[قطورة الـندى]

تابع البارت الاول

الجده : حناااااااان ... يا حنان
بدريه : نعم يمه وش بغيتي
الجده : خليتها تصحي خالها ولا جت
بدريه : الحين اناديه الك ... هذا جا الي تبينه
مشعل : السلام عليكم
بعد ماردو السلام
مشعل : الله وش هالجلسه الحلوه وحلاه بعد
ريم : حياك ذوق طبخ يدي
مشعل : يالعياره هدا طبخك ماتعرفين تسوين الشاي بتسوي حلى
حنان : ههههههه كاشف كل حركاتك
مشعل : انتي بدات اسكتي
اخت لي حبتين حلى وجلست جنب جدتي : هاه يااحلى جده وش بغيتي
الجده : ابيك توصلني لناس
مشعل : يااااويلي جدتي ليكون اعرستي وحنا ماندري
مدت العصى كانت بتضربني هربت وانا اضحك : هههههههه خلاص تووبه
ام مشعل : عيب عليك ياولد احترم جدتك لا والله اعلم ابوك عليك
مشعل وهو يضحك : لا خلاص بتأذب ورحت حبيت راس جدتي
الجده : حبيت الكعبه ياولدي
مشعل : يايمه ليش تبي اوصلك هناك
الجده : بروح لمره تخيط نفانيف وبروح اخليها تخيط لي واحد (نفانيف _ ثوب او دراعه على قولت الاماراتين ^.^)
مشعل :بس واحد خليها تخيط لك 10 تستاهلين يالغاليه بتروحين الحين
الجده : ايه هدي عباتي جنبي
مشعل : يلا اجل مشينا حد بروح معنا
حنان : ايه اني بروح معكم
مشعل : وش هالقافه وش حاشرك انتي
بدريه : وش مسويا فيك مسودة الوجه
حنان : يماا بدال ماتدافعي عني
مشعل : انتي لا بس حوريه ادا بتجي ماعندي مانع
حوره انبسطت : ايه بروح
حنان : وش معنا اني لا وهي عادي
مشعل : مزاااج
حوريه : ريم بتروحي معنا
ريم : مشكل على هالصدعه الي مايدري رايحين الملاهي رايحين الكرنيش وهي تحرك يدها كلها بيت ومافيه الا مره وتخيط حنا وش نطلع الجدران
ضربتها على راسها على خفيف : بشويش يابنت الملك لا تذوبين من الدلع
ريم عصبت : يمه شوفيه
ملاك : يمه اروح معهم
ام مشعل : لا احنا بنروح السوق الحين بيجي ابوك ونروح طيب
ملاك : اااايه ابي اروح بشتري لي شنطه وألعاب
ريم : ونتي ماتشبعين من الالعاب
ملاك : ونتي ماتشبعين من الشنط والميك آب وطلعت لها لسانها
مشعل : ههههههه والله وكبرتي ياملاك
(ملاك بنت حبيوبه جميله وتروح الروضه و تحب مشعل كثير لانه دايمن يالعب معها لما كان يجي وقت الاجازات تحب المدرسه وتستناها بفارغ الصبر السنه الي بتجي بتدخل المدرسه ومجهزا كل احتياجاتها هههههه)
مشعل : يلا ياجده مشينا
مسكت يد جدتي وسحب لي سوج سيارتي الفراري وانا ابتسم
وصلنا السياره وجلستها قدام معي وهي تتحرطم عشان السياره وحوريه وراي مبسوطه
هبلت فيني جدتي وهي توصف لي الطريق اخر شي دقيت على السايق ودلاني وصلنا حي الي منسدح على سياره ولي يغسل سيارته وكل مكان شلة شباب لازم اشوف واحد منهم يدخن وبنات يمشون بس مشاء الله محتشمين وصلنا البيت كان البيت قديم وصغير بعد مانزلتهم قلت لى حوريه تدق على جوالي لمى يخلصو ماتحركت كنت استنى يدخلو البيت وهم واقفين انقهرت لمى طولو مافتحو الباب وجدتي واقفه توني بنزل الا فتحوه لهم وشفتهم داخلين وعلى طول رحت الديوانيه للشباب





جالسه على الارض بهمومها كل شي يوجعني هدا ولا شي غير الالم الي بصدري
ياربي فرج همي وهم هالمسكينه تخلت عن اهلها علشان واحد مايسوى ضفر منها للأسف طلع هدا عمي لو اقدر بس اوصل لعمي صالح اقوله عن كل سواياه بس للأسف مافي اليد حيله صحيت من غفلتي على صوت الجرس هالوقت البيت مايفضي اجلس احبس نفسي في الغرفه ماحب اقابل احد سمعت صوت مريم طلعت من غرفتي وسمعت صووتها كانت في السطح شكلها تنشر الثياب
مريم : اش فيك ساعه الناس تدق الجرس روحي شوفيهم
شوق : طيب طيب له معصبه
فتحت الباب وانا اشوف وحده كبيره في السن مع بنت
بعد ماسلمو جلستهم في الغرفه الي تخيط فيها مريم نضرات البنت غريبه
البنت : انتي سعوديه
شوق تعودت على هالسؤال دايمن ينسال : امي لبنانيه وابوي سعودي
الجده : ماضن مريم لبنانيه
شوق : لا هذي مرة عمي ابوي وامي توفو الله يرحمكم
الجده : الله يرحمكم ويصبرك يابنتي
بعدها جات مريم وراوتها القطع وكيف المديل الي تبيه وشوي شوي جاو الحريم وطلعت مع البنت غرفتي تعرفنا على بعض مشاء الله ناس اول ماتشوفهم يدخلون القلب على طول سولفنا البنت حبوبه ماخلت حد ماسولفت عنه ماحسينا بالوقت سمعنا صوت جدتها تناديها قالت لي
حوريه : يلا استنى زيارتك تجين يعني تجي مالي شغل
شوق : هههه لا والله ماقدر اسمحي لي عمي عصبي ومايرضى اطلع
حوريه : خلاص اجل كل مره تجي جدتي بجي معها
شوق : على خير حياك الله في اي وقت البيت بيتك
سمعت صوت جوالها وطلعته مره حلو شكلهم ناس كباريه حتى شنطتها ماركا
حوريه : هلا خالي
مشعل : خلصتو لو لسه ؟
حوريه :خلصنا توها جدتي تناديني
مشعل : ليش انتي فين عنها
حوريه : جالسه مع بنتهم في غرفه ثانيه
مشغل : طيب دقايق وانا واصل لكم لاني قريب طيب يلا مع السلامه
حوري :مع السلامه
طلعنا من الغرف وخدت جدتها وسلمو وطلعو من البيت
رجعت لغرفتي واني اناضرها فشله ناس اغنياء شايفين هالغرفه وش بيقولو هالسرير الي شوي ويطيح لو تشوف نافده بدون ستاره هههههه فشله ولا اتناضر شكلي اعظم وخس بنطلون جمس طبعن لازم ينمشق عند الركبه كله من خمام الحوش بالعسو ولبلوزه عدمانه وفيها نقطه بالكروركس ان شاء الله مانتبهت لها هههههه توجهت للدولاب وخرجت لي ثوب مخيطته الي مريم ودخلت الحمام اسبح


عند العشى
حوريه : مابتصدقون الي شفته
حنان نطت جنبها : وش شفتي
حوريه : البنت حلوووووه مره تطيح الطير من السما ههههه
ريم : وخير ياطير
حوريه : ايه لانكم ماشفتوها والله انها دخلت قلبي هالبنت
بدريه: ونتي اي شي حلو يدخل قلبك
الجده : مشاء الله عليها جمال و دين واخلاق
في هالوقت جا مشعل : من هذي
الجده : زوجتك
الكل انصدم !!!!!!!!!!!!!!
مو اقل من الصدمه الي جاتني انا اتزوج غير رزان لا والله على جثتي هدا الي ناقص بعد !!!!

من تكون رزان وكيف تعرف عليها مشعل ؟
هل من الممكن يقدر يغير راي جدته ؟
تتوقعون يصير نصيب بين مشعل وشوق ؟


البارت طويل شوي ان شاء الله عجبكم البارت الاول لاتبخلو علي بردودكم الحلوه وعطوني رايكم بكل صراحه
تحياتي
^_^