[magicprincessezo]

مساء الخير على احلى اعضاء بصراحة كان لازم اشارك فى الموضوع واحب اولا ان اشكر monna لاهتمامها بالمقترح وسرعة التنفيذ واحب اقول ان احلى رواية قراتها كانت اهههههههه فى كتيير ........ طيب خالص هقول بصراحة انا بعشق جنون الرغبة وانتقام النمر الاسود والعاطفة الانتقامية والحب العاصف ... ايه ده اربعة ....معلش معلش هتعذرونى لان فى روايات رومانسية مترجمة صعب جدا تختار حاجة واحدة
وحقيقى مش عارفة ايه الرابط اللى تكون بينى وبين الاربعة دول حالة لذيذة من الحب والعاطفة والتى تبكينى فى الفصل الاخير من ندم انطوان بعد ترك ايميلى له فى انتقام النهر الاسود او ربما المواجهة بين بطل وبطلة العاطفة الانتقامية بعد ضربه لبيترو او بكاء تالوس فى الحب العاصف عندما تعود ذاكرة البطلة او الحوار فى روما بين كاسبر وهولى فى جنون الرغبة لكن اللى اقدر اقوله شكرا للاختيار الرائع للروايات اللى ملهاش مثيل
اما عن الرواية اللى كنت بحس انها مستواها اقل كانت عذراء فى ليلة زفافها بصراحة النهاية كانت نوعا ما هشة وضعيفة بصراحة النهاية كانت ازاى اقولها جامدة مفيهاش مشاعر اكتشاف الخطا فى الاعتقاد لسنين وانه يلاقى البطلة بريئة كان المفروض الندم يبقى اكبر والاعتذار اكبر
اما عن افضل بطل بصراحة كلهم يطيروا العقل مع انى بكرهم فى اول كل رواية لانهم دايما بيظلموا البطلات لكن اقدر اقول ان النهايات وقلب الرواية وكمان اعتراف البطل القوى بالحب بتبقى سبب حبنا فى الرواية عشان كده انا بموووووووووووت فى بطل رواية العاطفة الانتقامية لانه تقريبا البطل الوحيد الى بيعترف بالحب من النصف وليس فى النهاية
اما عن افضل بطلة بصراحة ياقمرى كلهم عسل مش طبعا الجنس اللطيف لازم يكونوا عسل بنشفهم ياعينى الواحدة بتتقطع فى حبه ومخبية لكن اقدر اقول ان اكتر بطلة سحرتنى بروحها الحلوة كانت هولى بطلة جنون الرغبة
اما عن الروايات فبصراحة انا بفضل الروايات الجديدة وبحب الاحداث اللى بتحصل فى نيويورك ولكن يكون بطلها يونانى او ايطالى او اسبانى
اما بانسبة للترجمة فبصراحة فريق العمل مجهوده جبار وطبعا النتيجة اكتر من ممتازة ومش هكون مبالغة لكن امانة اقولها انى بلاقى روايات مترجمة هنا مستواها افضل من روايات مترجمة فى دور نشر
اما بالنسبة للرواية اللى نفسى تتعرض مش حاجة معينة بس ياريت يبقى البطل ايطالى والاحداث فى نيويورك وبصراحة فى روائية لم يعرض لها سوى رواية واحدة فى منتدى روايات احلام الجديدة ولم يعرض لها مرة اخرى روايات وهى انجى راى
اما بالنسبة لمقترحى اعتقد هو امنية اعضاء كتيييييييير وهو يمكن اوفر بس من حبنا فى الرواية ان ينزل اكثر من فصلين
كفاية كلام بقى اسكتى اسكتى ... اف خلاص اهو طيب اسلم عليهم الاول واشكرهم انتى علطول كده خلقك ضيق
هه
عموما شكرا كتييييييييييييييييييير على كل التعب والمجهود الذى يبذل وشكر خاص ل monna لتلبيتها طلبات الجميع واخيرا كل سنه وانتوا بالف خير وحب واحلام تخلينا نعرف قوة الحب فى زمن قد يكون نسى وليس فقد الحب لان الحب عاطفة لا تفقد طالما قلوبنا تنبض