[جرح الذات]

البارت الثلاثون
( الفصل الثالث )

بعد أسبوع
في فرنسا

و إشتعلت شموع الحب من جديد !!

غدير : ناصر قلبي اصحى من النوم

رفع ناصر عينه و ناظر في غدير ابتسم لها : أوووه شكلي طولت في النومه

ابتسمت له غدير : ما ألومك كنت أمس تعبان مررره

ابتسم ناصر بتعب و سحب غدير للسرير : نامي معي بلا عناد

غدير بخجل : خلاص توني صاحيه ما فيني النوم

ناصر ناظرها بنص عين : باللهي توك صايحه ( رفع ساعته عشان يناظرها ) الساعه 3 الفجر يلا نامي بلا عناد

غدير : أوكي بنام بس دقايق عندي شغله بسويها

ناصر ترك يدها : أوكي إذا خلصتي تعالي

قامت غدير من السرير و ناظرت شكلها بالمرايا بخجل كانت لابسه بجاما حرير و منزله شعرها الأشقر اللي واصل نهاية ظهرها
ما كانت مصدقه إنها بيوم من الأيام تتزوج الشخص اللي تحبه من أعماق قلبها
حست إن زواجها من ناصر بيكون شبه مستحيل بس اللحين تحقق حمدت ربها في نفسها و جلست تناظر اللابتوب تبعها اللي كان مفتوح على المسن
و الكل كان يكلمها بحماس اشتاقوا لها و يبون يعرفون أخبارها .. ابتسمت في خاطرها و سكرت اللابتوب بدون ما ترد على أي وحده من صديقاتها
ناظرت شكل ناصر من بعيد واضح انه فيه النوم من جد ما ألومه كان أمس سهران مع سامي أخوي على المشروع اللي بيسوونه في الرياض
تذكرت إن صار على زواجها من ناصر حوالي خمس أيام لا زالت مو مصدقه إنها تزوجته بعد كل هالمعاناه اللي لقوها اثنينهم
قربت منه بخطوات بطيئه و هي تناظره بحماس فتحت الأبجوره عشان تشوف شكله بوضوح
طول هالسنوات اللي تعرف فيها ناصر و لا مره فكرت تدقق في ملامح وجهه
انفاسه هاديه مره .. رموشه كثيفه .. فمه مليان أشوي .. خشمه سلة سيف بشرته برونزيه بعد التان اللي سواه عشانها << لأنها ما تحب البياض
شعره وصل لين نهاية رقبته سكسوكته ثقيله طالع من جد خبال سرحت و هي تناظره

ما حست إلا بيد ناصر مسكتها و رجعتها للسرير مره ثانيه : قلت لك نامي بلا عناد إلا إذا كنتي ناويه ترسمين وجهي

غدير بخجل : لا مو قصدي بس أبي أشوف شكلك عن قرب

ناصر ابتسم لها : أها عن قرب أوكي مو مشكله

غدير بخجل : نصوووور ما أقصد كذا لا تفهمني غلط

ناصر : ههههههههههههههههههه أوكي يلا نامي لا تخليني أتهور اللحين

غدير خافت من تهديده غطت نفسها بالبطانيه ،، ابتسم ناصر على شكلها و دخل معها في البطانيه ووووووووو
.
.
.
رقابه .. مشفر .. هيئه << خلوهم على راحتهم

%%%

أكثر من أول أحبك .. بس ما أبغى اقول ..

أخاف لو قلت .. تتغلى علي مره ..

أنا بصراحه أحبك .. حب مو معقول ..

أكبر دليل لغلاتك .. غيرتي مره ..

بعد شهر
في الرياض
بيت أبو نواف
الساعه 8 الليل

ساره و هي تكلم التلفون بحماس : وناااااااااااااسه

نواف : ههههههههههه أقول يا الخبله عطيني أمي مشتاق لها

ساره : أمي مو موجوده

نواف : طيب مين موجود يمك ؟

ساره : خلووود تعال يبيك نواف

رد خالد على نواف : هلا و غلا شخباركم ؟

نواف : تمااام و أنتوا شخباركم ؟

خالد : الحمد لله .. عساكم مستانسين ؟

نواف بفرح : مررره مستانسين عقبالك يا رب

ابتسم خالد مجامله : إن شاء الله وسع صدرك مع زوجتك ما أوصيك

نواف : إن شاء الله .. المهم شكلي بمدد أسبوع زياده

ابتسم خالد : أوكي بعطي أهلي خبر

نواف : مشكور يلا سلَّم على الجميع

خالد : أوكي يوصل .. انتبهوا لنفسكم

نواف : إن شاء الله يلا مع السلامه

خالد : في أمان الله

سكر خالد من نواف الجوال و جلس عن الكنبه و هو سرحان

جلست جنبه ساره باستغراب : خالد وش فيك ؟

رد عليها خالد بارتباك : لا ما فيني شي إلا وين مها ؟

ساره و هي تتحلطم : جالسه تكلم ميشو على قولتها

خالد : هههههههه يا حليلها حركات

ساره جلست جنب خالد : أقول لا تصرف وش فيك هالفتره من زواج نواف و أنت مو طبيعي ترى لك شهر و أنت على هالحاله

ابتسم خالد لها : لا تخافي ما فيني شي بس عندي شغلات في الجامعه و أبي أخلصها ودي أتخرج بسرعه

ساره باستغراب : ليه تبي تتخرج بسرعه ؟

خالد : أمممم ودي أكمل دراستي برا ما أحس وجودي في الرياض له معنى أحس أن قلبي ما يتحمل شوفتها أخاف أتهور و أسوي شي و أندم عليه بعدين

ساره : قصدك منى ؟

خالد بحسره : آآآه يا منى عذبتي قلبي .. أحس إذا شفتها يشب قلبي مثل الجمر قلبي يحترق من جوا و القهر مو بيدي شي أسويه

ساره بضيق : لا تقول كذا يا خالد صدقني حتى منى أحس إنها تعاني مثلك بس أنا لين اللحين مو عارفه كيف هي تفكر

خالد : الله يكون في العون جد من قال الحب عذاب ليتني ما عرفت هالحب كان صار بالي مرتاح

ساره : الله يعينكم إن شاء الله

خالد : آمين ... المهم أنا بروح السيفوي تبين أجيب لك شي

ساره وقفت : بروح معك

خالد : أوكي أنتظرك في السياره

طلع من الفيلا و ركب سيارته التيما اللي بالكراش

شغل المسجل على أغنية الوسمي حال قلبي و سرح مع كلمات الأغنيه

حال قلبي في العشق مثل من قال وصدق
طول عمره ما تبخر ثم تبخر واحترق
كنت في حالي وحيد سالي ومرتاح وسعيد
قوم يا قلبي و حبه و خذي يا عيوني الأرق
حال قلبي في العشق مثل من قال وصدق
طول عمره ما تبخر ثم تبخر واحترق
شفت يا قلبي اللي جاك يعني زين انه نساك
بعد هذا الحب كله قال لازم نفترق

%%%

بيت أبو فيصل
في الصاله

كانت جالسه سرحانه حدها الكل جنبها يسولف و هي مو معهم بس تبتسم إذا حست الكل يضحك

أفنان باستغراب : منى وش فيك ؟

منى بارتباك : هااا لا ما فيني شي

سلطان رفع حاجبه : الا فيك شي .. قولي وش فيك شكلك تعبانه أوديك المستشفى ؟

منى ابتسمت : لا مو تعبانه لا تحاتي بس جالسه أفكر في الجامعه

سلطان و هو مو عاجبه حال أخته : أهاا

حنان بحماس : سلطاااان لا يفوتك ترى المنتخب السعودي خسروا ضد البحرين

سلطان و هو يتحلطم : مالت عليك هذا خبر حلو عشان تتحمسين عليه جد ما عندك سالفه

أفنان : ههههههههههههه ترى سلطان بقوه متحمس مع الكوره لا تحرقين أعصابه بخسارة المنتخب

حنان : مالت عليكم بس جالسه أقول لكم الأخبار الجديده

سلطان : حتى أخبارك بايخه مثلك وفق شن طبقه أنتي مع سعود اللي يرفع الضغط في الديوانيه مع سوالفه اللي من سنة جدتي

حنان بعصبيه : حدك على سعود ترى ما أرضى عليه

سلطان : هههههههههههههههه من زينه عاد جد نفس التفكير الغبي

أفنان : ههههههههههه سلطان حرام عليك ترى البنت عصبت

سلطان بلا مبالاه : بكيفها عاد مهتم لها ( مسك سلطان يد أفنان ) قلبي تبين نروح المطعم؟

حنان بحماس : ودوني معكم

سلطان بنذاله : لالالالا المطعم خاص للمتزوجين وش تبين ناشبه

حنان بضيق : مالت عليكم جد نذليين

أفنان : سلطان قلبوو خلنا نوديهم مساكين شكلهم طفشانين في البيت لوحدهم

سلطان ابتسم لأفنان : مشكلتي ما أقدر أرد طلبك يالغاليه

حنان ابتسمت لأفنان : زين حسيتي فينا

أفنان : أكيد أنتوا حمواتي الغاليات

حنان قامت بحماس : ههههههه وناسه بروح ألبس عباتي

ناظر سلطان منى : منى ما تبين تروحين المطعم معنا ؟

منى ابتسمت لهم : لا بجلس بغرفتي أحس إني تعبانه بروح أرتاح

سلطان : أوكي براحتك .. تبين أجيب لك من المطعم

منى وقفت : لا تسلم مو مشتهيه شي

بعدها صعدت لفوق

أفنان بضيق : منى مو طبيعيه هالأيام

سلطان : ما أدري وش فيها

أفنان : أمممم تتوقع السالفه فيها خالد؟

سلطان : لا ما أعتقد

دخلت غرفتها و جلست على السرير و فتحت جوالها تناظر الرساله اللي وصلتها منه في عرس نواف أخوه

وشلون ما أصيح بإسمك وأكشف
أوراقي..
وإنتي مثل حلم ماني قادر أوصل له..
آآآه لو أوصلك .. يااااويلك من عناقي!
(وإن مت في دربك)
هذا الشرف كله!
اتصدقين .. إن حبك خرب أخلاقي!
لأني إذا شفتك ، أطنش كل خلق الله..

ضمت الجوال و دموعها نزلت بضيق :
*ما أدري ليه أسوي كذا معه أعذب نفسي و أعذبه معي مشكلتي حبيت تؤامك و أحسها خيانه في حق سطام إني أحبك أنت
لالالالا سطام مات من سنوات بقى خالد نسخه منه كافي يحبك تبين تضيعينه من يدينك و تندمين بعدين !!
*سطام لا زال اسمه محفور في قلبي مستحيل أنساه حبيته شرايين قلبي تنطق باسمه
طيب وش تستفيدين سطام خلاص راح عند ربه بقى الشخص اللي معك في هالدنيا ينتظرك يحبك من كل قلبه.. خالد نسيتيه يا منى!!
*خالد قتل سطام وش فيكم مو فاهميني هو مجرم و بيظل مجرم طول عمره
منى أنتي تعرفين الحقيقه خالد مو السبب في وفاة سطام .. سطام مريض من قبل و أنتي تدرين قبل الكل أنتي سمعتي كل الكلام اللي قاله عمك
و لا زالت منى متشتته في وسط أفكارها اللي مو عارفه وين بتوصلها في النهايه !!

%%%

سألت الطبيب عن عيوني وش فيها ؟ قال هذي علامات الحب ما أقدر أداويها !!


في الشركه
عند طاولة الإجتماع

كانت تتناقش مع المدير حول البضايع اللي بيستوردونها من اليابان

أبو هزاع : استاذه قمر أحس إن البضايع إذا أخذناها من اليابان بتكون غاليه علينا خصوصاً إنها بتمر على الباخره و غير كذا الجمارك

قمر : صح كلامك استاذ بس أقلها جودة البضايع اليابانيه أفضل من الصين حتى عند الزباين شي طبيعي ياخذون البضايع اليابانيه
حتى لو كانت غاليه بس أهم شي الجوده تكون عاليه

أبو هزاع : طيب وش رايك أستاذ رائد بهالموضوع ؟

كان رائد سرحان حده مع كلامها رد بارتباك : أمممم أحس إن كلام الاستاذه قمر عين الصواب

أبو هزاع وقف : أجل بنوقع العقد مع الشركه اليابانيه دام ميزانية الشركه عاليه

طلع أبو هزاع مع بقية الموظفين و بقوا على طاولة الإجتماع قمر و رائد

كانت تعدل الأوراق في الملف و هو يناظرها : قمر

قمر رفعت عينها لرائد : هلا

رائد بارتباك : أمممم جوالك يدق

ردت قمر جوالها لقت رقم غريب داق عليها رفعت عينها لرائد بتوتر : رائد ممكن ترد على هالرقم ؟

رائد قرب منها و مسك الجوال باستغراب : ليه يمكن أحد من أهلك ؟

قمر بتوتر : أخاف أنه أممممم قصدي خلاص برد أنا

رائد رد على الجوال و هو يناظرها : ألو مين ؟... نعم وش تبي ... أقول شكلك مو صاحي يلا ضف

سكر رائد الجوال بعصبيه : مين زياد ؟؟؟

قمر جلست على الكرسي بخوف : ليه هو جا هنا ؟

رائد استغرب من خوفها جلس على الأرض قبالها مسك يدها بتوتر : قمر وش صاير ؟

قمر دمعت عيونها بخوف : زياد يبي ياخذني معه غصب للإمارات يبي يتزوجني
هذا السبب عساف حط لي حراس خايف علي منه لأنه جالس يهدد عساف بصور و أشياء أنا والله ما سويت شي معه بس هو مريض شكله

رائد مسك يدها يهديها : طيب لا تخافي كذا أنا معك و لا نسيتي

قمر لا زالت تبكي بخوف وقفها رائد و رفع راسها و مسح دموعها بيده : ما أبي هالعيون تبكي ترى قلبي يعورني إذا شفتك تبكين كذا

قمر حست إن رائد يقول كلام و هو مو بوعيه : رائد

رائد ناظر عيونها : عيون رائد

قمر ابتعدت بخوف : وش فيك صاير كذا كلامك يخوف ترى

رائد حس انه بالغ في الكلام اللي يقوله رد بارتباك : ما فيني شي بس جالس أهديك من خوفك

قمر ابتسمت بتوتر و مسحت دموعها : مشكور شكلي تعبتك معي

رائد ابتسم لها : تعبك راحه كم قمر عندنا في الشركه

قمر : أكيد وحده

رائد : ههههههههه واثقه

قمر بمرح : يب واثقه و نص

رائد : يحق لك توثقين بنفسك يا بنت راشد إلا غريبه وين الحراس عنك ؟

قمر : أمممم قلت لهم يتغدون

رائد : أهاا دام كذا تعالي معي عازمك على غدا

قمر : أوكي بس خل العزيمه علي دايم أنت اللي تعزمني

رائد : هههههههه لاحقه أنك تعزميني خليني أعزمك هالأيام قبل ما أفلس

قمر : هههههه أوكي

رائد و هو يمشي معها بممرات الشركه : وش المطعم اللي تحبينه ؟

قمر : أممممم ايطالي

رائد : أوكي خلينا نروح فرايديز أقرب للشركه

قمر : طيب

طلعوا من الشركه و ركبت معه في سيارته اللكزس

رائد لبس نظراته الشمسيه و عدل شماغه : أمممم قمر

قمر و هي تعدل حجابها : هلا

رائد : اللحين بسألك أنتي مرتبطه ؟

قمر ناظرته باستغراب : لا ليه ؟

رائد ابتسم لها : بس مجرد سؤال

قمر لبست نظارتها الشمسيه : أهااا

دق جوال قمر و ردت عليه : هلا عساف .. ايه قلت لهم يتغدون .. لالالا تخاف أنا مع رائد برا الشركه .. أوكي

قمر مدت الجوال لرائد : عساف يبيك في الجوال

رد رائد على الجوال بتوتر : هلا عساف

عساف : هلا بك شخبارك ؟

رائد : تمام و أنت شخبارك ؟

عساف : الحمد لله .. رائد انتبه لقمر ما أوصيك

رائد : أوكي لا تخاف لا توصي حريص .. عساف ترى دق زياد

عساف بعصبيه : وش يبي هذا؟

رائد يهدي في عساف : لا تحاتي ترى أخاف على قمر مثل ما أخاف على أخواتي ما يقدر يقرب منها و أنا موجود

عساف : زين ريحت قلبي .. المهم إذا حصل شي دق علي

رائد : إن شاء الله ما يصير شي

عساف : أوكي عطني قمر

رائد مد الجوال لقمر : عساف يبيك

قمر : هلا عساف

عساف : شخبار الشركه معكم ؟

قمر : الحمد لله اليوم وقعنا مع الشركة اللي جات من اليابان

عساف : زين الله يبشرك بالخير .. ترى رائد وصيته عليك إذا صار لك أي شي و ما قدرتي تدقين علي قولي لرائد

قمر : إن شاء الله

عساف : يلا بسكر اللحين

قمر : سلًّم على هنادي و عط راشد بوسه مني ما أوصيك

عساف : هههههههههه أوكي

قمر : يلا مع السلامه

عساف : في أمان الله

%%%

الأحداث المهمه اللي حصلت خلال هالسنه

ملكة تركي و شوق >> و أخيراً
رجوع ناصر و غدير من فرنسا و استقرارهم في الرياض
زواج سعود و حنان اللي كان مره مستعجل بسبب تقديم سعود على بعثة دكتوراه في بريطانيا و طلب أنه ياخذ معه حنان للبعثه
خلص خالد من الدراسه في كلية الهندسه و صار موظف في أحد الشركات الكبيره في الرياض
زواج مشاري و مها اللي كان بسيط << لأن ملكتهم كانت كبيره

%%%

الحب خالد وحبـــــي خالد وباقي
للي أحبـــه و أحب دار ســــكن فيها
شلته فعيني وشلت الحـــب بأعماقي
والروح بالـــشوق غنتـــ له أغانيها
راقي بذوقه و قلبــه بالـــــوفا راقي
لو وزع الطيب بيـــن الناس يكفيها
ربي متوج وفاه بحــــسن الأخلاقي
و أغلى الجـواهر بأوصافه يحــليها
لوحه غرامي وزهر الحب بأوراقي
تظماه عيني وشوفه بـــــس يسقيها
أحمل خفوقي و أسافر لـــــه بأشواقي
و أغلف أجمل مشاعر الحب واهديها
الله يكمل بشوفه فرحــــــــه أحداقي
وتقر عينــي بوصل اللي مهنيــها
يا حبي خالد في قلبي راسخ وباقــي
و أحلى و أغلى من الدنيا وما فيــــها

صحت منى من النوم بكسل رفعت عيونها لسرير حنان ابتسمت في خاطرها : و الله لك وحشه يا حنان

رفعت جوالها و ناظرت الساعه قامت من السرير باستعجال : أووووه شكلي تأخرت عن الجامعه

راحت الحمام تغسل وجهها بعدها لبست ملابس الجامعه و طلعت من الغرفه

نزلت للصاله

شافت سلطان و فيصل جالسين مع أفنان و رغد اللي متغطين بالعبايه و متحمسين في السوالف

منى باستغراب : غريبه وش جابكم هالوقت ؟

فيصل ناظر منى باستغراب : اللحين وش لابسه أنتي ؟

منى : ملابس الجامعه

أفنان + رغد + فيصل + سلطان : ههههههههههههههههههههههههه هههه

أفنان : ههههههه من جدك في دوام يوم الخميس ؟

سلطان : يؤؤؤ كل هذا حماس للجامعه ههههههه

منى : هااا جد الخميس اليوم ؟

فيصل : ايه روحي فسخي ملابسك و لبسي بيجاما تعالي نبيك في موضوع مهم

منى : أي موضوع ؟

فيصل : أنتي لبسي بعدها تعالي

منى : طيب

صعدت منى لفوق تبدل ملابسها

ناظرت رغد فيصل : فيصل بتقول لها من جدك ؟

فيصل : ايه بشوف وش نهايتها ترى دلعناها زياده على اللزوم

رغد بضيق : حرام إن كانت ما تبيه مو لازم تغصبها ترى هذا زواج مو لعبه

فيصل ابتسم لرغد : لا تحاتي كل شي بيكون تمام .. إلا وين الجوري ؟

رغد ابتسمت له : تلعب بالألعاب مع يزيد

فيصل ناظر سلطان : أقول سلطان لا يعور يزيد بنتي تراها ناعمه مو مثل ولدك هالخشن

سلطان : هههههههههههه حرام عليك يزيد أصغر من الجوري عسى ما تذبحه هي شكلها شرسه طالعه على أبوها

أفنان : هههههههههههه ايه بقوه شرسه

رغد : هيييييي شرسه بعينكم بنتي متعوده على الدلع

فيصل : هههههههههه كلش و لا الجوري تشبه أمها لأحد يغلط عليها

رغد بخجل : ايه صح

سلطان : طيب كلتونا

نزلت منى بحماس و جلست جنب فيصل : هااااا وش تبي مني بسرعه ترى تحمست

فيصل : هههههههههه دوم الحماس بس حبيت أقول لك خبر يمكن ما يعجبك أو يمكن يفرحك ما أدري والله

منى ناظرته باستغراب : وش هالخبر ؟

فيصل : خالد ولد عمي تراه خطب

منى فتحت عيونها و هي مصدومه : هاااااااااااااا

فيصل رفع كتوفه : ايه خطب انتظرك كثير و شاف إنك مو موافقه خطب وحده ثانيه

منى تحس الدنيا تدور فيها ابتسمت مجامله لفيصل : الله يوفقه

وقفت منى بعدها طاحت عليهم شالها فيصل بخوف : منى وش فيك ؟

سلطان قرب بخوف : خلنا نوديها المستشفى

أفنان بتوتر : يا ربي هي مو طبيعيه هالأيام

رغد قربت من عند منى : منى ... منى

منى رفعت عيونها بتعب لرغد

رغد: منى تحبينه ؟

منى دمعت عيونها و ما ردت عليهم

فيصل رفع منى و خلاها على الكنبه : سلطان تعال معي

سلطان طلع مع فيصل و عيونه كانت على منى أخته

سلطان بعد ما طلعوا من الفيلا ناظر فيصل بعصبيه : ليه قلت لها كذا ؟

فيصل ابتسم : عشان أعرف هي تحبه و لا لا

سلطان باستغراب : قصدك تحبه ؟

فيصل : أكييييد تحبه لو ما تحبه كان ما أغمى عليها من الصدمه

سلطان : أجل تتوقع بتوافق على خالد ؟

فيصل : غصب عليها دامي عرفت إنها تحبه بخليها توافق غصب

سلطان : الله يوفقهم

فيصل : آمين يا رب .. بس ما أوصيك لا تقول لخالد شي

سلطان : أكيد ما يحتاج توصي

%%%

بعد يومين
في بيت أبو مشاري
غرفة شوق

شوق و هي تكلم تركي بالجوال بخجل : و الله ما توقعت تسوي كذا في الملكه

تركي : حبيت أخليها مفاجأه أهم شي عجبتك الأغنيه

شوق : تسلم ما تقصر يا قلبي

تركي : ااااااه مشتااااااق لك حيل

شوق بخجل : تشتاق لك العافيه كلها كم أسبوع و بكون معك

تركي : ههههههههه لا يفوتك شكل وجدان هالأيام صايره مره متوتره

شوق : ما ألومها كنت مثلها الله يعينها بكره

تركي : آمين .. إلا أخبار طلال هالأيام ما أشوفه

شوق : هههههه مره متحمس للملكه

تركي : أهااا زين .. إلا شخبار الإستعدادات ؟

شوق بخجل : ما بقى لي إلا أشياء بسيطه

تركي : زين إذا احتجتي مني شي لا تتردي

شوق : أوكي إلا وين ناوي نسافر ؟

تركي : أمممممم حجزت على رحلة بحريه تمر على جزر كثيره في أوروبا

شوق بحماس : مرررره حلو

تركي ابتسم لها : عشان نكسر الروتين أشوي ملينا من الطيارات

شوق : زين .. أمممم زواجنا بيكون مشترك ؟

تركي : لالالا وجدان تبي تتزوج العطله الجايه

شوق : ههههههه الله يصبر طلال أكيد بيعصب يبي يتزوج هالإجازه

تركي : مو بكيفه أهم شي راي العروس

شوق : أكييد .. يلا قلبي في مكالمه على الجوال

تركي : أوكي بدق عليك الليله

شوق : تيب يلا سي ياا

تركي : سي ياا

ردت شوق على الجوال : هلا رغود ... من جدك ... حمااااااااااااس ... أوكي بقول لطلال .. باااي

سكرت الجوال و راحت لغرفة طلال

دخلت شوق بحماس : طلاااااااال

طلال و هو يرتب علبة الطقم : هاا وش فيك ؟

شوق : وناااسه خالد خطب منى و وافقت عليه

طلال بفرح : أووه و أخيراً

شوق : ههههههههه مرررره حماااااااااس

طلال ابتسم لأخته : الله يوفقكم

شوق : آمين يلا بروح أبشر أهلي

طلال : ههههههههه أوكي روحي بشريهم

%%%
بعد أسبوعين

الرياض نورت في هاليوم كيف ما تنور و قلوب العشاق اجتمعت بعد فراق زمن طويل
أربع سنوات مرت من حياتهم ما كان شي بسيط تعلموا في هالسنوات
إن ما في حب مستحيل في هالدنيا ما تكون له نهايه سعيده بس بالصبر كل شي يصير ^_*

في أفخم صالات الرياض

كان واقف يسلم على الرجال و هو مبتسم لهم : الله يبارك فيك

جا له طلال و ضمه بفرح : ألف مبروووك يا تركي

تركي و هو ضامه : الله يبارك فيك عقبال أشوفك مكاني السنه الجايه

طلال : آمين الله يسمع منك

عساف سلَّم على تركي بابتسامه : ألف مبروك

تركي : الله يبارك فيك

عبدالعزيز ( أبو تركي ) كان مره فرحان بزواج ولده تركي فقال لهم يسوون عرضه في الساحه الخارجيه

الشباب و الشياب كلهم رقصوا في العرضه بسيوفهم

بعدها طلب عبدالعزيز من سلمان أنه يرقص معه في العرضه و رقصوا بالسيوف و الكل يصفق لهم بحماس

راح طلال لتركي و عطاه سيف : تعال ارقص وسع صدرك

ابتسم له تركي : أوكي

و الكل كان يصفق لتركي و طلال اللي ضبطوا رقص العرضه و بعدها في آخر الوقت قلبوها الشباب جلسة شعبيه مع العود
<< من زود الحماس

%%%

عند صالة الحريم
الساعه 11 الليل

رغد راحت لوجدان : ترى شوق جاهزه

وجدان : أمممم أوكي بقول لهم يجهزون الزفه

فتحوا البروجيكتر و الكل كان يناظر البروجيكتر

طلعت صور لتركي و شوق من هم صغار بعدها الصور اللي صوروها في زواج أفنان
بعدها طلعت صورهم في الملكه و هم يقصون الكيك

كانت شوق واقفه فوق عند بداية الدرج اللي كان ملفوف بقماش أبيض حرير و كله ورود جوري ورديه و بيضاء
طفت أنوار الصاله و الأنوار المتحركه اتجهت لها

مشت على موسيقى كلاسيكيه و كل عيون الناس عليها كانوا مبهورين بجمالها كثير منهم ما صدقوا أنها كانت مطلقه من قبل

أم رند ابتسمت : الله يحفظها ما شاء الله طالعه قمر

رند ابتسمت لأمها : ايه ما شاء الله

أم عصام بقهر : حسافه راح علينا و لا كان خذها لولدي عصام

حور ( أخت عصام ) : أي و الله أقلها أجمل من هاذي اللي خذها لا جمال و لا أخلاق شكلها ساحرته

أم عصام بضيق : ايه أكيد ساحره أخوك لو طبيعي كان ما خذها وحده مو من نفس مستوانا و لا من ديرتنا الله يعقله بس

حور بضيق : آمين .. شوفيها يا أمي مررره تجنن

أم عصام : ما ينلام ولد عبدالعزيز يوم انتظرها طول هالسنين جمالها مو طبيعي عيون خضراء و شعوره و بياض و جسم
أكيد بينهبل عليها و كافي إن أخلاقها عاليه

حور بقهر : حتى هي يا حظها فيه ولد عز و وسيم و أخوي يمدح أخلاقه

أم عصام بضيق : ايه الزين ما ياخذ إلا الزينه

وصلت شوق لنهاية الدرج و هي متوتره من زحمة الحريم و كلهم عيونهم عليها

وقفت عند بداية الجسر اللي كان قزاز و من داخله ورود جوري ورديه و بيضاء و انفجرت مدافع الورد عليها على جهة اليمين و اليسار

بدت أغنية ابتدي يا حب لحسين الجسمي و هي تمشي على الجسر بهدوء

ابتدي يا حب وارسم في سما هالليله قلبين
اكتب شوق بالاول واكتب الثاني لتركي
أو بجيلك براي وأكتب ماله داعي ترسم اثنين
اكتب الاسمين لكن حطهم في قلب واحد
يالفرح طرز مساهم وانثر الاحسااس ما بين
حب وأشواق وتهاني ود وأنغام وقصايد
دام هذا اليوم تاجه عرس آل ذوق والزين
عرس نسل العز نسل مجد والتاريخ شاهد
يا إلاه الكون سلم حبهم من شر كل عين
بالهنا طول عمرهم واعمي عنهم كل حاسد
واحفظ شوق و تركي مثل ما هم أحلى رووحين
صوونهم بالخير و اجعل بــــــــــيتهم بالعز شارك

كان فستانها على نظام الكونتيسات أكمام صغيره بوف و الفستان أوف وايت منفوش و داخل فيه الدانتيل و السوار فيسكي الفضي
مخليه شعرها كيرلي مفتوح لين نهاية ظهرها و مسويه بوف ناعم و عليه تاج فضي بالكرستال الفخم و ميك آب حيل ناعم طالعه مثل شهرزاد في ألف ليله و ليله

وصلت لين الكوشه اللي كانت على شكل قلعه و أعمده رومانيه الفضيه و ملفوف حولها أقمشه حرير بيضاء

و في الوسط أريكه كبيره مخمل أوف وايت و فيه كبتون كرستال فضي

كانوا البنات متفقين أنهم يلبسون نفس أقنعه العيون اللي بالكرستال الفضي في عرس شوق عشان تكون مفاجأه لها و طبعاً هي كانت فكرة وجدان

ابتسمت و هي تناظرهم لأنها ماسكه قناع مثلهم بس كان أفخم من الأقنعه البقيه لأنه طقم مع الفستان

<<< صايرين مثل أعلان محل لازوردي اللي سوته أليسا في mbc

كانت ماسكه في يدها باقة ورد و كل البنات مجتمعين عند الجسر ناظرتهم و رمت باقة الورد لجهتهم

مسكت باقة الورد منى و هي مصدومه حدها

قربت منها وجدان : وااااو أكيد بتتزوجين بعد شوق هااا

منى و هي ماسكه الورد بخجل : أقول من جدكم تصدقون تفكير الغربيين جد ما عندكم سالفه

جلست شوق على الكرسي و الكل جا يبارك لها بفرح

وجدان ضمت شوق : ألف مبرووووووووووووك

شوق ابتسمت لها : الله يبارك فيك

وجدان : هههههههه أبي أشوف كيف شكل تركي أكيد مبسوط مره

شوق بخجل : دوم إن شاء الله

رند بابتسامه : مبروووك شوق

شوق : الله يبارك فيك .. إلا وين ريان ؟

رند : ههههه من جدك أجيبه توه بزر حتى المشي ما بعد يمشي

شوق ابتسمت لها : يا حليله حسافه ودي أحضر القرقيعان حقه

رند غمزت لها : يلا أهم شي أنك بتكونين مع تركي

شوق بخجل : جد نذله

منى سلَّمت على شوق : مبروك يالغلا

شوق : الله يبارك فيك يا قلبي .. أووه الباقه صارت لك مين قدك

منى بخجل : ههههههه تسلمين ما توقعت تسوين هالحركه

شوق : الله يهديها وجدان تعرفين حركاتها متأثره بالأفلام الأجنبيه

منى : هههههه أي و الله و تقول بتتزوجين بعد شوق على طول

شوق غمزت لمنى : يمكن كلامها صحيح

منى بضيق : لا ما أتوقع مو صحيح

شوق : أوكي براحتك بنشوف وش بيصير في النهايه

جات بعدها العمه نوره وقفت لها شوق و حبت راسها

العمه نوره : مبروك يا بنتي

شوق ابتسمت لها : الله يبارك فيك يا عمتي

العمه نوره : الحمد لله إن الله بلغني و حضرت زواجك مع تركي انتبهي عليه يا بنتي تراك يحبك

شوق بخجل : لا توصين حريص يا عمتي تركي بقلبي لا تحاتي

العمه نوره دمعت عيونها بفرح : الله يوفقكم يا رب

شوق ابتسمت لها : آمين

جات أم مشاري و ضمت بنتها بفرح : مبروك يا قلبي

شوق ضمت أمها : الله يبارك فيك يا الغاليه

أم مشاري بفرح : عقبال أشوف وجدان مكانك السنه الجايه أخوك ما قصر جننا اليوم

شوق : ههههههه الله يهديه بس

مها : ألف مبروك يا شوق

شوق : الله يبارك فيك يالغلا

مها ابتسمت لها و عطتها علبه : هاذي مني و من مشاري

شوق فتحت العلبه و لقت فيها سواره ألماس فخمه ابتسمت لمها : تسلمون ما قصروتوا والله

مها : الله يسلمك ترى هو موصيني أنك تلبسينه في زواجك
( غمزت لها مها ) تتذكرين يوم قلتي لنا أمس و أنتي متضايقه حدك ضيعت سوارتي هاذي بدالها

ابتسمت شوق و لبست السواره : ما توقعته يجيب لي و الله ما قصر سلمي عليه

مها ابتسمت لها : يوصل قلبي

جلست شوق بعد ما سلَّمت على الكل

المطربه : أغنية خاصه لصديقات العروس

هنوني هنوني يا ناس هنوني
تركي راجع لي و بتفرح عيوني
في رجعته لينا بتنور الدنيا
خلوني اتهنا و لا لا تلموني
واحشني قد الكون بس انتوا ما تدرون
اخبي في قلبي أشواقي و شجوني
و إن حسيته حولي أطيح من طولي
الغالي لي جاني يخطفني من كوني
يسلملي يسلملي سيدي وكل أهلي
أبدا معاه أبدا ماخابت ظنوني
والله ما أدري أناديه يا عمري
أو روحي أو قلبي يا ناس دلوني

رقصوا البنات على الأغنيه و كانت شوق تصفق لهم بفرح

قربت منها أفنان بابتسامه : ترى بعد أشوي تركي بيدخل

شوق بخجل : جد بيدخل ؟

أفنان : ههههههههه أمزح تعرفين عمتي مو راضيه له يدخل تقول ما عندنا أولاد يدخلون

شوق بخيبة أمل : أهاا

رغد جات لهم : شوق قلبي ترى دينا جات تبي تسلم عليك

شوق بتوتر : أوكي

قربت دينا وقفت لها شوق و ضمتها : مبرووووووك يا قلبي

شوق و هي ضامتها : الله يبارك فيك

دينا ابتسمت لها : و الله فرحت لك من كل قلبي إن شاء الله ترتاحين معه و الله يوفقكم

شوق : تسلمين يالغلا عقبالك

دينا بخجل : أوووه خبرك فيني من زمان ... أنا تزوجت ولد خالتي

شوق بفرح : مبروووك و الله ما كنت أدري

دينا : الله يبارك فيك ما ألومك غصب ابتعدنا الظروف اجبرتنا نبتعد عن بعض
بس مهما كان أنتي بتضلين صديقتي

شوق دمعت عيونها : تسلمين يا دنون .. تزوجيته هاا

دينا بخجل : ايه تزوجت الشخص اللي حبيته و الله أحلى شي إنك تتزوجين الشخص اللي حبيتيه من كل قلبك

شوق ابتسمت لها : أكيد

دينا : يلا جيت أسلم عليك و أطلع لأني بمشي القصيم اليوم زوجي دوامه بيبدأ بكره

شوق بابتسامه : أوكي مشكوره على جيتك و الله فرحتيني كثير

دينا : لا شكر على واجب أنتي صديقتي .. يلا قلبي أشوفك على خير

شوق و هي تسلَّم عليها : مع السلامه

رغد ابتسمت لشوق : و الله البنت مره طيبه

شوق ابتسمت لأختها : حييييل طيبه و الله فرحت بجيتها كثير

رغد : إن شاء الله تصير أيامك كلها أفراح

شوق : آمين يا رب

المطربه : اهداء من العريس لعروسته

شوق ابتسمت في خاطرها : الله يخليك يا تركي لعين ترجيك

طلع صوت تركي بالدي جي

تركي : هاذي الأغنيه إهداء مني إلى رفيقة دربي و نور حياتي و شمعة قلبي شوق الله يحفظها لي و يبعدها عن عيون الحساد

صفقوا البنات بحماس و كل الحريم مستغربين من اللي يصير

دمعت عيون شوق و على طول مسحت الدمعه

بدأ تركي يغني بصوته الجهوري الحلو على أنغام الموسيقى

و شوق كانت تحس بكل كلمة يقولها لأنها طالعه من أعماق قلبه

البنات تأثروا كثير بكلمات الأغنيه اللي نابعه من قلب عاشق
كان حب طفولي بعدها بدا الحب يكبر معه لين وصل لمرحلة العشق اللي صعب ينسى فيها الشخص البنت اللي حبها بكل شريان ينبض بقلبه

سلام العشق وأعماقه ...
يضم القلب وأشواقه ..
تجيك الروح مشتاقه ...
و تهديك القصيد ألوان ...
على درب الهوى جينا ..
من أول ما تلاقينا ...
تغير كل ما فينا ....
و عشنا فرحة الأزمان ...
عرفنا الحب وأسراره ..
و كتبنا أجمل أشعاره ..
و غنينا على أوتاره ...
و ذبنا بالغرام ألحان ...
نسينا كل مواجعنا ...
وبقينا اثنين ما معنا ..
سوى الأشواق تجمعنا ..
بلا هجر وبلا حرمان ...
ألا يا حبي السامي ..
لقيتك بأول أيامي..
تعال وجدد أحلامي ...
ترى قلب الهوى سهران ..
شربت الحب من كاسك ..
و طعم الورد بانفاسك ..
لأنك عذب باحساسك ..
و أنا مغرم بك وولهان ..
حبيبي كان ما تدري ..
ترى حبك بدا يسري ...
بدمي و أنت يا عمري ...
سكنت بداخل الشريان ..
قطعنا الحب ودروبه ...
و صغنا روعة أسلوبه ...
حكاية عشق مكتوبه ...
و صرنا للهوى عنوان ..

نهاية البارت الثلاثون
( الفصل الثالث )

# نهاية عاشق #