كيف تعرفت على منتدى روايتى؟؟
كانت مدرسة اللغة الإنجليزية أيام الثانوي طلبت مننا تلخيص لرواية جين أير المهم أنا بحثت طبعا ع النت في google و لقيت روايتي .... و لقيت فيه روايات لكاتبتي المفضل دانييل ستيل و طبعا نسيت البحث و المدرسة و كله .... و بدأ الفضول يدفني لتصفح كل المنتديات لحد ما وصلت لمرحلة الإدمان إني لازم كل يوم أقضي 2 أو 3 سعات على الأقل قدام المنتدى .....
هل المنتدى اعجبك؟؟ ولماذا؟؟
الحمد لله عجبني جدا جدا جدا .... و المنتدى بقا من أساسيات يومي ... عشان بيساعدني إني أقرأ و أقدر أحصل على روايات كان من الصعب بل المستحيل إني أقرأ ف جمالها خارج المنتدى (أقصد كاتبات قصص من وحي الأعضاء ، و قلوب أحلام ) بالإضافة لكثيييير من رواية دانيل ستيل ، و روايةة الشفق و غيرها و غيرها إلي كانت حصرية للمنتدى و غير إني بتعرف على ناس مثقفة و مبدعة مش ممكن إني ألاقيها ف أي منتدى ثاني .... و طبعا مش هنسى إني بتعرف من خلال المنتدى على لهجات جديدة و عادات جديدة ....
هل تشعر احيانا أنك وحيد وسط 300 أو 400 من المتواجدين؟؟
لا أنا بصراحة بطبعي مش بميل إني اتعرف على ناس جديدة أو بمعنى أصح انطوائية شوية يعني مش بسهولة بحس بالوحدة ... لكن ممكن أقول إني بحس بالإنبهار و بالإعجاب الشديد بأعضاء المنتدى( الكاتبات و المصممات و غيره طبعا ... ) طبعا من غير ما انسى الرقي ف التعامل و الثقافة إلي بيتمتع بها أعضاء المنتدى و مشرفيه
كم مرة حذفت ردا خوفا من اغضاب عضو ما رغم صحة ما فيه؟
محصلتش كتييير مرتين أو اكثر و ده برده بحكم شخصيتي إن لو حاجة أو رأي مش عجبني مش بحب أعلق عليه ... أو بمعنى أصح بحتفظ برأي لنفسي ... لكن لو كان موضوع جميل أو حاجة تستحق الإعجاب طبعا مش بتأخر ... بشوف مفيش داعي إن حد يزعل مني ....
اكثر قسم شدك للمنتدى؟؟
أقسام كثيييرة منتدى الروايات العالمية ، منتدى قلوب أحلام ، منتدى قصص من وحي الأعضاء ، القهوة ، و منتدى التركي ....
كان نفسك تلاقي في المنتدى شئ وماوجدته قول اتكلم يمكن نوفره؟؟
لا الحمد لله كل ما ابخحث عنه في المنتدى موجود و اكثر