ابو فيصل على الخيل مع بدر وتركض فيهم الخيل بمزرعة عزام الواسعه الي كانت مساحه كبيره مخصصه للخيل خذو لهم كم لفه ورجعو لمراد الي كان واقف عند السياج
مراد\خيال يابو فيصل من يغلبك مشاء الله لااله الا الله
ابو فيصل بفحمان\ايه اول بشبابي والله صادق بس الحين يالله حسن الختام
مراد\الله يعطيك العافيه
ابو فيصل يناظر ورى مراد\لا جانا الفارس الي يستاهل الخيل
عزام يضحك والتفت له مراد شاف عزام ومعه الحصان حقه كان لونه اسود مثل الليل وغرته بيضا سواده فاحم وعزام زايد غموضه بلبسه الاسود كمان
عزام\ماجيت ربعك ياعم..
ابو فيصل\يالله يامراد نبي نشوفك انت وعزام على الخيل وبنجري لكم سباق والي بيفوز انا بعطيه سبحه عندي احجارها كريمه مشتريها بعشره الالاف من تاجر معروف ..
مراد\والله عرض طيب ياعمي مدري عن عزام اما عني انا باخذ الفرس الي انت عليها..
ابو فيصل وهو ينزل من الفرس\ها ياعزام تتحدى مراد؟؟
عزام الي كان مشغول بشي كنه يسمع له صوت بس من كلامهم وصوت الخيل وشوش عليه بس الصوت يخف ويرجع يزيد بس توقع انه اوهام \اكيد ياعمي انا جاهز
ركب عزام حصانه وسحب زمامه بقوى لدرجة ان حصانه رفع ايدينه وصهل
ابو فيصل\شوفو تتسابقون من هنا وتدورن على الفله وترجعون لي هنا والي يكون الاول له الي وعدته
مراد وهو يطالع عزام بتحدي\صار
عزام الي اصلن مقهور من عجرفة وغرور مراد وده يكسر خشمه لنه وببساطه ماحد ينافس عزام على غروره\صار
ابو فيصل\واحد اثنين ثلاثه
انطلقو اثنيانتهم با الخيل حقتهم كل واحد يبي يكسر خشم الثاني با التحدي والي كان مغلفه السباق وباطنه كان التحدي على الفوز وكنهم يتنافسون للفوز بقلبها الصغير ............
قطعو لهم مسافه قريبه ورجع لعزام نفس الصوت لاكن اقوى ووقف حصانه بقوى وارتفع الحصان من صدمة وقوفه وثار لاكن عزام تحكم با لجام الحصان حقه وصار الحصان يدور بمكانه وعزام يلجمه
مراد انتبه لوقفت عزام ومن بعيد لاكن قال انه استسلم وتحدي مراد صعب بس قال خلني اكمل السباق واقهره بفوزي واخذ سبحة عمه وعيونه تشوف..
ابتعد مراد والصوت بنسبه لعزام صار قريب
نزل عزام من حصانه وتوقع ان الصوت بمسبح\اذا عرفت ان البنات يستهبلون وان الصوت ضحك لحطتهم بلجام حصاني...>>مجرم
عزام وهو قريب من المسبح سمع صوت مثل صوت الانين او الصياح وكل ماخطى خطوه ينخفض ويكاد يختفي
عزام عند باب المسبح\من الي جوى المسبح ؟؟
غنج يوم سمعت صوت عزام وهي كانت جالسه وتضرب الباب بيئس وتعب وصوتها انبح من الصياح\انا انا غنج انا هنا تسكر الباب علي افتحولي احس بكتمه بسرعه
عزام لما سمع صوتها وعرف انها غنج وشاف الباب مقفل وبحكام مو قفله ..لا قفلتين استغرب؟؟
غنج بصياح\عزام امانه بلا حركاتك الدايمه افتح الباب انا تعبت...
سمعت غنج فتحات قفلات الباب وانفتح الباب وطل عزام من الباب..
شافها واقفه قدامه باين عليها من مده هنا ثوبها كله صاير مويه ولصق بجسمها.. شعرها مويه ووجها متبلل بقطرات العرق الي من طول الصراخ..خدودها متورده من الصياح وهي كلها على بعضها تضج با الانوثه الصاخبه والطفوله الهاديه متناقضه ماحس بنفسه الاهي راميه جسمها الغض الصغير على صدره .....
غنج بدموع\من ساعه اصارخ ماحد يسمعني انا خفت انكم مشيتو وتنسوني ومهاوي الزفته مخوفتني با الجن ليش ماجيت قبل كذا ليش تعبت وانا اصارخ..
عزام ماتعود احد يضمه ابد حتى منار خطيبته والي بحكم زوجته متملكه عليها ماتذكر انها ضمته الا مره يوم الحادث وكانت ضمتها كريها ماطاقها ولاحبها ليش احس قلبي ينبض بقوى من ضمت ها الطفله الصغيره ليش احس اني ضعيف قدام دموعها ليش احس صوتها المبحوح التعبان يهزني او ينرفزني ..يستفزني كل شي فيها لون عيونها الخضر اكرها اكرها اكرها ومابي قربها الي يضعفني ويهزمني
غنج ترفع وجها ومازالت حاطه ايدينها الصغيره على صدره\اسمع صوتك واناديك وانت ماسمعتني ليش ؟؟؟
عزام بعدها من صدره وهي صارت تمسح دموعها\انا ماحب ها الحركات ياغنج لاتعيدي حركاتك هاذي مره ثانيه بعدين خطيبك قريب من هنا وفري الضمات هاذي له..............
غنج انصدمت بقوه لاكن بقوه اكبر\صادق اوفر ضماتي له صدقني ماكنت منتبه لنفسي ......
مراد\عزام انت هنا وانا فزت عليك وعطاني عمك السبحه..
ناظرها عزام بصدمه ولف جسم بيبعد ...
مراد انصدم لما شاف غنج ورى عزام الي كان مغطيها بجسمه فلماتحرك شافها وسكت من الصدمه شاف القميص الي لابسته لاصق بجسمها من المويه واضح انها كانت بمسبح وشعرها مليان ليش هي مع عزام اكرهك ياعزام واكره قربك من الي ابيها زوجه لي
مراد وهو يقرب من اثناتهم\شصاير ليش انت هنا؟؟
عزام بيردعليه لاكن..سكت لما سمع صوتها
غنج بخبث\مراد باب المسبح الخايس تسكر علي من ساعه وانا انادي احد يفتح لي وماجاني غيرها..وتئشر عليه بصبعها بنوثه طاغيه يمكن تكون دلع او غنج او طفوله لما لمح اصبعها عزام الي متوجه له ماتبي حتى تنطق اسمه بعد الجمله الي قالها له
مراد خاف عليها وصار قدامها مباشره ومسك يدها\وعسى ماصار لك شي؟؟
غنج\لا بس انكتمت..
عزام طالع مراد وهو ماسك يدها وبعصبيه\غنج روحو تجهزو بعد شوي بنمشي.. ومشى
غنج ناظرة عزام وهو يمشي بعصبيه عذاب ياناس عذاب هاذا بعصبيته يمشي على قلبي يذبحني ويعيشني بلا روح اه انت من وين طلعت لي
وين جيتك وعرفت وكيف حضي رماني بحبك كيف ماقدر امنع نفسي عن حبك كيف
مراد\ها تعبانه
غنج\لالا بروح اخلص قبل لايخلصو البنات
مراد\اوصلك للفله
غنج\لا لا انا بجيب الكيس حقي وبمشي للفله
مراد\طيب غنج انتبهي لنفسك
خذت غنج الكيسه حقتها وتوجهة للفله ودخلتها ماشافت احد وطلعت لغرفت مهاوي
مهاوي تستشور شعرها ولما شافت غنج داخله مع الباب
مهاوي\وينك تئخرتي
غنج\لا ياشيخه تقفلين علي الباب وتقولين تئخرت
مهاوي التفت عليها\وقسم بالله ماسويت شي وش صار بسم الله عليك وجهك كنه طماطه
غنج\ماصار شي وين شنطي لا يجيون الحين ويهاوشونا
مهاوي \جهزو الخدم شنطنا لاتعصبين انتي ترجفين كلك على بعضك اجلسي ارتاحي
جلست غنج ومهاوي على طرف السرير وصارت مهاوي تمزح عليها لما ضحكت
|