارس : لهالدرجة أنا مرعب
جوري : هي وماشالله أول ما أسمع صوتك أصخ كنت ترعبني
فارس : يا هنيالي عالصوت
جوري : غن لي
فارس : اممم وعد مني باجر بغني لج
جوري : هي تعال صدق باجر يوم زواجنا
فارس : اممم في سبرايز باجر
جوري : شووو هو
فارس : ما يصير جي يلا فيني رقاد

اليوم الثاني
فارس أخذ عياله وحطاهم عند أمه
أما
فــــــــارس والـــجـــــوري
^^
لاحظتو أسامي بطلينا وايد كشخة هههههه

فارس حجز لهم ففندق عشان يستانسون هو والجوري
وسوا لها مفاجأت لا تعد ولا تحصى
وداها السوق عشان تشتري لها لبس
وعقب وداها الصالون واتجهزت
آخر شي راحو الفندق

فارس كان مغمض عيونها
جوري : فروس تعبت أفتح ولا لأ
فارس : خلااااص افتحي
جوري والفرحة مو واسعتها : وااااااو ( الحجرة كلها كانت ورد جوري لأنه الجوري تموت عليه )
فارس : الجوري للجوري
جوري ضمته وعيونها مدمعة : ليش تعبت روحك
فارس : يلا عاااد استانسي
جوري : ههههه انشالله
وطلع فارس من كيسة طقم ألماس ولبسه للجوري
وطلعت ملاااك
جوري : أدري انه هديتي ما راح تساوي شي من اللي هديتني اياه
فارس : بالعكس حياتي انتي أكبر هدية عندي
جوري شغلت كاميرتها وراوته صورة خيل : هذا لك فروس
فارس بطل عيونه : هذا الخيل اللي كنت ناوي أشتريه قبل فترة
جوري : أدري انك تحبه وايد ولما عرضوه للبيع شريته
فارس : وأنا عبالي أحد شراه وحزنت هذيج الفترة
جوري : يلا بسرعة يا فارس عشان نرد بعد كم يوم المزرعة وتركب فرسك يا فارس
جوري : يلا انت وعدتني انك تغني لي
فارس : من عيوني

بحط قلبي بين ادينك هدية
بحط قلبي بين ادينك هدية
وأقول لك كل عام وانته حبيبي
وأقول لك كل عام وانته حبيبي
الله لايغير عليك وعليا
الله لايغير عليك وعليا
يا جعل قلبك دوم حظي ونصيبي
يا جعل قلبك دوم حظي ونصيبي
بحط قلبي بين ادينك هدية
بحط قلبي بين ادينك هدية
قلبي خذيته لكن انه شوية
قلبي خذيته لكن انه شوية
تستاهل أكثر يا دواي وطبيبي
تستاهل أكثر يا دواي وطبيبي
أموت فيك وأدري تموت انته فيه
أموت فيك وأدري تموت انته فيه
محال ظنك فهوانا يخيبي
محال ظنك فهوانا يخيبي
بحط قلبي بين ادينك هدية
بحط قلبي بين ادينك هدية
يحفظك ربي طول الأيام ليه
يحفظك ربي طول الأيام ليه

تبقى حبيبي من عيوني قريبي
تبقى حبيبي من عيوني قريبي
ليت السنين تكون مثلك وفيه
ليت السنين تكون مثلك وفيه
ولا تاخذك مني وعني تغيبي
ولا تاخذك مني وعني تغيبي
بحط قلبي بين ادينك هدية
بحط قلبي بين ادينك هدية
الله لايغير عليك وعليا
الله لايغير عليك وعليا
يا جعل قلبك دوم حظي ونصيبي
يا جعل قلبك دوم حظي ونصيبي
بحط قلبي بين ادينك هدية
بحط قلبي بين ادينك هدية

أمــــــــا الجوري فاهدته ورقه شو تتوقعون مكتوب فيها

^
^
^
^
^
^
^
^
^
^
^
^
^
^
^
^
^
^
^
^
^

يالملاقيف أقول لكم اصعدو لا تنزلون شوفو 8 مو 7 ههههه <<< تراني ما أرضى على أعضاء (روايتى ) فديتهم أعضاء منتدانا


هـــــــــــمـــــــــس صــــــوتــــــكـ ..


أشكر ربـــــــــي عالــــــلي بـــلانـي *** وأحمده لمّـــــــــا من جنــــــــبك مشيــــت

أذكــــــر لما كنت أتمنى أمـــــــانــي *** ويـــــا كــــثر حـــــــــلمت بك وتمـــــنيت

إلين ما صرت من حــــــــبك أعاني *** حتى بــــــدم الـــــــوريد انته جـــريــــــت

والـــــروح صارت من بعدك تعاني *** ولمّا أشـــــوفك أحــــــس إني ارتويـــــت

شفت منك آلام بس بعد ما كـفــــاني *** لأني بآلامك وجـــــــــروحـــــك شفــــيت

تكفي انته لتــــنوير كل أحــــــــزاني *** حتى لــــــو كنت مــــــجرد مــاي وزيت

أخــاف يــــجي يــــوم و تنـــــــساني *** وأنا غير جـــرح قلــــبـك ما داويـــــــت

وأنـــا بهالـــــــيوم يـــــجن جنــــــاني *** بس أتم أحــــــــبك حتى لو علي قسيــت

انت تحبني ولا تحــــب أحد ثـــــاني؟ *** لو أحد غيرك كان لا سألت ولا اهتميت

ولو تدري اش كثر حـــــبك بكــــاني *** واش كثر بليال بعـــــــــدك عانيـــــــــت

ترى من يوم شفتك حبـــــك أعمـاني *** من كثر ما عليك ولهــــــــت وبكــــــيت

عيني لما تشوفك يا كثر تحمل معاني *** أشوفك كلمارحت على هوا روحي وجيت

كتبت اسمك على قلــــــبي وكـــــياني *** وعلى كل قصيدة من قصـــــايدي وبيت

آآآه تغيرت الأزمان وراح وولـّى زماني *** بس أنا بغير حبك فحياتي ما رضيت

أتمنى أشوفــك لو لحظة وثــــــــواني *** بس هذا الكــلام ما يجي إلا بجملة ياليت

أغيّر لجــلك حياتي ودنيتي ومكـــاني *** وعلى لقاك ذبحت روحـــــي وأصرّيت

أنا بحــبك إنســــــــــان متكبر وأناني *** وفحيــــــاتي غــــــيرك أبد ما حبـــــيت

صرت أعزفك وأنغمك على ألحانـي *** وكلما غيرت لحـــــــنـي بك التقيــــــــت

ملكتني وملكت شعـــوري وكياني *** ومن دون (هــمس صوتــكـ) أكون أنا انتهيت



تمت

أتمنى من كل قاارئي روايتي يدركون ان ( الحب همس خفي يسري بين القلوب وهو لا يتحمل التعقيد بل تكفيه كلمات بسيطة صادقة ) ...
أما حياتنا فهي أشبه بالسيارة لكن الفرق انه السيارة في سايق يسوقها ويعرف وين بتستقر أو في أي محطة أما حياتنا نحن اللي عايشينها ونحن قوادها وما نعرف وين بنوقف وعند شو بتوقف حياتنا وتنتهي
<<<
عشان جي لازم نمليها بالطاعات وذكر الرحمن وبصراحة أنا من مدمني الروايات وأقرأ بشكل فضيع وأكتب بعد بس هذا ما يمنع انه نحن نقرأ قرآن واللي هو أحلى كتاب وفيه أحلى معاني فلازم نوفق بين كل شي فحياتنا لأن كل لحظة فحياتنا محسوبة .. ومب لازم نضيعها فأشيا ما تفيد ...
مع ودي واحترامي

تــــحـــــيـــــاتـــي
يــــــــتـّــومة بالقمر مرسومة
<<< أوني أدلع روحي هههههه ( يتيــمة زايــد ) أحلى ...

وبعد ما خلصنا قرايه حبيت أسألكم أسئلة ..

1. شو أكثر شخصية حبيتوها و حسيتو انها شخصيتكم ...... ( عاد هااااه البنات محد يقول حسيت انه شخصية الجوري مثل شخصيتي وقريبة مني هههههه كلنا نقول جي .. لالا نبا الصدق حتى ولو شخصية فرعية فهذا شي عادي .. ) ..؟
2. أكثر موقف أفرحكم واستانستو به ..؟
3. أكثر موقف أحزنكم وصحتو ..؟
4. شو رايكم فكتابتي وهل أنفع كاتبة بإذن الله. ههههه.. ؟
5. شو رايكم بشعري ( هــــــمس صــــوتــــكـ .. ) ؟
6. شو رايكم بالرواية عامة ً ؟

أدري انه أسئلتي واااايد وذليتكم
ولعيونكم هذا آخر سؤال

7. شو رايكم بطريقة زفة الجوري .... ^_* ههههه الزفة من تخطيطي ...؟