[taman]

الجزء الرابع





(ندم..)





ردني لك موتتي في غيابك موتتين

يامحول ضيقتي من وجود اليا عدم

لا تخليني مابين الثلاثه والثنين

البكا والسخط فيك،....وشعوري بالندم









رجع من المسجد بعد ماصلى الفجر.. ودخل غرفته على طول حاول ينام بس مو قادر التفكير يوديه ويجيبه..

فيصل:ااه ياميساء طلعتي داهيه..طلع للبرنده يبي ياخذ هوى..جلس على الكرسي وحط رجل على رجل...وصار يتذكر صوت الرجال..ميوووس...ويدلعها بعد..انا ابدا ماتوقعت تكونين من هالنوعيه..ميساء اللي الكل يشهد باخلاقها تطلع كذا...الظاهر كلنا انغشينا فيها..الظاهر حياتها بره نستها الحرام ..يمكن عندها مثل هالعلاقات عادي....لازم اربيها..اذا ماوقفتها عند حدها يمكن تسوي بلاوي اكبر من كذا...طحتي من عيني ..وانكسر شيء كبير بينا واللي ينكسر صعب يتصلح صعب...يااااااربي فيني حرررره ولازم اطلعها فيها...افففففف شالسواة؟؟؟ ضرب بالطاوله بايده ولا حس بألم..الالم اللي بقلبه اكبر..يووووه راح الوقت وانا افكر بوحده ماتستاهل..آخذ شور بارد احسن..











-------------------















الصباح..

ساره:تشوف شكلها بالمرايه...الحين انت داق بهالوقت علشانها..وتمسك ريشة البلاشر الوردي وتحط منه على خدودها..

مؤيد:سوير تكلمي زي الناس..

ساره:طيب لا تنافخ...ابكلمها اليوم طبعا مو هي ابي اكلم عبير..

مؤيد:وش دخل عبير بالسالفه؟؟

ساره:نسيت انها بنت خالتك..واقرب وحده لعهود..

مؤيد:طيب مافي مانع

ساره:اخاف فيه دواس؟؟

مؤيد:هههه ماتضحك..دقي علي اول مايجيك خبر فاهمه..مع السلامه

ساره:الله يسلمك..اخذت عبايتها وطلعت للجامعه..



















في الجامعه..

عند البوابه

كانت بتروح لصديقاتها في الكافتريا..بس لفتت انتباها..راحت لها..

عبير:شفييك شكلك مواصله؟؟

ميساء:هاه..ايه ..

عبير:تعبانه؟؟اجيبلك شيء..

ميساء:لا لا مافيني شيء..عن اذنك غدير جت..وراحت لصديقتها..

عبير:غريبه اكيد صاير شيء البنت شكلها مو طبيعي..ويقطع تفكيرها صوت ساره..

ساره:صباااااااح الخير..وحطت شنطتها على الكرسي وفصخت عبايتها..

عبير:وتبتسم لها..صباح النور..كيفك؟؟

ساره:بخير الحمد الله ..ماشفتي عهود؟؟

عبير:لا والله ادق عليها وماترد..انشاء الله بس اشوفها اليوم..ساره اكيد ماصار شيء بينكم من قبل؟؟

ساره:والله ماصار شيء..انا شفتها صدفه سلمت عليها وهبت بوجهي وهزئتني وقالت انها ماتبي تشوفني او تسمع اي شيء عن مؤيد وبصراحه مؤيد من يوم درى وحالته حاله..

عبير:الله يعين..بحاول افهم السالفه اليوم واردلك خبر..والحين مع السلامه بروح لصديقاتي ينتظروني..

ساره:اوكيه ..ونزلت عبايتها تحت الكراسي..فتحت شنطتها وطلعت المرايه..





















بالكافتريا..

غدير:نزلت كوب الشاي..ايييييش؟؟

ميساء:هذا اللي صار...تخيلي مانمت طول الليل افكر شيبي يسوي؟؟تتوقعين يقول لفهد ولا لابوي ولا لامي؟؟ كانت تاكل باصابعها..

غدير:ماادري..الله يستر اذا احد درى بتروحين فيها..تستاهلين ليه ماسمعتي كلامي؟؟

ميساء:انتي الحين تتشمتين فيني...

غدير:شتبيني اقول....وهذي الزفته شسوت

ميساء:الله لايوفقها حسبي الله عليها...انا اللي قاهرني اني ماسويت شيء ماسويييييت..والله مظلومه..

غدير:هدي هدي..خلينا نفكر بطريقه نخليه مايقول لاحد من اهلك..

ميساء:انا اللي يهمني هو..

غدير:ماتقدرين تكلمين ليلى؟؟

ميساء:لا مستحيل..خليها تستانس..

غدير:طيب اختها سلمى..

ميساء:استحي منها..

غدير:السالفه مافيها حياء انتي لازم تتصرفين ..

ميساء:بس والله خايفه وش تبي تقول عني..

غدير:اللي تقوله خليك واثقه من نفسك..امشي الحين نحضر المحاضره..

ميساء:مالي خلق..

غدير:ياغبيه علشان نشوف هالزفته ونشرشحها

ميساء:اذا كذا ماعندي مانع...















---------------





















لحووول..انتم شفيكم اللي بينا انتهى خلاااص

ام فراس:ياوليدي اللي صار بينكم لحضة غضب..رجعها ياوليدي..

زياد:طيب انا ومالي خاطر عندكم امنا بالله..هي اللي تدارونها ومسوينها يادهينه لا تنكتيين ماااااتبيني ماتدانيني تغصبون البنت بعد؟؟..كان يتكلم وهو يمشي..

ام فراس:هي بزر وماتدري بمصلحتها..

زياد:علييك نووور..طيب انا الكبير والمفروض ادري بمصلحتي .. ويوقف..يمه خلاص مابيها اصلا الزواج من الاساس غلط..وبصراحه اكثر انا ماتحملها دقيقه وحده..وشلون الحياه كلها..

ام فراس:ايه قول كذا..اكيد انت اللي تقولها هالكلام لين طلبت الطلاق..

زياد:واللي رفع السماء بدون عمد ماجرحتها ولا قلت لها اي شيء يغث ..ويحب راس امه..يمه انتي ماتحبيني ماتبين سعادتي؟؟

ام فراس:الا ياوليدي..بس ابوك وش اسوي فيه؟؟

زياد:انا ماقصرت بشيء..قلتولي تزوجها تزوجت وهي اللي طلبت الطلاق..وسالفة الرجعه مستحييل..والحين مع السلامه تأخرت على المستشفى..طلع من البيت..

ركب سيارته الرنج السوداء ولبس نظارته الشمسيه..

وبطريقه جاه مسج..

ياااوييلك اذا سمعت كلامهم ورجعتني..

ترى بقلب حياتك جحييييييم

اكررررررررهك...

ضحك من كل قلبه..ههههههههه

زياد:مجنون ارجعلك...













--------



















الشركه..

ابو محمد:ابي ازورك الليله

ابو سليمان:الله يحييك والحين بقول لابو فيصل..

ابو محمد:اذا عزمته مااطب بيتك..

ابو سليمان:الله يهديك ياخوي انتم اخوان..

ابو محمد:اخوك انت بس انا لا..من متى ولدال...يصير اخوي؟؟(ابو محمد اخو ابو سليمان من الاب..وابو فيصل اخو ابو سليمان من الام)

ابو سليمان:لا تنسى انه اخوي..

ابو محمد:وانا اخوك..ولد ابوك..المهم ابي اجي انا ومحمد..

ابو سليمان:الله يحييكم البيت بيتكم..

دخل عليهم سليمان..وحب راس عمه

سليمان:الله حيه..

ابو محمد:الله يحييك..والحين اتركم عندي شغيلات ابي اقضيها واجيكم الليله

ابو سليمان:مع السلامه...

جلس سليمان بالكرسي..

سليمان:غريبه عمي شعنده جاي؟؟اول مره يجينا بالرياض؟؟

ابو سليمان:ويبي يسير علينا هو ومحمد ومايبي عمك ابو فيصل يجي..الله يستر منه..المهم شصار على الصفقه؟؟

وكملو حديثهم عن الشغل..



















--------------------





























لابسه بنطلون جنز ولابسه بلوزه طويله ذهبي ومسويه شعرها غجري..وحاطه روج احمر.. كان شكلها جنان..

جلست تنتظره بالصاله..

كان لابس جنز وتي شيرت اخضر اخذ البوك من الطاوله وطلع للصاله..

ناصر:تأخرت عليك ياجميل..وجلس جنبها..

ليلى:لا..نصور حاسه ان فيك شيء..انت ناوي على شيء؟؟

ناصر:مسك ايدها وصار يغني...ناويلك على نيه بس انت اصبر شووويه

ليلى:اقول اسكت لا تسمعك احلام تعتزل..

ناصر:هذا بدل ماترفعين معنوياتي شوي..

ليلى:انا مااعرف اجامل....

ناصر:طيب دامك ماتعرفين تجاملين..شرايك فيني؟؟

ليلى:تهبل وتجنن وتاخذ العقل بعد...(ناصر وما ادراكم من ناصر..طويل مع اكتاف عريضه جسمه حلووو بشهادة الكل..شعره مو ناعم ولا خشن بس اقرب للنعومه..لونه اسود متوسط الطول يعني اذا لبس الطاقيه يطلع شعره من تحت..عيونه لوزيه بعدسات عسليه..وحواجبه مرسومه رسم..خشمه حاد ..حنطي وله شارب بس...اجمل شباب العايله هو)

ناصر:بسسسس؟؟

ليلى:وطيب وحنون وكريم ..

ناصر:وبسسسسس؟؟

ليلى:وبسسسسسسسسسس

ناصر:وماانحب؟؟؟

ليلى:لا ..ههههه امزح امزح

ناصر:على بالي بعد...ماجاوبتي؟؟

ليلى:نصووووووور انت ليش تبي تحرجني؟؟

ناصر:مو انتي مسويه نفسك قويه وصريحه جاوبيني؟؟

ليلى:استحي..الحين قولي وين بنروح؟؟

ناصر:ياحلو التصريف...والبسي عباتك لاننا تاخرنا..

ليلى:طيب وراحت تلبس عبايتها...

ناصر:بعد لعشر..

ليلى:خلصت قبل لاتعد...

ناصر:يالله مشينا..ومسك ايدها وطلعو...



















-------------------------

























بعد صلاة العشاء..

في مجلس ابو سليمان..

ابو سليمان:ماادري شقولك بس لازم اخذ راي البنت..

ابو محمد:ومن متى البنات لهم راي..البنت مالها الا ولد عمها وهو اولى بها

سليمان:حنا وين عايشين؟؟

ابو سليمان:سلييييييمان..

ابو محمد:اذا تكلمو الكبار يسكتون الصغار..

سليمان ماتحمل وطلع من المجلس..ودخل للبيت..

كانت جالسه بالصاله تنوم سديم..

سلمى:حبيبي شفيك؟؟ونزلت سديم واتجهت له..اجلس..وراحت تجيبله مويه..مدت له الكاس شرب شوي واخذت الكاس منه...

سليمان:مشكوره..

سلمى:متهاوش مع احد؟؟

سليمان:عمي رفع ضغطي..استغفر الله العظيم يبي يمشي العالم على كيفه..

سلمى:وش صاير؟؟

سليمان:يبي عبير لمحمد ولا بالغصب..

سلمى:لا تحر نفسك انت داري ان عمي مايطيعه..لا تخاف..

سليمان:بس كلامه يقهر..وفتح زرار ثوبه..

سلمى:طنشه...تبينا نرجع للبيت..

سليمان:ليه..تعبانه؟؟ويمسك ايدها..تحسين بشيء..تعالي اجلسي..

سلمى:لا تخاف علي..شيء طبيعي..(حامل بالشهر الاول)

سليمان:انتي كل حملك ما صارلك كذا..هذا شكله طالع على عمي ابو محمد..

سلمى:ههههههه بسمالله على جنيني..لا تفاول عليه..

سليمان:اما اذا طلع عليه بانتحر..هههههه

سلمى:روح جيب ناصر تلقاه نايم بغرفتك وانا بقوم سديم..

سليمان:انا بقومهم انتي لا تسوين شيء..اهم شيء راحتك ياقلبي..

سلمى:ابتسمت..الله لايحرمني منك..



ورجعو لبيتهم..





















---------------

























غرفة ميساء:

تكلم غدير بالتلفون وهي تدور..

ميساء:والله من الحظ..يوم بغيتها تطلع معزومه..افف اعصابي بتحترق

غدير:حاسه فيك بس شنسوي..طيب ليش ماتقولين لامك؟؟

ميساء:مافي غير كذا...بسسسس

غدير:شفيه بعد؟؟

ميساء:شتتوقعين يسوي؟؟ممكن يفك الخطوبه؟؟

غدير:وانتي تلومينه اذا سواها..

ميساء :جلست على كرسي المكتب..بس انا ماسويييييت شيء هو فاهم غلط..

غدير:بس اذا مافهم عذره معه احمدي ربك ماذبحك بالسوق..

ويقطع حديثهم صوت الشغاله..

الشغاله:مدام فهد يبي انت..

ميساء:فهد هنا..طيب الحين اجي..وترجع تكلم غدير...سمعتي اكيد درى

غدير:لو درى كان شانققك الحين...تعوذي من ابليس وروحي شوفي شعنده ودقي علي طمنيني

ميساء:طيب...سكرت من عندها وراحت تغير بجامتها وتلبس جلابيه ناعمه..













دخلت الصاله وقلبها يدق بقوه سلمت وجلست ..

فهد:انتي وينك لا تسألين ولا تسيرين علي؟؟

ميساء:ارتاحت شوي وصارت تعدل شعرها..ابد انشغلت بالجامعه..وين ريم(زوجته)

فهد:خلاص وديتها لاهلها لان ولادتها قربت..انتي ما تسألين عنها؟؟

ميساء:لا والله ادري اني مقصره..انشاءالله بادق عليها..امي وين؟؟

فهد:هذا وانتي عايشه معهم ماتدرين؟؟

ميساء:اليوم ماطلعت من غرفتي وهي ماقالتلي شيء..اكيد راحت للجيران..تبي احطلك العشاء..

فهد:بروح اغير ونتعشى..

ميساء:بتسكن عندنا..

فهد:اخاف عندك مانع؟؟

ميساء:لا مانع ولا شيء البيت بيتك..وطلع لغرفته..

ميساء:لا.. حظي شيييء....بحياتي مالتقيت معاه بمكان والصدفه جمعتني معه بالسوق ولا بموقف لا احسد عليه..ويوم ابي سلمى تطلع معزومه..ويجي فهد..الله يستر يااارب حاسه انه فيه شيء بيصير...













-------------



























ايطاليا..



دخلت محل هدايا واشترت ميداليه وخلته يكتب عليها

ilove you





دخلتها بشنطتها علشان ماينتبه وجلست على الكراسي تنتظره..

ناصر:عسى ماتأخرت عليك..

ليلى:لا ماتأخرت...قصيت تذاكر..

ناصر:ايه تبين شيء قبل لا ندخل السينما..

ليلى:لا مايحتاج..

ناصر:لا بناخذ بوب كورن وبيبسي ..ومسك ايدها ودخلو للسينما..















-------

















مستحيل مستحييييل..انتي متأكده؟؟؟

شيخه:متأكددده...

نوال:شالت الحاف من عليها..قامت من سريرها (لابسه بجامتها وشعرها منتفش..توها قايمه من النوم)وانتي مقومتني من النوم علشان هالخبر؟؟؟

شيخه:جلست على الكرسي اللي بجنب السرير...ليه هالخبر مايستاهل انك تقومين علشانه؟؟

نوال:انتي كذااابه..رجعت شعرها على ورى..تمزحين صح..

شيخه:اقوولك الملكه الشهر الجاي..تقولين امزح..اشتري جاهز لانه مايمديك تفصلين..

نوال:يملك على غيري؟؟؟ماصدق ماصدق...وشلون وانا؟؟

شيخه:انتي؟؟؟ انتي اغبى مخلوق شفته..ضيعتي حياتك على الفاضي..ارجعي لزياد احسن..هذا اذا وافق..

نوال:برررىىىى برررى

شيخه:عن اذنك...وطلعت

نوال:مستحيل يتم هالزواج مستحييل..حسين لي انا وبس...وانهارت على الارض تبكي..

















-------























بعد ماخلصو الفيلم رجعو للفندق..

ادخلت الجناح واتفاجات معقوله هذا جناحنا..

ليلى: تبي ترجع للباب علشان تطلع وكان هو واقف عنده..ههههه ناصر شكلنا غلطانين دخلنا جناح غلط..

ناصر:لا غلط ولا شيء..ومشاها للداخل..شرايك بالمفاجأة..كانت الغرفه كلها مغطيه بالورد والشموع وبالطاوله كان فيه تورته ومكتوب عليها

iloveyou loly





ليلى:يجنننننننننن رووووووووعهالتفتت له.. متى سويت هالشيء ؟؟

ناصر:سر ..بروح اخذ شور.. لا تنامين..بنسهر اليوم سهره معتبره

ودخل ياخذ شور..

ليلى: جلست بالكنب اللي بالصاله..وشلون اعطيه الميداليه؟؟؟خليني افكر بطريقه....



















--------------



















المستشفى

كان عنده شيفت بالليل وكان جالس بالحديقه يفكر ..

مؤيد:السلاااام عليكم..

فيصل:هلااااا ويسلم عليه..من زمان عنك..

مؤيد:ياخوي شسوي تعرف الامتياز مايخلونك تتنفس..شعندك بالحديقه

فيصل:اخذ نفس..زهقان وملان..انت خلص دوامك

مؤيد:لا بقالي ساعتين واطلع..خالد شخباره؟؟

فيصل: بخير..جاه نقل للرياض وترقيه..

مؤيد:انا جوالي انسرق وضاعت كل الارقام..

فيصل:وانا اقول الكل يسأل عنك حتى سليمان...تبي ارقامهم..

مؤيد:ياليت..واخذالارقام...تر دد...اقول فيصل..امي ماتعرف اخبارها؟؟

فيصل:وهو مستغرب..انت ماتكلمها؟؟؟

مؤيد:غصبن علي يافيصل...ابو عهود مهددني انه يطلقها اذا درى اني اكلمها او اشوفها وبصراحه خفت على امي .

فيصل:وامك تدري؟؟

مؤيد:لا ماقلتلها شيء..خفت تتهاوش معاه والضحيه تصير عهود...انا ابي عهود تعيش مع امها وابوها مابيها تصير زيي..وانا ادري انه بيحرم عهود من امي..اضحي انا احسن..

فيصل:صار يربت على كتفه..الله يصبرك ويعينك..بس تدري انا عندي فكره..شرايك نعزم امك عندنا وتشوفها ببيتنا..

مؤيد:وابو عهود؟؟

فيصل:شيدريه..انت توكل على الله ..بس انت ليه ماقلتلنا من زمان..

مؤيد:قلتلك ضاع جوالي وانا مو حافظ ارقامكم..وانشغلت بالدراسه بس الحمدالله اني لقيتك..وخفت اروح بيت خالتي واشوف ابو عهود هناك...لا تنسى انه صديق ابو سليمان..رن جواله وطلعه من جيبه..والحين اتركك يدقون علي.. اشوفك بكره

فيصل:على خير..وبعد ماراح مؤيد..الحمدالله على كل حال كلن تهون مصيبته لما يشوف مصايب غيره..

سمع اخر جمله..

زياد:وش هي مصيبتك... وجلس بجنبه..

فيصل:بسم الله انت مارحت للبيت..

زياد:لا مارحت..قولي شفيك انت من يوم رحنا السوق وانت حالك مو عاجبني..الا اذا معتبرني غريب هذا شيء ثاني...

فيصل:اااه يازياد...تدري وش اصعب شيءبهالحياه..انك تظن اللي قدامك ملاك ويطلع شيطان..تظنه ورد ويطلع شوك..تظنه دواء ويطلع سم..تظنه ماء ويطلع سراااااب..

زياد:وهذا اللي غاثك؟؟ طيب هذا حال الدنيا..قولي شصاير؟؟

فيصل:بفصخ خطوبتي..

زياد:ايييييييش!!!!!





















---------------



























ايطاليا

لبست فستان تركواز قصير ماسك عند الصدر بعدين يتوسع وفلت شعرها الطويل ولبست صندل فضي ناعم وحطت مكياج ناعم مع روج فوشي فاقع حطت عطرها المفضل وقبل لاتطلع للصاله اخذت الميداليه..

ليلى:هذا انسب وقت..ابتسمت لنفسها وطلعت..

كان جالس على الكنب والتورته قدامه على الطاوله..انتبه لها..

ناصر:...شخصت عيونه..وهمس..لا اله الا الله مشاء الله

ليلى:شفيييك؟؟

ناصر:وتسألين بعد..وابتسم تعالي تعالي اجلسي جنبي..

ليلى:اجلست بجنبه وقبل لا تقول اي كلمه

ناصر:غمضي عيونك..

ليلى:ليش؟؟

ناصر:حبيبتي بسس ثواني ..اصلا انا مااصبر عن عيونك الحلوه..بس مضطر اخليك تغمضين..

ليلى:وهذا انا غمضت..

ناصر:طلع شيء من وراه فتح العلبه المخمليه وطلع عقد الماس فخم ولبسها ..ليلى عطيني ايدك..مدتله ايدها ولبسها الاسواره والخاتم...قومي معاي بس لاتفتحين عيونك..

ليلى:انشاء الله بس انتبه لا اصقع لي شيء..

ناصر:لا تخافين...ووصلها لعند المرايه...فتحيييي.

ليلى:ماصدقت عيونها..صارت تطالع المرايه وتطالع ناصر..بعدين دمعت عيونها..

ناصر:مسك ايدها..حبيبتي شفيك؟؟ماعجبك؟؟

ليلى:الا عجبني..بسس

ناصر:بس ايش؟؟قولي ترى من جد خفت..

ليلى:مدت الميداليه له..

ناصر:اخذها وقرى الكلام اللي فيها..وطار عقله..

ليلى:ادري انها تفشل وتستاهل اكثر من كذا..قطع كلامها ناصر..

ناصر:تدرين عاد انها احلى واغلى هديه عندي..يكفي انها منك..حب راسها.ومسح دمعه نزلت من عينها.مابي دموع نبي نستانس..والا شرايك..؟

ليلى: ابتسمت...رايي من رايك...