[taman]

الـــــــــجزء الــــــــسابـــــع





بيني وبينك تحكم ايام وسنين

وانا شاهدي قلباَ من الغدر ماتي

لو كان عذرك في كفوف الموازين

لا كان ربح لكل غدر البناتي











جربت من الطاولة شفت الي يالس كان حمييييييييييييييييد هيه حميييد متأكدة انصدمت من الشي الي كان في ايده والي زاد صدمتي أني ما شفت الحرمة الي كانت وياه ويييييييييييييييين راااااااااااااحت طنكم ؟؟؟؟؟؟؟

وشو السالفة هذا حميد الي حاقد على البنات؟؟؟؟؟؟؟شو الموضوووووووووووووع؟؟؟؟



جربت اكثر وانا فاتحة عيوني لاحظت انه ما انتبه اني موجودة لانه لو انتبه كان صد عليه



الصراحة ما توقعت ان حميد يدوووووووووووخ ........... معقولة عيل ليش هو بارد



احيد الي يدوخون يعصبون غريبة الصراحة ......... بس لحظة هله يعرفون انه يدوخ



لحظة انا فشو افكر وين راحت الحرمة الي كانت وياه........... انا متاكدة انها كانت وياه



الله يهديج يا حصو ليش زقرتيني جان شفتها .........شوي لمحت الحرمة الي شفتها يت



بس يلست على الطاولة الثانية .؟؟؟؟؟؟......... غريبة شو الموضوع انا الظاهر بتخبل اليوم



شفت حميد يضحك بصوت عالي حتى انتبهت ان كل الي في السنتر اطالعوه ...........الظاهر انه يرمس في التلفون



وشكله يرمس ربيعه لاني شفت واحد يتجرب منه وكان حاط السماعة ..........لاء انا اليوم أكيد بتخبل



اكيييييييييد لا محالة ........ شفت حميد صد صوبي الصراحة فتحت عيني شرات الخبلة شفته خزني بنظرة



وهز براسه بمعنى روحي .......... استغربت اكثر بلااااااااااااااه هذا شو السالفة ؟



انتبهت أنه وايد معصب واني لو تميت هني ما اظمن شو بيستوي ليه



صديت بسرعة ويلست امشي جني تايهة ............. شوي وانتبهت لصوت خفيف



حصة :عليا



رحت ويلست على الطاولة طالعوني مستغربين .......



لميا:شفيج



منى :عليووووووووو بلاج



عليا:ما فيني شي



تصنعت الابتسامة



حصة:انزين يبنا اكلج يلا تعشي صارت الساعة ثمان نبغي نظهر



عليا:اوكي



يلست اكل وانا احاول ما افكر في الموضوع ما ابغي افكر الصراحة واسرح جدامهم ما فيني على الاسئلة



.......... المهم خلصنا الاكل وقمنا طلعنا من السنتر



الحمدالله ان الدريول هو الي يسوق ......لانه لو كنت انا الي اسوق جان اكيد....سويت بهم حادث وجتلتهم



ساد الهدوء السيارة وهذا الي ما كنت ابغيه لأن الافكار ردت ليه



الصراحة الموضوع يحير مب يحير بس الا يخبل بعد .......... اسئلة وايد تدور في بالي الحين



منو هالحرمة ........ وشو علاقتها بحميد ......... ووين اختفت ........... هذا السؤال الي بيخبلني كانت



يالسة وياه أنا متأكدة مستحيل عيني تخدعني ......... وين اختفت فجاة وليش لما رجعت ما يلست وياه



حمييييييييييد من متى يدوخ........ اهله يدروووووووون ..........غريبة دامه يدووووووووخ ليش جي بارد هوووووووووو..........





لحظة ..........لحظة .......... ليش كان يخزني بعينه .......... هذا الي بيموتني من القهر حتى في السنتر يبغي يستقوى ماااااااااااااااااااااالت عليه



انا شلي معورة راسي وياه .......... خلا يولي هالبعبع



صديت على حصة ........ وين اختفوا لميا ومنى ؟؟؟؟؟؟؟؟؟



شو السالفة الناس اليوم شو صاروا سحرة ولا شووووووووووو؟



عليا:حصو وين لميا ومنى



حصة :صباح الخير.............. نزلوا



عليا صديت على الشارع:ليش نحن وصلنا الشارجة



حصة:لاء والله ..........شفيج عليو اليوم متاكدة مب مستخنة



لاء بس اذا تميت افكر بسخن اكيييييييييييييد



عليا:ما فيني شي



شوي ووصلنا بيت حصة



حصة:اوكي حبيبتي يلا وداعة الله



عليا:وداعة الله



نزلت حصة وانا حضنت ايدي آآآآآآآآآآآآآآآآآآآآآآآه حاسة ببرد ............ اووووف أكيد ابوية الحين بيقولي ما تسيرين مرة ثانية السكي



أووووووف شو هالحالة...........وصلت البيت نزلت ودخلت البيت مشيت في الحوي لين ما وصلت البيت ............أوووووووف حوي هالطول حشا



دخلت البيت وشفت ابوية في الصالة .......... بلاه ابوية ما قام يطلع هالايام ...... وين بيطلع وهاي يالسة على راسة



مالت عليها



عليا:السلام عليكم



ابوية ونورة :وعليكم السلاااااااااام



ابوية :بلاه ويهج



عليا قلت وانا خايفة :بلاااااااااااااااااااااا� �اااااااااااه



ابوية:مصفر



حشا لحق يصفر



عليا:لاء من التعب يمكن ..........



رفع ابوية عينه يطالعني باستغراب :شو تعبه بعد ....... شو تسوين جي أنتي



كل شي جاهز جدامج



اوووووووووووووف بدا .......بالاسطوانة الي مكرهتني حياتي



عليا:أبوية أنا بسير أغير ثيابي



ناصر :سيري



رحت فوق وعلى طول على الحمام تسبحت بماي دافي



بس الظاهر ان الماي الدافي زاد عليه الي فيه لأني زجمت



طلعت من الحمام وأنا ميته وعيوني مدمعة اووووووف جان مرضت باجر مب اليوم جان استاذنت من الدوام وطلعت الحين ما اروم لازم اروح



آآآآآآآآآآآآآآآآجوووووووو وووو عطست عطسة خلتني احس اني من بعدها بموت



:عليا:آآآآآآآآآآآآآآآآآه بموت خلاص .............يا ربي كله ولا الزجام اموت منه الصراحة





لبست بجامه لونها بيج وفيها دباديب صغار بالوردي



أوووووووف وايد برد الصراحة كله من حميد لازم اشوفه يعني ......... الصراحة انا مب أشوفه لازم يصيرلي شي نحس



صدق أنه نحس ............ تعالوا جنه باجر الخميس ولازم اسير عزيمة خالي



لاء ياربي لا تقوووووووول اسير وانا جي بيزيغون من ويهي يا ربي بموووووووت



اووووووووف فتحت كبتي وطلعت منه أول جاكيت جدامي كان لونه برتقالي فاقع



أدري مب لايق بس شو اسوي ما اروم ايلس أتنقى وانا في هالحالة



لبست الجاكيت وحسيت براحة ياربي



اتذكر اني ما خليت مكان الا لفيته.... عسب ادور على هالقمصان الي لونهم فاقع مثل الاصفر والبرتقالي



ادري ان ابوية يقول مينونة بس يعيبوني ما ادري ليش .......يمكن احب اكون متميزة



هههههههههههههه الصراحة محد فاهم ذوقي ههههههههههه تبون الصراحة انا مب فاهمة بعد



قطع عليه تفكري عطسة ما ادري كيف ظهرت





االمهم حطيت لوشت في ويهي ونزلت تحت



نزلت واول ما شفت ابوية يطالعني بعين مفتوحة ما ادري ليش عطست



هذا وقته الحين ما فيه انا على المحاضرات





رحت ويلست شفت شهد يالسة: شهودة حطي

lbc

أبغي الحق على البرنامج



ناصر:شو فيج أنتي مريضة



عليا:ها هـــ...آآآآآآآآآآآآجوووووو ........آآآآآآآآآآجووووووو ....هيه مريضة



ناصر: هذا كله من السكي ....... يوم اقولج لا تسيرين ما تسمعين الرمسة



عليا:ابــــ .......آآآآآآآآآآآآجوووووووو� �و...... أبوية خلاص توبة



ناصر:هي دومج انتي اصلاَ ما تسمعين شور حد الي فراسج تسوينه



بدا الحين يا ربي



عليا:آآآآآآجووووووووو



صديت على نورة:هذا اكيد حد داعي عليه



شفت نورة تطالعني بانكسار وحليلها طيبة ما تتمنالي الا الخير ......... مالت على الويه



شفت ابوية يحاول يغير الموضوع : انزين وبنات عمج يو معاج



عليا:هيه



سكت ابوية فجاة زين اني قلت هالرمسة ما بغى يغير السالفة



الله يعني باجر شقا بروح الدوام



صديت على التلفزيون وزين لحقت على أخر البرامج (ستار أكاديمي ) يوم يقولون ليش اختاروهم نومينيه



المهم وايد زعلت على البحريني الصراحة غمضني



يا رب يتم



خلص البرنامج شفت نورة تقوم بتنوم شهد وفطوووم



وقام ابوية رايح صوب مكتبه .......... طالعت حولي شفت المكان فاضي وما فيه حد



الصراحة ما ادري حسيت بضيج



طلعت برع......ورحت الحوي ....... يلست على الكرسي الي في حديقة البيت ورا



كان ليل والجو روعة تاملت القمر كان مكتمل الظاهر نحن في نص الشهر



ما ادري ليش حسيت ان صورة اماية انرسمت على القمر كانت تتطالعني بعين حزينة



ليش يا ربي ليييييييييييييييييييييييش ؟؟؟؟؟؟؟ ليش هالحزن في عيونها ........ يا ترى هي مب مرتاحة ....ولا



مب مرتاحة لحالي؟؟؟؟؟؟؟؟؟؟ ليش شفيه حالي ؟؟؟؟؟؟؟ أنا ما فيني شي؟؟؟؟



الصراحة كنت احاول اهرب من الواقع المر الي كنت عايشة فيه



شوي ولا واصلني مسج من لميا



كان



لي الفخر في خوتك لا تكلمت

والحر مثلك للمعالي صعوده

جربت أنا الدنيا ومنها تعلمت

إن الذي شرواك ناااااادر وجوده



تذكرت عمي سالم اكيد لين الحين زعلان مني بس فكرت ارد على لميا بالاول



محبتك بالقلب والله عميقه

وانا بقلبي حاجز لك مكاني

هذي الحقيقه كان تبغي الحقيقة

وهذا كلام الصدق مافيه ثاني

كانك تمنى شوفتي بالدقيقه

أنا أتمنى شوفتك بالثواني







فريت المبايل على الطاولة الي جدامي ويلست العب بصبوعي



الملل الصراحة حاصرني من كل مكان شو اسوي ما ادري



اوووووووووووف مليت نشيت ودخلت داخل البيت شفت الساعة كانت عشر ونص



ما ادري ليش يوم شفت الساعة يتني عطسة من دون سابق انذار



ابتسمت على عمري ورحت فوق عسب أرقد



رحت فصخت الجاكيت وبندت الليت وتلحفت ورقد



بس شوي حسيت أنا الجو قام يصير وايد بارد



مديت ايدي على كنترول المكيف وسكرته



شوي وبندت عيني ما وعيت الا على صوووووووت مزعج ازعجني وايد



كان صوت المنبه وأنا كنت وايد بردانة وحاسة جسمي كله مكسر



يا ربي حاسة بخموووووول



كانت الساعة ست وربع اوووووووووووف لازم دوام يعني انا مريضة ما اروم اروح



بس حمييييييييييد ......أووووف الصراحة ما فيني على فلسفته



يا ربي قمت بتكاسل أول ما حطيت ريولي على الارض ..........صرخت صرخة اووووووووف الارض باردة وايد



دورت بعيوني على نعالي الفرو ..............بس كان وايد بعيد فضطريت اني أمشي لين ما اوصله



الصراحة كنت احس بمعاناه ............احس عمري عيوز.......يا ربي عيزت قبل يومي



رحت لبسته ورحت الحمام تسبحت بماي دافي .... بس حسيت زاد عليه المرض



ما ادري الصراحة شو سالفته هالماي قام يزيدلي المرض الله يخسه



تلبست والصراحة ما ادري شو لبست ؟..... شليت اول شي جدامي



لما شفته كان قميص هاي نك بايد طويلة لونه بني وعليه كلام بالصيني مكتوب بالبيج



وتحت بنطلون بني عليه تنورة قصيرة بيج وبني



المهم الحمدالله متناسق



رحت شفت عمري في المنظرة



الصراحة ما فيني أحط ميك اب احس مالي مزاج



حطيت جحال بس عسب لا يزيغون من شكلي



ونزلت قصتي ....... لبست عباة سادة ما فيها شي وعليها وقاية سودة عليها نقش بالأسود



لاء اليوم انا اكيد في عزاء



شليت شنطتي ونزلت تحت



شفت الريوق جدامي بس ما اشتهيت اكل شي حتى الهوت شوكلت الي تعودت اشربه ما شربته كله



ركبت سيارتي وتحركت على طول مب دون لا اسخنها حتى



وصلت الشركة وكانت الساعة سبع وربع



دخلت الشركة وتوجهت على طول على قسمنا



دخلت المكتب ما كان فيه حد ولاول مرة في حياتي من داومت ادخل المكتب وحميد بعده ما وصل



المهم يلست على مكتبي



وفتحت الوقاية حطيتها على اساس مفتوحة لأني لابسة هاي نك ما مبينة رقبتي



فتحت شنطتي وطالعت عمري كان ويهي مسمر ومحمر



يعني بالمختصر شاحب



شوي ودخل عليه موظف اسمه محمد



محمد:يسعدلي هالصباح



طالعته بابتسامة ميته:هلا



محمد:شو مريضة



عليا:هيه



محمد:سلامتك ما بتشوفي شر



عليا:الله يسلمك من الشر



محمد:أستاز حميد اجا



عليا:لاء بعده



محمد: طيب بس يجي ناديني



عليا:أوكي



شوي وطلع محمد من المكتب



مرت حوالي ثلاث دقايق شوي ولا واحد داخل عليه وهو بكامل كشخته ولابس نظارة شمسية سودة

كان حميد..............لازم تكشخ اليوم يعني يوم انا ما اقدر أكشخ عسب انقهر........



حميد: صبااااااااااااااااح الخير



رفعت راسي:صباح النور



شفته وقف مرة وحدة جنه أنصدم من شكلي



حميد: وهو مبقق عينه وبصوت واطي:شفيج



عليا:ما فينــــ ...آآآآآآآآآآآآآآآآآآآآجوو� �ووووووووو





حميد:ههههههههههههههههههه مريضة



عليا:لاء مسخنه



فجاة نقع من الضحك..........بلاه هذا ما يشوف حالتي ....... صدق ما يستحي



حميد:هههههههههههههههههههه� �هههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههه



حميد وهو يفسخ النظارة :وشو الفرق ....اذا مسخنة مب مريضة ولا شو



صدق هذا فايج ما يستحي حتى الحمدالله على السلامة ما قال هذا بدل لا يقولي روحي البيت المهم راحتج








حميد:على العمووووم الحمدالله على السلامة



عليا: الله.. يســـ................ آآآآآآآآآآآآآآجوووووو





ابتسم ابتسامة استهزاء ودار ويهه .......... مالت على ويهه السبال مستانس بعمره يعني



أكيد شمتان فيني ......... هيه يباها من الله



عليا :استاذ حمـــ................آآآآآآآآآآآآ آآآجوووو





وقف من دون لا يصد:نعم



عليا :ممكن ارجع البيت



حميد وهو بعده على حاله معطني ظهره :لااااااااااااااااااااااا� �ااااء



وراح من دووون لا يعبرني



شليت القلم الي جدامي وفريته على الباب



اول ما فريته غطيت ويهي وانا أصرخ :أمي



لأن القلم يا على راس حميد ....... شكله توه بيطلع



حميد:مينونة انتي



رفعت راسي اطالعه وانا خايفة



أمييييييييييييييييييييييي يييييييييييييه





شفته يطالعني



بعين مفتوحة



اميه ليكون يته الحالة .............لاء لاء أنا رايحة فيها لا محالة



شفته خذ نفس وهدا شوي



وبعدين جنه تذكر شي



حميد:هي صح نسيت انا هالسالفة بعد



لاء هذا اكيد فيه جني ......... حالات الصراحة



يا ربي لا تظهر الجنانوة الحيييييييييييييييييييين



حميد:حضرتج امس يوم شفتيني في السنتر وقفتي وبحلقتي عينج ليييييييييييييييش .............ها



الحمدالله ربيعي ما انتبه ما ادري الصراحة لو سألني بلاها هذي تعرفك ؟؟؟؟؟شو كنت بقوله



..... أنا ادري انج بنت عمي لكن الناس ما تعرف ........ فلو سمحتي مرة ثانية يوم تشوفين حد تعرفينه من هلج



وكان ويا ربعه وحتى لو روحه سوي عمرج ما تعرفينه .............مفهوووووم



بلعت ريجي: مفهوم



حميد: انا رايح اجتماع وما اظن ارجع لين اخر الدوام ...... وانتي تمين لين ما ينتهي الدوام



تدرين لو عرفت انج ظهرتي بتندميييييييييين أوكي



راح من جدامي بعد ما سوالي عاصفة في المكان



صدق عاد نذل ........اشتغل عنده شغل النذالة السبال يا ربي



اوووووووووف





يبت الملفات جدامي وكملت شغلي



والحمدالله لانها سلتني لين ما خلص وقت الدوام



المهم طلعت من الدوام وعلى طول على البيت....... حتى ما تغديت غيرت ثيابي وعقيت عمري على الشبرية وانا احس جسمي كله مكسر



آآآآآآآآآآآآآآآآآآه بموت اليوم خلاص لا محالة



تشهدت قبل لا ارقد ما ادري الصراحة يمكن أموت...........ههههههههههههههه� � صدق مينونة



رقدت بس ما حسيت الا بواحد يالس عندي



ناصر:يلا بابا قومي



رصيت على اللحاف وغطيت ويهي:ما ارووووووووم



ناصر:يلا بلا كسل



حطا ايده على يبهتي :مسخنة أنتي





عليا:هيه كم مرة تسالوني هالسؤال



ناصر:زين قومي يلا بنسير بيت عمج



عليا:ما اروم



ناصر:عمج روحه زعلان منج بعد ما تسيرين يالله قومي بلا كسل



عليا:أبويــــــــــــــــ� �ـــــــــــــــــــــــة



ناصر :قومي با با قومي يالله



قمت وانا أتافف رحت تجهزت ولبست



بس الصراحة ما فيه أتعدل............... بس كلهم اليوم بيكونون موجودين



أوووووف روحي حالتي حالة بعد يودوني ياربي شو هالحالة



تلبست وحطيت مكياج خفيف بس بين اني تعبانة بعد يا ربي



اوووووووووووووووف ما أدري شو اسوي





شليت شنطتي الوردية ..................... لان لبسي لونه وردي





ونزلت تحت شفت الكل جاهز الا السنيوريته نورة



شوي وانا يالسة بملل العب بأظافري نزلت ............والظاهر ما انتبهت اني يالسة لانها قالت لابوية: شرايـــك



بس سكتت مرة وحدة لما شافتني يالسة ..... الظاهر انصدمت



شفت ابوية يبتسم : قمر



رفع حياتي بمعني :لاء والله



ضحك أبوية وقام: يالله روحنا



قمت وشفت نورة مشت وهي قافطة



ومشو وراها خواتي فاطمة وشهد.........الي يشوفهم يقول المطرازية مالها



مشيت انا ورا



التفت ابوية ليه:ليش ورا تعالي جدام



عليا:لاء عادي امشي انت



ناصر:ليدي فيرست



اطالعته وفي عيني قهر والظاهر أبوية انتبه لانه ابتسم : وباسني على خدي



ناصر:فديتج والله .........أنتي محد يسواج



حسيت ابوية يبغى ينسيني الموضوع وعسب لا اضايجه سكت



المهم ركبنا كلنا



كانوا حاطين اغنية عبدالمجيد( انسان أكثر)



قال ابوية هذا حق ناس عيونهم عسلية



ابتسمت لأنه يقصدني .........لأني اليوم حاطة عدسان عسلية



شوي واذا نحن واصلين بنت عمي سالم



نزلت وانا افكر كيف براضي عمي ادريبه زعلان وخاصة اني ما اتصلت فيه اعتذر عن ييتي ذاك اليوم



دخلنا وشفت الكل تقريباَ موجود ما عدا شهاب ومروان الي ما شفتهم



حتى حميد ما شفته



أول ما دخلت شفت عمي يالس وعنده حميد



اول ما دخلنا الكل صد الا حميد ما سوا سالفة لدخلتنا



المهم سلمت عليهم مديت ايدي عسب اسلم على حميد مد ايده من دون لا يرفع راسه الصراحة قهرني



ندمت اني سلمت عليه هذا مب ويه حد يسلم عليه



مديت ايدي لعمي سالم وانا ابتسم



مد ايده يطالعني على اساس هو زعلان :

وقالي باستهزاء :هلا



ضحكت:هههههههههههههه عمـــــــــــــــــــــــ ـــــــــــــــــــي آآآآآآسفة........والله نسيت



سالم:لاء والله ............أنا قايل ما برمسج............... بس عسب لا احرجج جدامهم سلمت عليج اليوم بس لا تفكرين ترمسيني



ابتسمت وطالعة سارة حرمته:عيل سارة ترمسني



سالم:كيفها



ناصر:هههههههههههه ذليت بنتي ما يسوى عليها



سالم :تستاهل



أبو حميد:بلاكم على عليا ..........شو سوت وحليلها



سالم:هاي وحليلها ......... هاي الشر بعينه



صديت ويهي الصوب الثاني وشفت حميد يطالعني باستهزاء



ما هتميت به



ورحت يلست في حضن عمي :



شفت عمي ابتسم



عليا:خلااااااااااااااص آآآآآآآآآآآآآآآآآآآسفة حقك عليه



سالم:أنزين قومي عني كسرتيني يا دبة اخر مرة تسوين حركة النذالة هاي



مفهوووووووووووووووووووووو وم



عليا:مفهوم............ابتسمت لأني حسيت عمي استحى



قمت بس ما وحالي :الا وانا ...................... اآآآآآآآآآآآآآآآآآآآآآآآج وووووووو





الكل مرة وحدة:يرحمج الله



سارة:مريضة انتي



عليا:هيه شوية مب وايد



عمي بو حميد:كيف مب وايد شكلج أصلاَ تعبان ليش ما رحتي المستشفى



عليا:عمي والله ما فيني شي



ناصر:تستاهل أحسن ..........عشان مرة ثانية تسمع الشور



أم مروان:حرام عليك يا ناصر



ما ادري ليش صديت على حميد وشفته يطالع مبايله ما ادري شو يسوي



سالم:وليش تسير مستشفى......... المستشفى كلها هني





ضحكنا كلنا على سارة الي انحرجت :هههههههههههههههههههههههه� �ههه



سارة:سالم





سالم:هههههههههههههههه فديت دكتورتي انا



أم مروان (أم لميا) :لا امي لازم تسيرين مب زين جي



عليا:ان شاء الله



أم حميد:جان سرتي الصبح شو وراج



عليا:دوام كان عندي (وقلت وانا اشدد على الرمسة...... ما قدرت اطلع)



شفت حميد رفع راسه وأطالعني وهو يبتسم



ابو حميد:حمووووووووود ليش ما طلعتها



حميد حسيته توهق :ها ..... هي ما قالت بعدين انا ما كنت في الشركة يعني ما ادري



شهقت مب جنه هو الي ما خلاني وهددني بعد



بس طوفت السالفة ....... خلاص عرفت نقطة ضعف حميد .........مرة ثانية اي شي بروح عن عمي حبيبي وبشوف شقا يستقوى عليه في الدوام ...........هههههههههههههههههه؟� �

وانا يالسة ارمس شدتني صوت ضحكة مب غريبة عليه كانت ضحكت نورة .........أنزين يا نورة اذا ما احرجتج جدامهم اليوم ما اكون عليا؟؟؟