[طيف ملائكي]

السلام عليكم

انا بنوته عمري 18 طبعا احب ولد خالتي بقوه وهو مادري عنه اذا يحبني اولا اللي صار اني من حبي له حبيت اخته وصرت اكلمها واجرها عشان تقولي اخباره ولمن احس انه يناديها او انه جنبها اجلس اسأل منو وش يبي وحتى صرت مهتمه بوقت دوامه لمن يصحى ادق على بنت خالتي تروح تصحيه بس بدون ما احسسها انها مهتمه بنت خالتي مره حبتني بقوه وحسيتها هي اللي رح تساعدني اكون قريبه منه اكثر فقمت قلت لهلي وخطبناها لخوي وهو لسى يدرس قلت يمكن تحبني اكثر واكون قريبه منها في يوم ىمن الايام تجمعنا عند خالتي وقالت وربي اتمنا يكون في نصيب بينك وبينه انا ساعتها طرت من الفرحه ماتوقعت انهم يفكرون فيني وجدتي كمان تلح بالموضوع تبينا لبعض المهم ساعتها فرحت قامو بنات خالتي يحرجوني يقولو توافقي وشوفي صورته ووو من كلام البنات وهبالهم الا هي ساكته قالت بكل جراءه لو خذت اخوي انا مارح اوافق على اخوها انا وربي وقتها مسكت دموعي ماتوقعتها رح ترد بهالشي وتوقعت هي اللي بتفرح اكثر من خواتها المهم قالو ليه اللي جالسات بنات خالاتي وامي وجدتي وخالتي قالت لان يمكن تصير مشاكل وترجع علينا انا واخوها المهم انا تعبت ماصدقت ارجع البيت ومن ساعتها لليوم مارجعت تكلمت بالموضوع خالتي وهي ملكت على اخوي قبل فتره وسحبت علي صارت مطنشتني وانا مقهوره اني سويت هالشي عشان تساعدني احبه بس للاسف انقلب ضدي هالشي ومحد راضي يساعدني نفسي ارسله واعترف له لاني ماقدر اتحمل الحين سمعت من اخوي انه قاله اني ابي اتزوج وقريب ان شاء الله خايفه يروح مني وانا احبه بقوه الشي الثاني انا عندي اخوات من ابوي اكبر مني وكل محد جا يخطبني سوو لي مشكله مايبوني اتزوج قبلهم وانا برفض عادي الا ولد خالتي لو جا وربي مدري اشلون اسوي واقنع ابوي واهلي انا متضايقه بقوه مو عارفه شسوي
اعترف له واخربها ولا اسحب واللي يصير يصير تكفون ساعدوني وربي حالتي زفت بقوه ماني عارفه شنو رح يصير؟؟؟؟؟؟؟؟؟؟
انتظركم