[جرح الذات]

(الجزء الاول ....)
دقت الساعه 6ونصف صباحا صحت ريما من النوم وبدت التافف طالعت في خواتها اللي نايمين وناظرت الساعه وصرخت بصوت عالي :قوموا لابارك الله فيكم الباص راح علينا
جلست على اختها اللي نايمه وبدت تنطط عليها : نوره قومي الله ياخذك الباص راح قومي .
صحت نوره تصارخ :قومي ذبحتيني خلاص غيبي يالمصري مو لازم تدوامين اليوم
قامت ريما حاطه يدها على خصرها :لاوالله يالفاشله ماحزرتي اليوم بداوم غصبن عليك .
نوره تضحك متغصبه :طيب هو جاء الباص الحين يوم انك تصارخين .......اتحدى اذا جاء!!!!!!
رفعت ريما حواجبها :الحين قومي البسي لادوس بطنك الحين .
راحت ريما الحمام (اكرمكم الله) ونوره قامت فتحت الدولاب تنقي لها لبس وفجأه طاحت علبه حاطينها في الدولاب
نزلت نوره على الارض واهي تتوجع وحاطه يدها على راسها سمعت دعاوي من تحت الفراش
قالت نوره بصوت واطي موسموع : الله يأخذني الحين هاذي بتقوم ماراح تفكنا من اسطوانه كل يوم .
قامت اختهم الكبيره رانيا تصارخ : الله لايبارك فيك شنو تسوين حرام ماخلتوني انام انا تعبانه دايما تظلين تلعبين في هالدواليب متأخذين غرضك وتذلفين .
فجأه ...........................جاء الباص وطلعت ريما من الحمام تصارخ وفمها كله معجون اسنان : لالالالالالا الباص نوووووووووووووره ...
طالعت ريما من الشباك وكانت تصارخ : وقف (وكان صوتهاعالي) وقف وقف
مسكتها نوره وكانت لابسه تنوره سوداء وبدي اخضر كان حلو ومبين بياضها وشكل جسمها كانت لسى ماكملت لبسها :اسكتي فضحتينا .
قامت رانيا فطست من الضحك : احسن روح الحلوين نايمين ههههههههههه.
ناظراتها ريما بنظره حاده :اقول طسي لاوريك يوم ماشفتيه بعمرك .
كانت ريما مافقدت الامل لبست بسرعه عشان تروح مع اخوها اما نوره تلبس على مهل :تحدين راح يرفض يابنت الحلال نامي احسلك .
ريما معصبه وكانت بتبكي : مافيه يأختي ماراح ايأس ياوجه النحس نفسي ادري مين اللي لعب بمنبه جوالي ااه يالقهر .
نزلت ريما وراها نوره وكانت نوره تضحك وتستهزأ بريما
دخلت المطبخ كانت امها تجهز الاكل لاخوهم الكبير
الام :هذا انتو باقي مارحتوا الدوام .
ريما: يمه الله يخليك قولي لتركي يوصلنا
نوره تستهزء: ايه يمه خليه يوصلها للجامعه لاتبكي علينا هههههههه
الام : ليه انتي ماتبين تداومين ؟؟وبعدين لاتهزين بأختك .
دخل اخوهم والكل سكت
تركي: صباح الخير يمه
ولاحظ ان ريما ومها يتغامزون مين بتكلم الاول
ريما : ليش واحنا مالنا صباح .
تركي : خير وانا من يوم شفتكم يالثنتين تغامزون دريت اليوم نحس شنو صاير؟
سكتواااااا؟؟؟؟؟؟؟؟؟؟؟؟؟؟؟ ؟
تركي (يفكر): خلوني احزر هاذي الحزه انتوا ف...........
هرب تركي لانه عرف خرجت ريما في الحوش يتطاردون
تركي :لالالالالالالالا مافيه ماراح اوصلك كم مره تسونها مافيه الاتحاولين .
ريما بصوت باكي : الله يخليك الله يخليك اخر مره تركي؟؟؟
نوره وامها في المطبخ يسولفون وريما وتركي يتهاوشون تركي رافض وريما قاعده تترجى فيه .
:
:
:
في الاخير
تركي بخبث : يله امشي وهاذي اخر مره
ريما بفرحه : ههههههههه يالطيب
ونادت نوره لما صاروا قريب من السياره صار التراب يعم المكان وصوت ضحك من داخل السياره
تركي : عشان تربون مره ثانيه ماتخلون الباص يروح عليكم ههههههههه
ريما ( مصدومه): لا يالنذل سواها فينا
دخلوا البيت وكانت اشكالهم الضحك ريما ونوره مع بعض :شفتي ولدك شنو سواء فينا الواطي ؟؟
الام : زين يسوي فيكم تربيتي
وفجأه انفجروا يضحكون على ريما لانها بكت ............ههههههه
:
:
:
:
نعرفكم على شخصيات الروايه
ريما :عمرها 20بنت حلوه وكان جسمها مليان شوي ومرتب (دبدوبه )وحلو وبيضاء شعرها كان لحد الكتف وناعم واسود سواد الليل عيونها واسعه ولونهم عسلي فاتح شوي خفيفه ظل تحب المقالب وكانت جذابه مره وقلبها طيب ونظيف وموهبه في التصميم والرسم وذكيه وعمليه ورسميه لما تكون جديه.............
نوره :عمرها 22 نحيفه كانت حلوه وجها كان مثلث مليان شوي شعرها طويل بني كثيف حلو (كان فيه لمحه من ريما بس مايتشابهون ) شخصيتها قويه و على نياتها (نوره وريما طالبات في الجامعه ريما في ثاني احياءونوره رابع عربي )ومدينه اكثر من خواتها
رانيا :24عمرها بيضاء طويله ناعمه وحلوه عيونها صغار شوي تميز البنت بنعومه وجذابيه غير عن خواتهها شعرها قصير واحمركستناءي ونحيفه شوي مليانه من تحت وقلبها طيب وسهل ان احد يكسب قلبها بس اذا حقدت ماترحم ............

الام : عمرها 45طيبه حنونه على اولادها كانت قصيره وضعيفه شوي كانت رانيا تشبها من ناحيه الجسم عيونها كبار واسعه وعسلي فاتح وبشرتها بيضاء كان معها مشاكل مع اهل زوجها
تركي :عمره25وسيم طويل نحيف وابيضاني عيونه عسلي غامق ونظراته حاده وعصبي شوي بس طيوب وموظف في قطاع خاص محاسب
كان يحب بنت عمه زهره بس تركها ونساها لانها تزوجت وسافرت الخارج .........
هذي بيت ابوا تركي اكيد تسألون عن الاب ابوهم مسافر صار له خمس سنين بريطانيا يتواصل معهم بالتلفون بس مكان مهتم كثير فيهم حتى لما كان موجود عندهم كان همه شغله وبس ولما تسأله ام تركي ليش ماتقعد مع العيال وتسمع مشاكلهم ترى العيال بيضعون وانت ولا داري عنهم كان يردعليها دائما انا امن على مستقبلهم واضفهم لك ويصير معهم بيوت واملاك وهذا اللي يفكر في الحياه بهذه الطريقه ان الحياه فلوس وبس

:
:
:
في الجامعه
ريما قاعده مع صاحباتها ( اماني .نوال . فطوم )
ريما : بنات زهق تكفون فكرو في مشروع خلونا نستانس شوي ملينا كله دراسه ونسمع سواليفكم الماسخه .
نوال : الحين سواليفنا ماسخه
ريما : اعذريني ياسندريلا انتي ولد عمك الامير الي ماهو داري وين سوقك صدق انك شاه ومن قادها؟؟؟؟؟؟؟؟؟؟
فاطمه بصوت ضاحك : علي الاقل مو مثلك قلبك حجر قاسي البنت قلبها رقيق شوفي ياربي وش حلاتها ( وتتلعب في خدود نوال )
نوال : وخري عني الغلطان الي قولكم شي انا رايحه للمحاضره وانتوا ال.......خلوكم هني تستهزوا وبس اصلا هاذي شغلتكم .
نوال راحت عنهم معصبه وهم يضحكون عليها ويرمون عليها كلام يحرجها بعدت عنهم نوال وبقت ريما وفاطمه يسولفون
شافت ريما اماني تجري باتجاهم وهي تحرك يدها باشاره تقول تعالوا هم مافهموا شي
ريما : اشفيها هاذي انصمت فجأه .........
اماني تلهث : تعالوا لا يفوتكم
قامت ريما وفاطمه من وين مااماني دلتهم قربوا من مكان كان عنده تجمع ولما طلعوا لقوا طالبه كانت طويله وبيضاء وشعرها مقصص بطريقه غريبه بسباينانهاكبيره في السن كانت معصبه وتدف الدكتوره الي قدامها
ريما (مبققه عيونها): لالالا مستحيل ماصدق ليش يا.........
سكتت لما حست ان اماني وفاطمه يطالعونها
اماني : ريما اشفيك تعرفينها ؟؟؟؟؟؟؟؟
ريما : لالالا ماعرفها ولابي اعرفها وقفلو السيره وخلونا نفطر قبل المحاضره
فاطمه :خلونا نتفرج وجع ريما والله انك خايسه
ريما بعصبيه وصوتها صار مرتفع : فطيم طسي وخلونااااا نمشي
فاطمه واماني سكتوا بسب النظرات الي كانت من البنات الي حولهم
مشوا البنات مع بعض ريما كانت ساكته طول الوقت وفاطمه واماني يطالعون بعض بنظرات متساله :ايش فيها .
بعد ساعه من اللي صاررر نوال جاءت وهي ناسيه ايش سووا فيها الصباح رمت الشنطه بقوه عندهم
وقالت بدلع : كلمني مين ؟؟؟؟؟؟؟؟؟
فاطمه :ميييييين؟؟؟؟
اماني : الوزير
نوال : مممممممممم لالا قربتي
فاطمه: وجع بتكلمين ولاكيف يابقره
نوال : فصووووولي (يقبرني )
اماني وفاطمه يتاففون
اماني :ياشين اسمه والله لويسمعه منك ان يغيره
فاطمه : عز الله وش يبي ؟؟؟؟؟؟؟؟؟؟
نوال :بنات شنو صاير ريموه ماتتكلم غريبه !!!!!!
ريما تطالع بعيد كانت سرحانه في البنت الي شافتها اليوم بدوام فجأه طااااااااااااااااخ على راسها رموها البنات بكتاب على راسها
البنات مع بعض :وين رحتي ؟؟؟؟؟ريما تتوجع وحاطه يدها على راسها وشعرها الناعم متناثر لان البكله انكسرت : وجععععععععععع يا....... خيرررر اشفيه
نوال : لنا ساعه نتكلم ........... وانت وين لا تكوني عشقانه
ريما بنظره حاده : انا تأخرت عندي محاضره وبرجع للبيت يعني مراح اشوفكم
راحت ريما وحامله شنطتها وتابعوها البنات بنظراتهم مستغربين لحد مأختفت عن عيونهم
نوال : بنات شنو صار.؟؟؟؟؟؟
قالت فاطمه واماني اللي صار قدامهم
نوال : تعرف ريما البنت ؟
اماني : ماندري غير الي قالنه لك
نوال :غريبه
رجعت ريما البيت وهي من يوم شافت البنت وهي تفكر نوره كانت غايبه بحجه راسها يعورها لقتها في الصاله وقاعده بملابسها ماغيرت وسرحانه نوره: الي ماخذ عقلك يتهنى
ريما توها منتبهه:هاها ايش فيه
نوره: لا البنت راحت فيها يمه تعالي شوفيها
ريما :اششششش فضحتينا (حطت يدها على فم نوره )شفت زهره.......
نوره :هههههههه تمزحين
ريما:!!!!!!!!!
نوره :هاذي ياحياتي في لندن شلون تجيء وتخلي العز وتجي تدرس في الرياض بعدين تصرفاتها ماتحتمل انها تجي في جامعه محليه .
ريما : والله هي شكلها مادري شلون صاير ومتأكده انها هي وكانت تهاوش مع الدكتوره .
نوره :غريبه
نوره : ايش فيه .
ريما: ولاشي
نوره : بتقولين ولاكيف ؟؟!!!
ريما : سمعتها زفت في الجامعه لما كنا متجمعين حولهم سمعت البنات يقولون عنها كلام اعوذ باالله.
نوره : وصدقتيهم استتغفر الله العظيم لو تطحين ليدرون اهل الرياض كلهم ههههههههه
ريما : انا ماصدقت لاني شفتها قبل اسبوع في الحمام مع بنات تتعاطى و
نوره تقاطعها : لاحد يسمعك انتي من صوب وهي من صوب فاهمه هاذي تربيه عمك الله لا ..... تربيه شوارع اقطعي السالفه ولاتقولين لاحد حتى رانيا وامي ....وتركي بعد انت عارفه ليش هزت ريما راسها بموافقه دخل تركي وكانت معه اخته رانيا ..........
تركي ورانيا : سلام عليكم
ريما ونوره: عليكم السلام
ام تركي من وراهم : هلا وعليكم السلام
تركي باسها على راسها : هلا بالغاليه ام الغالي ............يمه
ام تركي :عيونها
تركي: جوعان
ام تركي : غيروا ملابسكم والحقوني في الصاله
بنيما هم ياكلون
تركي: يمه خالي عامر كلمني وقال ان احن معزومين عنده في المزرعه اليوم
ام تركي : على خير انشاالله
البنات طاروا من الفرحه لانهم من زمان ماطلعواوحسوا ان هاذي الطلعه بتنفس عنهم من الهموم وحالتهم من بعد ماراح ابوهم صارت صعبه ماديا واجتماعيا وهم كان حالتهم ماشيه بس الطمع فرقهم وشتت عائلتهم
وقت الطلعه ...

تركي : الله ياخذ البنات مايخلصون يمه ادخلي استعجليهم
ام تركي : اصبر ياوليدي الله يهديك
تركي : يالفصله
وطلعوا البنات متكشخين عشره على عشره وركبوا السياره لان من زمان ماشفوا خالهم
تركي : الله الجماعه وين رايحين ؟؟ عرس خير ياحلوات العطر ملا الشارع فضحتونا
ريما : يمه ماقلتيلي شنو المناسبه ؟؟؟؟
ام تركي :ولده ناصر جاي من البعثه وناجح اسم الله عليه مأخذ الدكاتوره في العلوم الاداريه
تركي :والله اشتقتله نويصر يقطع سوالفه ..
رانيا : ايش كثر يضربني توقعون تغير ؟؟؟؟؟
ريما: يمكن

الكل سكت وصلو ا المزرعه كانت خيال البنات فتحوا عيونهم لما شافو النافوره كانت تطلع مويه وتصبه في بركه واسعه ........ كان البنات اول مره يشوفون المزرعه وقف تركي السياره ونزلوا من السياره وسمع الخال السياره جات خرج اهو وناصر بدت التراحيب من قبل ناصر والخال طالعت ريما ودقت نوره بكوعها :شوفي زين ولد خالك
رانيا كانت تنزل الاغراض طالعت في تركي تبي تشوفه عشان تقوله يساعدها شافته يضم ناصر وطالعت في ناصر بس وجه مو باين سمعت الخال يقول: تعالوا يابنات وراكم مستحين تعالوا سلمي يارانيا خلي عنك تركي وناصر.
راحوالبنات سلموا على الخال وكان ناصر متوجه للسياره مع تركي ورانيا واقفه عند السياره وقف ناصر وراها مستحي وتركي بداينزل ولاانتبه نزلت الترمس ورمته وراها ولا انتبهت ان ناصر موجود شهقت :اسفه
تركي : خلوعنكم وساعدوني
ناصر مد ايده سلم عليها دق قلبها وبدت تناظر فيه الله حليان كان طويل وابيض وعيونه صغار مناسبه لوجهه وانفه دقيق ورافع فمه بشكل مغرور وبدا قلبها يدق وحست بحراره في جسمها وحست انها اعرقت من الموقف ماصحت من اللوحه اللي قاعده ترسمهاالاعلى تنبيه من تركي تركي:هي انت وياها خلوعنكم السلام ياتوم وجيري بعدين سلمي عليه
رانيا:هلا ناصر
ناصر لما سمع صوتها انشد صدره وقلبه دق ولما لمس يدها حس بكهرباء في جسمه طبعا الحال مو افضل عند رانيا : اهلين
سحبت يدها وهي مستحيه وبدت تشيل معهم ولما شالت الثلاجات الصغيره ناصر كان يطالعها وهي ترتبك وتقول بينها وبين خاطرها :ليش الحين خير هذا نويصر شلي غير يارانيا هذا اكره انسان ياويلي ايش اللي صار فجأه سمعت ناصر يتكلم معها
ناصر : خلي عنك احنا نشيل
رانياماقدرت تتكلم لان عبره من المجهول منغصه بحلقها وماقدرت تتكلم فهزت راسها بأيجاب بينما هي داخله وحامله الا غراض طاحت الشيله التفت ناصر وشاف شعرها وهو يتمرر على رقبتها ويلتف على وجهها وجزء منه دخل فمها من نزلتها عشان تخطف الشيله وتحطها على راسها وما انتبهت ان ناصر كان يطالعها ودخلت وقلبها يدق كانت صوره ناصر ماراحت من بالها طوله عيونه شعره الطويل الواصل لعندرقبته حطت الاغراض في المطبخ والتفت لقت قطو واقف عند الباب ويقرب منها ورانيا واخوتها عندهم فوبيا من القطاوه صرخت بدت تطامر في المطبخ جاءتركي وناصر يركضون ودخلوا المطبخ وفجأه رمت رانيا نفسها في حضن اول واحد لقها وكان .....ناصر اصطدم صدره بصدرها حط ايده وراء ظهرها ومسك خصرها وكان يتحسس شعرها وجسمها اللي حس بنعومته من فوق الملابس وكانت تهلوس
رانيا :تركي تكفى اهي اهي
وتركي كان مشغول يطرد القطو ماكان منتبه حوله واللي صاير....... ناصر ماقدر يتحرك كان ظهره مركزه على طاوله المطبخ عشان اللي بحضنه وكان يحس بارتفاع صدرها نتيجه البكاء بدء يتحرك لقاء شفايفه عند رقبتها وشعرها عند خشمه ويشم ريحه عطرها ماصدق قلبه بيخرج من ضلوعه وهي حس بالها انه تركي همس في اذانها وبعدشعرها لامست شفايفه اذانها وقال:اناناصر موتركي .... وكان يحس بانفاسها الدافيه على رقبته انقطعت وخرت عنه بسرعه وجها صار احمر من الفشله ماصدقت دخل تركي من باب المطبخ اللي صوب الحديقه وفي ايديه مكنسه
تركي :خلاص فضحتينا وبعدين انت ليه ماجيت تساعدني واقف عند الباب تفرج
ناصر :هذي شغلتي هههههههه

رانيا كانت تطالع ناصر بنظرات خاطفه وحمدت ربها ان تركي كان برااا طول الوقت طول (الموقف )طلعوا من المطبخ وريما ونوره يسولفون مع خالهم وام تركي كانت مع الشغاله عشان يرتبون غرفهم لان اخوها حلف عليهم يقضون الليل وينامون عندهم دخل تركي وناصر يضحكون البنات قاموا :
ريما ونوره :عن اذنك ياخال
الخال عامر:تعالوا يابنات لاتستحون من ناصر عادي هاذا اخوكم الاوين رانيا ماشفتها وينهي بعدين ياعيال ليش الشغاله تصارخ في المطبخ
تركي:مشاالله عليك ياخال ثلاث اسئله اجابه السؤال الاول عند البنات والثاني رانيا جاءت واللي تصارخ كانت رانيا شافت ياحظي قطو ودخلت في هذي اللحظه رانيا وهي تدلع منو جاب سيرتي ماتوقعت ناصر يكون موجود وماانتبهت لوجوده
الخال :هلا وغلا والله بدلوعتي
رانياتتمايل بخصرها :هلا خالي اعذرني كنت انزل الاغراض
جاءت باست خالها وضمها : معليه يابنيتي والله لك وحشه
جاء صوت من بعيد :استقبلها القطو قبلك يعني سواء الواجب ههههههههه
التفت رانيا انصدمت لما شافت ناصر موجود وتوقعت خواتها موجودين استحت وقالت في خاطرها لازم ارد عليه عشان لايصدق نفسه
رانيا : لا والله خالي الاول والاخير والقطو مااستقبلني الاخرعني الله لايوفقه ماشفت اشلون شكله حتى اني ماشفت قدامي سكتت لانها تذكرت اللي صار
ناصر :والله ماشفتي قدامك ؟؟؟؟؟؟؟
تركي :مأخذين راحتكم اقول رانيا روحي عند امي شوفي شنو تسوي
الخال : خلها ماكو احد بس هذا ناصر ليش يستحون منه
ناصر كان وده ياكل تركي وعيونه مان شالت من على رانيا بس كانت لما نظراته تلتقي برانيا يشيل عيونه عنها وقامت رانيا مستأّذنه من الموجودين وعيون الخاطفه تحرقها اللي هي عيون ناصر .......

كنت اشوفك من قريب مع جميع الناس عادي...ماتخيلتك حبيب ....رايح بقلبي وغادي
تبسم ترى العمر فاني ....تبسم واياك تناسني .....تبسم ترى الهنا لحظه ......تبسم
ولو علشاني ....وان كنت بروحك انا ثانيك ...واذا متضايق انا اسليك ...واذا مستانس
الله يهنيك

بعد المغرب ام تركي البنات ويا أمهم يصلون خلصوا قامت ريما ورانيا ودخلو المطبخ يجهزون اللحم عشان الشوي دخل تركي مستعجل
تركي :جيبي يارانيا اللحم والسكين والملح استعجلي وريموه شيلي جوالي وحطيه بشاحن
راحت ريما واخذت الجوال من جيب اخوها وسألته وين الشاحن وقالها في السياره ..خرجت رانيا وشافت ناصر يشوي وخالها في بيت الشعر مايشوفهم رانيا في نفسها ( ياويلي هذا الي يشوي لازم امسك اعصابي ) ناصر كان من جده يشوي ومهتم مانتبه للملاك اللي مقبل عليه
رانيا:ناصر هذا اللحم تفضل
ناصر مارد عليها استغربت وعطته ظهرها وقالت في نفسها (الله ياخذني ايش سويت وتقلد وتهزء بنفسها ناصر هذا اللحم .....)فجأه انسحبت يدها بقوه من صوب ناصر كان ماسك يدها وانفاسه سريعه ودافيه ونتيجه سحبه ليد رانيا طاحت الشيله وتناثر شعرها على وجهها
ويداعب شعرها خدودها كان قلب رانيا بيوقف من الصدمه كان قريب منها لدرجه ان انفاسه تطرد خصلات شعرها من خدودها ....
رانيا بصعوبه:ش..تب..ي
ناصر يناظرها وعاجبه الموقف : نسيتي الملح وينه
رانيا :اترك ايدي قبل يشوفنا تركي
ناصر :ليش سوينا شي غلط انتي اختي ومستعد ابوسك قدام الكل الحين وقدام تركي اذاتحبين ..
رانيا سحبت يدها منه قبل ماينهبل ويسويها وحطت الشيله على راسها وفي هذا الوقت جاء اخوها تركي ياجماعه ترى جوعان
رانيا :الحين اوصي الشغاله تجيبلك الملح
ناصر :..........
تركي : وجع انتوا متى بتخلصون ؟؟؟
ناصر ويتابع خطوات رانيا(يازينها وزين جسمها ):جوع ووجع الحين يجهز يادب
وغرقوا في ضحك ماله اول وتالي في هذا الوقت كانت ريما في السياره تدور على شاحن الجوال
ريما:ياربي وينه الله يخسك ياتركي يمكن في هذا الدرج
فتحت الدرج وفجأه طاحت في حضنها صور كثيره ولمتها وحطتها طاحت عينها على صوره
كان ابوها موجود وجنبه تركي وانتبهت للشخص اللي جنبهم كان في منتهى الوسامه طويل واسمراني وشعره
بني طويل لعند رقبته كان لابس نظرات مخبيه ملامح وجهه طالعت في المكان
ريما : هاذي الصوره في الخارج وهذا تركي زي ماهو متى راح للمكان هذا ومع ابوي بعد ومن هذا اللي معهم بصوره؟؟؟؟؟؟
ومن متى تركي يصور مع ابوي ؟؟
كثرت الاسئله في رأس ريما واجوبتها مجهوله
ريما:لازم اعرف بس اشلون ؟؟؟؟؟؟؟؟ منو هذا الشخص وش جايبه مع ابوي ومع تركي بس شاب وحليو وصديق ابوي اكيد يخص تركي لازم اعرف
انتبهت انها تأخرت: (ياويلي وين الشاحن )؟؟؟؟؟؟
رجعت حطت الصور وخلت كل شي زي مكان بعد مالقت الشاحن ورجعت للفله ودخلت الصاله مافيه احد حطت الجوال في الشاحن وبدت تناظر الديكور كان كله فاخر كان الكنب عودي مع ذهبي والستائر بعد بنفس اللون وكانت ريحه الخشب ماليه المكان وهذا لانه اصلي وطاحت عينها على التحف الغاليه والي شكلها قديم وكانت موضوعه بطريقه مرتبه وانيقه وشافت مجموعه من الصور قديمه وكان ركن مخصص لها وطاحت عينها على صوره وركزت فيها كان فيها ناصر وامه لما كان صغير عمره سبعه سنين تقريبا وتذكرت شنواللي صار لخالها واهله وبكت كانوا على حسب ماكانت تقولها امها لانه كانت بعدها صغيره كثيرر انه ماتت ام ناصر في حادث ولاقدرت تقاوم
وماتت في المستشفى لما كانوا راجعين من الحج اهي وخالي كان ناصر عندنا واعتنت فيه لاحد مسمعوا الخبر بس الحمدلله كان الخال بخير وعاش وربا ولده من دون مايدخل احد للبيت من غير ام بديله لانه خاف عليه يتعقد من زوجات الاب وكبر ناصر حصل على بعثه في للندن ودرس ورجع دكتور قطع افكارها دق جوال تركي طالعت في الجوال ولقته رقم غريب وحبت تستهبل وترد اكيد هاذي وحده تغازل خيلني ارد وامسحها فيها الارض وكانت بترد وقفت وقالت: لواحد من اصدقاه واتؤرط لايابنت هذارقم غريب وبعدين من برى يمكن ابوي يله برد واللي فيها فيها مسكت الجوال وسكت سمعت الصوت من غبر ماتتكلم


ولاتبخلوا بردودكم الحلوه اللي راح تشجعني انزل باقي الروايه