[جرح الذات]

البارت الثامن









^^ بــاستــرالـيــا ^^



ايمان وصفاء بالسوق...



ايمان:انا ماقلت لكي عن ملاك؟



صفاء باستغراب:ملاك...لا شوفيها؟



ايمان:لا ما فيها الا العافية امس دقت عليا تطمن علينا وسألت عنك كانت تبغى تكلمك بس كنتي نايمة...



صفاء:والله فيها الخير دقت مشان تطمن علينا...



ايمان:ايوه والله انتي ما سمعتي صوتها متغير كليا وكل شوي تعتذر ليا عن جد ما كانها ملاك اللي بنعرفها صارت طيوبه وحبوبه مرررره...سبحان اللي يغير وما يتغير...



صفاء:هذه حال الدنيا على قولت دادي الدنيا دواره_ولفت للجهه الثانيه_ايمي شوفي اللي عم تبيع ورد...



ايمان با ستغراب:ايوه ايش فيها؟



صفاء:اممممممم بيعقد الورد اللي معاها شو رايك نشتري لملاك؟



ايمان وهي تسبقها:اوكي يله...



راحوا واشتروا عشرين ورده...10 بلون الابيض من ((الياسمين))



و10 بلون الاحمر من((الجوري))....................



صفاء:ههههههههههه ماتلاحظين ان اخذنا منها كل الورد ههههههه...



ايمان:ههههههههه من جد...بس لمين هذا كله؟



صفاء:الياسمين لملاك والجوري لعدنـ...ـان_وحست بالم كبير وهي تقول اسمه...



ايمان حست فيها بس ماحبت تسالها:وانا مالي نصيب...وإلا صدق راشد الماجد في اغنيته اللي لقى احبابه نسى اصحابه...



صفاء:ههههه مره الاغنيه داخله عرررررض لانو يا حبيبتي انتي اختي موصحبتي...وتانيا لو بدك الورد كلوا يفداك وقليل كمان فيكي...وتالتا يا حياتي انتي غير وهو غيـر...



ايمان با حراج:بس هيه تراك احرجتيني...



صفاء:فديت اللي بيخجلوا...ويله نروح نشتري بوكيه الورد...



ايمان بحماس:بس بشرط يكون على ذوقي...



صفاء:اوكي حق ملاك لكي امـا...



قاطعتها ايمان:عرفنا خلاص_وقلدت صوتها لما تقول عدنان برقه وبنعومه_عدنـان لكي موووو...



ضحكت صفاء...ورن جوالها وشافت شاشته((حبيب الروح))<<__ يتصل بكـ



ارتجفت ايدها وحست بالدموع تتجمع بعيونها بس ردت عليه عشان ماتبين لايمان انو في شي بينهم:اهلين عدنان...



عدنان وهو حاس فيها:يا هلا والله بالصوت وصاحبته...كيفك يا قلبي اخبارك؟



صفاء بغير نفس:انا منيحه انتا كيفك؟



عدنان تنهد بحززن:لما تكوني بخير انا اكون بخير...



صفاء:تسلم _وبدت عيونها تدمع وما قدرت تقسى عليه اكثر لانها حاسه انو حس بغلطه_عدنان وحشتني...



عدنان:انتي اكثر يا روحي بس هانت ما بقي الا ايام قليله واشوفك...اخبار ابوكي واختك انشاء الله بخير...



صفاء:الحمدلله كلياتنا تمام...



عدنان : صفاء اذا انتي محتاجه شي او ناقصكم شي اطلبي يا قلبي عادي...



صفاء: ما تنقصنا إلا شوفتك...



عدنان:يله يا قلبي انا الحين مشغول بكلمك في الليل اوكي...



صفاء:اوكي استناك......



قفلت صفاء منه وابتسامتها على وجهها ما تدري ليه لما تسمع صوته تعيش بعالم ثااااانـي تحس انها ملكة العالم كله بيدها ...بس لما تذكرت اللي صار امس كشرت وجهها



""اصلا انا غبيه كيف سمحت له كيييييف ياربي الحين ايش اسوي بس مو انا اللي غلطت كمان هو المفروض يعتذر لي الله يسامحك يا عدناااان كيف تركت الشيطان يلعب فيك وفيني كمان""



ومسحت دمعه انحدرت ع خدها,,,



ايمان لا حظت ان صفاء مو على بعضها وحبت تسالها اذا رجعو للفندق لانو مو وقته الحين...فراحت اشترت البوكيهات للورود ورجعت وهي على نفس حالتها...



واستلمتها بالاستفسارات لحد ما وصلوا الفندق...









عدنان وهو يطالع جناح ملاك باندهاش:الله ...الله...ايش هذا كله..



ملاك:ليه مو حلو؟



عدنان:مو بس حلو إلا يجنن بس من عمل كل ذا؟



ملاك:كلمت بابا يجيب شركة اللي تعمل هذه الاشياء وكمان صحباتي كلموني عنها ومدحوها ...وزي ما انت شايف اللوك الجديد للروم...



عدنان:لا الصراحة الغرفة طالعه منتزه مو غرفه...



ملاك:اقول عدنان نبغى نروح نشتري هدايا لصفو وايمي...وعاد زي هذه الاشياء...



عدنان ابتسم:اوكي يا حياتي انا بغير ملابسي ونروح سوا اوكي...



ملاك بفرح:اوكي يا قلبي بس لاتتاخر...



باسها عدنان على جبينها:تامرين امر كم عندنا ملاك احنا...



ابتسمت ملاك لخوها اللي عمره ما زعلها بكلمه ...



ونادت الخدامه تساعدها تلبس العباية ...وهي تنتظر صفاء وايمان على احر من الجمر وفرحااااانه لانهم بيجون بكره...



ويجلسوا ثلاث ايام عندها...



وفجاة وبدون سابق انذار...نزلت دمعه حاااااره احرقت خدها المورد...لما تذكرت اعمالها فيهم وكيف انهم سامحوها وطيبوا خاطرها بكلمتين...وهي ما راح ترتاح حتى تشوفهم قدامها وتعتذر لهم بطريقتها الخاصة ...بدال حكي التلفونات ...هذي وصية امها(الله يرحمها)



لها قبل لاتموت...



وكمان هي تبغى تبدا صفحة جديدة معاهم...ودعت ربها انه يساعدها ويثبتها على هذا الطريق اللي شعرت فيه براااااحه عجيبه...وراحت تقرا قران لحد ما يجي عدنان...








وفي مكان ثاني...كان هو بغرفته مقفل على نفسه الباب ومتمدد على الصوفا...




ويفكر"معقوله اللي يصير لنا...يا ربي تعبت من التفكير...يعني دلوعتنا...واللي دايما تملئ البيت ضحكتها...



.......ايـــــــمــــااااااا� �ن.....



تطلع مو اختي...لامستحيل اكيد هذا كابوس...بس آه ليته كـان كابوس بس هذه حقيقة لا مفر منها...



اغرقت عيونه با لدموع وهو يتذكر مواقفها معاهم وذكرياتهم بحلوها ومرها...وتضحياتها لهم...اللي مستحيل لو عندهم اخت تضحي مثلها...



تنهد بصوت عاااااالي وهو يفرغ الحزن والهم والغم اللي بقلبه...



ودق الباب...سلطان وهو على نفس وضعيته:تفضل...



دخل عليه اخوه احمد وهو مبتسم:اهلين سلطانوه اخبارك والله لك وحشه يالدب_طالعه با ستغراب_ويش انتا مسوي بعمرك هااا؟



سلطان سلم على اخوه وجلس ع الصوفا:اولا الحمد لله انا بخير ثانيا انت عارف ويش فيني عدل وما يحتاج تسال؟



احمد وهو يهديه:والله عارف ياخوي ان الصدمه اللي تعرضنا لها ماهي بسهله بس عاد لاتكون اناني وتفكر بنفسك هذا بدال ما تفرح لها لانها لقيت اهلها الحقيقين اللي من لحمها ودمها...



سلطان نزل راسه بحزن...بس بسرعه رفعه لما عقله تترجم ان اللي قدامه احمد...



سلطان باستغراب:وانت من متى جيت من استراليا يالاخ؟




احمد مبتسم:توني جيت...



سلطان:وايمان وينها؟



احمد:انشاء الله بتنزل بكرا مع اهلها وعاد ما نسيت اقولها تجي عندنا...



سلطان شهق:هاااا يعني بكرا بتجي؟



احمد بخوف:بسم الله الرحمن الرحيم...واشفيك خوفتني الله يقطع ابليسك...وبعدين وايش فيها لو جت يعني؟



سلطان انحرج من نفسه:لا بس ما اشتريت لها هدية...



احمد:اه على بالي طيب روح واشترى مين تستنى؟



سلطان بترجي:احمد حبيبي روح معايا ترى انا وين والهدايا وين ما اعرف اختار؟



احمد رحم اخوه الوحيد ووافق على طلبه من دون تردد...



وخاصة انه عارف لو ترك اخوه يشتري الهدايا لحاله راح يبدع في اختيارها...






اسمهان وهي تطالع في فستان الزواج اللي اجلوه 8 شهور بسبب وفاة ام عماد واختها حنين....وقالت بحزن :خساااااااااره كانت حنين تنتظر زواجي بفارغ الصبروما دريت انها ممكن....



وما قدرت تكمل وبكت با قوى ما عندها تفرغ الحزن اللي بقلبها...



امها وهي تهديها وما هي قادره تهدي نفسها:خلاص يا حبيبتي لا تعترضين على اقدار الله هذا شي مقدر ومكتوب لنا كلنا ...ونهايتنا الموت...خلاص يا حياتي تكفين عشاني...



اسمهان حاولت تتماسك عشان امها اللي اكثر وحده مفتقده حنين:انشاء الله...



امها بحزن وهي تمسح دمعه نزلت من عيونها:انا خسرت وحده ما ابغى اخسركم انتي واختك...



اسمهان وهي تضم امها:بعد عمر طويل انشاء الله...



وفي هذه الاثناء نزلت جيهان وكان وجهها ضعفاااااااان مرررره



وتحت عيونها هالات سودا وشعرها مبهدل...



وحالتها ما يعلم بها الا الله...



امها وهي تاشر لها تجلس جنبها:تعالي هنا يا حبيبت امك...وبعدين ياعمري ليش انتي ضعفااانه كذا؟



جيهان ضمت امها وبكت على صدرها:ماما وربي ما صار ليا نفس اكل واشرب من دون حنو الحياة خلااااص ما صار لها معنى من دونها ولا تنسين ماااااما ان حنين توامي...يعني جزء مني فقدته...وغصت في عبرتها وبدت تبكي بشكل يقطع القلب...



امها وهي تمسح على شعرها :والله عارفه يا قلبي صعب فراااق التوأم اللي من روح وحده بس يا روحي هذا ما يجعلك تعترضين على قدر ربك ادعي لها بالرحمه والمغفرة بدل ما تعذبينها وهي بقبرها...



جيهان من قلب:ياااااااااااااااارب يثبتها عند السؤال ويغفر لها ما تقدم من ذنبها وما تاخر...


اسمهان وامها:آآآآآآآآآآآآآآآآآآآ� �آميــــــــن...


وبعيد عن جو الحزن كان ابو ريناد يبلغ بنته بـ:يا بنتي ترى حددنا موعد الزواج...



ريناد من غير نفس:متى؟




ابوها:بعد شهر من زواج اسمهان ...



ريناد:ياااااربي مرررره بدري وانا لسه ما جهزت شي...



ابوها:طيب ابدي من اليوم اشتري الاغراض عاد انتي الله يهديك ما رضيتي نسوي ملكة وامس اعطاني الولد المهر...والشبكه...



ريناد ابتسمت بحياء لانو هو المفروض اللي يلبسها الشبكه بس هي ما وافقت تعمل ملكه وعمتها وبنت عمها ما صار لهم اسبوعين ميتين... بس هو المسكين بعد ما اشترى الشبكه ورطته...



>>صدق اني ما استحي على وجهي<<



ضحكت على نفسها وراحت عند راما تخبرها انها بتروح السوق عشان تجي معها...وبعد طلووووووووع الروح وافقت راما انها تخرج معها...







اليـــوم الــثــانـي,,



,,,وبــا لــطــيــارهـ’’’



ايمان وهي تشوف اختها:يا حركات ويش هالكشخه بس عساك مانسيتي انك رايحه للسعوديه مو لبنان عشان ماتلبسي عبايه؟



كانت صفاء لابسه فستان احمر ماسك على جسمها وفوق ركبتها وبدون اكمام وصدرها يغطيه كله فصوص بيضاء



وشعرها ناثرته على ظهرها وماسكه الطرفين اللي خلف الاذن بفراشه كريستال حمراء تلمع وسط شعرها من الخلف...



وميك اب ناعم يعني طالعه كلها على بعضها جنااااااان,,,



صفاء مبتسمه:تسلمين عيونك الحلوين_كملت بغرور مصطنع_بس مو احلى من عيوني...



ايمان:ههههههه الاخت واثقه...



صفاء وهي تلعب بشعرها:شو بعمل ازا انا هيك بجنن...



ايمان رشت عليها مويه خفيفة:وكدا بتتجنني اكتر...



صفاء بعصبيه:طيب يا ايمي مردوده...



ايمان:ههههههههههههههههههه� �ه شكلك كــاااااااااااااااي يا حرام



كيف راح تقابلي عدنان كدا؟



صفاء اللي تكدر خاطرها من سمعت اسمه:شغلك معاي بعدين....








وفــي جنـــاح عـدنــان...



دخلت ملاك على اخوها:ياهــوووو ويش هالكشخه؟



عدنان:انا من يومي كشخه...



ملاك وهي تقرب الكرسي من عنده:لا بس اول مره اشوفك تلبس ثوب وشماغ وتترزز...اللي اعرفه انك بس تلبس الثوب في المناسبات ومو المناسبات العاديه كمان بس_سكتت شوي وكانها تذكرت_اهااا قولي من اول عشان حبيبت القلب صفو "وغمزت له"



عدنان:بدري...



ملاك:بدري من عمرك...بس وربي ابغاهم يجون بسررعه جالسه اعد الثواني لوصولهم..



عدنان:انا بروح استقبلهم في المطار بعد شوي...



ملاك بترجي:وانا بروح معك الله يخليك...



عدنان تذكر:ايوه صح ذكرتيني صفاء امس كلمتني ومحتاره فين تودي ابوها قلت لها تود.......



قاطعته ملاك:لالالا يجي معاهم البيت بيته وان ما كفاه نفرش له العين...



عدنان بابتسامة رضا: كذا انتي تعجبيني مو ملاك القديمه...



ملاك وهي تحول نضرها للارض وبحزن:اللي فات مات وانا الحين ندمانه على سنين عمري اللي قضيتها في اشياء تافهه والحمد لله اني لحقت نفسي قبل ما يفوت الفوت وهذا بفضل الله ثم وصية امي الله يرحمها وفوق هذا شللي "ورب ضارة نافعة" وهذه الاسباب اللي صحتني على الواقع المرير اللي انا عايشه فيه...وبديت من البدايه اصلح اخطائي الكثيره...واولهم في ناس صاروا الحين غالين علي وانت تعرفهم...



عدنان بحنان:الحمد لله انك لحقتي نفسك...وانتي الحين حاولي تصلحي كل شي بحياتك وانا بما اني اخوكي فواجبي اني انصحك انك تبعدين عن الناس اللي كانوا سبب في ضياعك...



ابتسمت ملاك لاخوها ...وكأنها توها تكتشف الحياة الحقيقيه...هو ان الواحد يعيش في هذه الدنيا على انه مهاجر ويتزود من الاعمال الصالحه ...وان عمرها اللي ما فكرت فيه يروح وما عاد يرجع...وهي لازم تبدا من الان بالطريق اللي اختاره قلبها قبل عقلها والا مصيرها زي مصير غيرها اللي ماتوا وعاشوا في الدنيا على انهم دايمين لها...وفي غمضت عين ينتهي كل شي ...وخصوصا عند وقت احتضارهم يتمنون لو ان الزمن يرجع ويغيروا كل شي...



حمدت ربها على هالنعمة اللي ما تقدر بثمن...








::....::و فـي الــسـوق ::....::




اسمهان وهي تناظر اختها باستغراب:غريبه مو من عادتك تلبسين عبايه واسعه وما فيها ولا فصة...



جيهان وهي ما تدري ليه لبستها وكمان ما تنكر انها حست بالراحه فيها_قالت باستهبال:كذا تغيير لــوكـ....



اسمهان اللي كانت تعرف



ما فيه فايده من اختها _هزت كتوفها: اقول اتركي عنك حركاتك هذه للبيت وامشي ندخل هذا المحل...



جيهان بطفش:يوووووه طيب لا تعصبين يا شينك وانتي معصبه_



لـــــكـــــــــن فيه شي لفت انتباهه...



كان واحد من الشباب ومعاه شلته يحاول يغري بنت باين عليها انها صغيره عمرها مايتجاوز 10سنة بس جمالها جذاب ويمد لها حلويااااااات وووو.... الخ...والبنت المسكينه اللي باين عليها انه ضيعت اهلها...



راحت لهم...وهم على طول مسكوها وهم يتلفتون يمين يسار عشان محد يشوفهم وما يدرون ان علام الغيوب يراهم...



اما جيهان فما قدرت تضبط اعصابها من وقاحتهم وحقارتهم...



وما دريت بنفسها إلا وهي قدام الشاب اللي ماسك البنت واعطته ذاكـ الـكــف "طير عقله من راسه" وهي على طول سحبت البنت منه...



وقالت وهي تصرخ لدرجة ان اللي بالسوق اجتمعوا على صراخها:انتم ما عندكم ذرة كرامه لهذي الدرجه توصل وقاحتكم تلعبون على بنت قد اخواتكم الصغار وتغرونها بحلويااااااااات _وصرخت اكثر_هاااا جاوبوني يا حثاله ترضون...اصلا ما يفيد معاكم الكلام لانكم باختصار لو اقول حقيرين وواطين قليله عليكم ولو اقول رجال كبيره فيكم...



اما شلة الشباب كانت الصدمه مرسومه باتقان في وجيههم...اول مره تصير في حياتهم يتهزوون قدام خلق الله ومن مين من بــنـت....



اما جيهان بعدما ارتاحت واشفت غيضها سحبت البنت معاها ومعاها اسمهان اللي كانت منصدمه من اختها اللي كان بس همها الشباب والحين صار العكس...



جلسوا جيهان واسمهان ومعهم البنت على الكراسي....والبنت من لما جلست تبكي من الخوف...



مسحت جيهان دموعها وقالت وهي تهديها:خلاص يا حياتي ليه الدموع_ ومسحت على شعرها وهي تحاول تهديها...



البنت والدموع على خدها:ابغى ماما وخالووو ابغاهم...



جيهان:ماما وخالو بعد شوي جايين خلاص لا تبكين شكلك مو حلو_



وحاولت تغير الموضوع_شو اسمك يا قمر؟



البنت بعدما مسحت دموعها:انا لانا ؟



جيهان بحنان:الله اسمك حلو زيك...



لانا:وانتي ايش اسمك؟



جيهان با بتسامه:انا جيهان...



لانا ببراءة:جيهان ايش اسم بابتك؟



جيهان:اسم بابا سلمان يعني جيهان سلمان...



وفجاه جات حرمه ومعها واحد...



لانا وهي تقوم بسرعــه:مــــااااامــــا...



امها وهي تحضنها:يا قلب ماما وين كنتي وانا ادور عليكي انا وخالووو_وطالعت بجيهان مسغربه...



قالت لانا وهي تدافع عن جيهان وببراءة:ماما شفت اولاد كانوا بيسرقوني وبعدين جيهان اعطت ولد كف قوي....



امها وتوها تفهم:اهااا يعني الناس كانوا مجتمعين عليكي واحنا ما ندري_التفتت لجيهان مبتسمه_تسلمي يا حياتي والله ماني عارفه كيف اشكرك بس من اللي سمعناه انهم شلة شباب تضاربوا مادري شصارلهم هذا من اللي سمعناه وما توقع ابدا ان لانا هناك واكرر شكري مشكوره وما قصرتي...



جيهان وخدودها مورده:العفو هذا واجبي وبعدين انا اعتبر لانا مثل اختي وطبعا ما ارضى لاختي ...



ام لانا مبتسمه:والله والنعم في اليد اللي ربتك...



جيهان وهي خلاص مولعه:تسلمين



ام لانا :الله يوفقك انشاء الله ويله عن اذنكم...



اسمهان وجيهان:بحفظ الله...



اسمهان وهي تنط عند اختها وبا ستغراب:والله ما توقعتها منك بصراحة؟



جيهان:ليه وش قالوا لكي انا زيك...



اسمهان:لا بالصراحه رفعتي راسنا قدام الكل...



جيهان وهي نافخه ريشها:انا من يومي وانا ارفع الراس...



اسمهان:ارحمينا يالواثقه_وشهقت_إلا تعالي هنا شفتي القمر اللي معاهم...



جيهان:يووووووووووه لا تذكريني عذاااااااب...



اسمهان وهي تلعب بحواجبها:من تكلمتي وهو ما نزل عينه منك تقولين اول مره يشوف بنت...



جيهان وهي تغير الموضوع وتوقف:لا ياشيخه اقول يله نمشي من بعد ماسوينا مقطع من فلم هندي_وتذكرت الكف_هههههههههههههه ونعم الكف والله...



اسمهان وهي ميته من الضحك:لو تشوفيهم كيف انصدموا وكيف وجوههم تقولين احد شابكهم في كهرباء 120 هههههههههههههههه...

"وفي السياره اللي فيها ام لانا"




ام لانا لاخوها المسرح:هيه ريانوه وين وصلت حدود الحرم وإلا البحر...



ريان:هههههههههه بايخه بس مقبوله مادام انها منك...



اخته:والله انا عارفه في ايش تفكر؟



ريان باستهبال:في ايش؟؟؟؟؟؟؟؟؟؟



اخته:في البنت اللي كانت مع لانا..



ريان تغير وجهه الوان:انا افكر فيها لا لا حبيبتي تطمني...



اخته:ههههههه لا تحاول انا اختك واعرفك...



نطت معاهم لانا:ماما شفتي جيهان اسم بابتها زي اسم بابا سلمان...



ريان اللي كان بيصدم بالسيارة تمالك نفسه:من قال لك اقصد متاكده؟



لانا:ايوه هي قالتلي ومتاكده كمان...



اخته:ريان وشفيك مو على بعضك ايش فيه اسم البنت...



ريان:هذه على ما اعتقد واذا ما خاب ظني هي اخت سامي صاحبي...



اخته وبتتشقق من الفرحه:طيب في مليون بنت اسمها جيهان سلمان بس انشاء الله تكون هي ...واذا كانت هي ويش رايك فيها؟؟؟



ريان باستغراب:مليون سؤال سالتيه وبعدين ماني فاهم وضحي اكثر...



اخته بتلميحات:يعني شرايك بالبنت انا قد شفتها في عزا اختها وبسم الله عليها قمر...



ريان:اقول انشاء الله تطلع هي؟



اخته:لا تطمن انا متاكده انها هي من سمعت صوتها عرفتها بس ما كنت متاكده وعاد اللي اثبته اكثر اسمها هااااه ما قلتلي رايك؟



ريان:والله اخت صديقي وما تنعاب واللي اثبت هذا موقفها اليوم...



اخته:يعني على البركه...



اكتف ريان بابتسامة رضا...







وصلوا المطـ,,,ـار }صفاء,ايمان.وابوهم...



وكان با ستقبالهم عدنان واخته ملاك...



صفاء ما انتبهت لهم وراحت تدور بعيونها....



عدنان وهو جاي لهم ويحرك ملاك بكرسيها:هييييييي نحنا هنااااا...



صفاء وهي بتتقطع من الفرحه:اهلين...



عدنان وهو يصافحها:ياهلا والله تو مانورت جده...



صفاء بحياء:منور باهلها...



وبعدها سلم عدنان على ابوصفاء وايمان ...



عدنان:اخباركم؟



صفاء:االحمد لله منيحين انتوا اخباركم؟



عدنان:الحمدلله تمااااام ويله خلونا نروح المكان مره صار زحمه.....



وركبوا كلهم السياره وتوجهوا للبيت....وملاك للان ما فتحت فمها ولا بكلمة....



ولما وصلوا البيت اخذ عدنان ابو صفاء للمجلس...



وملاك استغلت الفرصه حاولت تقوم من الكرسي عشان تسلم عليهم...



انتبهت صفاء لملاك وكيف هي تحاول توقف على رجلينها عشان تسلم عليهم...



وقالت بحنيه:ملاك شو بيك؟



ملاك وهي تحاول تقوم ابتسمت:ابغى اسلم عليكم زي الناس بس_وطاحت على الارض_آآآآآآآآآآآآآآهــ...



شهقوا صفاء وايمان في نفس الوقت وراحوا يساعدونها تقوم...



ملاك بس جلست على الكرسي ضمت صفاء بقووووه وهي تبكي:سامحيني يالغلا عارفه ان اغلاطي كثيره فيك وان الجرح ماراح تنسيه بسهوله وحتى لو نسيتيه راح تبقى اثاره...وشهقت من البكي....



اما صفاء وايمان حزنوا على شكلها اللي يكسر الخاطر ...



صفاء طبطبت على كتفها تهديها:وانا مسامحتك يا ملاك وعارفه انك ندمانه كتير واوعدك اني احاول انسى كل اللي صار وبعدين خلاااااااص اللي فات مات...



ملاك ودموعها على خدها:انا عشان كذا احاول اصحح كل شي بيننا واذا ما عندكم مانع تبقون معاي بس ثلاث ايام ونبدا مع بعض صفحه جديده قبل ما اموت...



صفاء بدون تردد:اوكي احنا ما عندنا مانع بس بدنا وعد منك انك تمشين على هاي الطريق طووول حياتك...



ملاك وهي تمسح دموعها:وعد ياصفاء_والتفتت لايمان_ايمي انا متاكده انك كمان ماراح تسامحيني بس ياليت لو نبدا صفحه جديده وننسى الماضي او_نزلت راسها بحزن_بامكانكم تضحكون وتستهزون عليا "امي ماتت وانا مشلوله بس بليز لا تتركوني...



ايمان ضمتها وهي تبكي:احنا عمرنا ماكنا كذا ياملاك احنا مهما انجرحنا من احد ما نتجرأ نضحك عليه بعد ما ندم لانه في الاخير انساااااااان وله مشاعر مهما عمل لنا...



اما ملاك فكانت دمعها ماليه خدها دمع الندم على اللي عملته لهم وهم ما يستاهلون الا كل خير...وقالت وغصتها بحلقها:انا بجد احسدكم نفسي لو ربع الطيبه اللي بقلوبكم تكون معي مهما احد عمل فيكم ما تعملوا له شي ونحنا كنا بس نجرح ونعذبكم بالكلام والافعال والحين لما اجي انا برجولي واطلب منكم تسامحوني تستقبلوني بطيبتكم بدال ما تستغلونها الفرصه وترجعون الصاع صاعين لكن ما اقول ان ربي يجعلني عاجلا غير اجلا افتخر مثلكم بطيبتي واخلاقي واجبر الكل يحترموني مثلكم....



صفاء وايمان انبسطوا من تغير ملاك المفاجى لهم...



وبعده دخلوا لجناح ملاك وعملت لهم ملاك احتفال صغير بمناسبة سلامة ابوهم....







عدنان دخل ابوصفاء للمجلس ...وما كان يدري ان عمانه مجتمعين ومعاهم ابوهم اللي هو جد عدنان ....



عدنان برتباك:الـسـ..ـلاااام عـليـكـ...ـم...



الكل:وعليكم السلام والرحمة......



اما جده فكان يطالع بابوصفاء مستغرب وحول عيونه لعدنان...وقال بحنيته المعروفه:من هذا اللي معك يا وليدي؟؟؟



فرح عدنان ان جده موجود معاهم :هلا يبه هذا طال عمرك واحد من معارفي...



ابو عدنان باستهزاء:اهاااا هذا مو ابو الخدامه اللبنانيه اللي كانت تشتغل عندنا....



الكل كان مستغرب وفي راسه الف سؤال وسؤال اما عدنان فنصبغ وجهه الوان لانه حط ابو صفاء في موقف لايحسد عليه...



لكن جده الحنون انقذ الموقف :افااا عليك يا عبدالرحمن وش هذا الكلام الرجال على بساط بيتك ....



اما عبد الرحمن فانحرج وخاف من ابوه يفشله قدامهم...لكنه تدارك الامر:معك حق يبه تفضل يابوصفاء البيت بيتك...



جلس ابوصفاء على مضض وهو يتمنى انه من البداية ما دخل لكن" تجري الرياح بما لا تشتهي السفن"وكان جنبه عدنان...



ابو عبد الرحمن:من وين انت يالطيب؟؟



ارتاح ابو صفاء لابو عبدالرحمن وقال ببتسامه:والله يابو عبدالرحمن انا قصتي قصه طويله وخايف اثقل عليكم فيها...



ابو عبدالرحمن تحمس معاها:تفضل يا بوصفاء وما يردك الا لسانك وحنا كلنا اذان صاغية....



ابتسم ابو صفاء لحنيت وطيبت هذا الشخص وحكى لهم قصته من يوم ضاع من اهله في عبارة لمصر الى ان اشتغلت بنته هالشغله....



اما ابو عبد الرحمن واولاده اندمجوا معاه ...وانصدموا في نفس الوقت لما قال ان اصله سعودي ...



وبعد ما نتهى ابو صفاء ... كانت عيونه مليانه همووووم:وهذا هي حكايتي ...



ابو عبد الرحمن حز بخاطره ان معاه الخير الكثير وما يقدر يفرج به كربة مسلم:والله انت يا بو صفاء رجال والنعم فيك ..وانا ما اقدر اساعدك الا بفيلا عندي للايجار لكني بعطيك ايها من دون مقابل في سبيل الله...



ابو صفاء باحراج:لكن يابو عبد الرحمن انا ماطلبت...



ابو عبدالرحمن قاطعه:لا لكن ولا شي انا الحمد لله... الله منعم علي بالخير الكثير وهذه الفيلا زايده عن حاجتي وانت اولى من االغريب فيها... وبعدين انت الحين صرت قريب لنا مادام ان ايمان طلعت بنتك...



عبد الرحمن:ايوا والله يابو ايمان انت تستحقها....



ابو سامي:مع انها قليله بحقك انت تستاهل يابوصفاء اكثر....



ابو احمد:وعشان تبقى بنتي ايمان قريبه منا متى مانبغاها نجيها...



ابو ريناد:هاه يابو صفاء قول تم...



كانت البسمه مرسومه على وجه ابو صفاء وهو مو مصدق الحلم اللي عايش به هالوقت وشكر ربه على هالنعمة...فعلا جاته من حيث لا يحتسب...







سلطان يكلم اسمهان ولهم ساعة كامله:آه يا قلبي باقي 8شهور وزواجنا كانها 8 قرون عندي...



اسمهان حمرت خدودها وما ردت عليه:..........



سلطان وهو قاصد يحرجها:اموت انا على اللي خدودهم حمرت....



اسمهان:مادام انك عارف خلاص لازم تحرجني يعني...



سلطان تنهد بصوت مسموع:آآآآآآه شسوي وانا اسمع صوتك...



اسمهان فهمته غلط:اهااا فهمتك ما تبغاني اكلمك...



سلطان:افااا اكيد لا بس صوتك هو المشكله...



اسمهان تستهبل:تبغاني اخليه زي صوتك...



سلطان باستهبال اكثر:لا تكفين يكفي صوتي هههههههههه....



اسمهان وهي ميته ضحك:ههههههههههههههههههههه� �ي اللي تعجبني فيك صراحتك...



سلطان وهو يلوي فمه:بس هذا اللي يعجبك فيني ....



اسمهان بعناد:ايوه بس ...



سلطان با بتسامه:اوكي يا حياتي مقبوله لانها منك...



اسمهان:تسلم ويله عن اذنك باااي....



سلطان:بحفظ الرحمن يا عيوني....



"وفي جناح ملاك"



ملاك:الا صح نسيت اقولكم زواج سلطان واسمهان بعد 8شهور...اكيد انتم انشاء الله بتحضرون؟



ايمان:آه فرح سلطان ...



ملاك:ايوا...



ايمان بفرح:اكيد راح احضر هذا قبل كل شي كان بمثابة اخوي...



ملاك:وااااااااي فلللله اذا بتجوا صفو ما اعطيتينا رايك؟



صفاء:انا عادي ادا رحتوا رحت ...



ايمان:ايوا والله ذكرتوني ما رحت عندهم؟



ملاك وهي تاكل قطعة حلى:طيب انا بروح السوق مع السواق واوصلك على طريقي وانتي يا صفو تروحي معاي...



صفاء بتفكير:ماشي...



ملاك:طيب حلو نروح انا وانتي وايمان نوصلكي عند عمي...



ايمان با ستعجال:طيب انا بروح اتجهز ...



ملاك بترجي:ايمي انا بجهزك بالله؟



ايمان عقدت حواجبها با ستغراب:كيف يعني ما فهمت؟؟؟؟؟



ملاك:يعني اختار لكي الملابس بذوقي عادي....



ايمان با بتسامه:اوكي ورينا مهاراتك هههههههههه...



"وبعد ربع ساعة"



راحت ايمان عند المرايه وكانت لابسه...







وطبعا مع الاكسسسوار...



وشعرها عاملته كيرلي...وميك اب نااااااعم...



ايمان وهي تدور حول نفسها:هاااا كيف؟؟؟؟



ردت صفاء اللي كانت مذهوله من شكلها لانها طالعه غيرررررر:وااااي عن جد بتعقدي شكلك مرررره روووعه...



ملاك مبتسمه:وعاد نحفتي بزياده بس من جد قمررررر والله...



ايمان مدت بوزها:واااي يعني انا اول كنت دوبا...



ملاك:لا ياعمري انتي اصلا كلك على بعضك جنااااااااان بسم الله عليك...



ايمان باستها على خدها:تسلمين يا بعد قلبي....



صفاء بشوية غيره:مشاء الله وانا ولا كأني موجوده...



ملاك وهي تكلم ايمان:وربي احرجتيني...



ايمان:يا قلبي ع اللي يستحوووووووون...



صفاء بشويه عصبيه:ولا كأني اتكلم اوكي انا بفرجيكي انتي وهيا...



طلعت من جناح ملاك وراحت تدور ابوها ما لقيته...



بس شافت عدنان في الحديقه جالس على الكرسي ...



وصلت لعنده وضربته بالشنطة على صدره"تفضي عصبيتها فيه"وضربته وضربته ...بس من حسن حظه ان شنطتها ما فيها الا جوالها وما عورته....



عدنان استغرب في الاول لكن بعدين عرف انها زعلااااانه...وخلاها تضرب براحتها وبعد ما انتهت وهدت جنها شوي.....



شافت بروده الزايد وقالت بقهر:الحين انا ابضربك وانت عم تبتسم شو هيدا؟؟؟



عدنان وهو يوقف:افااا مين زعل القمر؟؟؟؟



اما صفاء فغرقت عيونها بالدموع وضمته وهو نفس الشي....



صفاء:سوري حياتي بس زعلوني ...



عدنان وهو يرفع شعرها عن وجهها:مين ياعيوني اللي زعلك؟



شبكت يدينها فيديه:واذا احد زعلني شو بتعمل له؟؟؟



عدنان ابتسم:انتي امرررررري بس وانا انفذ...



وفجاه سمعوا صوت تصفيق وتصفير من وراهم...



التفتوا اثنينهم على مصدر الصوت مصدومين...



ملاك وهي تغمز لهم:يا حركاااااااااات يا عدنان انت وصفو والله تجي منكم....



ايمان بصوت عالي:بليز بليز كملوا وكأن مو موجودين وخلونا نعرف ماذا عمل الفارس الملثم لاميرته النائمة...



ملاك وهي ميته ضحك:ههههههههههههههههههههه� � الله يرجك ايمي هههههههههه قطعتي بطني...



ايمان:هههههههههههههه بس يا حراااااام خلينا نروح خربنا عليهم....



ملاك:على قولتك خربنا مقطع من مسلسل تركي هههههههه...



ايمان:لميس ويحيى على غفله ههههههههههههههههههاي...



صفاء انصبغ وجهها الوان...



وعدنان عصب عليهم ...وصرخ:اقول انتي وهي ويش رايكم تقلبون وجيهكم ...



ملاك وهي تطالع صفاء:احسن لك لا تصرخ علينا لان حبيبتك بتروح معايا السوق...



صفاء وهي تمسك عدنان:انا اصلا ابغى اروح مع حبيبي ما بيطاوعني قلبي اتركوا لوحده....



ملاك:اوكي بنجلس على قلوبكم اول شي بتودي ايمان عند عمي راجح وبعدين نروح كلنا السوق...



صفاء بعصبيه :بتستاهلوا هيك رفعتوا ضغطي بتطنيشكم...



ايمان وملاك تذكروا وضحكوا....لانه ما بيستاهل كل هذا ....



ملاك وهي تبوسها ع خدها:سوري يالغلا بس عشان هالشي التافه زعلتي..



صفاء:مو تافه عندي...



ايمان:اوه باصراحه لو انتي حساسه لهدرجه فتاكدي انك بكل ثانيه راح تزعلي مني...بس والله بمقدرش على زعلك...



وبعد موجه من السواليف...



عدنان استغل الفرصه:ملوكه اليوم جونا ناس يخطبونك وابوي وافق...



ملاك بصدمه:ايش جالس تقول انت ابوي وافق وما طلب رايي...



عدنان بابتسامه:طيب اهدي وبعدين اللي خطبك سامي ولد عمي وانتي تعرفينه كويس وهو ما عليه زود....



ملاك بتفكير"ياااااااربي اوافق او لا,,,بس هو جاء وهو عارف اني مشلوله ورضي بي,,,وبعدين يمكن يكون هو اخر واحد يخطبني وكمان فوق كل هذا هو ولد عمي,,,خلاااااص بستخير ربي والله يقدم اللي فيه خير"



ملاك بحياء:اوكي برد لك بكره...



عدنان بجد:صدقيني يا ملاك ما راح تلقين واحد احس منه...



ايمان:مبرووووووووك يا آلبي....



وكان عماد وارها وهي ما شافته:وعقبالك ....



لفت ايمان مصدومة من عماد وعلى طول رمت الطرحه على وجهها...



عماد:كيفك؟



ايمان بحياء :الحمد لله بخير ...وانت اخبارك؟



عماد تنهد.وبصوت ما تسمعه إلا هي:لما اسمع صوتك اكون بخير...



ملاك:مشاء الله كل واحد في وادي وانا وش مكاني من الاعراب؟؟؟



عدنان:اقول طيب يله مشينا السوق_ والتفت لعماد_وانت يا عماد خذ ايمان ووصلها عند بيت عمي على طريقك...



صفاء شافت اختها مستحيه قالت "خليني ارجع لها الصاع صاعين":وعاد لا اوصيك عليها...



عماد طالع ايمان بابتسامه: لاتوصين حريص هي بعيوني...



اما المسكينه ايمان فتوعدت بصفاء من الموقف اللي حطتها فيه...



,,,,



,,,



,,,



لـــكـــن }~كما تدين تدان~{








ريان يكلم اخته:اقولك ترى سامي عزمني لزواج اخته بس بعد 8 شهور...



ام لانا:بس ما عزمك بالعائلة؟؟؟



ريان:يا ذكيه كيف ما عزمني بالعائله وهو يعرف ان بنت عمه خطيبة اخوي...وحتى لو ما قالي اكيد بتكلمك الحرمه وتعزمك...



ام لانا:خلاص انشاء الله انا وامي بنروح ونشوفها لك....



ريان بفرح:تسلمين يا احلى اخت...



ام لانا:الله يسلمك بس هاااا لا تجلس كل ساعه تدق تذكرني ترى ببطل اروح...



ريان:ههههههههههههه اوكي انا كم عندي اخت...



ام لانا:ههههههههههه الله على المصالح...








::::::.....و في المــدرسـة .......::::::




ولاء:هييييييييي انتي يالمفضوحه لو دريوا انك جبتي جوالك طيروك يكفي المره الاولى اللي جبتيه وصورتي البنات...



غيداء وهي تلعب بجوالها:وعععععععععععععع من زين بنات مدرستنا عاد...وبعدين انا بس وريتها بنات خالاتي وعماتي ومسحتها...



وبعدين انتم ووجيهكم ما تبغون تسمعون صوت عبودي واااااااااااااي جعله العمى والله اني اكرهه بس اني احبه



""ام التناقض"""...ياويليييييييييي ييييييييي دق...



بشاير:ردي يالغبيه بسرعه قبل ما يقفل وانتي ماعندك رصيد تدقي عليه ...



غيداء بصوت كله نعومه:ياهلا والله...



عبدالله:اهلين يا بعد قلبي...اخباااارك اليوم؟؟؟؟



غيداء:تمام التمام انت كيفك؟



عبدالله :انا لما اسمع صوتك اكون بخير...



غيداء وهي تضغط على شفايفها من القهررر :تسلم..



عبدالله:ربي يسلمك...اقول سوسو ويش ذا الازعاج اللي عندك؟؟؟؟؟



غيداء:اصلا انا اكلمك وانا بالسكول بس الحين انا طفشانه يعني فاضيه...



عبد الله:لالا سوسو بسرعه قفلي جوالك وخبيه عدل لاحد يكشفك من المعلمات...اخاف يصير لك شي بسببي وانتبهي لحالك...



غيداء بينها وبين نفسها""ايوا بااااين"":اوكي حبيبي يلاااا باااااي



عبد الله:فمان الله يا روحي...



وبعد ما قفلوا من بعض,,,,,,



نسيت اقولكم ان غيداء كانت فاتحه المايك:هااا ايش رايكم بصوته...



ولاء:ياخذ العقل...



بشاير:ايه يجنن...



غيداء:ايوا الله ياخذه صوته حلو...تخيلوا بنات يبغى يقابلني...



بشاير:ياااويلي ...وبتطلعين معاه انشاء الله عشان اذبحك...



غيداء:مستحيل افكر هذا اللي ناقصني والله...وبعدين انا خلاااااص راح اغير شريحتي...



ولاء:ايوا والله احسن شي تسويه لهذه الاشكال....



================================




راما بصوت عاااااالي:شوشوووو وينك برتقاله واقفه عند بابا فصلها؟



الشيماء جات بسرعه:وينهااا وينهااا؟؟؟؟؟؟



راما:وي اعصابك....شوفيها الدلخه هناك...



الشيماء:يا قلبووو امشي خلينا نستهبل عليها من زمان عنها....



ولما وصلوا عندها سلموا عليها...



الشيماء:شلونك و شعلومك؟؟؟



ريم اللي هي برتقاله هم ملقبينها كذا وهي بسنه اولى ثنوي يعني اصغر منهم...قالت من غير نفس:بخير...



الشيماء:طيب تفضلي ياختي_واعطتها حلاوة بقرة_هذه بمناسبة عيد ميلادك...



ريم وهي رافعه حاجبها:هذه لي انا؟؟؟



راما:لا لولد الجيران... ايوا لكي انتي يا...ما ودي عاد اقول...



ريم بنص عين:ما كلمتك انتي...



راما بعصبيه:هيييي انتي على ايش شايفه نفسك...



ريم طالعت في راما من تحت لفوق باستحقار:.........



راماو ضغطها مرتفع:عجييييييييب...وربي ان يبغالك تلطيش اعلمك مين هي راما ...



ريم:ليه مين انتي يا حسره بنت الامير على غفله ترى انتي زيك زي غيرك من البنات... فاااهمه ولا يكثر...



راما وهي ترفع اكمام بلوزتها وعيونها بتولع ناااار...مسكت ريم من شعرها:يالحماره الحين اعلمك انا مين...وشدت شعرها بكل قوتها حتى تساقط نصه...



وريم تصرخ باعلى صوتهااا:فكيني آآآآآآآآهـ فكيني...



واعطتها راما ذاك الكف اللي طير كل ضروسها...



والشيماء مسكينه ضايعه بينهم ما قدرت تفرقهم من بعض



وحتى صحبات ريم ما قدروا يبعدون راما عنها



وتجمعوا البنات وتصفيق وتصفير ومسخره



وجوا شلة راما ,,,



مروة شوي وبتبكي



ولاء دخلت تفرق بينهم وبس دخلت طيروها البنات:زفتتتتتتتتتتت ابعدوا...ودخلت من جديد وشلووووتي على بطن ريم...



وبشاير جلست تهدي مروة اللي شوي وبيغمى عليها خايفه على راما الاخت...



و غيداء عاد ما تصدق على طول دخلت تساعد راما ومعاها علبة بيبسي صغيره مليااانه



وطررررررررررررررررررررررر ررررراااااااااخ



على راس ريم,,,



وطلع لها دم من جبينها واغمى عليها,,,



وراما وغيداء كان بيغمى عليهم من الفرحه اخيرا عملوا اللي من اول نفسهم يعملونه فيها وضمو بعض بفررررررررررح وهم يباركون لبعض...



وجوا المعلمات شالوا ريم...



ونزلوا راما وغيداء و ولاء للمديرة...كتبتهم تعهد وفصلتهم ثلاث ايام....



==================================



والحصه اللي قبل الفسحه هربوا بشاير ومروة من حصصهم""



ويلفلفون في ممرات سنه اولى...



مروة:يا قلبي على راما بتنفصل ثلاث ايام...



بشاير:حتى غيداء و ولاء واااو راح تصير المدرسه طفش...



مروة:بقوه كمان...اصلا حتى انا بغيب معهم...



بشاير:ايوا والله صح نتفق كلنا ونغيب...



بشاير:طيب امشي نستهبل على بنت الكليه اللي واقفه عند ذاك الفصل...



مروة:ههههههههه مشينا...



ولما وصلوا عندها...



مروة:سلاااااااامو يا عسل...



بنت الكليه بابتسامه:اهلين ...اي خدمه...



بشاير:اممممممم ايوا ايوا نبغى فطور...



بنت الكليه:طيب روحوا اشترو...



مروة:ما ينفتح المقصف دحين....



بنت الكليه:طيب ايش اعملكم...



بشاير:اشتريلنا...



بنت الكليه:لا والله...



مروة وبشاير:ايه والله...



الكل:هههههههههههههههههههه� �هههه...



بشاير:واااي يا ابله انتي مره لزوزه ايش اسمك؟



بنت الكليه:مروة...



بشاير انفرطت ضحك:ههههههههههههههههاي...



مروة وجهها حمر... وبهمس:بسم الله علي منها ...اقول امشي...باااااااي يا ابله...



الابله:بااااياااات...



بشاير كانت تمشي وهي ميته من الضحك وما انتبهت للي قدامها وصدمت بالعمود...



بشاير بصراخ:آآآآآآآآآآآآآآآآآآآ� �آآآآآآآآآآآي....



مروة:هههههههههههههههههههه� �هههههههههههههههههه...تست اهلي



واااااي شوفي مين قدامنا...



بشاير وهي شوي و تبكي ويدينها على راسها:اااااي يا راسي...



وبعد ما مرت البنت وراحت...



مروة:يالدلخه سمر كانت قدامك...



بشاير:كذاااااااااااااابه...



مروة:وربي...اصلا شافتك لما صدمتي وضحكت وتوها جات وتطالع فيكي...



بشاير:اوووووه يالفشله...بس ما علي فيها احس اني كرهتها...



مروة:هههههههههههههههه ايوا واضح...



بشاير باحراج:وربي... مو لازم تصدقين...








وفي سياره المرسيدس.........




عماد :مبروك ايمان والله ماتوقعت ولا واحد بالميه ان صفاء راح تكون اختك او انك منتي بنت عمي؟؟؟



ايمان بهمس: ولا انا بس الحمد لله على كل حال ...



عماد وهو يوقف السيار:ه تبغيى تشتري...



ايمان لفت للمحل وكان "باتشي"



ايمان بفرح:اذا ما عندك مانع



عماد ببتسامه ..ولــــو



يله انزلي..



.نزلوا ايمان وعماد واشترت ثلاث علب حلويات مغلقه



وانحرجت من عماد لانه حلف يدفع



وما قدرت ترفض لانه اصر عليها



ووصلوا للفيلا ونزلت ايمان بعد ما ودعت عماد واستقبلتها ام احمد الي بمثابه امها... بلاحضان الودموع...



ونزل سلطان اللي ما صدق انها جات



وسلم عليها وجلسوا يسولفون ويضحكون للساعه اربعه الفجر...



وبعدين سلطان رجعها للبيت...





ومرت 8 شهــــور



وايمان وصفاء وابوهم عايشين عندهم,,,



" لان ملاك تعلقت فيهم مررره وترجتهم انهم يجلسوا معاها حتى زواج اسمهان وبعدها يروحوا لفيلتهم اللي اعطاه لهم ابو عبد الرحمن "




ويــــوم الـــزواج



كان ابو عماد يفطر مع ابو صفاء ومندمجين في السوالف,,,



نزلت صفاء وابتسمت لهم,,,



"""انقلب ابوعماد 180 درجة مع ابوها الشهور اللي فاتت وصاروا زي السمن ع العسل"""



راحت عند ابوها وباسته على خده,,,



صفاء:صباح الخير...



كلهم"صباح النور...



ابو عماد بابتسامة:كيفك يابنتي؟؟؟



صفاء:منيحه..



ابو عماد :دوم يارب ...الا صح وين ملاك واختك ايمان ؟؟؟



صفاء:نازلين...



وفي نفس الوقت نزلت ملاك وايمان وهم لابسين العبايات...



ملاك باستعجال:صفو يله روحي البسي عبايتك بنروح للكوفيره...



ابو ملاك:من الحين بتروحون والعروسه بنفسها شكلها ما صحيت للحين ...



ملاك:لازم بابا نروح بدري لانا حجزنا وبعدين لو رحنا العصر ماراح نخرج إلا 12 ليل فخلينا نروح الحين احسن ...وكمان عشان نروح نلفلف في البحر...



ابو صفاء:ايوا قوليلي من اول كذا البحر هاه...طيب منتم راحين حتى تفطروا...



ايمان:بنشتري في الطريق فطور ونأكل في البحر...



ابو صفاء:لالالا بسرعه قدامي على الطاوله...



راحوا ملاك وايمان يفطروا وطلعت صفاء تجيب عبايتها...



وكان هتان توه صاحي...



هتان:صباااااح الخير...



صفاء بابتسامه:اهلييييين صباح النور...



هتان باستغراب:وين بتروحون من صباح ربي...



صفاء:عند الكوفيره..



هتان :اهااا ...يله تشاااااو...



ونزل عند ابوه وابو صفاء يفطر معاهم..



وراحت صفاء تدور عن عدنان بس لقيته نايم و لبست عبايتها وعلى طوووول نزلت...



قبل لايجون ملاك وايمان ويغسلون شراعها







وفي غرفة راما,,










ريناد وهي تكب كاسة مويه كامله على راما...وبصراخ:يلللللللللللل للللللللللله قومي...



نطت راما مفجوعه لان المويه كانت باااااااااااااااااااااارد ه...



وكلها جات على وجهها...



اخذت حديده جنبها ورمتها عليها بس كويس انها ماجات على وجه ريناد .....



راما:الــلـه يـــااااااااااااااااااااا ااااااااااااااااااااااااخ ـــــذك يا حــمــــــــــــــااااااا اااااااااارهـــ...



ريناد وهي ميته ضحك:تستاهلين يا خيشه النوم...



راما تنهدت بملل:الله يكملك بعقلك..



ريناد بعصبيه:لنا ساعه نستناك تحت كلنا جاهزين ولابسين العبي وعلى بالنا انك صاحيه ...ودخلت ولقيت حضرتك بسابع نومه قلت اعطيك مثال توضيحي عن برودة اعصابك...



راما وهي ترجع تكمل نومها:اقول بالله طيري عن وجهي بالله وش تبغيني اسوي عند الكوفيره اذا صحيت بروح عند اي حلاق وانحت شعري...ايوا صح عاد لا اوصيك خلي الكوفيره تطلعك قمر عشان اهل زوجك وإلا نسيتي الله يا ريناد والله بدينا بالحركات...



ريناد وهي منحرجه:ياربي منك الكلام معك ضايع بس الله يخلي الكوفيره اللي جنب بيتنا روحي عندها تنحت شعرك على قولتك_وجات بتطلع _خلااااص نامي نومة اهل الكهف انشاء الله احنا رايحين...



وخرجت بسرررررررررررررررعه وهي منحرجه...



راما بابتسامه:يا حبي لها...


وعـنـد جـيـهـ....ـاأإأإأإأن::..::



دخلت اسمهان ,,,واستغرب لان الغرفه كانت ظلام دامس بس اشعة الشمس الخفيفه اللي تنورها..



جلست اسمهان على الكرسي اللي جنبها:ايش فيكي جيجي؟؟



جيهان بحزن:ما فيني شي بـس...



اسمهان بحنيه:بس ايش؟؟



جيهان وخانقتها العبره:بس حنين كانت تنتظر هذا اليوم_ونزلت دموعها وما قدرت تكمل...



مسحت اسمهان دموع اختها الغاليه عليها...وقالت بحنان:صح انها كانت تنتظر هذا اليوم لكن يومها جاء قبله...وخلينا ندعي لها بالرحمه والمغفرة ولا تعترضين على اقدار الله...



جيهان:اللهم لا اعتراض على قدرك...لكن المشكله إلا الكارثه انها ماتت مع شاب واكيد ربي مو راضي عنها...



اسمهان:جيهان انتي كبيره وتفهمين إن نهاية الواحد آو خاتمته تكون على حسب عمله في الدنيا ان كان خير فخير وان كان شرفـ_وما قدرت تكمل الكلمه_وقالت بفرح تلطف به الجو_وبعدين انتي الحمد لله تغيرتي من بعد الموقف اللي بالسوق اكيد تفتكرينه من بعده كل شي تغير فيكي صرتي احسن من اول و بالله عليكي لو تركتي البنت معاهم حترتاحين كذا بالعكس حتحسين بتأنيب الضمير طول حياتك لانو كان شي بيدك تسويه لكن ضعفتي في النهاية...وانتي الحمد لله اثبتي العكس مع انه كان في خطر لك...



ابتسمت جيهان بحب لاختها...ومسحت بقايا اثار الدموع على خدها...



جيهان وهي تغير الموضوع:إلا صح سوسو متى بنروح عند الكوفيره؟؟؟



اسمهان وتذكرت:آه صح نسيتيني اللي جايه عشانه...ترى كلنا ننتظرك تحت نستنى سيادتك تتكرمين علينا وتنزلين ونروح...



جيهان با بتسامة:ايوا مين قدك انتي اليوم نجمة الحفل...



اسمهان:كويييس انك تذكرتي اني انا العروسه يعني لازم نروح بدري ...ويله لك 5 دقايق ان ما نزلتي بنروح ونخليك....



جيهان:هههههههههههههههههها� � اوكي...







تسنيم:اقول حمودي انتبهى على لميس واكلها وشربها لا اجي من عند الكوفيرة والقاها حايسه الدنيا...



احمد بابتسامه:من عيوني ولا يهمك



دق جوال تسنيم: ملوكه >>_يتصل بك



تسنيم بابتسامه: هلا والله بالغلا كله...



ملاك:اهلين حبيبتي كيفك؟؟؟



تسنيم:الحمد لله تمام انتم اخباركم؟؟؟



ملاك:كلنا اوكي...يله ترى بتروحي معانا...



تسنيم با ستغراب:وين اروح؟؟؟



ملاك با بتسامه:عند الكوفيره حجزنا لك معانا...انا وايمان وصفاء واحنا الحين جايين لك يله تجهزي عشان نفطر مع بعض على البحر...



تسنيم بإحراج:بس انتم كوفيرتكم مره غاليه وانتي تعرفين احوالنا الماديه هالايام...



ملاك:ومين قال انك بتدفعين حبيبتي انا بدفع لك وبعدين عادي انا اختك مو غريبه...



تسنيم با بتسامه:والله ماني عارفه ايش اقولك مشكوره يا قلبي ما تقصرين يا بعدي...



ملاك بفرح لانها وافقت:تسلمي يا عمري...ويله مسافة الطريق واحنا عندك...



تسنيم:فمان الله يا حياتي...



قفلت تسنيم منها وهي فرحانه وابتسامتها شاقه حلقها...



احمد:خير و اللهم اجعله خير وش عندك...



تسنيم با بتسامه:والله اختي ملاك تغيرت الشهور اللي فاتت صارت طيوبه وحبوبه وتدخل القلب بسرعه واكيد ساعدوها ايمان وصفاء انها تتغير وتصير احسن من اول...



احمد:انشاء الله دوم كذا...



تسنيم:آآآآآآمين...



\



.,.



/



.,.



\




نـهـ الـبـارت الـثـامـن ــايــة