البارت الرابع عشر
][ها هي أجمل اللحظات تمر وتأخذنا إلى مكان ليس فيه أي أوقات.
اذهب معك دون أن أخاف دون أن اشعر بل مغمضة الجفنان وفاقدة الكلمات.][
في صباح جديد يطل ع ابطالنا
في الرياض
في بيت ابو راشد
في غرفة راشد
واقف عند المرايا و تحت عيونه سواد و عيونه حمراء و شعره الناعم الكثيف معفوس وحالته حاله كان يبكي ايه يبكي .. دموع رجـال كانت مكبوته لين انفرد بنفسه خلاها تنزل كـان صابر ع هموم كبر الجبل ساكت متحمل خذ مسؤوليات فوق طاقته واللحين عدآد انكسـر يوم جاهـ خبـر ان سلوى تصير اخته من امه و ابوهـ .. اخته أي اخته .. بدآ راشد يظرب بأيده اليمين التسريحه لين طاحت عليه المرايا و صرخ صرخه ......
في المستشفى
دكتور غسان:دكتور جاسم استاذ ابو فيصل يبيك
جاسم رفع حاجبه"وهذا وش يبي مني اللحين":طيب طيب بروح له
مشى و رقىـآ للدور 8 و راح مكتب ابوهـ
جاسم:سم يبه
ابو فيصل رفع عيونه من روا النظارات الطبيه ..:اولا ابوك في البيت هنا انا رئيسك ثانيا تدخل تطق الباب وتجي السكرتيرهـ تعطيني خبر انك فيه زيك زي غيرك ثالثاً تأخرك عن الدوآم ان شاء الله لين متى؟! واخيرا وليس اخرا معاملتك الهمجيه مع المرضى لين متى.. تحسبني ساكت عشانك ولدي لا غلطان ساكت ع ان معاملتك بتتحسن بتسمع لنصايح اخوك فيصل
جاسم:آولا اسف ع تعدي القوانين ثانياً اسف ع دخولي من دون اذن بس ما فيه سكرتيرهـ ثالثاً انا اتأخر لان تعرف الوالده ما تطلعني إلا و ماسك معي لسته من النصايح و الطريق و لين يجي وقتي بالتوقيع رابعاً انا معاملتي عاديه ما فيها أي شيء و ما سويت شيء و اذا قصدك المريضه سلوى الـ..... هذي حاله خاصه تهددني و ترفع صوتها علي و كآنها الامره الناهيه هنا
ابو فيصل تنهد:اخر مره راح اسامحك لكـن مره ثانيه خصـم من راتبك و هذاني علمتك واللحين تقدر تروح لشغلك
طلع جـاسم شوي و رجع
جاسم:استاذ ابو فيصل
ابو فيصل:نعم
جاسم:ممكن اجازهـ 4 ساعات؟!
ابو فيصل يفكر شوي:ساعتين
جاسم:مشكور
وطلع و نزل لـ مكتبه فصخ بألطوآ الابيض و اخذ مفتاح سيارته و نزل
وهو نازل لحظ سيارة اسعاف دآخله تعود ع هالمنظر لكـن فضوله سحبه لين هناك ركض و ساعد الي يجيبون السرير يوم وصل لقىـآ واحد شعره مايل للاشقـر ع البني وناعم و كثيف جسمه معضل شويات و باين انه اجنبي او انه عايش في بلد غير عن هنا كان يصرخ وكان في ايده اليسرى جبـس و اليمنى فيها جرح كبير وكانت شبه متشوهه
نزلوهـ و حطوهـ في الكرسي و دخلوه مع بوآبة مبنى الطوآرئ و الحوآدث .. تركهم و رجع لطريقه عند مواقف الموظفين ركب سيارته و شغلها و شغل اغنيه .. (غرقان-راشد الماجد-الجسمي)
جيت و ش جابك حبيبي .. من بعد طول المغيبي .. ولا ناوي ياحبيبي تغرق الغرقان اكثر
قول اني ما اهمك .. يا برودك والله دمك .. كنت في عيني اضمك .. و اتغزل بك و اسهـر
الي جابك هوا حبي .. ولا شيء مستخبي .. ياللي ساكن وسط قلبي .. ليه من حبي تنكر
لاهي انت في دنياك لاهي .. وعن حبيب القلب ساهي .. التغلي مو تباهي .. حس في شوقي و تذكر
يا دروب الحب صيحي .. ويا دموع العين طيحي .. صرت من بعده جريحي .. وقلبي عن غيره تسكر
روح يا طاير وقله .. قلبي فيه الفين عله .. الحياه بعده ممله .. وحالي من بعده تدهور)
قطع عليه جوهـ صوت رنه جوأله: (ويلاهـ-راشد الماجد)
(ويلاهـ ضاق الصدر و ماذكر يسأل علي و يلآهـ ,, نسـاهـ طول الهجر ولا الصبر من قسوته قساهـ)
(مـاهر يتصل بـك)
جاسم:هلا بالقاطع
ماهر:هلا فيك
جاسم:شخبارك يا المعفن؟
ماهر:ههههههههه هاللحين انا المعفن .. بخير و انت؟!
جاسم:هههههه اجل انا ,, دوم .. انا بخير و الحمدلله
ماهر:وش اخبار الرياض؟!
جاسم:بخير .. تعال الرقم مو رقم امريكا وينك فيه؟!
ماهر:في لبنان لنا يومين هنا
جاسم:اها حتى مـاجد؟!
ماهر:ايه هو الي اصر اننا نجي هنا
جاسم:ااها
ماهر:يالله مقدر اطول كنت داق اطمن
جاسم:باي
الخط:طووط
سكر جاسم التكييف و فتح الدريشـه و غيـر الاغنيه وحط اغنية (حبيبي يا محلاهـ-محمد الزيلعي)
يا حبيبي يا محلاهـ مو بس حلو يا ناس الله عليه الله
ياويلي من زينه ما حلا هدب عينه اذا التفت صوبي مجبور انا اهواهـ
لو غيره يحصلي ما غيره هو خلي حسبي عليه حسبي لو باعني ويلاهـ
طبي و دواء جروحي عمري و بعد روحي وان قال لي عمري كل العمر يفدآهـ
يا حبيبي يا محلاهـ مو بـس حلو يا ناس الله عليه الله
الله عليه الله
الله عليه الله
..
تنهد بقوهـ زفـر و طلع كلمة آآهـ منه .. يحس انه مكتوم له اسبوع و هو يحس بشيء يكتمه في صدرهـ بـس ما يدري وش هو بالضبط
وصل الفله و نزل وعطى المفتاح لـلحارس عشان يدخل السياره دخل مع بوابة القصـر مـر بين النأفوره الي متوسطه ساحة القصر و عليها نقوش من الامـار و مشى لعند الباب الي مزخـرف بالذهب و واقف جنبه حارسين
جاسم: افتح
تحرك واحد و فتح الباب لجـاسم .. دخل جـاسم القصـر لقى امه و اخوآته الصغار
جاسم:السلام عليكم
الكل:وعليكم السلام
رنيم:جسوم جاي بدري؟!
مها:اكيد ماخذ اجازهـ!!
ام فيصل:تعال ريح يمه تعال
جاسم رفع حاجبه:رنيموه انتي ومهآوي قوموا زينوا لي عصير و جيبوا لي حلا
مها:هاللحين الخدم مالين البيت تبيني اروح اجيب لك عصير و حلا
رنيم:هذا الناقص رنيم و مها ع سن و رمح يقومون يدخلون المطبخ
جاسم مشى و مسك الثنتين مع تشيرتاتهم و مشىـآ ودخل بـ ممر كبير كله غرف مع اليمين و اليسار و قدآم باب اسود وفيه فتحتين من ع اليمين و اليسار شباك شفاف فتح الباب و رمى رنيم و مها فيه
جاسم:دقايق بـس و العصير و الحلا عندي
رنيم و مها ساكتين و يناظرون اخوهم بدهشه
جاسم ماسك ضحكته رجع للصاله عند امه
ام فيصل:هو وين وديتهم؟!
جاسم معد يقدر يمسك ضحكته مات من الضحك
جاسم:ههههههههه وديتهم المطبخ
ام فيصل:هههههههه شكلهم اللحين حاقدين عليك
جاسم حس بشعور يرجع له وتغيرت نبرته:بطقاق يحقدون علي ..يا الغلا بروح اخذ شور و اغير و انزل
ام فيصل:خذ راحتك يمه
رقى جاسم و اخذ شور و لبس شورت ابيض و بلوزهـ سودآء عليها نقوش بالبيج و كوتش اسود ونزل
عايلة ابو فيصل
ابو فيصل:رجل اعمال كبير جداً معروف في كل مكان اسمه مشهور في السوق غني جداً آموأله لا تعد ولا تحصى شركاته منتشره في العالم / عادل بين الناس ما يحب يتوسط لآحد حتى لعياله / طيوب
ام فيصل:ام حنون فيها صفات الامومه كلها تهتم بعيالها كثير و تحب رجلها و محافظه ع بيتها وعايلتها /محبوبه بين الناس / تملك محـل للازياء في دبي و الرياض
فيصل:الولد الاكبر .. حبوب طيوب .. لكن شديد شوي في بعض الامور .. دكتور اعصاب .. رزين و ثقيل .. وسيم عيونه عسليه .. رموشه كثيفه و حواجبه مرسومـه شعره ناعم اسود وكثيف
جاسم:الولد الاوسط .. طبيب امراض القلب .. حبوب لكن مزآجي .. ويتغير مزاجه في غمضة عين .. يحب يهبل بأخوآته رنيم و مها .. وسيم .. ابيض عيونه زرقآء (لون البحر) حواجبه مرسومه رسم .. شفايفه ورديه .. ولعيونه سحر و كل من ناظرها غصب عنه يدوخ عليها(اقصد جنس المؤنث) ويطيع كل كلمة منه .. شعره بني فاتح و ناعم و طويل
نجلى:البنت الكبرىـآ .. اكبر من اخوها و سام بسنه وحده .. حلوهـ .. بيضاء .. عيونها ذهبيه .. شعرها طويل لين نهاية الظهر و ناعم لونه مايل للاشقـر .. شفايفها صغيرهـ و ورديه
وسام: الولد الاصغر .. اصغر من نجلى بسنه وحده بـس .. طبيب اطفال .. قليل ما يعصب بارد في المواقف الحرجه .. يحب شغله كثير و حنون ع الاطفال .. طبعاً هو بالنسبه لأخوانه متوسط الجمال .. عيونه بنيه و شعره مو ناعم ولا خشن .. حواجبه مرسومه .. عيونه واسعه
رنيم:البنت الوسطىـآ في اولى ثانوي .. حبوبه .. بس فيها شويتين غرور .. تحب تسافر كثير
مها:البنت الصغرىـآ في ثاني متوسط .. طيوبه و ع نياتها .. وتفرح لما تشوف أي احد يناظرها ويقول هذي بنت الـ........ تحس بفخـر لما الكل يتكلم عن انجازات ابوها و عايلتها تحسس نفسها برنسيسه
..
نزل
جاسم:وين جني و عطبه؟!
ام فيصل:هههههههههههه مدري بس تو اسمع صراخهم بالنتر كوم
جاسم:ههههههههههه الله يرجهم من بنتين .. وبصراخ:رنييييييييم و مها وين الي طلبت؟!
جو رنيم و مها و ورآهم سيتي تجر عربيه فيها جك عصير برتقال و صينية حلا
جاسم:سيتي وقفي رجعي العربيه مكانها و الانستين يتكرمون و يجيبونها
رنيم و مها طيروا عيونهم
رنيم و مها:خيييييييييييييييييييي� �يييييييييييير
جاسم:طيير ..اظن سمعتوا .. ويالله اشوف
رجعت سيتي و رجعت االعربيه بعد دقايق جت رنيم و مها و معهم العربه
رنيم بكل حقد:خذ
جاسم كاتم ضحكته:يمه انا خابرها تفضل ولا؟!
ام فيصل:هههههه إلا
مها راصه ع اسنانها:تفضل
جاسم:ههههه شوي شوي لا تطيح اسنانك و تطيحين في كبدنا
مها:مـاماتي
ام فيصل:ههههههههه مالي شغل اخوكم الكبير
جاسم رحم خواته الي باين عليهم ملامح العبره
جاسم وهو يأشر ع الكنب :تعالوا
جلسوا جنبه
رنيم ومها:وش تبي
طلع 500 و 500 و عطاها اخواته
جاسم:مني لكم اطلعوا اليوم للسوق وتمشوا
رنيم و مها و البسمه شاقه الحلق:مشكوووووووووووووووو� �وووووور يا احلى اخوو
ونططوا من الفرح .. و راحوا باسوا راس جاسم و رقوا فوق يتجهزون
][من أجلك اترك كل ما املك بل أتخلى عن كل ما أحب واقسم أني لن أقول لك أني أصبحت من المعذبات.
فأنا فقط أريد أن أكون في مكان صغير خالي من أي انتقاضات][
في لبنان
في هازبتل الـ..............
هنادي:شد في الاربطه ولا تمزق؟!
الدكتور:لا شد ,, راح اعطيك جل تستخدميه 4 مرات في اليوم مع تدليك مستمر .. وحبوب عشان تخفف الالم .. وراح ربطه عشان تخفف الحركه
محمد:شكراً .. هنادي يالله عشان نرجع البيت
ركبوا السياره وشغل اغنية .. (القوس قوسك-منى امرشا) .(معلومه محمد اول ما كان يسمع عربي .. لكن بعد ما مـالت مشاعرهـ لـ هنادي صـار يسمع عربي لانها تحب تسمع عربي ولا ننسى هنادي كانت عايشه في الرياض ايام صغرها لين توفوآ اهلها)
(القوس قوسك و السهام سهامك مالي ع رمشٍ(ن) تسله قوهـ
انا اسيرك و اقفٍ (ن) قدامك والي تبي تسويه فيا سوآآآآآآهـ
وثقت في قلبك وطيب انسامك ما اظن تظلم وانت فيك امروهـ
قلبي رهيف ولا يروم هيامك توهـ تعلم كيف يعشق توهـ
قلب(ن) جبرته لا ترص احكامك خفف ع قلب(ن) حتمت بجوهـ
يفداك لكنه يشيل احلامك ملكك ولا لي منه غير انخوهـ
بك زين من رآسك يلين ابهامك والليل ياخذ من صباحك ضوهـ
ما يحجب الوجه الصبوح الثامك طلتك دايم يا عبير محلوهـ)
هنادي حست انها جـالسه تظلم نفسها و تظلم محمد معها .. هي ما تدري هو يحبها او متزوجها كذا صارت تضبع نظراتها في السيارات و الجبال صارت تتهرب انها تتكلم مع محمد ..ومحمد فضل السكوت و يبي يسـألها اسئله كثيـر بـس لما نفسيت هنادي تهدآء شوي
..
][ أريد أن المس بيدي خصل شعرك وادع كل خصلة تبعد عن أختها وتكون في العيش متساويات.
أريد أن المس خديك واحدد بيدي طريق دموعك على خطى مكتوبات. ][
في امريكا
ريما:زيود
زياد:عيون زياد
ريما بضيق:لازم نرجع الرياض
زياد فهم وش قصدها:شنسوي تعرفين ابوي لقى من يمسك شركاته و ع قولته ماله بالغربه بيرجع لديرته و اهله وناسه و
شوق وهي شايله ريماس:يوووهـ والله مالنا خلق الي هناك اجواء الرياض مكهربه
زياد وهو ياخذ من شوق البنت:لو ضلينا هنا وما تحركنا بتجلس مكهربه ..لمتى بنتخبى في الغربه!!
ريما:بس هنادي ومشعل صعبه عليهم يرجعوا خطر عليهم
شوق:ايي صدق خطر
زياد:هم كبار مو صغار وخلص كلمة ابوي ما تتغير وهذا شيء معروف
.. سكتوا للحظات .. وقاموا يسولفون بأشياء كثيرهـ
بعد دقايق جت ام زياد و وجهها اسود
ام زياد:السلام عليكم
الكل:وعليكم السلام
زياد بأستغراب:يمه وش فيك؟!
شوق:يمه فيك شي؟!
ام زياد بأرتباك:لالا ما فيني شيء بـس بروح انام .. تصبحون ع خيـر
شوق معقده حواجبها:امي وش فيها تطلع واذا رجعت قالت بروح انام!!
زياد:اكييد تروح مشاوير وترجع تعبانه
ريما:زيوووووود حبيبي بليز قوم دور في البنت
زياد:خدآم ابوها!!
ريما:لا مو خدآم ابوها .. انت ابوهـا بكبره .. قوم حبيبي
زياد بإنصياع:هاتيها
..
في يوزلاندآ
مشعل:انا خلصت وانت؟!
عزآم:مدري باقي لي 50 صفحه بكراا بحآول اخلصها
مشعل:يالله انا بروح اريح شوي
عزآم:بطلب من المطعم بيتزآ تبي
مشعل:حط لي في المكرآويف وانا اكله اذا قمت
عزآم:اوك
طلب عزآم و بعد نص ساعه جاهـ الطلب وقع و دفع .. اكل نصيبه و حق مشعل حطه في المكرآويف
مشعل انسدح ع سريرهـ وقام يفكر .. شلونا للحين يتصرف .. هو ما يقدر يعلم آحد .. بس متورط .. هذا بلوهـ وبلا نفسه فيها ,, و هو مو من طبعه يخطي و يهرب ويخلي الغير يتحمل
قام يفكر و بعد لحظات غط في نووم عميق
س1/مين هم الشخصين المجهولين ؟!
س2/تتوقعون هنادي ترفض محمد ولا توافق عليه؟!
س3/ام زياد كثرة طلعاتها و نومها وش وراهـ؟!
س4/ابو زياد ليه ما مختفي طول هالمده وما سمعنا خبرهـ؟!
س5/مشعل وش فيه؟!
نهاية البارت الرابع عشـر