[h3ms]

مساكم الله بالخير اعضاء وعضوات منتدى روايتي اليوم راح انزل لكم الفصل الثامن عسى ان تستمتعوا بقرائته

قراءة ممتعه







الفصل الثامن :
في اليوم التالي الكل اجتمع للذهاب الى حديقة وندرلاند وفاءاً لوعد سعود للسوري والأخيره كانت مستانسه حدها وتجهزت هي وخواتها وبنات عمانها سعود كان مودي خواته وخوانه معه اما عيال عمه الباقين فكل واحد ودا خواته معه وتركي وخلود معهم بناتهم وولد هيا نايف موديته خالته مع بناتها يتونس ويلعب وصلوا وندرلاند وطافوا فيها وماخلوا لعبه مالعبوها البنات والعيال سوا والسوري وبدور كانوا كاشفين طبعا مايغطون وجيههم وكلوا شعر البنات واخذوا لهم الذره المشويه وكانوا مستانسين آخر وناسه وسعود والعيال وتركي معهم وعيونهم عليهم لايضيعون من زحمة الناس وكانت الحديقة خلط يعني عوائل وبنات وشباب
المهم تأخر الوقت وسعود قام يعلن لهم انه خلاص قرب وقت طلعتهم بس تعرفون السوري قامت تترجى فيه : فديتك ياسعود آخر لعبه بنلعبها وبنروح .. من متى وحنا ننطرها .. خلاص قرب دورنا الله يخليك ياسعود
سعود : زيييييين آخر لعبه وعقبها بنرجع البيت سمعتيني والتفت على العيال زايد وناصر وفهد ونايف ومشعل وعبد الله يكلمهم خلكم معهم وحنا بننطركم عند البوابه والتفت على السوري ترآهااااااااا آخر لعبه وتوه بيمشيى شاف السوري تكلم وحده من البنات تبيها تلعب بس شاف البنت تتكلم بس من مكانه ماقدر يسمعهم ويش يقولون قام دعا السوري : ساره فيه شيء من تكلمين
السوري : اكلم منى ابيها تلعب وتقول ماتبي لأن فلوسها قصرت ومهوي معها الفلوس الباقيه بس مها دخلت هي والبنات والعيال قبلنا للعبه وكنت بلحقهم انا ومنى على اساس يحجزون لنا مكان بس منى غيرت رايها يوم شافت الفلوس قاصره وانا ماعندي خلصت فلوسي ..
سعود وهويفتح بوكه ويعطي السوري الفلوس لمنى قامت منى انحرجت وبغت تردها : تسلم ياسعود بس خلاص ماني مشتهيه العب مايحتاج تدفع لي
سعود : أفااااااااااااا مابينا سحا ترديني يامنى
منى : لا ماعااااااااش من يردك بس
قاطعها سعود : لابس ولا غيره يله روحي العبي مع خواتش
منى : ان شاء الله وشافت سعود وهو يمشي مبتعد عنهم والتفتت على السوري معصبه عليها : الله يفشلش زييين كذا احرجتيني
السوري : عااااااادي سعود ماحد يستحي منه فديته يلله امشي
منى : امشي كله من مهوي الدبه دخلت وخلتني وراها .
اللعبه اللي بيلعبونها كانت عباره عن صحن كبير مدور يجلسون الناس على اطرافه وهو يدور بقوه والموجودين داخل كانوا يتمسكون بالحواجز اللي برا علشان يثبتون نفسهم كان الكل جالس وملتزم مكانه ماعدا بعض الشباب اللي كانوا واقفين في الوسط وماكانوا مثبتين نفسهم فطبيعي انهم يطيحون على الناس اللي جالسه وكانوا الشباب واقفين قدام البنات مها ومنى والجازي والبنات الباقين متوزعين في اللعبه مع العيال .. الشباب اللي كانوا واقفين ماكانوا متمسكين بشيء علشان كذا طاحوا على البنات اللي من الخوف تراوحت ردات فعلهم منى لأنها خجوله وهاديه كانت رد فعلها انها دفتها على الارض من صدمتها بطيحته
اما مها فكانت ردة فعلها عنيفه شوي اضربت الشاب بالشنطه على راسه اما الجازي فتداركت نية الشاب ووخرت عنه وخلته يطيح تحت رجلها طبعا حركة الشباب مافاتت العيال زايد و ناصر – فهد ونايف – مشعل وعبد الله اللي كانوا ينطرون اللعبه تخلص علشان يسنعون الشباب بمجرد ماوقفت اللعبه زايد وناصر كانوا اول الناس النازليين وبنطرون الشباب ينزلون واول مانزل واحد منهم تلقاه زايد ببكس كسر له خشمه والثاني كان جاي يبي يدافع عن خويه مسكه ناصر ونزلوا خوياهم الباقين مشعل وفهد ونايف كان معطلتهم الزحمه من الطلعه بسرعه قاموا نطو سور اللعبه وصار الإشتباك بينهم وبين الشباب .. البنات خافوا يوم شافوا المضاربه وحاولوا يهدون اخوانهم اللي ماكانوا يسمعون والتموا الناس متفرجين على الضرب منى والسوري وبدور ووصايف كانوا يبكون خوف على اخوانهم اما مها والجازي والعنود وشيخه فكانوا مرتبكين مايعرفون ويش يسوون .. منى : مها كلمي حد خلي يجي يفكهم بيذبحون بعض .. كلمي اخوي سعود وترد عليها الجازي : لااااااااا انا بااكلم سلطان قاطعتها العنود : مجنونه انتي واياها تبون تخوفونهم وبعدين سعود في الشقه وسلطان شري مايتفاهم تعنينهم وحنا عندنا سعود وتركي انا بكلمهم وكلمة العنود سعود وعلمته بالسالفه
اول مادرا اخذ تركي ودخلوا داخل وشافوا تجمع الناس والبنات يبكون ويتنافضون من الخوف التفت على تركي : تركي كلم سلطان خله يجي ووصلوا البنات للشقه وانا بااتصرف بحل المشكله ودخل بين الناس يكلم اخوانه زايد وفهد ومشعل وحاول يفكهم من العيال ماردو عليه والتفت على عيال عمه ناصر ونايف وعبد الله كلمهم ماسمعوه من حشرة الناس شوي وسمعوا صفارات سيارات الشرطة اللي جات والقت القبض عليهم هم واللي متضاربين عليهم واخذوا سعود معهم
وقامت الشرطه بفض الناس من حولهم .....
انتهى الفصل الثامن ...
ماهو مصير العيال هل هو السجن ام سيستطيع سعود التدخل لصالحهم ؟
كل هالأحداث بتكون في الفصل التاسع ........... انتظرونااااااااااااااااا