[أناناسة]

الجزء [17] من قصة مهما كرهتك فأني اموت في هواك




امنة:بأي حق قاعد تكلمني
عبدالله: عشتوو ساعات اتكونين طالعة وياي بروحج مافيها شئ اتكلم وياج مباشرة ويها بويه مافيها شئ لكن تلفون فيها شئ
امنة: لا الحين حطيت السالفة علي
عبدالله: اصلا الغلطة غلطتج محد يقول لج عطيني ويه
امنة: عبدالله اشقصدك يعني لما اتكلمني ما ارد عليك
عبدالله : بضبط
امنة: الشرهة مو عليك علي انا لاني اعطيك ويه
عبدالله:ومحد يقول لج عطيني ويه
امنة: يالله مع السلامة وان مرة ثانية كلمتك هاي ويهي
عبدالله: تعالي امون والله اتغشمر معاج اشفيج ما تتحملين الغشمرة
امنة: هاي غشمرة بالله عليك
عبدالله: غشمرة ونص بعد
امنة: لا ترى قلت الحقيقة في غشمرتك
عبدالله: اتغشمر يا يبه مثل ما تغشمرتي معاي مساعة ولو زعلتي مني الحين انا بعد بزعل منج ومرة ثانية لا تتغشمرين معاي
امنة: لا حول والحين قلت بزعل اقول الظاهر عبدالله من كلامك يبين انك قليلا ما ندمان انك ارتبطت فيني
عبدالله:أقول حبيبتي امون لو شنو ما صار فأنتي حقي وبس صدقيني لو رفضتي او ططلع اعتراضاات ورفض من اهني واهناك بعد أنتي لي
امنة اوه اشوية وبيغمى عليها من هالكلام:صج يا عبدالله هالكثر تحبني
عبدالله من جاد تحول نبرة صوته الى نبرة رومانسية: واكثر بعد يا امنة ما تتصورين اشكثر أحبج أحبج كحب الشمس لاضاءة أحبج كحب الناس للمال أحبج كحاجة

المريض للعلاج احبج كحاجة القمر للنور أحبج كعدد شعرج احبج كعدد التراب أحبج حب ما يموووووت امنة دخلتي حياتي بدون استئذان وملكتي قلبي حياتي صارت لا شئ

بدونج حتى اخاف مجرد تفكير ان لو ابتعدنا شنو بصير فيني ما اكون جذاب لو قلت ان زمان لو فرقنا بموووت
امنة كانت تايهة في كل عبارة عبدالله يقول وهي مو مصدقة يا ربي صج هالكثر يحبني : كل هالحب لي أنا وبس
عبدالله حب يقهر امنة: لا ويا بعض البنات وبس
امنة بعصبية: عبدالله
عبدالله: يا يبه لج انتي وبس
والا احد يدق باب امنة : عبدالله احد يدق الباب يالله مع السلامة
عبدالله: اقدر اكلمج بعدين
امنة: لالا وين قاعد انت
عبدالله: امنة الله يخليج
امنة: بشرط اتبوس ايدي وريلي
عبدالله : اقول عطيتج ويه وايد وانتي من الله تبين فرصة اذليني فيه
امنة: ههههتي افا اشدعوة يالله في امان الله
عبدالله: وعلى فكرة بروحي ما بتصل فيج ( الله اكبر كان ناوي لكن امنة رفضت)
امنة: اعرفك يا عبدالله
عبدالله: في وداعة الرحمن
وعبدالله طار من الفرح وسرح مع افكاره

امنة راحت بطلت الباب
احمد: غريبة امنة تقفل الباب اول مرة اتسويهاا
امنة: لو ما قفلت الباب انتي بتيي وبتقول ليش مو قافلة الباب ولو قفلته بعد تسالني
احمد: شاسوي لا يعجبني العجب ولا صيام في رجب مهم يا امنة باجر بنطلع من البحرين لذا تجهزي واستعدي
امنة: ومن بيي معانا
احمد: انا وانتي ومرتي ومنى وامي وابوي مع عمي وزوجته بعدين بيوون وحمدان بيوصل قبلنا لانه بسافر مع الطيارة وعبدالله بكون معانا
امنة : عبدالله بكون معانا
احمد: اي ليكون تستحي وانا ما ادري
امنة: وليش استحي
احمد: اقول امنة اخر الاخبار لما نرجع من السفر انا ومنيرة مو انتو بصير الخطوبة
امنة: عيل الي امس صار شنو كان
احمد:لا حول امنة انتي وين قاعدة الي امس صار عادي يعني بس انتي محيرينج لعبدالله الحين لكن الخطوبة ان عبدالله بصير ريلج على سنة الله ورسوله فهمتي اشلون
امنة: اصدق توني ادري
احمد: امنة شفيج انتي في وين قاعدة
امنة: على الارض الله الواسعة
احمد: انا شاك ليكون يايبينج من كوكب المريخ
امنة:لا هاي مرتك
احمد: ههههههههتي يا ربي على الغيرة ايش ياب سيرة مرتي الحين
امنة: مثل ما قلت الغيرة
احمد: الله يستر بعدين هاي انتي الاخت وجذي عيل امي اشبكون حالها
وامنة بكف اخوي : اقول احمد ترى امي اتحب منيرة ولا تغار ولا احنا انغار
احمد: اعرف يا اختي ترى هي ام قبل ما تكون امج
وامنة شكرت ربها ان احمد قال امه قبل ما تكون امي وما قال ان هي امي وبس: اقول احمد وين منور
احمد: تحت عند امي
امنة: ايش رايك انروح انغربلها
احمد: يالله امشي
امنة: بشرط بعدين انتي بتراضي منيرة
احمد: سهلة
ونزلو عند منيرة
امنة: احمد صح الي سمعته اني بيي وياكم في الشهر العسل
واحمد نفس اخته : اي وسمعت ان خاطرج في سويسرا فلذا قلت مستحيل خاطر اختي في سويسرا وهي لين حين ما راحت
امنة:فديتك والله يا أخوي
ومنيرة صدقت السالفة
وبدت اتشوف ريلها بعيون حمرة وزين ام امنة ما كانت قاعدة
منيرة: شهر العسل بس الريل ومرته يروحون وبس لا غير
امنة: ماعليه بنغير النظام بنخلي الاخت ريل وياهم
احمد: لا يا منيرة ترى امنة بتيي معانا
منيرة: مو كأنك تعطي ويه لاختك زيادة عن اللزوم
امنة: يا ربي على الغيرة منيرة واااااااااااي أنتي ليش تغارين جذي
منيرة: ما اغار ولا هم يحزنون لكن اخوج لا يزعل انا مرته
امنة خافت لا يطول السالفة اكثر ومنيرة واتقول شئ بعدين تندم: هههههههههتي منيرة نتغشمر
منيرة طالعت امنة وقطت مخدة الي عندها : تتغشمرون
امنة: ههههههههههتي حرام اطقيني انا وبس ترى ريلج كان وياي
ومنيرة ما طقت ريلها يزعم زعلانة وقعدت مبوزة واحمد قام: ببوس راسج ولا تزعلين
(وبالفعل باس راس منيرة ومنيرة استحت وامنة بعد)
امنة: أقول بقوم احسن لي
احمد:لا وين قعدي
امنة: لا بقوم الوضع ما يساعد على الجلوس
واحمد : انتي الوحيدة يا اختي الي تفهميني
امنة: ههههههتي ترى بعدين عند مرتك بتسحب هالكلمة
احمد: لالا عاد لو زعلت ببوس راسها وزعلها برووح
امنة:هههههههههتي
وقامت عنهم
ومنيرة من المستحى ما قدرت اتقول شئ


حمدان اتصل على سعيد: هلا سعيد شخبارك
سعيد: الحمدلله بخير انت اشعلومك
حمدان: الحمدلله
سعيد: ومتى ان شاء الله بتيون لنا
حمدان: باجر وانا اتصلت فيك علشان اتيي وتاخذني من المطار
سعيد: افا عليك وامنة اهلها بكونون معاك
حمدان:لا ليكون ما سمعت اخر خبر
سعيد: خير ان شاء الله
حمدان: امنة ما ادري ليش بس قالت ما بتيي احنا كلنا عبالنا انكم انتو الي زعلتو امنة
سعيد: لا ابد اشلون انزعل امنة واقول بكلمك بعدين
حمدان: وين يا يبه ليش مستعيل
سعيد: بكلم امنة بشوف اشفيها
حمدان: اوكي عيل

وسعيد راح لمحمد لانه عرف ان محمد هو الوحيد الي يقدر يقنع امنة
محمد اتصل على امنة
امنة: هلا محمد
محمد: هلا فيج امنة شخبارج
امنة: الحمدلله بخير انت شخبارك
محمد: تمام أقول امنة احد مزعلج
امنة: لا ابد
محمد: عيل ليش ما بتيين في خطوبة سعيد
امنة استغربت: ومن قال
محمد: انتي جاوبي في البداية
امنة: يا اخي باجر بطلع وبوصل ان شاء الله عقب باجر
محمد: انتي من صجج
امنة: اي ومن قال اني ما بيي
محمد: ههههههتي علمي علمج سعيد ياءي لي ويقول لي هاج كلمي سعيد
اسعيد: الو امنة
امنة: سعيد الله يسامحك اذا ما تبي ايي خطوبتك ما بيي ما يحتاي اطلع اشاعات
سعيد: ولد عمج حمدان طيح قلبي وقال انج ما بتيين
امنة: بالله عليك انت ما تعرف حركات حمدان
سعيد: انا اشدراني فيه
امنة: ههههههتي صج ولد عمي
سعيد: يالله بخليج بتصل فيه براويه بنتقم منه
امنة: بنشووف ترى حمدان محد يقدر عليه
سعيد: الا اناا
وصكو الخط



وسارة كانت قاعدة في حجرتهاا منقهرة ميتة من القهر من امنة اشلون قدرت اتوافق على عبدالله وهي تعرف اني انا احب عبدالله والا موبايلها قطع حل افكارها
سارة: الو هلا منال
منال: هلا فيج شخبارج
سارة: حمدلله بخير انتي شخبارج
منال: الحمدلله اقول سارة من صوتج يبين انج متضايقة
سارة: مو بس متضايقة وايد متصايقة ( منال رفيجة سارة من ما هم اصغار توأمها الروح بروح كل وحدة اتخش اسرار الثانية )
منال: وليش ان شاء الله
سارة: بعد ليش بنت خالي امنة اتعرف اني احب عبدالله بعد وافقت عليه
منال: انتي بعدج على هالسالفة واقول سارونة اشلون ما قدرتي تبعدين عبدالله من امنة
سارة: انا اشدراني كل هاي بصير بهالسرعة
منال:اقول لا تتضايقين على سالفة ما تسوى
سارة: تسوى ونص يا منال احب عبدالله والحين راح من ايدي بعد تقولين ما تضايج
منال: لا حول بسهولة نقدر انحل السالفة
سارة: عطيني مثال
منال: سهلة ثبتي ان امنة وحدة تتكلم مع الشباب وبس خلاص
سارة: اقول لج هاي بنت خالي
منال: يعني ما ترضين تشوشين سمعتها
سارة:لا أبد استخفيت أنا مهما صار فهي بنت خالي ولا تنسين مهما كرهتها فأني لو بقليل أحبها
منال: طيب انتي تبين عبدالله ولالا
سارة: اعرف لكن كيف ما ادري
منال: يعني راضية انج تاخذين عبدالله
سارة: مثل ما امنة قدرت اتسوي انا بعد اقدر اسوي
منال: اوكي بنفكر مع بعض
سارة: انتي فكري بشئ مهم اخذ عبدالله وما اسوي شئ في امنة لا تنسين هي بنت خالي حطي هالشئ في بالج
منال : اوكي ولا يهمج
وصكو
ومنال استغربت اشلون هاي بصير لكن كل مشكلة حل
ونزلت سارة تحت شافت امها تتكلم ويا مرت عمها
ام سارة: اي والله بس باقي منى حق حمدان
مرت عمها: بسوونها
ام سارة: اي أكيد وانا مستغربة من اعيالهم كيف يوافقون
مرت عمها الا هي ام علي: اي والله وشفتي اشلون خلو منيرة مسيجينة الاصغيرة تاخذ واحد اكبر منه بوايد
ام سارة: يمكن بعشر سنين
ام علي: اي والله ومخلين احمد ينتظر طول هالسنين علشان ياخذ منيرة
ام سارة: اي يبون علاقتهم تقوى اكثر واكثر


وسارة فرحت لما شافت حقد امها لاخوانها واعيالهم وهالشئ بشرى لها

منيرة: يالله امنة بسرعة ترى اخوج ينتظرنا تحت
امنة:يالله انا جاهزة بس باقي منى وبس
منى: اكاني ييت
ومنيرة: يالله امشو
وراحوو ومنيرة قعدت جدام احم احم امنة تنازلت عن منصبها لمرت اخوها
ولما وصلو بو مروان دخل احمد في ميلس
وبيت مروة ما كان عود وايد بيتهم كلش عادي كبيوت العادية
ودشوو
مروة سلمت عليهم بحرارة
منى وهي تتكلم امنة بصوت خفيف: الاخت نازلة عليها الوحي
امنة: منوي لا تفضحينا اهني
في بداية سكتو ما عرفو شنو يتكلمون
ووامنة هي الي بدت: مروة انتي شنو تدرسين
مروة: ادرس في جامعة هندسة الكمبيوتر سنة الثانية
امنة: اها زين والله
منيرة: لله يساعدج ما لقيتي غير هندسة كمبيوتر
مروة: ميولي الى الكمبيوتر فلذا قلت الشئ المناسب لي هندسة كمبيوتر
امنة: بتوفيق
مروة: أجمعين ( بما انها كانت خايفة مثل ما قالت سارة امنة من جدام شئ ومن ورى شئ ثاني )
ودشت عليهم مرت ابو مروة وسلمت عليهم ووكانت مراة طيبة
ام مروان : يا سبحان الله عيون الناس ما ترحم
امنة: خير خالتي اشصاير
ام مروان: يا بنتي حرمة عندها سبع اعيال والحين يابت الثامن وكل من يقول عنها انها اتييب وايد اعيال وورى بعض اشذنب هالحرمة اذا ريلها كان يبي اعيال ومن كثر

ما يقولون عنها نهايتها الحين ولدت المرأة بين الحياة والموت والياهل بعد كسرو خاطري اعيال اصغار اكبر وحدة عمرها 15او 16 لو امهم صار فيهم شئ وين يروحون

هالاعيال
امنة: لا حول
مروة: يمه تقصدين ام منى
ام مروان: اي ادعو لها يا اعيالي بشفااء ترى هي حرمة وايد طيبة واصغيرة ماهي كبيرة وايد عسى ربي يستجاب دعواتكم
منيرة: الله يشافيها
امنة ومنى : الله يشافيها
وامنة اشوية بتصيح على حالة هالمرأة مسكينة ان شاء الله ما تشوف شر
( يا قرائي الاعزاء ادعو لها ترى صج هالحالة الحين عندناا واهل بيتهم كلهم حالتهم حالة ادعو ان هالمراة ما اصير فيها شئ ولو لا سمح الله صار فيها شئ عسى الله

لا يقول الله يصبر اعيالها وريلهاا )
وام مروان قامت عنهم
واشوية السوالف بحيث تغير الحجي
امنة: اقول مروة بيت ريم جريب من بيتكم
مروة: اي وايد جريب
امنة: ممكن اتوديناا
منيرة ما عرفت من ريم : من ريم
امنة: البنت الي كانت ياية مع مروة
منيرة: ما اذكر والله
امنة: تعالي ويانا وبتعرفين
منيرة: اوكي يالله
ومروة : بتصل في ريم بشوفها في بيت ولالا
امنة: ههههههههتي نسيت هالسالفة اتصال وما اتصال
واتصلت مروة قالت في بيت وقالت بيون فريم قالت لهم اشوية يتأخرون لين ا تتجهز للاستقبال الضيوف

وريم في البيت ما عرفت شتسوي لان مستواهم مو الى ذاك الحد لكن ثقتها من نفسها ما خلته تستحي بان امنة ومرت اخوها واختها ييون لها البيت
فبسرعة سوت الي تقدر عليه وتجهزت
وفدخلو وسلمو على ريم
ريم: ما اصدق امنة عندنا
منى: احنا بعد ويا امنة
ريم: لا افا اشلون انسى
امنة: يينا لج يا ريم قلنا انخبرج لان باجر بنسافر
ريم: يا حظكم والله ما بتقعدون مثلي في بيت ووين بسافرون
امنة: بنروح السعودية والامارات
ريم: ودوني معاكم ( بالغشمرة قالت )
امنة: ما عليه تعالي ويانااا
ريم: تراني من صجي
منيرة: واحنا بعد من صجنا تعالي
ريم: لا عيل اتغشمر
امنة: ترى تقدرين اتيين قولي لاهلج ان رفيجتج يعني انا عزمتج في خطوبة خالي وتعالي
ريم: وتقولين اهلي بيرضون بقولون لي خطوبة خالها مو خطوبتها
منيرة: عيل حالتج صعبة
ريم: مو صعبة الا صعبة وايد
ومروة كانت ساكتة ومنى بعد ما تحتك وايد مع الناس فلذا مروة قعدت تتكلم مع منى
مروة: وانتي أي صف
منى: جامعة
مروة: ما يبين عليج
منى: هههههههتي لا عاد مو الى هالحد
مروة: صج عبالي انج في توجيهي
منى: لا من زمان كملنا توجيهي
مروة: اي وافتكينا من المدرسة وياء بلوى اكبر جامعة
منى: اي والله يحليلنا في مدرسة يدلعونه وايد اما في جامعة العكس
مروة: صدقتي
منى : ايش رايج انتي اتيين ويانا في الامارات
مروة: لا توج تذكرتي فيني
منى: افا احنا يايين علشان خاص نعزمج ( جذبة بيضة )
مروة: من صجج
منى أستغفر الله يا رب سامحني ( تستغفر ربها على شلخة) وحبت اتغير من طريقة الكلام: وليش ما تيين
مروة: احتمال امنة ما ترضى وخصوصا خطوبة خالها
منى:لا امنة من الله تبيها مستحيل امنة بترضى ونص بعد ترى اختي وايد طيبة وحبوبة ما تشوفينها مطلوبة بين الجميع حتى ساعات الناس يحقروني بسبتها
مروة: وانتي ما تغارين
منى : بلا ما اغار الا احترق من الغيرة لكن بحبي لها ما يهمني هالغيرة
مروة: شنو الشئ الي في امنة ومافيج
منى: طبيعتها شوفي الحين اشلون صايرة اوكي مع ريم بما انه هاي ثاني لقاء لذا كل من يشوفها ويحبها
مروة فكرت صج امنة جذي واحتمال الي سارة قالته وجهة نظرها تجاه امنة غلط
المهم طلعو من بيت ريم وامنة خذت رقم ريم
وراحو مرة ثانية بيت ام مروان
منى : امنة عزمي مروة لخطوبة خالج
امنة: نسيت اصدقين
أقول مروة ايش رايج اتيين ويانا في خطوبة خالي
مروة: انا
منيرة: اي انتي
مروة: لكن ابوي اهني عنده شغل
امنة: تعالي ويانا احنا باجر بنروح
مروة: لا ما أقدر
امنة: شوفي يا مروة اذا تبين نقدر نتوسط لج عند ابوج
مروة: ابوي ما بوافق
امنة: هدي السالفة علينا
مروة: اوكي بنشووف
امنة: منيرة اتصلي على احمد وقولي له السالفة
مروة: لا وليش احمد
منيرة: عادي احمد ما بقول شئ
مروة: لا ما ابي اتعب احد
منيرة: لا صدقيني سيارتنا ما بيتعب
امنة: هههههههتي انزين انتي مالج خص هدي السالفة علينا
مروة كانت مترددة واتصلو على احمد وقالو له


احمد قال انه صعبة هو يقول لبو مروان
فبينما هم طالعين امنة قالت بتكلم بو مروان
امنة: اقول عمي
بومروان: هلا امنة شخبارج
امنة: حمدلله بخير انت شخبارك
بومروان: تمام
امنة: عمي ممكن طلب
بومروان: افا عليج امري
امنة: باجر بنروح الامارات ويا السيارة خطوبة خالي فلذا اعزمك
بومروان: ودي كان ايي معاكم لكن ما اقدر بظروف العمل
امنة: طيب معذور انت ليش مروة ما تيي
بومروان: لا اشلون اهد مروة بروحها
امنة: افا يا عمي احنا الاهل
بومروان: انزين ابوج وامج بيوون معاج
امنة:لا
بومروان: شفتي عيل اشلون
امنة: عمي اخوي احمد كأخو مروة فلذا اتمنى ما ترفض
بومروان: انزين متى خطوبة خالج
امنة: يوم الخميس
بومروان: عيل بسيطة انا بنفسي مع حرمتي واعيالي كلنا بنيي
امنة فرحت: صج عمي
بومروان: اكيد
امنة: تسلم وما قصرت وافراحنا بتكتمل بمجيئكم

وراحت امنة
احمد: اشلون خليتي بومروان يوافق
امنة: خطيرة أنا



وثاني يوم طلعوو
وامنة ما شافت عبدالله الا لما بيركب في السيارة وكانو ماخذين سيارة رونج رافر مال عبدالله لكن بسوقه احمد اذا تعب سيارة بينتقل الى احمد
امنة ومنى ومنيرة كانو قاعدين
امنة لاول مرة استحت من عبدالله
وفي السيارة سكوت مافي صوت غير عبدالله واحمد يتكلمون
واحمد يوصي عبدالله عن الشركة
وصلو بيت خالهم وكان مفاجأة لهم
فلذا تعبو من كثر ما يطقون الجرس لكن محد يفتح لهم الباب
الا بعدين طلع عبدالرحمن وهو لابس شورت وشعره كشه ( الاخ توه قايم من النوم ) : اووووف من
احمد: ابوك
عبدارحمن: احمد
احمد: اي احمد
عبدالرحمن: تفضل داخل
واما امنة ومنى ماتو من الضحك على شكل عبدالرحمن
ودشو ما كان احد داخل البيت كلهم طالعين وامنة ومنى وومنيرة دشوو الصالة وباقي الميلس
وامنة: منوي الله يخليج يبي لي ماءي بارد من المطبخ
ومنى بروحها كانت عطشانة ووقالت بدش المطبخ وبشوف ثلاجتهم شنو في
منيرة: غريبة منى قامت بدون لا قالت اف ولا هم يحزنون
امنة: لان الاخت بروحها تبي شئ تاكله

ومنى دشت داخل وهي تفتش في الثلاجة والاخ عبدالرحمن تكشخ بدل ثيابه ودش المطبخ علشان يودي شئ للشباب
عبدارحمن: احم احم
منى: هلا عبدالرحمن شخبارك
عبدالرحمن: الحمدلله انتي كيف حالك
منى: الحمدلله
عبدالرحمن : منى ممكن عصير لشخصين
منى:على ما أعتقد البيت بيتك مو بيتي
عبدالرحمن: ما عليه اعتبريه بيتج
منى: اقول حماني لا تنسى هاي بيت خالي
عبدالرحمن: ما نسيت يالله بسرعة
منى: طرار ويشرط

الا امنة دشت المطبخ
امنة: هلا براعي الكشه
عبدالرحمن: هلا يا راعية عبدالله
امنة: شنووووووو
عبدارحمن: ههههههههتي ما أدري طلع من بوزي
امنة: عبالي بعد واشتسوي في مطبخ
عبدالرحمن: أحلى واحسن بنت عمة انتي امنة تدرين
امنة: وشورى هالكلام
عبدالرحمن: اخوي وولد عمج في بيت ممكن اجهزين لي الفوالة علشان اودي لهم
امنة: افا عليك ما طلبت شئ
عبدالرحمن: يعلني ما اخلا منج يا احلى بنت عمة احسن من بعض الناس ( وطالع مني )
امنة: احم احم كل من يقول لي
منى: لا مو كأنه انا المقصود
امنة:لا ابد
عبدالرحمن: افا انتي بعد بنت عمتي لكن امنة احسن واحلى بنت عمة امنة
امنى: لا تنسى انا بنت عمتك الاصلية
امنة: ويي توني تذكرت اني بنت عمتكم المزيفة
عبدالرحمن: ويا حلات هالتزييف
منى: اقول عبدالرحمن
عبدالرحمن: هلا منى
منى: مسخته كانه
عبدالرحمن: ههههههههههتي

الجزء34
عبدالرحمن وهو لين حين في مطبخ مع بنات عماته : صوت السيارة أكيد رجعو
وطلع يشوفهم بالفعل كانو هم فخبرهم وجنان بسررعة راحت
سلمت عليهم
جنان:ما أصدق انتو عندنااااااا
امنة: لا يا يبه صدقي كل شئ جايز وكل شئ
جنان: زين عيل لكن جم من يوم بتمون عندنا
منى: 3 او 4 او 5
جنان: صج والله
امنة: ساعات
جنان: وليش ساعات ان شاء الله نسيتو احنا لو ييناكم على اقل نقعد 3 ايام
امنة: ولكن هالمرة ما قعدتو عندنا علشان جذي
جنان: لا حول
منيرة: جنان ممكن حجرتج
جنان: يالله تعالي بوديج
منيرة: امنة اذا بتطلعون قولو لي اشوية تعبانة برتاح في حجرة جنان
امنة: ان شاء الله
وهي رايحة شافت ام فيصل سلمت عليها منيرة
وعقب يات لامنة ومنى سلمو عليها
ام فيصل: ليش ما يبتو امكم وابوكم معاكم
امنة:قلنا لهم لكن ما قدروا ن شاء الله وقت ثاني بنيبهم معانا
ام فيصل: ان شاء الله نورتو السعودية
منى: السعودية منور باهله
ووالا فاطمة يات ( اذا نسيتوها بذكركم اخت جنان الاصغر منها) سلمت عليهم: يمه يوسف يبي يروح حجرته
ام فيصل: تغطو يا بنات وقولي له يدش مافي احد
فاطمة: ان شاء الله
وامنة ومنى لبسو شيلاتهم
يوسف دش وهو رايح حجرته
ام فيصل: يوسف سلم على بنات عمتك
يوسف وهو منزل راسه وما طالع صوبهم
يوسف: يا حيا الله من يانا كيف حالكم
امنة: الحمدلله بخير
ومنى: الحمدلله
وانت شخبارك
يوسف: الحمدلله بخير
جنان يات وخلت منيرة في حجرتها
وأم فيصل قامت تروح مطبخ لانه سلمت على احمد واحمد قال انه بيطلع فقالت بتعطيهم فطائر بسيطة علشان في طريج اذا جاعو
امنة: يوسف مبرووك
يوسف: الله يبارك فيكٍ
امنة: ومتى ان شاء الله انشوف شيخة
يوسف مسوي روحه برئ: ومن شيخة
جنان: الي بتصير مرتك بعد جم من اسابيع
يوسف: اسمها شيخة حلو الاسم
امنة: الحين من صجك ما اتعرف اسمها
يوسف: يحليلي برئ حتى ما شفتها
جنان: كله منك قلنا لك تقدر تشوف لكن انت بنفسك قلت يعجبني اختيار أمي
منى: يعني لين حين ما شفت شيخة خير شر
جنان: لاسف الشديد لا
ويوسف يأشر بيده انه بس مرة
امنة: بس مرة
يوسف: عبالكٍ انا محظوظ مثل عبدالله حظي نحس مثل ويه أختي جنان ولما أفكر في عبدلله أقول يا حظه
جنان : الحين ويهي صار نحيس
وامنة ذكية ومخها شغال في هالامور: وين شفت شيخة
جنان: يجذب عليكم ولا مرة شاف جنان
يوسف: عيل غبي أنا اتزوج وحدة بدون ما اشوفهاا
امنة: جنان انتي سكتي وخلينا نسمع يوسف
منى: يالله يوسف كمل قصتك
يوسف: الله يسلمكم ما خبرت أحد لكن يوم من الايام كنت جاءي البيت دشيت المطبخ شفت وحدة عبالي خدامة ولكن لما لفتت اه اه تخبلت بجمالهاا

شافتني الاخت خافت لين حين صورتها اتمر جدامي لما اذكرهاااا اه ما احلى ذاك اليوم كاان
جنان: اشوف من ذاك اليوم كل ما اقول لشيخة اتيي البيت اتقوم اطلع لي اعذاار
امنة:انزين بما انك دشيت بالغفلة وشفت ويهها يعني شعرها بعد كان يبان
يوسف: صحيح
امنة: مو لازم اتنزل راسك وتطلع بسرعة
يوسف: يا اختي ما كنت أقصد عبالي الخدامة لكن بعدين لما التفتت عرفتها وحبيتهاا
منى: يعني حب من أول نظرة
يوسف: لا مو من اول نظرة لكن امي كل ما شافتني اتييب سيرة العرس وتمدح شيخة لما عرفت ان شيخة هي البنت الي امي تبي اني اخذها قلت ما

عندي ماانع
امنة: الله حلوو
منى: ومتى قررتوو الخطوبة
يوسف: لو انا بايدي اليوم قبل باجر لكن الاخ احمد خرب علي توني في ميلس بغصب خليته يقتنع انه يرد من شهر العسل بعد 3 اسابيع يعني بصير

بعد 3 اسابيع
امنة: فترة قصيرة اشلون بنت بتستعد
يوسف: انتو بعد ذبحتونا مع تجهيزاتكم أصلا قايلين للبنت تستعد
امنة: زين والله
يوسف: وبعد خطوبتي مباشرة خطوبة عبدالله
امنة تذكرت اي صح احمد قال بعد ما بيرد
جنان: الله حلوو بكوون خطوبة اخوي وخطوبة بنت عمتي
فاطمة: مو بس حلوو وايد حلوو
منى: يا حظنا والله
وام فيصل كانت ياية: وعقبالج يا منى
فاطمة قالت بروح فكاهي: وليكون منى انتي بعد لولد عمج
ام فيصل:لا عاد اول ما ولدت منى قلت لاهلها ان منى انا باخذها
ومنى مسكينة ما تدري بسالفة لكن استحت
امنة: صج خالتي ( امنة بعد ما تدري)
يوسف: اي صج ونص اذكر لما ابوي اول ما شاف منى قال كذا وعمج كان اهناك وهو قال اخذو منى وانا باخذ امنة
ام فيصل: اي الحمدلله
يوسف: يمه ما دريتو بنات هالزمن يبون يتخرجون وعقب يتزوجون ( ويطالع جنان)
فاطمة: يعني قصد اخوي نصبر تقريبا 4 سنوات
ام فيصل:يااه 4 سنوات لالا احنا مستعيلين واذا قدر الله عرسك يا يوسف وعرس اخوك في نفس اليوم
يوسف: بصير خير يا يمه لكن مثل ما بنتج أخرت سالفة العرس منى احتمال اسويها ومشكلة لو ضغطنا عليهم بقولون اكا جنان قاعدة ليش تغصبوني

انا وبنتكم لين حين
وجنان خاطرها تذبح اخوها
ام فيصل : ومن قال بنقعد اختك في البيت يا ولدي لو اهل اصبي قالو اليوم الخطوبة احنا واقفين وجاهزين
جنان: لا يمه أبي اتخرج
ام فيصل: تخرجي بعدين
ومنى قعدت اتفكر اي واحد من اعيال خالها لكن ما لقت غير عبدالرحمن لانه هو اكبر من بعد يوسف
يوسف راح عنهم
ام فيصل: جنان ودي امنة ومنى حجرتج خليهم اهناك ياخذون راحتهم
جنان: ان شاء الله
وامنة ومنى بنفسهم بما انهم يعرفون وين حجرة جنان راحو لكن بالغلط دشو حجرة عبدالرحمن
منى: هاي مو حجرة جنان
امنة: اي يبين حجرة واجد
منى: مستحيل مال فيصل
امنة: شوف العفسة وعفيسة (وحجرة كان من صج معفس ثياب من الكبت طايحين وباب الكبت مبطل وكتب اهني واهناك وفراش حالته حالة )
منى: اي اشلون يقدر يرقد اهني
امنة: يا ترى حجرة من هاي
منى: امشي نطلع قبل ما احد يي
امنة: بطقاق خلهم ييون خلهم يتفشلون
منى: اموووون امشي نطلع
امنة: منووي اتعرفين ام جنان كانت تقصد من
منى سوت روحها ما تدري: في شنو
امنة: عنج
منى : حالج حالي
امنة: احس عبدالرحمن
منى: حتى اناا لانه اكبر واحد من بعد يوسف
امنة: اي لكن اذا كان عبدالرحمن منى شنو بكون قرارج
منى: مستحيل برفض
امنة: ليش ان شاء الله
منى: ما ادري ليش بس برفض
امنة: وشنو سبب مقنع
منى: ما أدري يمكن عبدالرحمن ما يناسبني
امنة: وشنو ما يناسبج او يناسبج
منى: امنة ما فكرت لين حين
امنة: قولي جذي مو تقولين رافضة
منى: اووف امنة بروحي متضايقة من هالسالفة
امنة شافت التلفون: امشي انفتش موبايله
منى: لا
امنة: يااااااااه قومي
منى راحت يمها ما خلو شئ ما شافو حتى ارقام كانو يفتشون أرقام بناات
امنة: ويييييي فشلنا من هذا مافي ولا رقم اصبي

الا عبدالرحمن دش عليهم وشافهم مندمجين مع النقال
عبدالرحمن: احم احم جوالي اهني
امنة: خسارة عيل هاي مال من
عبدالرحمن: حقي بس فيه رقم الثاني
امنة: اها
ومنى كانت ساكتة
عبدالرحمن: واشعندج يا شيخة منى ساكتة اشوفج
منى: اشاقدر اقول وانت قاعد تتكلم احلى واحسن بنت عمة
عبدالرحمن: اي صحيح كلامج
منى: بعد تقول صحيح
عبدالرحمن: يا أختي اتغشمر معااج
امنة: اقول حماني لا تقول يا اختي ترى كلمة خطيرة
عبدالرحمن : نعم اشتقصدين
امنة: ولا شئ
امشي منى
عبدالرحمن: بدري وين رايحين
منى؟: وعبدالرحمن شوف حجرتك ليش جذي
عبدالرحمن: لاني ما لحقت اعدل حجرتي وانتو واصلين
منى: عذر بايخ
عبدالرحمن: مو أبيخ منج
منى: وليييييييي
عبدلرحمن: ممكن امنة ومنى اشوية
امنة: خير
عبدالرحمن: خير بويهج
منى: اشعندكم عبدالرحمن
وعبدالرحمن صار جااد ويهه تغير كانه بقول شئ جاد وخطير : ابيكم اساعدوني في شئ
امنة: من هالعين قبل هالعين( أشرت على عين يمنى بعدين يسرى)
عبدالرحمن: واتمنى تفهموني
امنة: بنفهمك
عبدالرحمن: انا بقول لكم هالشئ وانا مضطر لان ما بيدي حيلة
منى: حماني قول
عبدالرحمن: قبل جم من يوم ابوي كلمني
وسكت
امنة: خالي كلمك وعن شنو
عبدالرحمن: أني اتزوج
ومنى حست بعدم راحة
امنة: وانزين عادي
عبدالرحمن: قال لي انه أول ما ولدت منى هو قال ان منى حقي
امنة : انزين
عبدالرحمن: وأنا أحب وحدة ثانية وحدة تعرفت عليها ودشت قلبي لذا ما اقدر اخطب منى وابوي لما قلت له انه يمهلني فرصة اني افكر رفض

واتعرفين ابوي اذا شئ براسه يسويه يسويه لذا لو احنا يينا نطلب ايد منى منى الله يحفظج رفضي
منى من يعلم حالها
وامنة بعد حست باأختها صج اختها ما تحب عبدالرحمن واصلا هي بعد كانت رافضة الفكرة قليلا ما لكن اشلون يقدر يكلمنا وجدام منى اكيد هالشئ بأثر

فيها: عبدالرحمن يعني هالوحدة احسن من منى
عبدالرحمن: ما قلت جذي لكن أحبهاا
امنة: شوف يا الاخ عبدالرحمن تصرف انت مع أبوك احنا مالنا خص تبي اتبين لابوك انك شريف مكة وصاير لنا شريف ديسكو
عبدالرحمن: امنة لا تعصبين ترى قلت الحقيقة
امنة: واشلون ما اعصب انا ماني معصبة من انك تحب وحدة ثانية انا معصبة لانك رضيت اتكلم وحدة واكيد كلام نهاية طلعات وو لذا احنا ما يتشرف

لنا حتى الكلام انكلمك وعلى فكرة لو ييت الى بيتنا تبي منى بنوافق غصبا عنك وقاعد ترفض اختي بسبة وحدة ساقطة ( قالت هالشئ وايد ندمت

وووووووووايد لكن كانت معصبة وطلع من لسانها )
عبدالرحمن عصب على كلام امنة واشوية يمد ايده على امنة لكن واحد مسك ايده ودزاه بحيث عبدالرحمن طااح
واما حالة منى وامنة مأساء اشوية ويصيحون وامنة ارتجفت لما شافت ايد عبدالرحمن
يوسف: احترم نفسك يا عبدالرحمن
عبدالرحمن تعور من الطيحة لكن ما قال شئ ويوسف سمع كل شئ
يوسف: سموحة منكم يا بنات عمتي
امنة فيها صيحة لكن يودت عمرهاا : اشيل ايدك علينا يا عبدالرحمن علشان وحدة ما تسوى نسيت انا احنا بنات عمتك ( وما قدرت اتكمل ومنى

كانت قاعدة اتصيح وامنة اشوية بصيح لكن صبرت ) سموحة منك يا ولد خالي الشرهة مو عليك الشرهة علينا تطمن شنو قلت نرفضك حاضرين ما

طلبت شئ ومو بس رفض من يوم ورايح لا انت اتعرفنا ولا احنا انعرفك وهاي ويهنا ان مرة ثانية يينا لك البيت
وراحت وهي ميودة يد منى وهما رايحين حجرة جنان فيصل كان يمر
استانس لما شاف بنات عمته : احم احم
امنة ومنى وقفو لكن ما قالو شئ
فيصل استغرب يعرفهم عدل السلام لازم يسلمون مع اشوية شيطانة
فيصل: كيف حالكن
منى ما قدرت تتكلم وبما انه فيصل ما شافهم عدل فهو كالعادة ابدا ما يشيل راسه ويشوف ولكن استغرب سكوتهم رفع راسه شاف منى وامنة قاعدين

يصيحون استغرب
امنة: عن اذنك
وراحو
وفيصل شاف كانو يايين من حجرة عبدالرحمن راح مباشرة شاف يوسف يقول: اشلون أنت تتجرأ (ويود ثوبه )
فيصل: شنو صاير
يوسف: اسال المسود ويه شنو صاير
فيصل: عبدالرحمن شنو صاير
عبدالرحمن كان ساكت
فيصل: ليكون متهاوشين مع بنات العمة
يوسف: متهاوشين جان زين متهاوشين لكن اخوك قليل الادب مد ايده على امنة
فيصل ما صدق اخوي يسوي جذي : اي وعلشان جذي شفتهم يصيحون
يوسف: بس يصيحون كله بسبة هاي قالو مرة ثانية حتى بيتنا ما بييون
فيصل عصب اشوية ويذبح اخوه لكن تمالك اعصابه: وليش مديت ايدك عليهاا
عبدالرحمن خايف من اخوانه وما قال شئ
يوسف: انا بقول لك علشان وحدة من الخايسات الي متعرف عليهم قال لامنة ومنى انه لو طلب ايد منى يرفضونه واهني امنة قالت علشان وحدة

خايسة ترفض اختي والاخ عصب ما يقدر يتحمل شئ عن حبيبة قلبه
فيصل: لا حوووول عبدالرحمن شنو سويت انت خاطري اذبحك لكن متمالك اعصابي انا تدري الحين لو امنة قالت هالسالفة لاخوها احمد احمد بنفسه

بيي وبراويك ولو انتقل الخبر الى عمتي وريل عمتي بقاطعونااااا وكله بسبتك


واما بنسبة لامنة اول ما وصلت لحجرة جنان يم الباب
امنة: منى لا تخبرين احد ولا كأنه شئ صاير
( ومسحت دموع منى )
منى ما قالت شئ
امنة: يالله منى بس خلاص ما يستاهل اتصيحين
منى: ان شاء الله
امنة: خلي روحج عادية ولا كأنه شئ صاير وان احد سالاج ليش عيونج حمرة قولي من امس وانتي مو راقدة
منى: ان شاء الله
(ومنى كانت ماهي حساسة مثل امنة وتقدر تمنع دموعها لكن امنة لا وهي كانت تتكلم واتصيح )
واول ما دشو شافو جنان مع منيرة يتكلمون وامنة سيدة دشت الحمام
ومنى قعدت بدون ما تقول شئ
منيرة: منى اشفي ليش عيونج حمرة
منىى: من امس وانا مو راقدة بعد تتوقعين عيوني اشلون بتكون
جنان: ههههههههههتي عبالي اصيحين
منى : على شنو اصيح
وصارت عادية ومنى حتى طبعها ما يخليها تنكشف لكن امنة بسهولة بتنكشف اشفيهااا ومنى دائما هادئة لو الحين قعدت هادئة محد بشك واما امنة لالا

وامنة اول ما دشت قفلت الباب قعدت تبجي وتبجي وتبجي واتحاول قد ما تقدر تمنع اطلع صووت لينما تعبت وراحت تغسل ويهها شافت عيونها أحمر

ويبين انها تصيح
وجنان ومنيرة لاحظو تأخر امنة في الحمام
جنان: لا يكون امنة صار فيها شئ
منى: لالالا امنة دائما تتأخر في حمام لو راحت ما تطلع بسهولة
منيرة: يمكن
والا بو جنان اتصل عليها وقال ان احمد طالع لذا منيرة وامنة ومنى يطلعون
جنان: يالله جاء وقت الرحيل
منيرة: اي جاهزين بس خلو امنة تطلع
ومنى راحت لعند الباب ودقت باب الحمام : امنة رايحين احناا
وطلعت امنة كل لاحظ وشكو في السالفة
وما حبو يسالونها
امنة: يالله نروح
وهما نازلين امنة حمدت ربها ان ام فيصل واقفة لهم يم سيارة فلذا تقدر تغطي ويهها وشوية بيطلعون من الباب الا فيصل