[بلازا]

"]البارت الخامس

جنى :انا جنى ممكن ادخل

راشد:ادخلي

جنى:راشد انت زعلان مني؟

راشد بنص عين:انتي ايش رايك

جنى والدموع اشتغلت لانه كلو كوم وانو راشد يزعل منها كوم تاني :والله اسفه ماكان قصدي

ونزلت راسها تكمل بكى

راشد كلو ولا ودموع جنى ما رد عليها بس راح لها وحضنها وجلسها على حجره "حضنه"زي لما كان يسوي لها لازعلت وهيا صغيره جنى في عيون راشد بتم طول عمرها صغيره

راشدوهوا يمسح دموعها:جنى حبيبتي انا مازعلت منك الالانك اهملتي صحتك وانت عارفه كلو الاصحتك مستحيل اتساهل فيها وعالعموم انا خلاص موزعلان بس توعديني قبل مايخلص الدوا تقولي لي اولمحمد اولخالد عشان نجيبه لكي ماشي

جنى :وعد

وقالت شي اكد لراشد انو جنى بجد ناقصها حنان:راشد ابغى انام عندك اليوم الله يخليك

راشد حزن عليها انو ماعندها ام تحضنها او تواسيها :طيب وشالها وحطها في سريره وقعد يقرى عليها لحد مانامت ومارضيت تنام الافي حضنه زي زمان وجنى كانت محتاجه حضنه الي هوا بالنسبه لها حضن الام والاب والصديق والاخ

يمكن راشد مايظهر عواطفه ومشاعره والطيبه الي فيه الا لجنى



(جنى من وهيا عمرها شهور ماتنام الاعند راشد الي وقتها كان عمره11سنه ومارضيت تسيب غرفته الالماصارعمرها 13سنه وبالمضاربه كمان واخذت فتره تتغافل اخوانها وترجع تنام عنده

والى الان كل ماتحصل فرصه لاكانت تعبانه ولا زعلانه تدلع عليه وتروح تنام عنده وهوا طبعا مبسوط لانها تحسسه بمشاعر الابوه)



صباح اليوم الثاني

دخل خالد عشان يصحيها ويخرجو يفطرو لان عنده اجازه اليوم

دخل الغرفه وما لقاها طاح قلبه في بطنه خاف وطار على غرفه راشد ودخل بدون حتى مايدق الباب وهوا عارف قدايش دي الحركه تعصب راشد وتنرفزه بس خوفه على جنى كان معميه

دخل الغرفه وانصدم راشد كان جالس في السرير وقاعد يقرى جرايد(مو عاده راشد يقعد في السرير حتى لو كان تعبان)

خالد:راشد الحق جنى مو فغرفتها

راشد :اشششششششششششش

وفتح اللحاف على الجهه الثانيه عشان يشوف جنى ويطمن

خالد انصدم جنى كان شكلها كانها بيبي

شعرها على وجهها ومتكوره على نفسها ومتعلقه بذراع راشد ومو راضيه تتركها كانها خايفه يتركها

خالد كسرت خاطره جنى وشكلها بس النكد والاذيه صفه متاصله فيه

خالد:جنى حبيبتي قومي

جنى وهيا فيها النوم:ممممممم خالد سيبني ولا اعلم عليك راشد اطلع وسكر الباب يالله اوت اوت

خالد وفيه الضحكه عارف انو احلى وقت تكلم جنى فيه وهيا لسه ماصحيت ما تدري ايش تقول وتكب العشا كله:يالله قومي من زينه راشد الحين يوم انك تهدديني فيه

راشد ناظر خالد بمعنى انت قد هالكلام

خالد نسي وجود راشد بس همس له:والله مو قصدي بس شوف واسمع دحين تجيب العيد

راشد سكت لانه كان طفشان اليوم اجازه ونفسه يتسلى

اشر لخالد انه كمل

خالد:والله يا جنى ان راشد هذ ا موداري وين الله حاطه بس انتي معطيته اكبر من حجمه

جنى وهي موداريه وين الله حاطها ولسه متعلقه بذراع راشد "شكلها تحسبه الدبدوب حقها"

:هيييييييييي احترم نفسك ترى ما ارضى عليه والله انو يسواك على الاقل ماينكد علي مثلك

خالد :اجل ليش تخافي منه

جنى :انا ما اخاااااااااف منه انا احترمه يااخي مهيب وله رزته

راشد فطس ضحك مهيب ها

خالد والي ناوي يخربها:جنى تدري انه راشد قرر يتزوج ويتركنا ويسافر هوا وزوجته للرياض وما رح يجي لنا الا في الاعياد قالها وهوا ميت ضحك

جنى والي دوبها استوعبت الكلام فتحت عيونها انفجرت بكى:ايششششششششششش ليش احنى ايش سوينا له لااااا انا ابغى اروح معاه هوا وعدني مايتركني للاااااااااااااااا وكملت صياح

خالد ماتوقع انها بتزعل كذا

وراشد انصدم بحب جنى له كان دايما يحس انها تخاف منه بس انها تحبه الحب ذا ابد ماتوقع وماستحمل دموعها وجلسها واخذها في حضنه :بس جنى بس حبيبتي اهدي خالد يمزح معاكي

وعصب على خالد واعطاه تهزيئه محترمه وترك جنى في حضنه لغايه ما تهدا

جنى وهي تفرك عيونها وهي بحظن راشد :طيب ياخالد الدب والله لااردها لك

والتفتت على راشد :راشد اوعدني ماتتركنا هنا بروحنا حتى لو اتزوجت عيش معانا الله يخليك

راشد وحس بااخته بس حب يحرجها

:لا حبيبتي انا ما رح اتزوج الالما انتي تتزوجي

هنا دورو جنى ماتشوفو غير غبارها انحرجت وفركتها على غرفتها

راشد وخالد فطسو عليها ضحك

وخالد راضاها واخذها هوا وراشد وراحو يفطرو في مطعم

في بيت ابو عبدالله

في غرفه لمى

لمى تكلم نفسها :اااااااه متى تحس ياخالد بحبي لك متى تفهم مشاعري ا ه انا كل ما اشوفك ما الاقي منك غير التريقه علي والتهزيئ اه لو تدري بالي فقلبي لك ونزلت دمعه يأس واحباط منها غصب عنها بس بسرعه مسحتها وابتسمت

هذي هيا لمى حلاوه ابتسامتها دائما نابعه من ملوحه دموعها وبرغم كل لاحباط الي تحس فيه الاانها دائما متفائله ماتدري يمكن الحظ يبتسم لها؟



خالد وجنى بعد ما فطرو سابهم راشد ورجع البيت لانه يبغا ينام مترو الصيرفي رايح جاي بعدين راحو كوفي

جنى:خالد ابغاك توصلني للمى

خالد حلو اشوفها وحشتني الهبله بس رد عليها بمكابره :حاضر من عيوني بس لاتجيبي سيرتها كثير تسسبب لي حساسيه

جنى اجل لوتدري بالي في قلبها لك بجد الله يعينك يالمى والله لو مو محلفتني كان قلت له كل شي خليه يحس شوي

(القلب سلم لك امره في حالتي انت ادرى يالي حنانك وطيبك تنحط عالجرح يبرى شفاف يانور عيني حبوب وقلبك يبيني.........راشد الماجد ....تنحط ع الجرح)

هذي نغمه لمى عند كل الناس هيا الي جابرتهم يحطوها لها حتى ابوها جابرته" قلت قوووويه"

جنى :جبنا سيره القط جا ينط

خالداااااه بس والله وحشتني الحماره:ردي ردي لا تجي تنط لنا في السياره

جنى :السلام عليكم هلا وغلا

لمى:وعليكم السلام هلا جنى اخبارك

جنى:يسرك الحال

وانتي

لمى :مانشكي باس

جنى:امري

لمى:جنو حبيبتي

جنى :يالعياره وش تبي

لمى:ايش رايك نقنعهم نطلع المزرعه كم يوم والله زهق

جنى:والله فكره حلوه خلاص تم بكلم راشد ومحمد وخالد وانشاء الله يرضو

لمى :صار وانا علي فيصل وليان عليها عبد الله ورؤى ورماح عليهم عمي وزياد وابوي يبيها من الله

خلاص يا الغلا تامري شي

جنى:لا سلامتك

وسكرت جنى من لمى والتفتت على خالد ما عندها وقت ابد:خلودي حبيبي

خالد الدعوه فيها خلودي الله يستر

:امري ياالغلا

جنى :نبي نطلع المزرعه

خالد :ياريت والله زهقان وطفشان يالله نغير جو.........اقول بيت عمي ابو عبدالله طالعين معنا

جنى:يب

خالد اه ياناس يعني بشوفها وبستهبل عليها:يعني الهبله لمى بتكون موجوده اجل مو طالع

جنى :اموت واعرف ليش تكرهها مع انها محترمه معاك

خالد ايش اقولك اقولك ان الدور عليا وان ابوك ناوي يزوجني اياها غصب اقوالك اني انا رجال طول بعرض انغصب الله يهديك يابوي بس وترجع عن قرارك طنشها ومارد عليها"صح يحب لمى ومايتمنى غيرها زوجه له لكن كله الا الغصب خالد مستحيل يرضى ان احد يغصبه على شي حتى لو كان ابوه وحتى لوكان عشان يتزوج الي يحبها يقعد عازب طول عمره ولا يتزوج بهذي الطريقه"

قبل يومين في مكتب ابوراشد في الشركه

(خالد :اشلون يبه انا رجال ايش كبري تجبرني اتزوج

ابوراشد:اقول مو غصب بس انا امر وانت تنفذ فاهم وياويلك لو سمعت انك قلت لاحد انك مغصوب والله لادفنك محلك



خالد :راشد قول كلمه

راشد:خالد خلاص وش بلاك لايكون شايف شي ع البنت"راشد اتعمد يقوله كذ عشان تاخذه الحميه وويوافق ويخلصو من هالموال"

خالد وبجد اخذته الحميه:افا يارشد ينقطع لسان الي يقول عنها كذا خلاص الي صار صار

وامري لله )

وبعد ماهداء الموضوع في نفس هاليوم اخر الليل

راشد ماهان عليه اخوه وراح يواسيه

خالد:مين

:انا راشد

خالد :تفضل

دخل راشد وجلس على السرير جنب خالد وخالد قام واتعدل

راشد:خالد وبدون مقدمات انا عارف انك تبي تخفي هالشي عن الكل وانا من زمان عارف هالشي ومحترمه بعد

وناظر في عيون خالد وكمل:خالد انت تحب لمى ومو بس من فتره بسيطه لا انت تحبها من كنتو صغار

انت ياخالد تعشقها

خالد مصدوم من جد هذا ساحر:رااشد كيف عرفت؟

راشد بابتسامه:خالد انت تربيت على يديني وخابزك وعاجنك

فلا تلف ودور اعترف

خالد الي حس باحساس المتهمين الي يستجوبهم وقرر يصارح راشد:شوف انا مارح انك راني احبها واني اتمنى اليوم الي يجمعني فيها لكن انت تعرفني مااحب احد يجبرني

راشد قاطعه:خالد انت مو هذا الي مضايقك الي مضايقك خوفك من انها ماتبادلك نفس المشاعر صح ولا انا غلطان

خالد لا هذا مو بس ساحر هذا بجد يخوف:راشد بديت اخاف منك

راشد مات من الضحك على خالد ووقف واتوجه ناحيه الباب

:لاتشيل هم واذا على البنت ترى اخلاقك وتعاملك معاها بيجبرها تحبك

طلع راشد وترك خالد الي ارتاح من مصارحته لراشد ]