البارت التاسع والعشرون
( الفصل الثاني )
زواج
سلطان & أفنان
يوم مميز في قلوب أبطالنا و في نفس الوقت كان يوم مصيري للباقي
أصر أبو فيصل إنه يسوي لهم العرس في القاعه لأنهم وزعوا بطاقات الدعوه من أسبوع
أفنان تفاجأت لأنها كانت تعتقد إن العرس بيكون عائلي و بسيط
كانت متوتره حدها و شوق تحاول تهدي فيها : أفنان من جدك وش هالتوتر ؟
أفنان : ما كنت أدري إن العرس بيكون في قاعه كبيره الله يهديهم مفروض عطوني خبر من قبل
شوق : لا تلومينهم البطاقات وزعناها فشله قدام الناس و ثاني شي ما لنا عذر إن نخليه عائلي
فيصل و رغد نزلوا عشان الزواج و نايف بعد
أفنان بتوتر : ما أحب زحمة الحريم
شوق تهدي فيها : ما أتوقع الكل يجي يمكن بس أقاربنا يلا لا تشيلي هم ... خليها تبدأ فيك
ناظرت أفنان الكوافير : نروح عند القاعه أفضل
الكوافير : ما عندي مشكله
شوق : خلاص بدق على السايق يجينا
%%%
الساعه 4 العصر
كان واقف عند المرايا يناظر نفسه بعد ما لبس الثوب و الشماغ
ابتسم بينه و بين نفسه : أحس إني أنا اللي بتزوج اليوم مو سلطان
دخلت عليه مها و هي مبهوره من شكله : واااااااااااو طالع تخبل بالثوب
خالد و هو متوتر : ههههههه لا تبالغين
قربت جنبه مها و هي متحمسه : أممممم وش رايك أدور لك على بنوته ؟
خالد رفع حاجبه و ناظرها بعصبيه : مها قلت لك ما أبي أتزوج
مها بعصبيه : لين متى تنتظر منى هاذي وحده ما عندها احساس لا تحرق أعصابك عشانها
عصب خالد و عطى مها كف
مها مسكت خدها و هي مصدومه : تضربني عشانها ؟؟؟
مسك خالد صدره بعصبيه : لا تقولين ما عندها احساس سامعه هاذي منى و أنتي تعرفين وش مكانة منى بقلبي
دمعت عيون مها و هي تناظر أخوها كذا تغير عن أول كثيييير واضح عليه الذبول كله من منى
حقدت عليها بسببها صار أخوها خالد القريب منها نفسيته تعبانه و أعصابه حاده
طلعت مها من غرفة خالد بدون ما تقول شي
جلس خالد على الكنبه و هو ماسك يده مصدوم : والله ما كان قصدي أسوي كذا
دخل عليه سعود و ناظر خالد باستغراب : وش فيك ؟
خالد بضيق : ما فيني شي
سعود بشك : متأكد ؟
خالد وقف : ايه .. يلا خلنا نروح للشباب
سعود : أوكي
%%%
بيت أبو فيصل
الساعه 5 العصر
كان يتدرب على المشي بالعكاز نزلت حنان من الدرج و هي تناظر نايف : نايف وش تسوي ؟
نايف و هو واقف بالعكاز : اللي تشوفينه أبي أتعلم كيف أمشي مع هالشي
حنان : أهااا ( ابتسمت و هي تناظر شكله ) جد طالع أخو المعرس وش هالكشخه
نايف بضيق : كشخه مع هالعكاز أحس إني عجوز
حنان تخفف عليه : عادي هالعكاز مؤقت وش فيك لا تصير كذا في عرس أخوك
نايف ينهي الموضوع : أوكي .. غريبه أنتي مو ناويه تروحين المشغل مثل هالبنات ؟
حنان : إلا اللحين بروح مع فيصل و رغود
نزل فيصل مع رغد : أووه هلا نايف طالع حركات
رغد : الحمد لله على سلامتك
نايف : الله يسلمك
فيصل : مفروض نروح نشوف أخبار سلطان
نايف بضيق : يعني أروح كذا قدام الشباب أنا الليله بكون مع أبوي في الصاله أشوفهم هناك
فيصل : أوكي مو مشكله الليله نشوفك في الصاله
نايف : أوكي
فيصل : إلا حنان وين منى مو ناويه تجي ؟
حنان : منى راحت مع هنادي بنت عمي
رغد : أجل خلينا نروح عشان نخلص بسرعه
حنان : أنا حجزت في مشغل غير المشغل اللي هم حاجزين فيه
رغد : ليه؟
حنان : زحمه و غير كذا نبي نكون سبرايز
رغد : ههههههه أوكي
فيصل يتغزل في رغد : أهم شي سبرايز .. بس رغودي قمر ما يحتاج ميك أب و لا بدون ميك أب
حنان : يا عيني
نايف : أحم نحنوا هنا أخوك في الله عزوبي لا تحدني أتزوج
رغد : هههههههه أصلاً مفروض تتزوج
نايف : على يدك يا بنت عمي
حنان تكتفت : رغد تدور لك و أنا من زمان أحاول فيك تقول لا
فيصل : هههههههههه رغوود ذوقها غير
نايف : ههههه أمزح يمه منكم المهم دوروا لي على بنت الليله
رغد بحماس : ابشششر
فيصل : ههههههههه وش فيك متحمسه
حنان : عشانها بتضرب راسيين بالحلال أوه أقصد توفق راسيين بالحلال
نايف : مالت عليكم جد علل
فيصل : يلا تأخرنا بروح للشباب متجمعين مع سلطان
حنان + رغد : أوكي
%%%
في أحد قاعات الرياض الكبيره
بدت المطربه تغني و هزت المسرح بصوتها الجهوري
فكوني منه لا أموت صرت مدمن شوفته
لو دقايق غاب عني قلبي تضعف دقته
ليتني غمضت عيني قبل عيني شافته
أنا جرحه عندي رقه والحنان بقسوته
وناره بالنسبة لي جنه وكيف عندي جنته؟
ليتني غمضت عيني قبل عيني شافته
امنعوني من غرامه وكرهوني بسيرته
حاولوا يشوهون اسمه في عيوني وصورته
ليتني غمضت عيني قبل عيني شافته
كانت شوق ترقص و قبالها حنان على الجسر و كانت منى وراهم ترقص مع ساره
المعازيم مبهورين بالبنات اللي يرقصون على الجسر و كلهم من أقارب العروس و المعرس
أم سليمان تأشر على شوق : وش حلاتها هالبنت تتوقعين مخطوبه ؟
ضحكت عليها أم راشد : ايه هاذي خاطبها تركي ولد عبدالعزيز حماي
أم سليمان بخيبه أمل : كل ما أشوف بنت تطلع مخطوبه و لا متزوجه أبي أخطب لولدي سليمان
كانت شوق لابسه فستان فوشي كيووت قصير من قدام و له ذيل من وراء ضيق على جسمها مطلعها باربي
و لابسه على الفستان طقم ألماس فخم هدية شبكتها من تركي
التفتت شوق على رغد اللي جالسه عند الكنبات قدام نزلت لها : واااااو طالعه مررره خطيره
ابتسمت رغد : تسلمين قلبي و أنتي طالعه تجننين تصدقين ما عرفت أنك أختي إلا لما سمعت صوتك
شوق : هههههههه حركات وش هالفستان أكيد من أمريكا
رغد : ايه ما تصلح لي إلا هالأشياء
كانت رغد مثل سنوايت لابسه فستان فضي قصة صدر بعدها يكون منفوش عشانها حامل طالعه مررره نايس
و مسويه تسرحيه و في نهاية شعرها شريطه مربوطه على شكل ورده
رغد : روحي شوفي أخبار أفنان ترى من جد أحاتيها
شوق : أكيد بروح لها اللحين
جات منى لشوق : شوق توه داق علي سلطان يقول متى بتدخل أفنان
شوق بتوتر : قولي له بعد أشوي لما نرتب الوضع
منى بتوتر : أحس اليوم صاير زحمه
شوق : ايه ما توقعت كذا يصير الله يهديهم أمي و أمك ما أدري مين نادوا
منى بضيق : أي والله .. تصدقين أحاتي أفنان شلون بتنزل مع هالحريم عالم
شوق : أنا حاطه يدي على قلبي
جات لهم هنادي : بنااات ... خالاتي واقفين يسلمون على الحريم في الاستقبال << تقصد حريم عمامها
شوق : كويس شوفوا أنا بروح لأفنان هنادي روحي رتبي مع المطربه قولي لها تضبط الزفه بعد 10 دقايق
هنادي : أوكي
شوق : و أنتي يا منى خلي حنان تعطي سلطان خبر عشان يستعد و بعدها تعالي معي فوق
منى : أوكي
منى كانت بارزه كثير و لفتت نظر أم سليمان مسويه بف مفتوح منزله شعرها اللي واصل لنهاية ظهرها مقصوص طبقات
و صابغته باللون الأحمر الغزالي و حاطه ورده جوري بيضاء طبيعيه على جنب طالع بياضها مو طبيعي لأن بشرتها ماشيه مع لون الصبغه
أم سليمان : يا أم راشد عرفتي اللي لابسه نيلي ؟
أم راشد : ايه هاذي حاطه عيني عليها لولدي ياسر مملوحه هالبنت هاذي اللي تصلح له
أم سليمان : بنت مين هاذي ؟
أم راشد : هاذي بنت عبدالله اسمها منى تعرفها بنتي هدى بتروح ثالث ثانوي
أم سليمان بخيبة أمل : صغيره على ولدي سليمان
أم راشد : بس بنت و لا كل البنات جمال و حلاه و زين و اللي أعرفه إن عيال عمها و خوالها يتمنونها
أم سليمان و هي مبهوره منها : ما ينلامون و الله
حنان : وش فيك منى ؟
منى : تقول لك شوق دقي على سلطان عشان يستعد
حنان : أوكي
منى بتوتر : عسى الليله تعدي على خير
حنان : ليه ؟
منى : شوفي زحمه و أفنان تخاف من الزحمه
حنان : لا تحاتي سلطان بيكون معها وش فيك
ابتسمت منى فجأه : وش رايك نسوي حركه ؟
حنان باستغراب : ما فهمت
قربت منها منى وقالت لها عن الحركه اللي ناويه عليها
ضحكت حنان فجأه : حلوه عجبتني و الله خلاص بفهم سلطان الموضوع
منى بابتسامه : أوكي
هنادي جات لهم و هي تعبانه حدها : أووه تعبت
منى بعصبيه : أنتي توك والد لك أسبوع مفروض ما تجين جد مهبوله
هنادي بعصبيه : عرس أخوي ما تبيني أجي
منى تهدي فيها : أوكي بس روحي أرتاحي جنب رغد أحسن لك من المشوار
هنادي : شكلي هذا الي بسويه
هنادي كانت لابسه فستان فخم ملون حرير و مسويه ويفيي صاير شكلها جد من خوات المعرس مره جنان
حنان طالع فستانها مره يجنن لونه تفاحي و أصفر موديله صاير ضيق و كله أقمشه طايحه و عند الخصر حزام ذهبي مره فخم
مسويه تسريحه فخمه و لابسه تاج ذهبي صغير على جنب و منزله غره على وجهها طالعه مره حلوه
عند الإستقبال
كانت مها واقفه جنب أم مشاري و أم مشاري كانت تعرفها على الحريم : هاذي مها خطيبة ولدي مشاري
و كانت مها مره منحرجه ما تعودت على هالمواقف و أم نواف كانت تضحك على بنتها
و في نفس الوقت فرحانه لها بمشاري لأنه ولد عمها و الكل يمدحه
أم مشاري : يا مها طالعه تهبلين بسم الله عليك
مها باحراج : تسلمين خالتي
أم مشاري : وينه عنك مشاري كان استجن عليك
مها نزلت عيونها بخجل
جات لهم ساره و هي تتخصر : بس بدينا تمدحين فيها و أنا ما أحد معطيني وجه
أم مشاري : ههههههههه و الله لو عندي ولد غير طلال و مشاري كان خطبته لك
ساره باحراج : لا أمزح خالتي << من باب احترام
مها كنت تأشر لساره ناويه عليها في البيت
ساره فهمتها : خالتي مها تبي مشاري يدخل
مها كانت بتذبحه أختها ( في نفسها ) من جد نذله هالبنت
أم مشاري : أكيد بيدخل يشوف أخته
مها بتوتر : جد ؟؟
أم مشاري غمزت لمها : ايه بقوله يشوفك
مها بخوف : لالالالالا ما أبي
أم مشاري عرفت إن البنت خجلانه حدها : هههههههههه
جات منى لعندهم ناظرتها مها بحقد و منى مستغربه من نظراتها : أهلين مها معليش ما شفتك
مها رفعت حاجبها : أهاا يعني ما شفتيني أصلاً أنتي مو شايفه أحد قدامك
منى باستغراب : وش فيك علي يا مها ؟
مشت مها قريب جنبها و هي معصبه حدها : شوفي أنتي وش مسويه بعدين كلميني
و الله يا منى إذا صار لأخوي خالد شي لا أمحيك من على وجه الأرض أعتبري كلامي تهديد لا تنسينه أوكي
جات وجدان و وصلت لعند الاستقبال
أم مشاري بخوف : يؤؤ وجدان توك جايه وش فيك يا بنتي ؟
وجدان بتعب : ما أدري شكل جاتني انفلونزا و نمت أمس متأخر و زين تزينت فوق مع العروس
أم مشاري : ما تشوفين شر يا قلبي
وجدان : الشر ما يجيك خالتي
دق جوال وجدان و ناظرته ابتسمت و هي ترد على الجوال : هلا قلبي
طلال بخوف : ها قلبي شخبارك اللحين ؟
وجدان : لا تخاف أنا تمام بس أشوية تعب
طلال و هو حاس بالذنب : ليكون من الأيسكريم أمس ؟
وجدان : ههههههه لا عادي لا تحاتي كذا
طلال : المهم قلبي بدخل عندكم أبي أشوفك
وجدان بخجل : هااا طيب بشوف
طلال : أهااا عااد لا ترديني
وجدان باستسلام : من عيوني
طلال : تسلم عيونك يلا قلبي ارتاحي لا تتعبي نفسك
وجدان : أوكي
وجدان طالعه كيووت لابسه فستان أحمر ناري ضيق و من ورا شرايط حرير ضرب أسود نعوم
و ميك أبها سموك بس لايق على وجهها الأبيض المملوح و مسويه كيرلي و رافعته بشكل تسريحه
طالع شكلها مره فخم و حاطه على جنب وردة جوري حمراء
أشرت لهم حنان إن الزفه بتبدأ اللحين
الكل كان عينه على الدرج ينتظر نزلة العروس
و منى و شوق يناظرون الوضع من فوق الدرج و هم فيهم الضحكه
شكت أفنان بالموضوع : أمانه ناويين تسوون مقلب فيني ؟
منى : لا و شدعوه من جدك أنتي ؟
شوق ابتسمت لها : بسم الله عليك طالعه قمر ما شاء الله
أفنان طالعه في عرسها غير صايره ملكة جمال لابسه فستان أبيض وفيه ذهبي على خفيف و سوار فيسكي فضي
ضيق من فوق و منفوش من تحت له ذيل مرره طويل الفستان توب و مسووين لها حركه في الطرحه لأنها قصيره حاطينها مع التسرحيه
طالع مره تجنن و كيوت الميك أب حيل ناعم و مناسب لبشرتها الناعمه كثير
كان واقف مع حنان أخته و هو لابس بشت أسود طالع مره زقرت و رزه
سلطان و هي يفكر في أفنان : مشتاق لها
حنان : شكلك ناوي تعفس العرس
سلطان : هههههههه
بدت الزفه على أبيات الشعر بصوت أحد الشعراء المعروفين
و كانت على نزلة أفنان من الدرج و دخلة سلطان من الباب الرئيسي
آه لو تــــدريـــــــن وش صار بالناس
ساعة دخلتي و شافوا الناس زينك
منهم من اللي صابه ملـــيون هوجاس
ومنهم من اللي صار حلمه بعينك
واللي تباهت بالجـــــــواهر والألماس
عافت جواهرها بشوفة جبينك
غيرك تباهت بعطرها وريـح الأنفاس
ومن عطرك أنتي الورد ذاب بيدينك
واللي لحــــقــــــها بأسمها كم نوماس
شافت عذاريب أسمها عند زينك
أسمك ( أفنان) والأسامي على ساس
أسمك يعكس للبشر نوع دينك
و شعرك مـــثـــل الليل والليل حساس
وخدك كما الجوري بيّن حنينك
ورموشك خدره ... وعيونك السود نعاس
ومبسمك كالخاتم لزينك يعينك
كامله ومكـــمــــــله وزينك بلا قياس
والعود يغار لا شاف جسمك ولينك
أنتي مــــلاك الحفل بين الأجناس
لا و أهني من هو أصبــح ضنينك
و معرسنا ( سلطان ) على العين والرأس
( سلطان ) والنعم ذخرك ويمينك
( سلطان ) بين الناس كما طير قرناس
يشهد له بالمـــجد ماضي سنينك
و ما قول غيـــــر ياليت تدرين بالناس
ساعة دخلتي وشافوا الناس زينك
منهم من اللي صابه مليون هوجاس
ومنهم من اللي صار حلمه بعينك
كانت مره متوتره و هي تمشي على الدرج و تناظر المعازيم اللي من جد مبهورين عليها
ناظرته واقف في نهاية الدرج و هو مبتسم ارتبكت بشوفتها له
حس بارتباكها مشى لعند الدرج و مسكها بيده و اليد الثانيه كان ماسك فيها باقة الورد عطاها اياه
أفنان بارتباك : تسلم
سلطان و هو مبتسم : ربي يسلمك
البنات كانوا يصفرون و يصارخون عجبتهم الحركه
نزلت بعدها منى من الدرج و الكل عينه عليها مبهورين بها جمال و رقه و نعومه
وصلوا المعاريس عند الكوشه و نزلت بعدها شوق من الدرج و هي متغطيه و ماسكه الكاميرا تصور أفنان و سلطان
بدت الأغاني تشتغل و الكل راح يبارك للمعاريس
سلطان كان مبهور بأفنان : طالعه قمر و ربي شكلك ناويه علي الليله
أفنان بخجل : تسلم
قربت منهم منى و باركت لهم : ألف مبروك
سلطان يسلم عليها : الله يبارك فيك
أفنان : عقبالك يا قلبي
منى بخجل : تسلمين
راحت لهم هنادي و سلمت عليهم : ألف ألف مبرووك
سلطان : الله يبارك فيك فرحت بجيتك والله كنت خايف أنك ما تجين
هنادي : عرس سلطان الغالي أكيد بجي
سلطان : تسلمين والله
هنادي سلمت على أفنان : مبرووووك فنونه
أفنان : الله يبارك فيك
هنادي و هي تغمز لأفنان : ما أوصيك على أخوي أنتبهي عليه
أفنان : ههههههه من عيوني
ابتسم سلطان على ضحكتها طالعه من جد تهبل
صعدت لهم حنان على الجسر و راحت تضم سلطان : ألف ألف مبرووووووك
سلطان : هههههههه الله يبارك فيك ليكون بتبكين ترى بذبحك
حنان و هي خانقتها العبره : ههههه لا تخاف ما ببكي
قربت حنان من أفنان و سلمت عليها : ألف مبرووووك يا قلبي
أفنان ابتسمت لحنان تعرفها قلبها حنون و على طول تتأثر في هالمواقف : الله يبارك فيك
جات لهم و أخيراً أم فيصل و هي شايله معها علبه
أم فيصل : ألف مبروك لكم
سلطان و أفنان : الله يبارك فيك
أم فيصل : هاذي هدية من فيصل و رغد بمناسبة الزواج
ابتسم سلطان : ما يقصر أبو عبدالله
أفنان ابتسمت على مفاجأة أختها : يعطيهم العافيه على الهديه
ابتسمت لهم أم فيصل : افتحوا العلبه
a&s فتحها سلطان لقى فيها خاتمين فضه و على خاتم أفنان ألماس مكتوب فيهم من تحت بالانجليزي
ابتسم سلطان و مسك يد أفنان و لبسها الخاتم و هي لبسته الخاتم
مسك يدها و باسها و هي منحرجه من حركته كثير
و الكل كان يصفق لهم بحراره
قربت منهم شوق و هي متغطيه : ألف مبرووووك
سلطان و أفنان : الله يبارك فيك
المطربه : أغنية خاصه من أبو راشد لأم راشد
الكل كان يصفق لهنادي اللي تفاجأت من الأغنيه وقفت و قامت ترقص على الجسر
يلوموني هنادي فيك
صراحه قمه الروعه
وأنا والله من شفتك
دخلتي بقلبي بسرعه
ما صدقت أنا ألاقيك
أحبك و أعشقك و أبيك
أنا يا عمري لو تدري
أنا مجنون والله فيك
وحشني صوتك بقوه
و حبك داخلي جوا
و قلبي صار تحت أمرك
و أنت اللي تبيه سوه
حبيبي خل يلوموني
مدامك ساكنه عيوني
و حتى لو أغمضها
أشوفك داخل عيوني
سلطان و هو يصفق لها : عوافي على الرقصه
قربت منهم هنادي بخجل : الله يعافيك
أفنان ابتسمت لها : ترى الأغنيه من عساف مين قدك
هنادي بخجل : فديته و الله أبو راشد
سلطان : ههههه وينك يا عساف
هنادي : ههههههه ... على فكره بيدخلون مشاري و طلال اللحين
سلطان : أوكي
مها كانت جالسه مع بنات عمها على نفس الطاوله و هي تناظر منى اللي توها جالسه على الطاوله و واضح إنها سرحانه في شي
تأسفت مها على الكلام اللي قالته لمنى بس من كثر ما هي معصبه ما حست باللي تقوله
وجدان كانت جالسه معهم و تناظر منى و مها و هي مستغربه حدها
حست إن وراهم شي كل وحده تعطي الثانيه نظره و بعدها تنزل عيونها و تسرح في شي ثاني
منى ( في نفسها ) : يا ربي ما أبي يصير لي كذا مع بنات عمي حسبي الله عليك يا خالد
خليت أختك تحقد علي الله يستر عسى ساره ما تحقد علي ساره ما أقدر على زعلها
هي صديقتي الوحيده القريبه مني و أكثر وحده تعرف وش اللي بخاطري
المطربه : تغطوا أخوان العروس بيدخلون
الكل تغطى و مها تناظر البوابه الرئيسه و هي متوتره حدها خايفه من خالتها تسوي لها موقف محرج مع مشاري
وجدان ابتسمت و هي تناطر البوابه تحبه .. كل عرق بجسمها ينطق باسمه
مسكت فجأه الخاتم اللي لبسها اياه و عيونها على البوابه تنتظر قدوم الحبيب
دخلوا مشاري و طلال على زفه و الكل عينه عليهم
أقبل مشاري بالبشت البيج و هو مبتسم طالع شكله غير .. واضح فيه الهيبه و الشخصيه
كل اللي يشوفه يقول هالولد واضح من إنه جريئ و ما يسوي إلا براسه و هو في الحقيقه متوتر أكثر من غيره
بس من الخارج قوه و هيبه و هو من الداخل متوتر حده مو متعود يدخل عند الحريم
أقبل بعده طلال بالبشت الأسود مسوي سكسوكه خفيفه ابتسامته جذبت الموجودين جماله يبهر
الكل يناظر وجدان و هي متغطيه و الغيره ما كلتهم مين قدك يا بنت عبدالعزيز كل هالزين و الجمال لك أنتي
كان هذا كلام جود بنت عمه اللي من زمان ما شافته بحكم دراستها في الأردن ما توقعت إن عمها سلمان عنده ولد بهالشكل
نسخه قريبه من جمال شوق اللي مشهوره بين أقاربها بالجمال و الزين
قامت تصفق وجدان بحماس يوم أقبل حس بأحد يصفق له رفع عينه لجهة الطاوله اللي فيها بنت تصفق له
أشر لها بفرح و ما همه نظرات الناس له بعدها أشر على قلبه و هو يحركه تكلم بصوت واطي و هي الوحيده اللي وصل لها هالكلام : مشتاق لك
جات له شوق و هي متغطيه : هههههه نسيت المعاريس لاحق على وجدان سلّم عليهم و انزل لها
طلال بحماس : أكيد بنزل لها
شوق : ههههههه الله يخلف على عقلك
وجدان كانت منحرجه قدام خالتها اللي ناظرتها و هي تضحك
ابتسمت مها على حركات وجدان و طلال واضح الحب بينهم مفضوحين قدام العالم تنهدت ليت يصير لي كذا مثلها
بس واضح من مشاري إنه ثقيل و هادئ ما يحب هالحركات
مشاري عند المعاريس : على البركه سلطان
سلطان : الله يبارك فيك
قرب مشاري من أخته : على البركه فنون
أفنان سلمت عليه بخجل : الله يبارك فيك
مشاري : سلطان ما أوصيك على أفنان ترى أختي أمانه عندك
سلطان : أكيد لا توصي حريص .. غريبه وين عمي و أبوي ؟
مشاري : مو راضيين يدخلون يقولون بيشوفونكم إن طلعتوا من هنا
سلطان : أهاا
جا لهم طلال : مبرووووووك سلطان
سلطان : هههههههه الله يبارك فيك وينك يا عاقل جالس تغازل خطيبتك في عرسي
طلال : هههههه أنت قلتها خطيبتي معليش شفتها و نسيتكم
أفنان و هي تتحلطم : أنا أفنان تنساني ؟
طلال قرب من أفنان و حب جبهتها : أنساك مستحيل أنسى عمري ولا أنساك مبروك قلبي
سلطان بحقد و غيره : هيييي أنت نسيت نفسك تراك تكلم زوجتي
طلال و هو يضحك : أوووه ههههههه أفنان ترى نسيت أقولك عندك زوج غيووور مره
أفنان بخجل : فديته
سلطان بحماس : هااا يلا وش رايك نطلع نروح للفندق اللحين ؟
أفنان بخوف : لالا تو الناس
مشاري بنظرة جد : اعقل مو قدامنا جد أنك مو عاقل
طلال يخرب سلطان : وسع صدرك يا شيخ هذا يوم عرسك
مشاري بعصبيه : هيييي لا تخرب الولد
طلال : ههههههههه عادي زوجته على سنة الله و رسوله
مشاري يتحلطم : الله يعيني عليكم
طلال وقف : يلا أجل بروح لجودي
مشاري وهو واقف معه : دقيقه مو ناوي تطلع ؟
طلال : بجلس مع وجدان و بعدها بطلع
مشاري : وين أمي ؟
طلال : ليه ؟
مشاري : أبي أشوف مها
طلال : ههههههههه بدينا
مشاري و هو يحس إنه مشتاق لها حيل : لي 6 شهور ما شفتها من شوفة السنه مشتاق لها
طلال مسك الجوال و دق على شوق
ردت شوق : هلا
طلال : ضبطي لنا طريق أنا و مشاري كل واحد يبي يجلس مع زوجته
شوق : هاااااا أقول ركدوا ناوين تعفسون العرس
طلال : ههههه وش فيك أنتي ترى تركي موصيني عليك بعد بس خليني ساكت أحسن لك
شوق بخجل : جد نذل أوكي نزلوا من الجسر و بضبطكم
طلال : تسلمين و الله
سكر منها الجوال و التفت على مشاري اللي جالس على الكرسي و سرحان : مشاري
مشاري رفع عينه لطلال : هلا
طلال : تقول لنا شوق تعالوا و بضبطكم
مشاري وقف : أوكي
كل البنات في العرس كان عندهم فضول يبون يعرفون وش يتكلمون عنه عند الكوشه
وقفوا طلال و مشاري و نزلوا من الجسر و كانت قبال الجسر شوق
راحت شوق لعند الطاوله الأخيره اللي جالسين فيها مها و وجدان و منى و ساره
قربوا طلال و مشاري من هالطاوله
منى : ساره خلينا نروح لرغد و هنادي الشباب يبون يجلسون مع زوجاتهم
ساره : أوكي
وقفوا ساره و منى و ابتعدوا من على الطاوله
كانت مها سرحانه و مو حاسه إن أحد واقف وراها وجدان تبي تقول لها بس مشاري يأشر لها إنها ما تقول شي
ابتسم طلال و هو يشوف أخوه وش ناوي يسوي
مشاري قرب و همس في أذن مها : مشتاق لك
قمزت مها من مكانها بخوف مسكها مشاري يهديها : بسم الله عليك خرعتك ؟
مها بخجل و توتر : مشاري ؟
مشاري ابتسم لها : عيونه .. تعالي معي للمجلس أبي أشوفك
مها بخجل : بس
مشاري قطع كلامها : لا بس و لا شي تعالي أبيك في أشياء بقلبي كثيره أبي أقولها لك
مشت معه مها و هي خجلانه حدها لأن هالموقف كان قدام شوق و وجدان و طلال
طلال : ههههههه مو هين أبو الشباب
شوق : هههههه أي و الله
وجدان كانت جالسه على الكرسي و هي منحرجه مره قرب منها طلال : يلا تعالي أبيك بكلام
وجدان بتوتر : طيب
وقفت معه و دق جوال طلال
رفع طلال الجوال : هلا بالنسيب
تركي : ............
طلال : هههههه طيب من عيوني
تركي : ..............
أشر طلال لشوق : تعالي معنا أبيك أنتي بعد
شوق مشت معهم باستغراب : وين بنروح ؟
طلال : أنا مضبط لكم مكان لا تحاتون
كان طلال ماسك يد وجدان و وجدان تحس يدها متجمده من مسكته لها
دخلوا المجلس الثاني اللي قريب من المجلس اللي فيه مشاري و مها
جلس طلال و كانت جنبه وجدان ابتسمت شوق و هي تناظرهم
طلال ناظر وجدان : لا زلتي متغطيه أبي أشوفك
وجدان نزلت عيونها بخجل : لا مو لازم
دخل عليهم تركي و هو لابس دقله و مسوي سكسوكه طالع شكله فظيع
ابتسم و هو يناظر شوق اللي تفاجأت بوجوده
تركي : يا هلا و الله يا بعد هلي كلهم
قرب منها و هي واقفه مكانها مصدومه : تركي ؟
ابتسم تركي على توترها : عيونه و قلبه ( ناظرها و هو مبتسم ) وش هالزين طالعه اليوم قمر أكيد غطيتي عليهم يا الفوشي
جد كانوا في نفس المجلس بس كل واحد كان في عالم ثاني مع خطيبته
تركي و هو يتنهد : آه يا شوق لو بيدي كان اليوم تزوجتك و خذتك معي بس يلا كلها سنه و تكونين عندي
شوق بخجل : ما توقعتك تجي
ابتسم تركي : قلت لطلال يضبط لي الوضع و هو ما قصر
شوق : شخبارك مع الشغل في الظهران ؟
تركي ابتسم لها : تمام الحمد لله مسكت منصب هناك و اللحين الوضع عندي أوكي
شوق بفرح : الله يبشرك بالخير
تركي و هو يناظر عيونها : مشتاق لك حيييل من زمان عنك
آخر أخبارك أسمعها من طلال ليه قطعتيني فجأه و ما تردين على مكالماتي
شوق و هي تتعذر له : سامحني أنت عارف كنت مره مشغوله مع أفنان ما مداني أدق عليك
تركي و هو يتحلطم عليها : يا حضها أفنان ماخذه كل وقتك مين قدها
شوق مسكت يده لا أرادي : لا تقول كذا و الله أسفه
تركي حس يده جمدت مكانها بعد ما مسكته شوق : آآه اليوم ناويه علي
شوق ببرائه : ليه ؟
تركي رفع حاجبه : شوفي يدك وين حاطتها
شوق رفعت يدها بخجل : ها ما أدري
تركي : هههههههههههه وش فيك أمزح معك
من جهه ثانيه
طلال و هو خايف عليها : لا زلتي تعبانه
ابتسمت له وجدان : لا اللحين تمام
طلال يتغزل فيها : أموووت على اللي لابسه أحمر يا لبى قلبها
وجدان بخجل : تسلم
طلال ابتسم لها : اشتقت لك
وجدان : هههه أمس كنت عندي
طلال : كل ساعه أشتاق لك أحس إذا ساعه مرت و ما أشوفك فيها كأنها سنه عندي
وجدان ابتسمت له بخجل : دوم إن شاء الله
طلال : يمه منك تبين أشتاق لك كثير لما أصير مجنون
وجدان بخجل : مجنون بحبي عادي
طلال ابتسم لها : يلا الله يصبرني كلها سنه و أنتي ببيت زوجك
وجدان بخجل : أوكي
جاوا لهم تركي و شوق : وش رايكم نصور ؟
طلال : فكره حلوه
وجدان : وناسه
شوق بحماس : يلا بروح أنادي المصوره دقايق
تركي : أوكي قلبي
طلعت شوق للصاله قربت منها هنادي : هااا وينكم أنتي و وجدان فجأه اختفيتوا مع طلال
شوق بخجل : تركي هناك في المجلس معهم صعبه يدخل عاد يبونا نصور مع بعض
هنادي بحماس : وناااسه حلوو
شوق بحماس : أيه أبي المصوره وينها
هنادي تأشر على المصوره : هناك
شوق : أوكي ثانكس
هنادي : لا عادي اوه يا ليت أدق على عساف أصور بعد
شوق : ههههههه عجبك الوضع
هنادي بحماس : يب يب بدق عليه
شوق : ههههه أوكي
راحت شوق تنادي المصوره و جات معها
أقبلت شوق على المجلس وقف لها تركي : تعالي جنبي أبيك
جلست شوق جنب تركي بخجل : آمرني
تركي قرب منها و همس لها : ما يأمر عليك عدو كل واحد يصور مع زوجته بعدها جماعي أوكي
شوق باحراج : أوكي
وقفوا و كل واحد يصور مع زوجته و أنواع الإحراج
من ضمن المواقف <<
طلال و هو ماسك وجدان من خصرها : يلا صوري
المصوره الفلبينيه كان عاجبها الوضع معهم و جلست تصور
وجدان كانت ميته من الإحراج كان طلال قريب منها حيل تركي يناظر طلال و طلال مطنشه
كانت شوق تضحك على حركات أخوها لوجدان و واضح من وجدان إنها منحرجه حيل من أخوها تركي
تركي و هو واقف مع شوق ينتظرون طلال : يلا ما خلصت
طلال و هو مبسوط من إحراجه لوجدان : بقت حركه وحده
المصوره الفلبينيه كانت تتكلم عربي بطلاقه : خلي راسك على صدره
وجدان و هي مصدومه : هاااااااا
طلال و هو عاجبه الوضع : ايه عادي يلا
ناظرت وجدان في شوق عشان تنقذها من الموقف بس ما في فايده
تركي : هههههه ما تعرفين حركات طلال يلا خلصوا بسرعه أبي أصور مع قلبي
وقف طلال و فسخ البشت و حطه على جنب وقف و قربت منه وجدان و حطت راسها على صدره
همس لها طلال : آه سمعتي دقات قلبي
كانت المصوره تصور و هي مستانسه على الحركات باين من إنهم منسجمن مع بعض
المصوره الفلبينيه : أوكي
ابتسم طلال و رفعت وجدان راسها اللي انقلب ألوان من الإحراج
كانت بتطلع للصاله بس مسكها طلال : وين ؟
وجدان بخجل : بروح لهم في الصاله
طلال بعناد : لا ما في جلسي معي خلينا نشوف حركاتهم مثل ما شافونا
وجدان باستسلام : أوكي
وقفوا يناظرون حركات تركي و شوق
شوق كانت مره منحرجه و تركي كان مستانس على إحراجها
صوروا صور كثيره و كانت من بين الصور
تركي يأشر للمصوره إنه بيجلس على الكنبه و شوق تكون على حضنه
شوق بخجل : لالالالالالالا ما أبي
طلال : ههههههه شوفي وجدان أخوك حركاته أقوى مني يا بعد قلبي أنا
وجدان انصدمت من اللي يقوله تركي : لا تركي من جدك ؟
تركي ابتسم لهم : ليه وش فيكم زوجتي يؤؤ وش قاهركم ؟
شوق باحراج : لا معليش
تركي باستسلام : خلاص نغيرها خلينا نسوي مثلهم وش رايك ؟
شوق قربت منه بخجل و همست بأذنه : أسفه أدري زعلتك
ابتسم تركي لها و همس لها : لا مو زعلان معليش حسيت طلبي قوي أشوي بس بسويها في الملكه ( و غمز لها )
شوق كانت واقفه و هي منحرجه حدها و كان جنبها تركي وقف و قربها منه لين صار راسها على صدره
تركي و هو يتنهد : آآآه متى أسوي معك اللي يريحني شوفي كيف قلبي يدق باسمك
شوق بخجل : خلصتي من التصوير
المصوره : ايوه اللحين آخر الصوره
قربوا طلال و وجدان و جنبهم تركي و شوق و صوروا صورتين جماعيه
ابتسم تركي : الله لا يبعدنا عن بعض
طلال : آمين يا رب
شوق و وجدان يناظرون بعض بعدها فجأه ضحكوا بصوت واحد : هههههههههههههههه
ناظروهم تركي و طلال باستغراب : وش فيكم ؟
شوق : ههههه شوف كيف لبست البشت يا طلال
كان طلال لابس البشت بالمقلوب : أوووه ههههههههه زين قلتي لي كان انحرجت قدام الرجال
تركي : هههههههه شكلك مرتبك حدك
طلال يخفي ارتباكه : و أنت اللي مو مرتبك اللحين شوف وحهك كيف صاير كأنك طالع من تنور
تركي ناظر وجهه عند المرايه : ههههههههههههههه جد أنك نذل
طلال : يلا خلنا نطلع أحس سلطان بيحقد علينا
تركي و هو يناظر الساعه : أوووه الساعه 2 يلا قلبي شوق بطلع
شوق بخجل : أوكي انتبه لنفسك
تركي : من عيوني
شوق بخجل : تسلم عيونك
طلال قرب من وجدان و حب جبهتها : انتبهي لنفسك أنا بطلع إذا احتجتي شي دقي علي ما عليك من تركي
وجدان بخجل : أوكي
تركي يناظر طلال : باللهي ما تقول لي تراها أختي
طلال : هههههههههه
تركي قرب من شوق و همس لها : بكره بكلمك بالجوال أبيك في موضوع أوكي
شوق و هي منحرجه من قربه لها : طيب
و طلعوا طلال و تركي
بعدها راحوا شوق و وجدان للصاله
قربت منهم مها : الله وش فيكم طولتوا خلص العرس و أنتوا هناك
شوق بخجل : تركي و طلال الله يهديهم ما تركونا
وجدان و هي منحرجه : أيه
مها ابتسمت لهم : وجيهكم صايره منقلبه ألوان ههههههههه
شوق ناظرت مها : ايه وش سوا معك مشاري هاااا ؟
مها ولع وجهها باللون الأحمر : ها و لا شي
شوق و هي تغمز لمها : و لا شي هااا ؟
مها تذكرت اللي سوا لها مشاري
مشاري : جلسي جنبي أنا ناديتك عشان تجلسين جنبي
مها و هي منزله عيونها بخجل : لا كذا مرتاحه
وقف مشاري و جلس جنبها : مها ناظريني
رفعت مها عيونها له بعدها نزلتهم من الاحراج
ابتسم مشاري و رفع راسها بيده : مها أنا أحبك
مها انقلب وجهها أحمر من الخجل : بروح للصاله
مشاري : طيب قبل ما تروحين جاوبيني .. أنتي تحبيني ؟
مها نزلت عيونها بعدها رفعتهم و هي تناظر ملامح وجهه من قريب ملامحه بدويه
خشم رزه عيون بنيه نعسانه و رموش كثيفه و حواجب كثيفه و سكسوكه ثقيله و ابتسامته عريضه كل شي فيه ينطق بالرجوله و الهيبه
مها بخجل : ايه أحبك
ناظرها مشاري باستغراب : بس ليه ما قلتي أنك تحبيني من البدايه
مها احتارت وش تقول له ( لأني أناظر ملامح وجهك ) ناظرته بخجل و بعدها نزلت عيونها
ابتسم لها : ما ألومك شكلك ما بعد تتعودين علي شوفي مها أنا أتفقت مع عمي أني أعجل في الملكه
مها بارتباك : ليه ؟
مشاري غمز لها : لأني أبي أطلع معك بكل حريه و عشان تتعودين علي أكثر
مها بخجل : اللي تشوفونه
مشاري ناظرها : لا أهم شي رايك أنتي العروس أبي رايك أنتي
مها نزلت عيونها بخجل : أمممم اللي تشوفه
ابتسم لها مشاري : بعد أسبوعين موافقه ؟
مها رفعت عيونها له و هي مصدومه : ما أدري كأن أسبوعين قليل
مشاري باستسلام : براحتك بس عطيني خبر أوكي
مها : أوكي
شوق : هيييييييييييي وش فيك سرحتي
مها : هاااا لا ما فيني شي
شوق بشك : بتأكد من مشاري في البيت شكلك صايره مفهيه ما أدري وش سوا لك مشاري
ابتسمت مها : فديته و الله
شوق : هههههههه أكيد لأنه أخوي ميشو أكيد عسل
مها بغيره : هيييي زوجي وش تبين ؟
شوق : ههههههه بدينا تغارين هين بعلمه
مها : علميه عادي
جات قريب منهم منى : شوق وين كنتي من أشوي
ابتسمت شوق لمنى : مع طلال و تركي و وجدان في المجلس
منى و هي مرتبكه من وجود مها : تعالي بيقصون المعاريس الكيك
شوق : أوكي
ابتسمت شوق لمها و همست لها : ترى منى تحب خالد بس هالشي بيني و بينك أوكي
مها رفعت عيونها باستغراب : تحبه هههههههه من جدك هي تكرهه
شوق بثقه : هييي تحبه بس على بالها إنها تكرهه صدقيني أحس أن الموضوع يبي له وقت ترى مو سهل عليها بعد
مها بضيق : الله يكون بعونهم
شوق : آمين
%%%
في مجلس الرجال
طلع و هو يحس إنه مصدوم معقوله يصير كذا لالالالالا مو معقول
جلس في سيارته و هو يتذكر الموقف اللي صار له في المجلس <<
أبو فيصل : خالد يا ولدي أبيك في موضوع
استغرب خالد من عمه قرب و جلس جنبه : خير عمي تآمرني بشي
كان نايف جالس جنب أبوه و هو مستغرب من أبوه أنه يبي خالد
أبو فيصل : شوف يا ولدي أنا موافق على زواجك من منى بس
خالد باستغراب : ليه أبوي قال لك ؟
أبو فيصل : لا عساف ولد عمك و سعود أخوك قالوا لي من أسبوع و بغوا مني أعطيهم خبر اليوم
بس قلت أبي أقول لك أنت لأنك أنت الأساس في هالموضوع
حس خالد بتوتر من كلام عمه : طيب وش راي منى بالموضوع
أبو فيصل نزل عيونه بحزن : و الله يا ولدي البنت رافضه الزواج تقول تبي تكمل دراستها
خالد حس إن الدنيا تلف حوله مو مصدق إنها رفضته بهالسهوله ( وقف و هو مصدوم ) : دراستهااا مو عذر ؟
المجلس ما كان موجود فيه إلا عيال العم و العمام لأن المعازيم طلعوا ناظروا ردة فعل خالد و هو مستغربين
خالد جلس جنب عمه بضيق : طيب تكفى عمي أبي منك طلب
أبو فيصل : وشو طلبك يا ولدي ؟
ناظره خالد بحزن : تكفى إذا أحد تقدم لها قول لهم مسماه لولد عمها
أبو فيصل بضيق : صعبه أوقف نصيب البنت
خالد و هو يحس باليأس : اللي تشوفه خير لها سوه و الله يوفقها
وقف و طلع على طول من المجلس
راح له سعود أخوه يهديه : خالد يمكن خيره لك
خالد بحزن : أحبها ليه لين اللحين ما نست حرام عليها قلبي يعورني أحبهاااااااااااااا
سعود يهدي فيه : لا تحاتي إذا ربي كاتبها لك بتاخذها غصب عنها
خالد و هو معصب : أبي أتزوجها برضااااااها
سعود و هو محتار : ما أدري وش أقول لك
ابتسم خالد لأخوه : على العموم مشكور ما قصرت أنت و عساف
سعود بضيق : على وشو ما توقعت إن الرد بيكون كذا كنت أبي أفرحك والله
قرب خالد و ضم أخوه : أدري مو منك يا سعود لا تشيل هم
رفع راسه عن دركسون السياره و شغلها
و مشى للبيت
%%%
صباح جديد
على أراضي المملكه الغاليه
هنادي و هي ماسكه راشد ترضعه : عساف تعال تفطر
عساف و هو مستعجل : الطياره ما بقى علىى وقتها شي
هنادي : أوكي إذا وصلتوا عطوني خبر
عساف : من عيوني
هنادي : تسلم عيونك
عساف قرب من هنادي و حب راس راشد : يلا قلبي رشوود لا تجنن ماما
راشد مغمض عيونه بعد ما شرب الحليب
ابتسم عساف و هو يناظره : فديته طالع على أمه يهبل هالولد
هنادي ابتسمت له : لا على أبوه
عساف : هههههههه
قرب عساف من غرفة قمر : يلا قمور عجلي ما بقى وقت
طلعت قمر و هي شايله معها شنطتين : يلا خلصت
عساف : ريتااا
قربت ريتا : نعم بابا
عساف : شيلي شناط مس قمر و جيبيهم للسياره
ريتا : أوكي
جات قمر لهنادي و ضمتها : بشتاق لك
هنادي بضيق : لا تقولين كذا بجيك أسبوعياً لما تملين مني
قمر ابتسمت لهنادي : أوكي ( بعدها ناظرت راشد و حبته على خده ) فديته ولد أخوي و زوج بنتي
هنادي : ههههههه ما بقى أحد ما خطب ولدي
قمر : هههههههههه مو زين تغترين
هنادي : المهم طمنيني عن أخبارك أول بأول
ابتسمت قمر : أوكي يلا قلبي بكلمك إذا وصلت الخبر
هنادي : أوكي
%%%
في الخبر
الساعه 4 العصر
و هو متضايق حده TV كان جالس يطالع الأخبار في الـ
جات له وعد بعد ما جابت له كوب شاي : وش فيك ؟
مساعد بضيق : مع الانفلونزا الخنازير هالمرض مو سهل كثير ماتوا منه
وعد و هي متضايقه من اللي حاصل :
البنات يقولون لي كثير في السعوديه ماتوا من هالمرض و مشكلته عن طريق الجو
مساعد و هو يهدي من توتر وعد : شوفي اللي ربي كاتبه بيصير بس لازم ناخذ احتياطات كمامه و معقمات لليد
وعد : أوكي
و ناظر في وعد : لين متى يا وعد ؟TV سكر مساعد الـ
وعد ما فهمت قصده : وش تقصد ؟
مساعد قرب منها و حط يده على كتفها : أبيك تنسين الماضي ممكن ؟
وعد نزلت دموعها و على طول مسحهم مساعد : ليه تبكين حرام عليك ترى قلبي يعورني
وعد نزلت راسها : ما أدري ليه أبتعد عنك مو عارفه وش السبب
مساعد غمز لها : أوكي الليله طيب ؟
وعد بخجل : اللي تشوفه
مساعد بخبث : آآآآآآه متى يجي الليل
وعد باحراج : ترى بهون
مساعد بخوف : لالالالالا كلش و لا تهونين ما صدقت يطيح اللي في راسك يا بنت فواز
وعد : هههههههههههههه عشان تعرف كيف يا ولد خليفه
مساعد و هو خاق عليها : يمه بتجنني هالبنت أقول وعد كأنهم يمدحون نومة العصر
وعد و هي فاهمه قصده و منحرجه : لا شكراً ما فيني نوم
مساعد و هو مستسلم : أوكي
وعد : مساعد أبوي داق علي يبينا الليله عنده
مساعد : أوكي أنا بعد أبي أشوفه لي أسبوع ما شفته
وعد : زين عشان أشوف وش سالفة هالولد
مساعد : قصدك رائد ؟
وعد بضيق : ايه من تزوجت بنت عمي و هو حالته حاله ما داوم لين اللحين
مساعد : الله يعينه
%%%
نهاية البارت التاسع و العشرون (ما قبل الأخير)
قراءه ممتعه للجميع ^_^
دمتم بسـ ع ـــاده
متلثمه بشماغه
# نهاية عاشق #