؟الـــجـزء الــــخــــامـــــــــس عشـر
زمن قاسي؟؟
ما أبي المستحيل !!
ابي موقف!!
أبي انسان اذا صحت
يحس فيني قبل ما اشتكي!!
يواسيني قبل لا ابكي!!
ومن القلب اذا حنيت
الاقي بداخله أحظان!!
فجيت عيني وثمي وأنا أطالع ابوية وفي ويهي كل تعابير الصدمة والمفاجأة ...حسيت قلبي بيوقف من كثر ما كان يدق لدرجة...... اني هب بس كنت اسمع الدقات كنت احس بهم بعد
ما اعرف شو حسيت لحظتها غير ان لساني انربط وما قدرت ارمس
كل الي قدرت اقوله :بــســ
وبعد ما كملتها لأن ابوية قاطعني
ناصر:عليا ..ما أبغيج تستعيلين بالقرار ...خذي وقتج وفكري زين .....بس لو تبين رايي ...ترا حميد ريال ما ينعاب وبعدين فوق هذا نعرفه ونعرف أخلاقه يعني مستحيل يقصر فيج فيوم
فجيت عيني وانا مستغربة من ابوية :خلاص زوجتني وظامن بعد ما بيقصر في حقي
حسيت ابوية تفاجأ من ردي ....... وما الومه لاني انا بعد متفاجأة
ناصر:ما بضغط عليج لأن هذا هب اسلوبي...وفي هالمواضيع القرار الاول والاخير عندج ...وانا قتلج رايي وانتي حرة
قام ابوية بعد ما حسيت ان كلماتي حزت في خاطرة بس ما همني ابوية لحظتها
كل همي أفهم احساس الخوف الي راودني أول ما طرا ابوية الموضوع
راقبت ابوية وهو يطلع من الغرفة ويسكر الباب وراه
انتقلت نظراتي من الباب لين المكان الي أنا يالسة فيه ولقلبي بالذات ما انكر أني تفاجأت فرحت خفت وزعلت
لما ابوية طرا هالموضوع
يمكن تستغربون ...............بس انا مستغربة اكثر من هالمشاعر الي كلها توجهت ليه من هالخبر
بلاج يا عليا ...شفيج خايفة هب هذا حميد الي حبيتيه هب هذا حميد الي ارخصتي بعمرج جدامه ...هب هذا حميد الي قبل فترة اعترفتيله بحبج
عيل هالخوف شو سببه؟؟؟؟.....يمكن يكون خوف من حياة يديدة مب متعودة عليها أو يكون
خوف بسبب اني بهد ابوية الي ما تعودت فراقه ولا بيكون خوف لاني ما ابغي اهد ابوية ونورة ويفضالهم الجو
ويرتاحون مني ... ماأعرف ما اعرف
قمت من مكاني وانا اهز راسي وانا ابغي اتجاهل كل هالمواضيع واطرد كل هالافكار من راسي
وتذكرت حصة الي سكرت في ويها وأكيد هيه الحين زعلانة ....بس أنا هب فاضية اراضي ولا لي بارض الصراحة الحين
تنهدت بحيرة ويلست على الكرسي وأنا اتأمل الارض
أظهر من دوامة حزن لدوامة حيرة وارد ادخل في دوامة حزن واظهر منها بدوامة حيرة
ليش حياتي جيه ....ليش ما اكون مثل باقي البنات حياتهم عادية
ليش وليش وليش؟؟؟؟ وايد اسأله يت في بالي لحظتها
بس استوقفني تفكيري لما سألت عمري سؤال بلا وعي
ليش امي ميته؟؟؟؟؟؟
غمضت عيني بالم ونزلت دموعي وانا استغفر ربي على الي قلتله
...بس صدق كلامي صح
ليش انا هب شرات باقي البنات ...لو امي كانت حية ....ما كنت يمكن بعيش بحزن وقهر بسبب وجود نورة في حياتي
وحتى كان هب ابوية الي بيفتح وياي هالموضوع كانت هيه الي فتحته وكانت رامت تساعدني
أو تفج الحيرة الي فيني أو تجاوب على الاسئلة الكثيرة الي تدور في خاطري الحين ؟؟
ليتها كانت عايشة ............لــــــــــيـــــــ ــت
مسحت دموعي بطرف ايدي وانا اقوم من مكاني ناوية اراضي ابوية الي حسيت ان كلماتي ضايجته وايد
رحت الحمام وغسلت ويهي بالماي البارد
رفعت راسي وطالعت عمري في المنظرة والماي ينجب على ويهي
ابتسمت لحظتها بفرح تذكرت الي انا فيه ............حميد خطبني ....حميد الانسان الي حبيته والي كان حاقد على البنات خطبني
..............يعني قدرت اخليه يحبني .....ولا هو خطبني لشي ثاني
طردت هالافكار من بالي شو شي ثاني مستحيل ....بعدين انا بنت عمه..........ومستحيل يفكر ياذيني
طلعت من الحمام واان انشف ايدي وويهي وفتحت باب الغرفة وانا ازقر ابوية
عليا:ابوية ...أبوية
تصددت حولي ادوره بس
لقيت نورة يالسة في الصالة الي فوق واول ما سمعتني : أبوج في المكتب
عويت بوزي منها :محد سألج
ورحت متوجه للمكتب تحت بعد ما لاحظت ويه نورة ما تغير ....الظاهر تعودت خلاص
لاء قوية صايرة ما شاء الله
أول ما وصلت تحت رحت صوب المكتب وفتحت الباب وانا على ويهي ابتسامه
فتحت الباب بشوي شوي وبحذر شفت أبوية يالس على الطاولة وصاد الصوب الثاني وسرحان ما اعرف في شو
عليا:ويــــل حــــــــالي على الحساسين
لف ابوية راسه صوبي وطالعني
دخلت وانا مبتسمة وخاصة من ويه أبوية الجامد الي ما فيه ولا تعبير
دخلت بعد ما سكرت الباب ويلست على الكرسي الي جدامه وقلت :ابوية بقولك شي
بس قاطعني أبوية وهو يجدم جسمه ويحط ايده على الطاولة :أنا الي بقولج شي عليا
رفعت راسي وقلت :أمر
ناصر:عليا .....أنا عمري ما كان ودي اتخلص منج او افتك ...خلي هذا في بالج انتي بنتي وانا اعزج ...وخاصة انتي ...وانتي تعرفين معزتج عندي ....
طالعت ابوية الي احسه يتكلم وكان في شي على قلبه ووده يتخلص منه .....الظاهر كلماتي وايد ضايجته
قاطعت ابوية وكاني احس أن هالكلام ماله داعي وخاصة انه بدا يضايجني :أبــ..
ناصر:خليني اكمل كلامي
نزلت راسي وقلت :ان شاء الله
ناصر:عليا انا يوم قلت الي قلته ...نصيحة لج ويمكن اني بغيت اعينج على التفكير...وأنا ادري بحساسية الوضع الي انحطيتي فيه ...والي كان مفروض حرمة تكلمج فيه
...بس للاسف الحرمة هب موجودة وهذا قدرنا وما لازم نعترض عليه
نزلت راسي على طاري امي
..ناصر:وهب هذا موضوعنا الحين...موضوعنا يا عليا ان انا هب تام لج على طول .....الله يعلم يمكن انا اليوم هني باجر محد
حسيت دمعت عيني بمجرد ما قال ابوية هالكلمة ونزلت راسي وانا أقول :الله يطول بعمرك
ناصر تنهد ابوية وكمل كلامه :يا عليا اذا ابغي افرح فيج هذا مب غلط ...وبعدين أنا ما قلت شي كل الي قلته أن حميد ريال زين ...ما كان في داعي تفسرين كلامي على هواج وتقولين الكلام الي قلتيه
يمكن انتي هب حاسة بالكلام الي قلتيه بس يا عليا كلامج ضايجني ...مجرد تفكيري انج ممكن تحطين في بالج ان ابوج يبغي يفتك منج هالشي يضايجني
وانا قتلج وارد اقولج انا هب عيزان ...والحمدالله الله منعم علي....ودام اني عايش عمري ما بقصر عليج ...
وهذا الزواج شي راجع لج ...تبين بهواج وما تبين بعد بهواج ...محد يقدر يجبرج على شي ما تبغينه
نزلت دمعتي ومسحتها بطرف ايدي وانا اطالع ويهه ابوية الجامد الي ما تعودت عليه
قلت بالم وأنا أطالع الصوب الثاني :كنت ياية اقولك اني موافقة ....
قاطعني ابوية وهو يشاور بايده كأنه يقول
Stop
:عليا ما ابغي كلماتي تاثر عليج ...خذي وقتج وفكري
عليا:ما في داعي انا خذت قراري............. أنا موافقة ....
قمت من مكاني وظهرت من المكتب ورحت على طول غرفتي
يمكن في لحظة تحول فرحي لحزن ...ما توقعت ابوية في يوم من الايام يقولي هالكلام....بس لحظة هو شو قال ...هب جني مكبرة الموضوع
فتحت باي غرفتي ودخلت داخل بعد ما سكرت الباب ورايه
وتجدمت صوب الشبرية ويلست عليها
بس لحظة أنا قلت لابوية اني وافقت يعني ...خلاص بتزوج حميد....هب جني استعيلت
وما فكرت ............حتى ما استخرت ربي؟؟؟
يا ربي ما اعرف شو هالاحساس الي يني وقت ما اطري زواجي من حميد
خلاص الحين أنا احبه ................والحمدالله انه خطبني ولا الله اعلم شو كان حالي
تنهدت وانا ابتسم .............سبحان الله سرعان ما يتحول فرحي لحزن او حزني لفرح
غريبة أنا ....الصراحة قمت ما افهم عمري...او بالاصح ضعت في شخصيتي
لحظتها كان عامني حب حميد .....من اني افكر أو اسوي اي شي كل الي كان همي لحظتها ..أنه يكون من نصيبي
ما انكر كلام ابوية اثر فيني ومعاه حق لو فكرنا بالعقل
لو ابوية لاسمح الله صارله شي ...منو بيتم عندنا ..كلن لاهي في حياته ونحن كلنا بنات
عمامي وعندكم بيوتهم ...وهل امي مب ذاك الزود ويانا نحن؟؟
غمضت عيني وانا اطرد هالافكار من بالي وابتسم :الله يطول بعمره
فتحت اللاب ...بدش المسن الصراحة صارتلي فترة مول ما دشيت المسن ...بدش الحين
أول ما فتحته شفت الكل أوف لاين ...أووووووووووووف
ابغي اعرف هذيل متى يدخلون
بالغلط كنت ياية اغير لون المسن وضربت على علبة البريد الالكتروني
فتحت الصفحة ولقيت الرسالة الي كانت ظاهرة لي ذاك اليوم والي ظنيت انها من الهوتميل وما سويتلها سالفة
...لاحظت عنوانها :ههههههههههههههه
والمرسل مكتوب اسمه:
Sultan
اول ما فتحتها طلعتلي رسالة
مرحب
بغيت اقول مشكورة على البلوك والدليت ........... تتحرين ما عرفت ...بس أقولج شي
بعدج عايبتني ....على العموم ما بقول شي ...كل الي بقوله ...اترياج تفكرين بموضوعنا
تراه زوجة ثانية ما فيها شي ...بلاج جي انتي خقاقة
سلملم يا حلو
المرعب
رفعت حياتي باستهزاء وانا اقرا الرسالة ...شو اسوي به هذا اسبه ...اجتله شو اسوي
ما اقول الا مالت عليك وعلى الي يقرا رسايلك
سكرت الهوتميل والمسن كله
....ناقصني انا هالويوه تخرب مزاجي بعد
أووووووووووف يا الملل ابغي اظهر يا جماعة
نقعت أصابعي بملل وانا اتلفت في الغرفة بملل ادور شي يسليني
وبعدين مديت ايدي وشليت المبايل الي على الطاولة واتصلت بحصة الي شلت بعد ثالث رنة
علاي:مرحباااااااااااااااا� �ااا الساااااااااااااااااااع بالزعلانييييييييييييييييي يييييييييين
حصة:هلا
عليا:هلا .. قولي هلا وغلا هلا والله هلا بلاييين هلا مليوووووووون ..............شحالج
حصة:هههههههه بخير
عليا:فديت قلبج انا ...شو الاخبار
حصة:ماشي ......مشين الحال
عليا:وين غاطة ...لا حس ولا خبر ولا مصدقة عمرج اونج زعلانة
حصة:هههههههه ...لاء والله ما اقدر ازعل منج انا .... بس تعرفين يالسة اسوي بحث التخرج
عليا:يالله يالله بالتوفيق عيل
حصة: وياج ...........انتي شحالج
عليا:ترتووووووووووووووووو� �وووووووووووووووووووب
حصة:دووووووووم يا رب
عليا قلتها وانا شاقة حلجي :حصوووووووووووتي
حصة :هلا
عليا:حميد خطبني
حصة :صـــــدق
حسيت بها تفاجأت
عليا:يب
حصة:هههههه مبروك مبروك ....والله وعرفتي تعقينه
عليا:احم احم ........شفتي عاد
حصة:وين كنا وين صرنا
عليا:ما فهمت
حصة:يعني وين عليا ....الي كانت ما تطيق حتى طاريه ...والحين تموت عليه
عليا :حصو خبلني ...تصدقين أنا الي ما كان حد يقدر يخبلني ...خبلني هالبعبع
حصة:ههههههههه قوليله بعد الحين البعبع
عليا:ويل حالي اقدر انا
حصة :معلوووووووم ما تقدرين
عليا:هههههههههههههههههههه� �هه
شوي شوي خذتنا السوالف ودخلنا في وايد مواضيع
.................................................. ..................................................
|