قبله من فم الحياه
هذه القصة أن كانت حقيقية فانه لم يعيش معناتها إلا أصحابها وان كانت خياليه فهي من واقعنا المر.
الفصل الاول:بقايا اسره
رناد: هد شعري الله يهدك
راضي:اهد شعرك هاه انا بس نفسي اعرف ليش انت كذا هاه قولي فهميني
سيف:بس ياخوك مايصير هد شعرها بتفاهم كل شي يصير خلونا نتفاهم ياجماعه
يفلت راضي شعر رناد بعد ان اصبح كثير منه في يديه.
تنظر الى يديه وتقول (الله ينتقم منك ياظالم هذي اسهمي باخذها يعني باخذها)
رد عليها سيف وهو يحاول تهدئه الطرفين (طيب يارناد خلينا نفرض بس نفرض انه عطاك الاسهم نفسي اعرف ايش راح تسوي فيها )
راضي:لاتفرض فخليك تتمنى مو تفرض ان الله ماخلقك
تبدو على سيف علامات التعجب(طيب ليش انا بس فارض)
تتجه انظار رناد الى الارض محاوله الا تذرف الدموع (اسمع ياسيف هو بس يعطيني اسمي والفلوس بدبرها)
ضحك راضي بصوت ممزوج بسخريه (ههيهه يالقويه ومنين بتجبين الفلوس انت هاتي الفلوس وخليني اشوفها بعيني وبعدين اعطيك اسمك والفلوس ,ايش تبين بعد)
يضحك سيف ويحاول ان يكتم ضحكته,فتتامله رناد بكامل القهر(ايه حقك تضحك ياسيف ولو ماشعري كلش مقطع وحالتي مبهذله لضحك معك )
ابتسم راضي (ايش دعوه قايل شي يضحك ولا كلش مافيه ثقه )
دخلت رناد لاختيها جواهر وميساء لتذرف الدموع التي كتمتها كثيرا حتى اصبحت لاتستطيع تحملها (يابنات انا تعبت من ذا الظلم خلاص معاد اقدر اتحمل يعني راضي هذا مو كفايه انه سكير وعاطل وكمان يطق و ياخذ اسهمنا وفلوسنا وحنا جالسين مشاء الله نتفرج,ومافيه احد يتكلم الاانا وفي الاخير انطق)
ثم ترمي نفسها على الاسفنجه الكبيره التي يتشاركون الثلاثه فيها .
ردت عليها جواهر بكامل رقتها وبصوتها الناعم الخافت الذي لايكاد يظهر بعد ان تضع شعرها الاشقر الحريري في حضنها (يو ترى انت مره معقده الامور يعني صراخك هذا فادك بحاجه بس كل يوم تنطقين ومن مين تنطقين من راضي إلي لو يطقني مره كان يمكن اصير معوقه يمه بسم الله علي بس انت مشاء الله عليك اقوى وحده فينا الا ابغى اسالك سؤال بس لاتعصبي)
ردت عليها رناد وهي في قمة الحزن(اسألي هو سؤالك إلي بيعصبني أنتي لوشفتي أخوك وهو مجمع الشعر في يده لكن عرفني معنى الزعل الحقيقي )تضحك ميساء (الله يهديك والله انك منت مجبورة على إلي يصيراك),تداعب جواهر خصلاتها الذهبية( بس ترى انا ما اقصد شي بسؤالي ألحينه لو يضربك سيف تقدرين عليه أولا)نظرت إليها بكامل الغضب (والله سيف ماني متا كده بس أنتي متا كده أني بقطعك تقطيع )تبلع جواهر ريقها (لا ولي يسلمك خلاص كنت امزح لاتزعلين)
تينق لنقا لينق
تينق لينقا لينق
تينق لنقا لينق
راضي:الووووو مرحبا
ليلى:ممكن اكلم ميساء
راضي:اكيد ياعيوووووووووني بس من اقول لها
ليلى(وهي غاضبه ):لو سمحت يااخ قل لها صديقتها
راضي(بابتسامه):ايش دعوه تعصبين انا ماقلتلك عيوني الا لانك اكثر وحده تتصل مااعتقد انه فيه يوم يمر ماتتصلين خمس مرات
ليلى:الحين بتعطيني ميساء وتخلي التجريح ولا كيف
راضي :اهي اهي اهي اسف على التجريح ماكنت اعرف انك حساسه
قطع سيف هذه المهزله (يخي المطلوب منك تدعي البنت موتفتح سالفه وتقعد تتريق على عباد الله )ثم يصرخ سيف (ياااااااااااااميساء ميسااااااااااء تعالي تليفون )اتت ميساء لتاخذ التليفون الى الداخل ليستوقفها راضي (علي وين يا ام الشباب تبين تكلمين كلمي هنا ما تبين احسن) تعيد التليفون الى مكانه وهي تشعر بالقهر (الو اهلين .......................)
وبعد ان انهت ميساء مكالمتها توجهت مسرعه الى الغرفه صرخت في اخواتها(يا بنات فضحني بيجنني اعوذ بالله ايش اقول الحين )نظرت إليها رناد (على هونك ويش فيك )
ميساء :ايش فيني ايش إلي ما فيني أخوك هذا مصيبه الله بلانا فيها
رناد :ايش مسويلك بعد
ميساء :ابد قاعد يغازل في صديقتي ولما عصبت صار يقول انها اكثر وحده مزعجته بالاتصالات والبنت اعتذرت قالت لي سامحيني ياميساء الرقم هذا مراح ادق عليه مره ثانيه .
راضي: ((احم احم ترا انا ماكنت اتصنت بس مريت بالصدفه هاه قالتلك مراح تدق والله ياميساء انك خطيره ماتصادقين الاشاعرات وحساسات مثلك)) ردت جواهر بهدوئها المعتاد ((راضي انا سويت إلي تبيه بس انت مانفذت إلي وعدتني فيه )
راضي(مبتسما):والله انك انت احسن وحده مو مثل الاولى إلي مسويه ناشطه في حقوق المرأه ولا الثانيه إلي تشعر بان المجتمع لايقدرها ,لو بس كل وحده تهتم بمكياجها وشعرها مثلك كان انا مرتاح )
بعد ان يخرج راضي تقفز رناد قفزه لكي تخبر بان ماتفكر فيه يجعلها تشعر بالطاقه
رناد: يابنات انا كذا فكرت وقلبتها يسار ويمين وشفت مالي الا اتزوج
جواهر:تزوجي الخطاب ماوقفوا وانت إلي مو راضيه
رناد: لا ياحبيبتي اذا تزوجت بهالطريقه وايش راح استفيد
تنظر إليها جواهر برومنسيتها المعتادة :اجل كيف تبين تتزوجي
رناد:ابي اتزوج واحد بعد ما يذوب في غرامي ويصير ما يعرف في ذي الدنيا الا رناد
تقاطعها ميساء:اعوذ بالله انت انجنيتي والله ماكنك قاعده تسمعين نهايه كل وحده تمشي بمثل هالطرق
رناد:شوفي يا حبيبتي انا بعد ما اخذ اسهمي معاد يهمني شي وكيف ما يصير يصير
تقطع حوارهن جواهر:وانت حاطه واحد معين في بالك
رناد وهي (مبتسمه)أي والله حلو وغني ورزه وكشخه ،بس لو اقدر اجيب رقمه لاخليه ينسى امه وابوه
ميساء:اعوذ بالله رناد ويش فيك ترا إلي ضاع منك اسهم مو انسان
رناد :اسكتي يا الموهوبه والله لاعيش دنياي زي ما ابغى أعيشها