[بلازا]

أبوتركي:رفضت طلب أبوحمد أخوي وهو أني أسفر وسن لجواد برااا بدون مايجي ياخذها وحتى لو جا البنت لسا صغيرة أحس إني ظلمتها هي ووداد لأنهم هم اللي كانو مو راضين عن زواجهم ولو ماتوفقوا بكون أنا السبب فكنت أعوض وسن بالحنان وأي شي تطلبه أمر بما أنها لسا عندي ماتزوجت.

وليد:وسن وسن وسن خبر خبر خبر

وسن:ياكرهي لها الوليد دايم أخباره سيئة وأفعاله أسوأ مايخبرني شي إلا إذا كان متأكد أنه بيغثني_خيرياوجه الشر وش عندك!

وليد:يااااي فرحاااان حدي وسون بتغادرنا
لبريطانيا وبتشوفين الأميرتشارلز وبتزورين قبر ديانا عقبال مانزور قبرك.

وسن:هب ياوجهك!أنت وأخبارك الزفت انقلع جعلك الماحي ورحت لأبوي وكذب الخبر وبها المناسبة قلت له أبي السوق عشان أجهز للمدرسة بماأنا راجعين بكرة للرياض

وليد:الله وهالمدرسة اللي تجهزين لها اللي يشوفك مايقول هذي ماعمرها نجحت بدون دور ثاني كسرتي قاعده خواتك بالتفوق ياالشاذة يامهملة ياكسلانة ياااا

وسن:يبااااااه شفه يعايرني.

أبوتركي:ولود وتبن اترك أختك ماعليك منها

وسن:فتحت كفي وحطيت كفي الثاني وأنا ضامته وأدور به علامه موت بحرررتك
خبطني على راسي وجر شوشتي وهو ماشي وتركها بعد ماصرخت عليه

جواد:تضايقت لما قالي أبوي برسلك وسن واستقبلها بالمطار
خيررر؟بيلحقوني بزر؟وإذا بكت وقالت أبي ماما وبابا؟
قلت له مابعد استعديت وإذا جت أول إجازه لي جيت آخذها طبعا ماعندي نية بس عشان اصبر أبوي
دقيت على جوال عمي أبوتركي بفهمه وضعي مارد علي ودقيت على الثابت مارد باقي شقتهم اللي بالرياض بدق عليها وأشوف؟

وسن:آلووو

جواد:هلااامن معي

وسن:انت اللي متصل مو أنا؟

جواد:بااااس عرفتك أم لسان مدامتي

وسن:واااع عرفتك جوادوه الدب وش تبي أخلص

جواد: حبيت أرفع ضغطها قلت : أبد بس تعرفين المرة تابعة لرجلها وأهلك بيجيبونك لي..وإلا أنا لو علي مااستقبلتك حتى في المطار

وسن:ههههههااااي مت ياحمار لين يجيك الربيع