تفضلوا البارت الخامس
(البارررت الخامس)
حنين:كنت فاتحة فمي من الصدمة<حبوب منع حمل>
لما استوعبت الموقف دزيته بقوووة من صدره ولأنه مو متوقع هالحركة اختل توازنه
وطاح على طرف السرير ولسا مومستوعب ردة فعلي وأخذت كيسة الحبوب ورميتها على صدره ومسكت نفسي لا ارميها بوجهه لأني عارفه الوجه موطن كرامة الإنسان بس مسكت نفسي
وقلت وأنا أرميها: خذ دواك كله أنت ماني بحاجته من اليوم وطالع..وطالعت حوالي أبي مكان اختلي فيه بنفسي بس مالقيت إلا الحمام وبسرعة دخلته
وقفلت الباب وانفجرت بالبكي.
وافي : ماتوقعت ردة فعلها بتكون عنيفة بها الشكل..بس أنا ماغلطت من حقي أأخر موضوع العيال عالأقل السنة الأولى لحد ماأثق أنها تستحق تكون أم عيالي بعدين أهي لسا صغيرة ثمان طعشرسنة يعني نأجل الخلفة لين تكمل عشرين..
سمعت صوتها بالحمام تبكي ودقيت عليها الباب:يابنت اطلعي موزين تبكيين بالحمام تدخلك الشياطين اطلعي نتفاهم.
حنين: طيب ياالوافي إما خليتك ترجاني أحمل ما أكون حنين
غسلت وجهي ولما ماعاد سمعت صوت عند الباب طلعت ومالقيته بالغرفة رحت سيده للتسريحة وحطيت ميك أب لايق بعروسة وكثفت الكحل البودرة والماسكرا وقلوز وبلاشر بصلي ورتبت شعري وزدت عطري وجلست على طرف السرير وأنا أفكر اش راح أسوي بس قطع تفكيري صوت فتح الباب حاولت أهدي نفسي وخذت جوالي واتصلت بنورة أختي.
نوره:هلاااابالعررروسة استراليا مرة وحدة شخبارك
حنين:هلااافيك أخباركم اشتقت لكم
نوره:يابكاشة من لقا أحبابه نسا أصحابه
<وافي جلس عالكرسي المقابل للسرير>
حنين:حاولت اتجاهله وأبين له أنه ماهمني
ههههههه محد بقلبي إلا أنتم ليش أمي وأبوي ما يردون على جوالاتهم .. ولا البيت؟
نوره:ياستي وسن حاكمة على أبوي يغيرون جو بالشرقية دامك تركتيها ويمكن فارق التوقيت بينا وبينكم السبب.
حنين:أوكي سلمي عليهم وعادي يدقون لي بأي وقت بأرد عليهم
نوره:إن شاء الله فمان الله
حنين : سكرت السماعة وعطيته ظهري بدون لا أطالعه وتغطيت بالمفرش.
وافي:تضايقت مررة من اللي صار بينا مع أني ماتراجعت عن وجهة نظري طلعت من اللوبي بعد ماشربت فنجان يعدل مزاجي ورجعت لها أكيد للحين تبكي بالحمام أووف أنا وش لي بالعرس ووجع الراس لكن تفاجأت بشكلها وهي عالسرير وجلست مقابلها اتأملها لين تنهي مكالمتها
|