[هبة]

ام رامي بفرحه:الوووووووووو ابو رامي تعال بسررررعه في المستشفى
ابو رامي:وش فيه وش صاير
ام رامي:رجعت الذاكره لنوره رجعت
ابو رامي:والله
ام رامي:خذها حتى تصدق
نوره بتردد:الووه
ابو رامي:هلا ببنتي نوره(وهو يقوم من مكتبه بغير شعور ويمشي علشان يروح لبنته)
نوره:يبه انا طبت
ابو رامي:الحمدلله على سلامتك انا اللحين جاي
ابو رامي يقول للسايق امش بسرعه والسايق يمشي بسرعه جنونيه الى وصلوا للمستشفى
ويركض الاب للقسم الى فيه نوره وشافها وارتسمت على الاب الحنون ابتسامه وراح لها وبعد عناق بين الاب وبنته واسف
ابو رامي:يانوره انتي اللحين بذمة عبدالله الي تبينه
نوره مو مصدقه:والله (وترمي نفسها بحضن مشكووور يبه الله يخليك لنا)
وابتسام تناظر اختها ومو مصدقه الي يصير من فرحتها وامها بعد مستانسه حيييييييييييييل


العصر//
عمران :والله فاتتك الااغاني إلي غنيتها ياعبير
عبير:بجد انت تغني
عمران:ليه وفيه احد مايعرف يغني بهالوقت
عبير:وتعزف بالعود ولا الاورج
عمران:بكل انواع الموسيقى
عبير مو مصدقه من الفرحه:هذا اخر شئ اتوقعه مو معقوله طيب ليه ماعمرك سمعتني اغنيه
عمران:انشالله اسمعك العود في السياره بعدين اسمعك
يدق جوال عبير
عبير:عن اذنك حبيبي
عبير:هلاااااااا يمه اخبارك
ام حسام:الحمدلله وينك لاحس ولا خبر من يوم ماتزوجتي مازرتينا
عبير بقلبها الي يشوفني كل يوم رايحه ماتدري ان اخر مكان الشاليهات مع اهلها:والله ادري يمه ان لك حق بس وش اسوي
ام حسام:المهم ترانا بنسافر مصر بعد يومين او ثلاث ايام تروحين معنا
عبير:والله مادري يمه اذا وافق عمران اسافر
ام حسام باستحقار:عشتوا حتى هذا صار له راي
عبير:يــــــمــاه
م حسام: سكتنا خلاص المهم ترانا ننتظرك
عبير:انشالله يمه مع السلامه

عمران:امك صح
عبيروهي مكسور خاطرها:ايه
عمران:طيب وش فيك محزنه
عبير:بصراحه بيسافرون مصر وقالوا لي اسافر معهم
عمران:لااااااااا
عبير بحزن:ليه؟
عمران:مو انتي منعتيني من حائل انا امنعك من مصر
عبير:انا منعتك لان احساسي بيصير شئ مو زين
عمران:امممممممم حتى انا احس بيصير لك شئ مو زين
عبير فاقده الامل:خلاااااااااص مع اني واصله حدي من الطفش والملل والشوق لأهلي الا اني بطيع زوجي المطيع الي ضحى
بزملائه علشاني
عمران مبتسم:اموووووووووووت انا في المطيعه


سامي بعد مافقد امل ان حسام يرجع للمخدرات فكر فكره جنونيه فكر يحط بودرة المخدرات في الشاي حتى يدمنه
وبعدها يغرق بالفلوس:ياحسام ابسوي لك شاي مافيه مثله بالوجود
حسام وهو يلعب كيرم مع اصدقائه:وش معنى حسام
سامي تفشل:وش دعوه الشباب كلهم بيدهم الي يسليهم الا انت قلت ابتصدق عليك بشاي
حسام:ايه تكفى خلنا على الشاي وبس ترا الي شفته مو بهين ياشباب انصحكم بمستشفى الامل والله رهيييييييب
احمد وعيونه حمراء وكلامه مايل من الوسكي إلي بيده:اقول العب وانت ساكت


يدق جوال عمران
عمران:ياهلااااا بخالد
الطرف الثاني:الو السلام عليكم
عمران:وعليكم السلام مين
الطرف الثاني:مستشفى رياض الخبراء
عمران:ليه وش فيه
الطرف الثاني:بصراحه شفنا رقمك مع خالد
عمران يقاطعه:طيب وش صار
الطرف الثاني:صار حادث لهم اتمنى انك تجي في مستشفى رياض الخبراء
عمران اغلق الخط وركب سيارته طياري يعني بسررررررررعه
عبير تجي معها القهوه وش فيه هذا وين راح مو اللحين يبي شاي اووووووووووووف منه بس



عبدالله يدق جواله وهو نايم
نوره:الووو
عبدالله:مين؟؟
نوره:انا انا ماعرفتني
عبدالله:تراي مو رايق لمغازلك مين انتي وراي نوم
نوره:نوره انا نوره
عبدالله قام وهو واقف بسرير من الفجئه والفرحه ويدعك عيونه لأنه مو مصدق:نوره بجد انتي وين ابجي لك اللحين طيب هذا مين رقمه
نوره:هههههههه انا في المستشفى وهذا رقم ابتسام اختي
عبدالله:انا جاي باي
نوره ههههههه ياحليله فرحان بالحيل

رامي جالس عند نوره وهو طاااااااااير من الفرحه علشانها
رامي:والله مبروووووك ياحلى اخت على ملكتك وشفائك الحمدلله
ابتسام:اللحين صارت احلى اخت ووين راحوا بعض الناس ولا في الارشيف
نوره تحاول تركز لان مو كلمه تفهمها:تكلميني ابتسام
ابتسام:لا اقول وش رايك نخطب لرامي ونفتك منه
نوره:فكره حلوه ونبي ذيك شسمها ايه بدريه
رامي:خلاص يمه اخطبيها لي هالبنت تراهم جننوني عليها وابي انسى عبيرووووووووه

يدق جوال ابتسام المتصله عبير
ابتسام:هههههههههههه الذيب عند طاريه
عبير:وش تتكلمون عني فيه
ابتسام ناظرت اخوها الي من يوم ماسمع اسمها طلع:هاه ولا شئ بس وينك يالقاطعه
عبير:والله معليش انا قطعت بالعالم كلهم بجد من قال ان الزواج يشغل
ابتسام:هههههه هذا وماجالك عيال
عبير:ههههههههه بس اخبار نوره
ابتسام:والله اللحين الي تشافت من مرضها
عبير خافت:أي مرض؟؟؟؟؟
قالت لها السالفه كلها


عمران يمشي في المستشفى ومن غير شماغ ولابس لبس النوم وشكله مبهذل وحالته حاله
وصل للطوارئ
عمران:لو سمحت ابسالك عن 3 شباب واحد احمد والثاني خالد والثالث نايف
الدكتور منزل راسه:البقيه في حياتك الله يرحمه في لحظه الحادث ماتوا كلهم
عمران يناظر مو مصدق يجلس لان اعضامه ماقدرت تشيله يبكي يبكي بقوه بعد لاكيف امس معي لا الفجر يضحكون بالتلفون
كيف يموتون يحاول يشيله الدكتور:رح للبيت وادع لهم بالرحمه
عمران:ابي اشوفهم قبل
الدكتور:خلاص يالله تعرف عليهم
عمران يروح ويفتح الشرشف الابيض الي غطى اعز صديق له خالد ويبكي منهاااااااااااااار
الدكتور يهديه وبيطلعه لكنه رفض يبي يشوف الباقين شاف كل واحد وطلع وهو منهار
راح للسياره ويمشي وهو يبكي يتذكر كيف جلسوا وضحكوا وطريقة موتتهم البشعه وكيف لو هو معهم


عبدالله وصل لنوره واهلها كلهم راحوا لانهم عارفين ان عبدالله جاء الا رامي ماراح مو معقول يخلي اخته الحالها
عبدالله يفتح الباب بقوه وهو مقطع حلقه من الضحك والفرحه راح على طول لنوره:نوره عرفتيني
نوره تهز راسها بالايجاب:وكيف ماعرفك
عبدالله:انا بحلم اكيد بحلم واحلى حلم بعد
نوره بغير تركيز:وش تقول مادري وش تقول
رامي:احم احم الظاهر انك نسيتنا
عبدالله يلتفت بسرعه متفاجئ ان فيه احد لانه ماناظر الا نوره قام عبدالله بسرعه من فوق السرير بجنب نوره:اسف والله مانتبهت
رامي:ههههههههههههههه


حسام قام من النوم اخ ياراسي راسي وش فيه وش بلاه ياسامي سم براسك انشالله وش سويت لي راسي بينفجر
سامي قام من النوم بتثاقل واستانس من صداعه:خذ هذي الحبه وبيروح الصداع
حسام:ابي بندول
سامي:ماينفع الا ذي
حسام:اخخخخخ راسي الله لايوفقك انت وش سويت فيني اروح للصيدليه اجيب بندول احسن من مقابلك
سامي:يغني بينه وبين روحه مردك مردك لي


فوزيه:ماودك تساعديني في المطبخ
زينب:لااااااااااااااااااا قولي للي ماتتسمى عبيروووووووه
عبير تدخل:ومادامي مانسمى ليش قلتي عبيروه
زينب عصبت:قاعده تجسسين علينا يالعقيم
عبير:عقيم!!!1
زينب:ايه عقيم لك 7 اشهر متزوجه ولا حملتي بكره بخلي اخوي يتزوج عليك يالعقيم
عبير زادت عصبيتها:زوجي نفسك قبل يالعاااااااانس
فوزيه:عبير زينب اسكتواااااااااااا

يفتح الباب بتحطيم ومنزل راسه وعيونه حمراء من الدموع عبير سمعت الباب انفتح راحت تبي تهاوشه ليه طلب القهوه وراح وخلاها
عبير:عمران وين كنت
عمران جالس على الكنبه وحاط يده على رأسه بشكل واحد مهموم
عبير خافت عليه:وش فيك وش صارلك
عمران ينفجر بالبكاء:ياليتني طعتك ياليتني منعتهم
عبير:مين مين لاتبيكي تراي ماتحمل دموعك(وهي تبكي لانها ماتتحمل)
عمران:صار لهم حادث طاحوا من كوبري وصار لهم حادث شنيع ماتوا كلهم بلحظتها
عبير وهي تضمه:الحمدلله انك مانت معهم الحمدلله شكرا يارب الحمدلله انك طعتني
عمران:ياليتني مت معهم
عبير تقوم مو مصدقه:استغفر ربك وش ذا الكلام بدال ماتحمد ربك تعترض على قضائه افرض انك رحت معهم انا بعدك وين اروح
عمران:عندك اهلك
عبير:انت اهلي ودنيتي كلها وخواتك مين يبقى عندهم لاخال ولاعم صل لك ركعتين واشكر ربي انه انقذك
عمران راح يتوضاء ويصلي وشكر ربه كثيرررررررررر وراح ينام كيف بيقدر ينام وهو اليوم اول مره يشوف اموات
يتخيل انه معهم وش بيصير حال خواته هم ضاعوا وهم بين يديه كيف لو انه مو عندهم وكيف حال عبير الي تغليه ونام وهو يفكر

عبير غطت عمران بالبطانيه وراحت تنام وهي فرحانه انه ماسافر معهم وخايفه من احساسها الصادق

حسام اخخخخخخ ياراسي ابمووووووووت اكلت 4 حبوب بندول مافاد
سامي:اذا تبي ترا الحبوب فوق التلفزيون
حسام:انت اكلتني شئ في هالمخدر
سامي:لا يمكن معاذ قبل مايسافر حط لك شئ

حسام استسلم واخذ له حبه وحده وشوي شوي هدا رأسه ونااااااااام




ابتسام :تراي خطبت البنت اليوم ووافقت
رامي:وليه خطبتيها ووين
ابتسام:خطبتها لانك انت طلبت مني ووين في البنك هي تشتغل بنفس القسم الي اشتغل فيه شغل مؤقت بواسطتي طبعا حتى اعرف طبايعها زييين
رامي:واهلي يدرون
ابتسام:ايه ووافقوا بعد
رامي:طيب ابي اشوفها
ابتسام:خلاص اليوم تخطبونها رسمي وتطلب انك تشوفها
رامي:وابوي
ابتسام:انا اتفقت مع ابوي وخلااااص لاتفكر الا بروحك


ام حسام وابو حسام استعدوا للسفره الي بتكون بكره وعادل بيتاخر يوم لانه مالقى حجز بالطياره له

عمران قام من النوم بعد صلاة العصر بتثاقل وهو قاعد يفكر بفراشه يالله لو عبير مامنعتني كان اللحين انا من عداد الموتى
والبيت هذا مليان كآبه اووووووووف طيب عبير وش دراها يالتني قلت لاصدقائي مايسافرون اوف استغفر الله العظيم

عمران يقرا رسايل خالد اخر رساله هذي
انا مسافر اليوم""
وماظن بعد ارجع او نلتقي!!
سامحني""
اذا:غلطت في حقك
واذ"في يوم زعلتك او سببت لك اي ضيقه او الم
او جرح ارجوك
سامحني

وخل 1427 تنفعك

المرسل 1426

يبكي عمران على صديق عمره ويبوس جواله

عبير تجي ومعها الغداء:زين قمت ناويه اقومك
عمران:مالي نفس مابي شئ
عبير:اقووووول كل ولا مالي خاطر عندك

عمران:لو لا الله ثم انتي كان انا ميت مع خوياي
عبير:الحمدلله الي نجاك
عمران:كيف عرفتي انتي عندك الحاسه السادسه انا اول مره اعترف بهالحاسه
عبير:انا ماضيعني الا قو احساسي
عمران وتدمع عيونه:ياليتني سمعت كلامك ومنعتهم
عبير:قدر الله وماشاء فعل


رامي خطب البنت وبيشوفها النظره الشرعيه
جت له وجسمها خيالي طويله ومو سمينه اونحيفه وشعرها عسلي على اشقر طبيعي مو صبغات وعيونها عسليه وجمالها
طبيعي لامكياج ولا مساحيق جذابه واحلى من عبير بعد تجنن قممممممر

رامي يناظر لها باعجاب:مبروك بدريه
بدريه منزله راسها:الله يبارك فيك خلاص
رامي:وشو الي خلاص
بدريه:يعني موافق على
رامي:اكيــــد موافق كل هالجمال والرقه ومااوافق


رامي طلع وهو مستانس بجد انا ماعندي سالفه يوم حبيت عبيروه يمكن لاني ماشوف من البنات الا هي يالله بدريه ولاغيرها
ابو رامي:وش رايك فيها يارامي
رامي:بصراحه عجتني يبه
ابورامي:يالله شد حيلك انشالله قررررريب زواجك والملكه الاسبوع الجاي
رامي:الله يطول بعمرك يبه
ابو رامي:انشالله بكره بنسوي لنوره حفلة سلامتها

عمران حس بتانيب ضمير من ناحية عبير وحس بانانيته معها:انا لازم اعوضها

عمران جالس يفكر يتذكر اصدقائه ومو مستوعب انهم يروحون في يوم ولليله طيب الاسبوع الماضي انا معهم نسولف ونضحك واللحين اموات
آآآآآآه ه يادنيا مره تضحكينا ومره تبكينا

يدق جوال عمران
عمران:الوو

(((محمود زميله اخذ عمران منه مية الف ريال ايام زواجه علشان مهر وتكاليف زواجه هو وعبير))
محمود:السلام عليكم
عمران:وعليكم السلام
محمود:كيف الحال عمران
عمران:الحمدلله بس السموحه ماعرفتك
محمود:انا محمود
عمران:هلاااااااا شلونك
محمود:والله الحمدلله
عمران:اخبارك لي مده ماسمعت صوتك وش الي ذكرك فيني
محمود: لاني محتاج فلوس
عمران:والله اذا كان عندي ماقصرت معك وبعدين شايفني بنك
محمود:ابي مية وخمسين الف
عمران:بس والله ماعندي الا عشر الاف برصيدي
محمود:اسمع مثل مانا دبرت لك ايام زواجك تجيبلي الخميس الجاي
عمران بعصبيه:انت ماتفهم قلت لك ماعندي
محمود عصب:اسمع والله لو ماتجيب الفلوس الي تسلفتها مني والله لجيب الشرطه لحد بيتك ناس ماتفهم الا بالقوه(ويغلق الخط)
عمران:اووووووووووووووووف المصايب تجي مره وحده
عبير وهي داخله ومبتسمه ومعها عصير:وش مصايبه بعد يابو الكوارث كلها
عمران عصب:تراي مو ناقصك انتي ياثانيه كل المصايب جايه من وراك
عبير:اتحداك تقول مصيبه جايه من وراي
عمران مايحب احد يتحداه:المصيبه الاولى انك انتي ساحره وكاهنه ولا وقفتي خوياي عن سفرهم وماتوا
عبير مبتسمه:لانهم مايهموني الي يهمني انت وبس
عمران:يعني بجد انتي ساحره
عبير بوثوق:اها انا ساحره (تخوفه) اومممممممممم اه بع بع هاهاهاه
عمران:بلا استهبال
عبير ميته ضحك ههههههههههههههههههههههههه هههههههههه
عمران:تراي ماضحك لك
عبير تتعدل:احم طيب والمصيبه الثانيه
عمران:بيسجنوني والسبب انتي
عبير:اها وش سرقت مني
عمران:انا اسرق؟؟؟ومنك بعد؟؟
عبير:ايه سرقت عقلي وقلبي وروحي
عمران:اووو تراي مو فاضي لاستهبالك انا اول مره اشوف بنت تغازل واحد
عبير:يعني تشوف بنات وتعرفهم بعد اها انا اجل زعلانه
عمران:تراي اتكلم جد
عبير:وشو الي جده وخاله انت مره ساحره ومره كاهنه ومره ابدخلك السجن بصرااااااحه مو فاهمه شئ لذالك اشرب عصيرك وانت ساكت
عمران كان بينفجر ضحك من طريقة كلامها واسلوبها لكن بين لها العكس كالعاده:هاي مو انتي الي تسكتين
عبير:امزح معك وش فيك صاير اليوم جاااااااااااااد
عمران:تشوفين كثرة مصايبي وتضحكين
عبير:اووووووووووه خلاص ماراح اضحك بس تكلم جد مو سحره وكهنه وسجون
عمران:انا اقولك السالفه بالتفصيل الممل

نوره تحسنت حالها وصارت تفهم افضل من قبل وهي مريضه طبعا" وكل يوم قصدي كل ساعه يدق عليها عبدالله
وحددوا زواجهم بعد شهر ونوره وافقت من غير اعتراض لانها خايفه اهلها يغيرون رايهم تجهزت بمساعدت ابتسام الى كانت مثال الاخت


رامي من يوم ماشاف بدريه نسى عبير واهلها وحبه القديم لها
ابتسام:الف مبرووووووووووووك ياعريس
رامي:تراها ملكه بس
ابتسام:آآآآآآآآه من متى وانا انتظرك تتزوج وانت مو راضي
رامي:تصدقين امنيتي اشوف الي في بالي
نوره:ومين هي الي في بالك
ابتسام انقهرت لانها متاكده انها عبير
رامي:اتمنى اشوف الي يقول الحب الاول هو الحب الحقيقي
ابتسام:طيب وش تبي فيه
رامي:ابكسر راسه لان ماعنده سالفه
نوره تغني:حبيبك الاول لايغرك التاني
يضحكون لانهم فرحانين لنوره اكثر من ملكة رامي


حسام:حسبي الله عليك ياسامي بليتني فيه مره ثانيه
سامي:وش دعوه بس بدال ماتشكرني
حسام بغبن وقهر:الـلـه لايشكر فضلك
سامي:اقولك اسمع وبلا ادعية هالحريم اذا تبي حبوب ترا كل شئ بحسابه ماني فاضي أكد (اكد يعني اصرف)على خلق الله


عادل كل ماحاول ينساها يتحلم فيها ولا يشوف طيفها كل مايحاول يكرهها يتعلق فيها بزياده


في الساعه10 ليلا جت بدريه عند رامي علشانه ملك عليها
بدريه:السلام عليكم(بدريه اعجوبه جمالها و ذكيه بس تحب تستغبي علشان تحرق اعصاب الي قدامها صبوره مطيعه مالها اخوان ولاخوات
امها متوفيه وابوها شايب وهي فقيره وفيها شوي دين)
رامي ينظر لهالملاك الي جايه له مو مصدق ان فيه بنت على الكوره الارضيه بجمالها:ياهلا بالغلا كله
بدريه ابتسمت:ملكنا بسرعه
رامي بمزح:وزواجنا الخميس الجاي
بدريه:لا بدري خلها الشهر الجاي
رامي مو مصدق روحه:والله
بدريه :غريبه ليه فرحان قبل شوي تقول الاسبوع الجاي واللحين فرحت لاني قلت الشهر الجاي
رامي:لاني كنت امزح انتي ليه تصدقين بسررعه تراي ماحب البنت المغفله
بدريه ابتسمت:خلاص ماراح اصدق احد ابد
رامي مبتسم:ايه كذا تعجبني البنت الذكيه ابدق عليك اليوم
بدريه:لا ماصدق
رامي:وش الي ماتصدقين
بدريه:مو انت قلت لي لاتصدقين احد
رامي استغرب من غبائها:لا ياحبيتي انا صدقيني يآآآآآآآآآلله انا كيف افهمك
بدريه تناظر باستعجاب:مافهمت شئ
رامي معصب قام وهو مو في شعوره:بجد الحلو مايكمل
بدريه تنفجر بالضحك:هههههههههههههههههه� �هههههه هذي فهمتها وش رايك فيني
رامي:يالله ضحكتك تجنن بس تكفين لاتتكلمين لاني بكرهك في يوم ولليله
بدريه سوت نفسها محزنه ومنزله راسهها
رامي:انا اسف بجد ماتوقعت انك حساسه للدرجه
بدريه:ههههههههههههههههه استهبل عليك
رامي:مو زعلانه على كلامي
بدريه:وش قلت يزعل
رامي:الي قبل شوي
بدريه:كيف ازعل وانا مادري وش تقول
رامي:قصي يدي كانك عربيه اكيد هنديه ماتفهمين شئ ابد الله يعيني عليك حمار
بدريه تلعب باضافيرها وتناظر له بعيوينها العسليه ببرئه



عبير:بجد والله
عمران:شفتي شلون قهر المصايب تجي مره وحده
عبير بفرحه:لامصايب ولا شئ هالمشكله ذي بذات خلها على
عمران:لااااااااا الا اهلك لاتفكرين فيهم انشالله لو يعدموني
عبير:لانشالله مايعدمونك ولاشئ
عمران:اجل شلون
عبير:انا من يوم ماتزجتك لاطلعت ولا تمشيت ولحتى رحت للسوق
عمران:طيب وش دخل ذا بذا
عبير:اسمع تجيك السالفه انا رصيدي ملياااان في البنك واي شئ تحتاجه لايردك شئ
عمران:فلوسك لك مابي منك شئ
عبير:بجد ماعندك سالفه مو انا وانت واحد وانا اذا احتجت شئ ابنسى الدنيا كلها واهلي وألجاء لك
عمران:انتي حرمه وانا رجال الرجال مايتنازل
عبير:بجد انك عنصري تاخذ وغصبن عليك بعد اووووووووووووف بجد ماتجي الا بالعين الحمراء
عمران:اقولك لايكثر ولا تعيدين لي هالسالفه مره ثانيه
عبير:خلاااااص اعتبرها سلف ودين زين
عمران يبتسم:احلا ياجورج وسوف
عبير:إإإإإإإإإيه ذكرتني يالله نزل العود من السياره ابي انطرب بصوتك زين
عمران:لا مستحيل قبل يومين خوياي ماتوا وتبيني اغني
عبير:اوف لا ابيك تغني اليوم
عمران:لأ
عبير:طيب ليه

يدق جوال عبير وعرفت انه عادل اخوها من النغمه
عادل:ياهلاااااااااااااااا� �اا بالغاليه
عبير:هلااا اخبارك شلونك
عادل:الحمدلله كل شئ زين وش اخر اخباركم
عبير:والله الحمدلله اخبار امي واهلي كلهم ماعندكم جديد
عادل فاقد اعصابه وزلت منه هالكلمه:الا نوره ملكوا عليها
عبير:لااااااااااا وانت
عادل يكابر:انا وشو
عبير:انت تحبها صح
عادل باستهبال:تعرفينا صاحبين الشهره المعروفه دائم تصير لهم اشاعات
عبير:ههههههههههههههههههه
عادل:ورامي
عبير دق قلبها:وش فيه
عادل:خطب وحده من صديقات ابتسام اخته
عبير تغيرت فرحتها الى كآبه
عادل:ووووين رحتي عبير
عبير سرحانه:هاه
عادل:وينك
عبير:معك
عادل:لايكون تحبينه الى الآن
عبير تضحك:ماحبيته وانا عزباء احبه وانا متزوجه
عادل:المهم تسافرين معي
عبير:وووووووين؟؟؟
عادل:لمصر اهلي بيسافرون بطياره وانا ابي اروح لضباء قبل لان عندي اشغال واسافر بسفينه انا وياااك
عبير:للاسف مأقدر اسافر انا مشغوووووووووله بالمررررره
عادل:مافيه انا بمرك بالسياره واشوفك وتروحين معي
عبير:حياك الله لكن ماعتقد اني بروح معك
عادل:يالله باي واحد يتصل بي
عبير:بااااااااي وسلم لي عليهم
عمران وهو داخل:يبونك تسافرين معهم
عبير:ايه
عمران:وش قلتي؟؟
عبير:قلت ماقدر لاني مشغوله
عمران:طيب روحي سافري معهم
عبير بفرحه:والله
عمران:انتي ماقصرتي معي وانا قصرت بحقك كثيرررررر وحتى شهر العسل ماسافرناه
عبير:انا كل ايامي معاك عسل مشكووور حياتي خلني اكلم عادل قبل ماتغير رايك
عمران يشوف عبير وهي فرحاااانه من قلب:كلميه وماراح اغير رايي
عبير:لا خلاص مابي اروح
عمران:لييييييه
عبير:مابي اخليك بروحك
عمران:اقوووووولك بلا سخافه روحي وانا عندي خواتي
عبير:واروح باصعب الظروف لك مابي
عمران:تروحين غصبن عليك
عبير:طيب رح معي
عمران:ماقدر عندي الشغل روحي كلها اسبوع تغيرين جو وترجعين لحبسة البيت يالله كلمي عادل


عبير:الوووووووو
عادل:امداك تشتاقين لي
عبير:مالت عليك بس انا بغيت اسالك متى بتسافر
عادل:بكره ابمركم واسافر ان رحتي رحتي وان مارحتي يكون احسن
عبير:ووووووووووووووووووجع صحيح سخيف ماتستحي على وجهك
عادل:هههههههههههههههههههه� �ههههههههههه وش فيك معصبه هذا اسلوبي معاك طول عمري
عبير:ذاك اول لكن اللحين غير انا متزوجه وعقلت
عادل:المهم بتسافرين ولا لأ؟؟
عبير:ايه ابسافر
عادل:وش الي غير رايك بدقيقه
عبير:اووووووووووف احس اني في محكمه وقدامي قاضي يالله باي تراي مو فاضيه لسخافتك
عادل:انتظري لحظه ابسالك عن شئ
عبير:وشو؟؟
عادل:عمرك سمعتي نغمة القطار
عبير:لا ماهي عندي سمعنياها
طوط طوط طوط قطع الخط
عبير تصارخ معصبه:الله ياخذك
عمران:وش فيك
عبير متفاعله:شفت الحيوان وش سوى فيني
عمران:مين الحيوان(شاك انه رجال غير اخوانها من الي يعاكسون)
عبير:عادلوه السخيف قال لي سمعتي نغمة القطار
عمران فهم وقعد يضحك بقووووووه ههههههههههههههههههههههههه ههههه انتي اول مره تسمعينها
عبير:لااااااااااااا مو نغمة قطار اغلق الخط بوجهي
عمران:هههههههههه فاهم فاهم

ابو رامي: ترا بنسوي لك حفله كبيره بس اذا جو عمك من مصر تراي اجلتها
نوره:ايه احسن ابي اذا اجتمعنا
ابتسام:تعال انت ياقمر لولا الله ثم انت كان الي بجنبي الى الان ماتعرفنا
ريان يجي لها وهو يضحك ببرائة اطفال والكل مستانس ويضحك

حسام وهو مرتبك بقووووووه:الله يخليك ياسامي عطني حبه
سامي:معك اربع الاف اعطيك ماعندك لاتجيني سمعت
حسام:طيب اعطيك بس عطني وعد بسرررررررررررعه
سامي:يالله خذ واذا ماعطيتني والله ماعطيك مره ثانيه


رامي:الوووو
بدريه:هلا مين
رامي:انا رامي
بدريه:رامي رامي مين
رامي:خطيبك يابقره
بدريه:اها انت راميوه طيب ليه تقولي بقره
رامي:لان عيونك حلوه مثلها
بدريه:تدري ان البقر الحلوه من الدنمارك والدنمارك لازم نقاطعها قلبا وقالبا يعني مو تشبهني باي شئ يمت للدنمارك بصله
رامي:هههههههههههههههههههه هذي كيف قدرتي عليها بصراحه احس انهم ناسينك من العصر الجاهلي
بدريه:ههههههههههههههههههه� �هههههههههههههههههههههههه� �ههههههههه ههه مافهمت
رامي عصب:انتي وش تفهمين كيف نجحتي ووظيفتك مع اختي وتوظفتي من غير واسطه ولاشئ قوليلي كيف
بدريه:انا اسفه بس هوايتي انرفز الي قدامي بغبائي كذا طبعي احب استغبي
رامي:والله وانتي ذكيه
بدريه:من مدح نفسه فهو كذاب
رامي:الحمدلله وانا كنت شايل هم لغتنا الي بتفاهم انا وياك فيها



عبدالله راح لنوره
عبدالله:اخبارك يانور قلبي وعقلي
نوره:الحمدلله طيبه وبخير بوجودك
عبدالله:تصدقين اشتاق لك وانتي قدامي
نوره:كل هالشوق يختفي بعد الزواج ويتحول الحب لكره بس خلنا عى كذا احسن
عبدالله:لا الا انا انا غير عبدالله غير
نوره:هههههه خابره جده غير يالله تمشي عبدالله غير


عادل سافر بسيارته وصل للبييت عمران وعبير بعد توصيفهم له واهله سافروا بطياره قبله ووصلوا لمصر
عمران:هلاااااا بعادل اخبارك
عادل:ياهلاا فيك شلونك اخبارك
عبير بصرااخ:عدوووووووووووووووو� �ول هلاا فيك
عادل:اهلين شلونك اخبارك
جلسوا بعد السلام والسواليف
عبير:عن اذنكم بجيب القهوه
عبير تروح للمطبخ وتشوفهم جالسات زينب وفوزيه ولا سوو شئ
عبير:ووين القهوه
فوزيه:بصراحه انا مصدعه
عبير تناظر زينب وتعرف انها هي الي اقنعت فوز انها تفشلها وماتسوي شئ
زينب:اخدم نفسك بنفسك فاضين لك انتي واخوك تعزمين وحنا الي نشتغل ونكرف
عبير:اصلا انا مو محتاجه لك انتي وشغلك المعفن الي زي وجهك يسد النفس الله لايبلاني
زينب تعلي صوتها:اسمعي ترا حنا الداخلات في هالبيت وانتي الي طالعه
عبير وهي تشغل النار:احلى يافندق خمس نجوم
وتصف الفناجيل والبيالات وتحط الهيل في الدله القديمه الصفراء والسكر والشاي في الابريق الي اكل الدهر عليه وشرب
زينب تسب وعبير ومطنشتها

صبت القهوه لاخوها وصبت لعمران
عادل:الا ماقلت لي اخبار عبيروه معك
عمران بمزح:ملعوزتني اعوذ بالله ان تكلمت ماسكتت ولا سبها مابقى الا تضربني
عبير ببرائه:مين هذي لايكون انا؟؟
عادل:لابنت الجيران اكيد انتي على كلا بعد اذن عمران اللحين ترا بنسافر علشان نلحق ترا امي مشغلتني بسرعه بسرعه
عبير:لا لازم تتعشى عندنا
عادل:والله ماني ناوي اذوقه اكل لي صاروخ قبل شوي(صاروخ هو شاورما كبير)
عمران:لامايصير لازم نسوي لك شئ
عادل:لاوالله رايتكم بيضاء بس ودي اسافر علشان الحق على الرحله
عمران:اجل براحتكم
عبير:انا مجهزه اغراضي من امس
عادل:طيب حطيها بسياره ولا وش رايك انا الي احطها
عبير:حااااااااااااااضر بصوت خفيف مالت عليك بزران اخر زمن
عادل:قلتي شئ
عبير بابتسامه:قلت حاضر
عمران يضحك على عبير الي طول عمرها طفله بحركاتها
عبير راحت تاخذ اغراضها

عمران راح وراها:خوذي خمس الاف ريال يكفي
عبير:ايه طيب هات بس والله ان تاخذ هالبطاقه
عمران:بطاقة وشو
عبير:بطاقة صراف
عمران:لا خوذيه
عبير:وش تبي يجرجرونك في السجن والله ان تاخذه ورجع الفوس لي بعدين
عمران:خلاص انشالله يكون دين على
عبير:خذ الي تحتاجه ولا يردك شئ زين
عمران يبوس راسها:الله لايحرمني منك
عبير:ولا منك يالغالي
عبير راحت لخوات عمران سلمت على فوز وزينب رفضت تقوم تسلم
عبير:مع السلامه يازينب
زينب استغربت بس ماردت المغروره


عمران اخذ منها الشنطه وحطها في السياره
وركبت وودعوا بعض الكل

في الطريق عبير تناظر الشوارع ودموعها تنزل من الفرحه حست انها رجعت للحياه مو معقول انا مارحت لي 7اشهر ولا في
الحلم بجد سجن تشوف السيارات ومن كثر ماهي ملهوفه على الناس والعالم ونظراته المتكرره لكل لسيارات
وقفوا عند اشاره سيارة شباب يناظرون ويبتسمون ويزودون الاغاني ويفتحون الدريشه
عبير انتبهت لهم وماتبي عادل ينتبه حتى ماتسوي مشكله:عادل عندك عبدالله رويشد
عادل:لاعندي شريطه
عبير تضحك:طيب شغله
عادل يشغله والاشاره خضراء ويروح يسار وهم يمين ارتااااااااااحت عبير لانها خااااايفه
عادل:وين رحتي اخر مره
عبيرارتبكت بس سريعة بديهه:لمطعم فخم بالمررره حلو
عادل:وينه علشان تتعشين فيه
عبير ارتبكت لانها تنصب عليه:مادل بس شكله بعيد اقول فطاير تكفيني انا اصلا شبعانه


عمران راح لغرفة نومه وحس بفرااااااااااغ كبير ومحزن على عبير فكر بالعود جابه رغم انه معارض بس ابليس
شاطر

عمران يغني
فمان الله يامسافر عسى الله يسمح دروبك وترجع بالسلامه
فمــان الله يامسافر عسى الله يسمح دروبك وترجع بالســلامه

اذا بتطول الغيبه امانه لاتقاطعنا ودوم ابعث سلامك
اذا بتطوووووول الغيبه امـانه لاتقاطعنا ودوم ابعث سلامـك

معاك ايام عشناها لها بقلوبنا ذكرى ولها شوق وهياما
معاك ايام عشــناها لها بقلوبنا ذكرى ولها شـوق وهياما

فمــان الله يامسافر عسى الله يسمح دروبك وترجع بالســلامه

اذا انت تنام في الغربه ومتهني في مانامك انا ليلي مانامه
اذا انت تنام في الغربه ومتهني في مانامــك انا ليلي مـانـامه

فمــان الله يامسافر عسى الله يسمح دروبك وترجع بالســلامه

انا بيني وبين نفسي اطلب من الله وادعي يردك بالسلامه
انا بيني وبين نفسي اطلب من الله وادعي يـردك بالســلامه

فمــان الله يامسافر عسى الله يسمح دروبك وترجع بالســلامه

يمسح دمعه من عينه وهو يتذكر خالد واحمد وكل اصدقائه وعبير وريحتها الي مغطيه الغرفه كلها بعطرها المركز الراااااائع

الصبح
عبير:يووووووووووه اخيرا وصلنا لضبا تصدق عمري ماجيتها والله لو انا مسافرين اوربا بجد المسافه بعيده ياليتني رايحه في طياره والله ابرك
عادل:مالت عليك هبلتيني كنت نايم
عبير انهلت:نعم نايم كيف نايم وانت تسوق لا انت بتوديني بستين داهيه انا وميته نوم مانمت علشاني بالسياره بجد باااااااارد
ابحجز لنا تذكرتين وبنروح لفندق نرتاح شوي واخلص شغلي ونسافر




عمران راح للشغل ودق على عبير الي توهم خلصوا من الحجز
عبير:ياهلااااااااااا بعمران
عمران:ياهلااااااااااا فيك اخبارك البيت مايسوى من دونك القصيم كلها ظلام بعدك
عبير:يااااااااحياتي والله تسلم بس ياليت يكون هذا اسلوبك اذا كنت عندك
عمران:ههههههههههههه ليه ذابحك انا
عبير:امزح معك
عمران:هاه حجزتوا
عبير:ايه حجزنا سفينه وناسه اول مره ابسافر بسفينه ونااااااااسه
عمران:وش اسمها ومتى الرحله
عبير: عبارة السلام98
عمران:توصلون بالسلامه
عبير:الله يسلمك حياتي يالله انتبه لنفسك ولاتعب حالك ولاتفكر كثير وكل زين
عمران:هههههههههههههههه والله انك فاضيه
عمران:ماقلتيلي متى الرحله
عبير:اليوم

عمران نغمة رسائل

الرساله الوارده=1
فتحها من عبير

(تصدق اني اشتقت لك)
عمران ابتسم وباس جواله


حسام يصارخ:رااااااااسي ابي حبه حبه
سامي:خذ ذي الابره هذي احسن لك
حسام اخذها وهو كله يرتجف وضرب نفسه بهالابره الى هدئ
حسام:انا لازم اتعالج بس كيف

عمران جالس يتقهوى هو وخواته وهو يغير القنوات
زينب:وش معنى عبير تسافر وحنا لا
عمران:اوووووووووف لاتقارنين نفسك فيها
زينب:ايه مو قد المقام
عمران وهو يتابع مسلسل يشوف خبر عاجل غرق عبارة السلام98 الراحله من السعوديه الى مصر
يقوم واقف عمران من غير شعور