فتحت عيني بكسل وانا هب متخيلة كيف بداوم عقب هالاجازة
بس ابوية قالي ان حميد نقلي من مكتبه ووداني قسم ثاني ........أووووف يعني ما بتصبح بويهه
تنهدت وقمت من فراشي وانا اتثاوب ...........شليت فوطي ورحت على طول على الحمام
تسبحت وطلعت ما عرفت شو البس اليوم .... ودي اليوم أكون غير وخاصة ان الكل يعرف اني خلاص انخطبت لحميد
فتحت الكبت وظهرت لي
تنورة بيج وعليها قميص وردي وبيج بعد ما لبستهم لبست عباتي الفراشة الي من زمان ما لبستها
حطيت مكياجي على الخفيف وحطيت عدسات بنية غامجة بس اللون واضح
طالعت عمري نظرة اخيرة ونزلت تحت
أول ما نزلت شفت ابوية يالس على طاولة الطعام ويقرا الجريدة وعنده يالسات خواتي يترقن عشان يروحون المدرسة
عيل وين نورة
عليا:صباح الخير
ناصر وعلى ويهه ابتسامه :صباح النوووووور هلا والله ...تعالي تريقي
عليا :لاء أنا ابغي اروح ...بس عشان خاطرك بشرب الهوت جوكلت وياكم
تجدمت ويلست عند اختي شهد
صديت صوب ابوية وانا اشرب الهوت شوكلت
ناصر:تعرفين اي قسم بتروحين الحين
عليا:هي جنك قلتلي قسم الي فيه مصطفى
ناصر :هيه
قلت وانا عاوية بوزي :هناك بعد بكون سكرتيرة
ناصر:ههههههههههههههه ...والله هاي قدرات شهادتج
قلت باعتراض :لو سمحت ابوية لا تغلط بعدين انتو الي ما عندكم فرص للعمل هب أنا
ابتسم ابوية وكمل قراية وهو هادي بس فجأة قال :حميد بيعرس بعد شهر ونص
عليا: كح كح كح ....................يلست اكح بعد ما سمعت الي قاله
ناصر:هههههههههههه بلاج
علاي:شهر نص ليش ان شاء الله ...على شو ناوي هو
ناصر:هههههههههههههه والله تخبريه
طالعت ابوية بغيض :لا تخليني اندم اني وافقت على ولد اخوك
ناصر:هههههههههه هالرمسة الا من جدامي ومن جدامه ما ترومين تتنصخين شرات الدياية المربوطه
ابتسمت على تعليق ابوية حتى ابوية يعرف حالتي
ناصر:المهم هو قالي..... واذا على العرس لا تحاتين الي تبينه بصير بس عاد انتي خلصي امورج بسرعة وازيدج من الشعر بيت ....بعد العرس ما بيكون عنده الا اجازة اسبوع الي تعطيها الشركة لموظفينها
لأنه مخلص كل اجازاته
رفعت حياتي باستهزاء :لاء والله
ناصر:هههههههههه عاد أنا ما يخصني ...وحميد ما يرضى ياخذ اجازة اضافية يقول ما ابغي الموظفين يحسون انه احسن منهم
قلت وانا احاول اكتم غيضي من هالمثالية الزايدة :ابوية اسبوووووووووع حرام جي
ناصر:والله عاد بهواكم
صديت الصوب الثاني وانا عاوية بوزي على هالاخبار الي يتني ...... عيبت على لميو والظاهر بعرس قبلها
قمت من مكاني وانا اتافف
ناصر:هههههههه ...حاسبي على الطريج
طلعت من البيت وانا ابتسم على تعليق ابوية ...لبست نظارتي الشمسية ورحت لسيارتي شغلتها ويلست اترياها تحر
يا ربي ...وبعدين ...احس اني تسرعت بالامور ....ووافقت قبل لا افكر
ما اعرف ليش احس اني واي استعيلت وايد وايد بعد
وصلت الشركة بعد ما دلوني على القسم الي بكون فيه... دخلت القسم وتفاجأت انه مثل تصميم مكتبي بالضبط
ونفس المكان بيلس فيه ....الفرق الوحيد ان الانسان الي بيكون داخل المكتب هب حميد
تجدمت و
يلست على الكرسي وانا اتلفت يمين يسار اطلع المكان
شوي والا دخل علي واحد الظاهر انه سوري او شي جي لابس بدله زرقة وكرفته حمرة الصراحة صدق طر ههههه
:مرحبا
عليا:مرحبتين
:كيفك عليا
عليا:بخير الحمدالله
قالي بعد ما ابتسم ويلس على الكرسي الي جدامي :انا الاستاذ مصطفى راح اكون رئيسك هون
رفعت حياتي الحين بعد حميد الغاوي يخلون هذا رئيسي وتصنعت ابتسامة :هيه
مصطفى :ما راح نعطيك اليوم شغل ونتعبك ...اليوم راحة وأنا طالع اجتماع ..ديري بالك على حالك
ابتسمت وانا اشوفه يظهر من المكتب ههههههههههههه ان شاء الله بدير بالي على حالي
هزيت راسي وقمت من مكاني وأنا احاول اكتشف المكان الي أنا فيه
أول ما طلعت من مكتبي شفت على يميني باب مفتوح قربت شوي عشان اوايج واشوف الي فيه
شفت حرمتين يالسات وكانوا حاطين على الطاولة صحن
اكتشفت بعد فترة انه فوووول
الظاهر وايد يوعانين لانهم ما انتبهوا علي وانا ادخل
طلعت من مكاني ورديت يلست على مكتبي بملل ...زين الصراحة صارت عندي فكرة مسبقة عن المكان الي بكون فيه ومع الناس الي بكون وياها
قلت باستهزاء الصراحة بداية تبشر بالخير
شليت القلم ويلست العب به بملل ...يا ترا منو حطو مكاني
حرمة ولا ريال ...امممممممممممم لو حرمة ...حلوة ولا ء
قمت فجأة بروح اشوف واان احس الفضول بياكلني أكل
رحت بس لحظة وقفت في نص الطريج اذا شافني حميد........شو بقول ........ليش ياية
يالله الحين حميد بينتبه على الي داخل والي ظاهر
خذت نفس وتوجهت صوب مكتبي الجديم ...أول ما دخلت لاحظت المكتب هادي ومحد فيه
الصراحة ايام في هالمكتب وذكريات
دخلت شوي شوي
وايجت شوي على مكتب حميد ولاحظت انه محد
طنشت رحت على مكتبي يلست على الكرسي ورديت ظهري ورا
يالله راحة هالكرسي
بس لحظة ...شو هذا لفت انتباهي ورقة على الطاولة مكتوب فيها الاستاذ محمد سالم
الظاهر هذا السكرتير اليديد ............ زين اهم شي انه ريال
ما أعرف شو حسيت لحظتها بس كل الي اقدر اقوله اني حسيت جنه حد شربني ماي بارد وبرد على قلبي
فجأة وعيت من الي انا فيه أو تفاجأة بحميد الي واقف عند الباب ومربع ايده وهو يبتسم ورافع واحد من حياته
حميد:شو تسوين
بلعت ريجي وانا فاتحة عيني واطالع حميد الي مبتسم وكانه يقول كاشفنج تراني
حسيت لحظتها كل الكلمات الي في قاموس العربية ما تقدر ترد عليه الحين
يا ربي
حميد :شفيج ساكته
عليا:ها
قال حميد وهو يتجدم مني ويلس على الطاولة جدامي بالضبط حسيت ما يفصل بينا الا سنتيمترات
وحسيت انه لاحظ توتري ويمكن قدر يسمع نصخي الي احسه يالس يزيد
قال حميد بصوت واطي واقرب للهمس:اشتقتي للمكتب والا للي فيه
فتحت عيني وانا أطالع حميد مصدومة عمري ما توقعت حميد راعي حركات والله وطلع هب هين
حميد:هههههههههههههههه ...ليش احسج بتموتين الحين
ابتسمت بمستحى على تعليقه ونزلت راسي الي حسيته احمر
رفعت عيني وطالعته.... لحظتها بس لاحظت بريق الجذب في عينه على غير العادة كانه تجدد أو زاد
حميد:خلاص انا بروح شكلج هب رايمة ترمسين وياي ...ههههههههه ليكون مهددينج ....وما نعينج ترمسيني قولي عادي
ما اعرف ليش ما قدرت اقول شي طول هالفترة الي حميد يرمس فيها كل الي قدرت اسويه اطالعه وانا ساكته
شفت حميد نقع من الضحك وراح مكتبه قمت من مكاني بسرعة ونصخي اسرع بوايد بعد
وتوجهت لمكتبي ما صدقت وصلت لمكتبي ويلست على الكرسي وانا اتنفس
هذا حميد ....الله يعين ...اذا هذا متعقد من البنات ...لو مب متعقد كيف
ما اعرف ليش احس ان حميد هذا سالفته سالفه ...وأنه ناوي على شي ...بس شو ما اعرف
ليت بس اقدر اعرف ؟؟؟؟؟؟؟؟؟؟؟؟؟؟؟؟؟؟؟؟؟؟
.................................................. .................................................. .....
فتحت عيني وانا شبه خايفة أول مرة اقوم من الرقاد......... أو اي رقاد وأنا النوم امس مجافني
حاسة بعمري خايفة ...وفيني احساس غريب محد يمكن حس به الا الي يمر بهاللحظات الي امر بها
مديت ايدي على الساعة ولاحظت انها الساعة عشر الصبح
قمت ويلست في مكاني وانا اتثاوب .....طالعت ايدي الي الحنا مغطنها لين نصها وريلي بعد لين نصها
الصراحة حمدت ربي ان الحنا صار لونها أحمر
ابتسمت وانا اقوم والبس في ريلي نعالي الفرو
رحت على طول صوب المنظرة وطالعت عمري وانا ابتسم ...اليوم انا عروس ...اليوم عرسي حد يصدق هالشي
يا ربي هالشهر ونص مرو مثل البرق ما حسيت بهم ...ولا تلاقيت ويا حميد وايد
لاني معظم الوقت ما كنت اداوم كنت اتجهز للعرس
فديت حصو كانت وياي دايما وما انسى ان امها بعد يت ويانا في الاشياء الي كانت تحتاج شور الحريم
وايد ساعدوني اني اخلص حتى ام حميد ما قصرت ولا ام لميا كلهم كانوا الي امي
الي تمنيت لو كانت عايشة الحين وشاركتني فرحتي
ابتسمت وأنا امسح دمعة بتنزل من عيني على ابوية الي امس حسيت الدمعة كانت في طرف عينه وهو يرمسني
هههههههههههه الله يسامحني وايد عذبت ابوية في حياتي اليوم قدرت هالشي
كل شي حلو في حياتي الا نورة الي وجودها يوم عن يوم يضايجني اكثر عن اكثر
ولين الحين ناوية عليها بس اتريا الوقت المناسب
ابتسمت وانا اتوجه للحمام
تسبحت وظهرت لبست مخورة حمرة وفتحت شعري
عشان ينشف مال الصالون قالت بتي الساعة ثلاث ونص وخاصة ان لميا ومنى بيتمكيجون وياي
بس طبعا هب نفسها الي بتسويلي بتسويلهم...عشان لا تتشابه طريقة المكياج
نزلت تحت وابتسمت لابوية الي حسيته وايد مستانس
ناصر:هلا وغلا بالعروس ...هلا والله
عليا:هلا بك زوووووووود
ابتسمت لابوية الي تم يسولف وياي ويدش في وايد مواضيع ما يخصها في العرس يمكن محاولة منه انه يطلعني من مود الخوف الي انا فيه
على الساعة ثنين ونص يت عندنا لميا ومنى ويلسوا يتغدون
حاولت اتناسي الخوف الي فيني وخاصة ان ابوية كان ماكل الجو هو ومنى هو يتمصخر عليها وهي ترد عليه
يعني الجو كان ببساطة حلو
على الساعة سبع ونص كنت جاهزة ومخلصة كل شي ما باقي الا البس الفستان
رحت اطالع عمري في المنظرة وشفت مكياجي البطيخي الي دامجين معاه البرونز الصراحة انا روحي تفاجاة بعمري فكيف لميا
لميا:وااااااااااااااااااا� �و روعة علاية
ابتسمت لها :المكياج وما يسوي
لميا:بس حلوة التسريحة زين انها نزلت منها شوي ...تعرفين اكتشفت اكتشاف اللون وايد لايق عليج
عليا:هههههههههه ..لميو خايفة
لميا:ليش
عليا:ما اعرف
لميا:لازم تخافين يالله الله يعينج ...ويعيني يومها
عليا:ههههههههه لازم ترد لعمرها ....وانتي متى عرسج
لميا:لاء أنا مطولة عرسي بعد ثلاث شهور
عليا:زين احسلج تتجهزين على راحتج هب شراتي سرعة سرعة
غمزت لي لميا بعينها :كل شي مر في شي ثاني يحليه
ضحكت عليها وين الفستان يلا بلبسه بتركب الطرحة الحرمة
لميا:البسيه في الفندق هب احسن
عليا:هيه أنا اقول جيه بعد وين بشل بعمري بهالفستان لين هناك
لميا:ههههههههههه يلا بنتلبس عبينا وبنروح
لبست عباتي وانا أطالع عمري جني هب عروس والله
ما وحالي ايلس الا منى داشة علينا الغرفة وهي لابسة عباتها والفستان من ورا يسحب سحاب
عليا:ههههههههه نضفتي الارضية
منى:هههههههههههه ...يلا عشان عيونج كل شي يهون
عليا:هههههههه زين عيل
منى: راحت نورة
عليا:من زمان رايحة الصالون هي ....الساعة كم الحين
منى :امممم ثمان
عليا:هيه تلاقينهم وصلوا عيل
منى :حشا من الحين
عليا:شعرفني أنا عاد
منى:ههههههههههههههههههههه� �هههههه عاد العروس شكلها وايد خايفة
عليا:ههههه بس عاد ذليتونا
شوي والا دخلت علينا لميا وهي لابسة
لميا:يلا
عليا :منو بيودينا الدريول
لميا:هيه ...محد هني ما قلنا لحد نحن
عليا:اوك
قمت انا ورحت ويا لميا ومنى ويابوا الخدامات الصندوق الي فيه الفستان واكسسواراته وحطوه في الدبة
ركبت ويانا مال الشعر عشان تعدل شعري هناك
طول الطريج وانا أطالع الشارع وخايفة من الي بصير أو اليوم الي يقولون عنه يوم زواجي
غمضت عيني ابغي ارتاح شوي
بس وعيت على صوت لميا:يلا وصلنا
وصلنا فندق ماريوت
ورحنا صوب غرفة العروس
وعاد هاي عبالة وخاصة ان الغرفة تحت
رحنا الغرفة وهناك لبست فستاني الي كان بدون اكمام
كان فيه نقش وايد بالكرستال على الصدر وكل ما ننزل تحت يتفرع النقش على شكل اوراق
لين تحت كان الفستان حلو ولو انه كان وايد ثجيل
والظهر كان عاري لان ما كان يغطيه الا خيوط على شكل
x
المهم لبست فستاني ويت الحرمة تثبت الطرحة على راسي الي ما كان فيها من جدام الا نقش بالكرستال على شكل أوراق
اول ما خلصت يو أم حميد و نورة يبخروني ويعطروني عشان الناس
وبعدين لبستني ام حميد الطقم
ابتسمت لي وباستني
أم حميد :فديتج والله يا عليا ...والله من زمان متمنتنج حق واحد من عيالي واليوم تحقق حلمي
ابتسمت لها وصديت صوب نورة الي سلمت علي بس ما علقت حتى ما ابتسمت لها
دق قلبي دقات سريعة مع دقات الساعة العشر ونص
قالتلي لميا :يالله
قمت معاها وانا أتمشا شوي شوي وفي ايدي باقة الورد الي نازل منها باقي الورد بشكل منسق ومرتب
ركبنا اللفت ونزلنا لتحت الارض
أول ما فتح اللفت كان المكان ظلام
لميا:ابتسمت لي : سيرينا ......سيرينا
شوي وطلعوا حرمتين فلبيتين
مسكوني من ايدي وقادوني لمثل داثرة كبيرة
وقفت في نصها
عليا:ما بتين وياي
لميا:لاء لازم تظهرين روحج عروس أنتي يا ماما
عليا :ابتسمت وانا احاول خفي كل الاضطربات الي على ويهي وقلبي وبطني
سميت بسم الله
ووقفت مكاني وانا اطالع فوق
كانت فوقي مثل دائرة على كبر الدائرة الي أنا واقفة عليها
هاي الدائرة هيه ارضية الصالة أنا وقفت عليها ...عشب ادخل من تحت الارض كنوع من التغير
شوي واشوف اليتات الي فوق في الصالة كلها تتسكر وتبدا دقات مسيقة هادية لاغنية البدر لراشد الماجد
مع دقات المسيقى
بدأت دقات قلبي تزيد
وحسيت عمري خلاص بيغمى علي من الخوف لدرجة اني حسيت الباقة تتنافض في ايدي
شوي شوي قامت الدائرة الي واقفة عليها ترتفع ...وترتفع لين ما طلع شوي من راسي بعدين نص جسمي أول ما تثبت الدائرة على ارضيه الفندق وقفت أنا كلي
والناس كلها عيونها علي والاضاءة موجهه صوبي تجدمت اتمشى بشوي شوي ومثل ما علموني
ووراية حصة اربيعتي تساعدني في الطرحة
الصراحة كنت اتصدد يمين يسار بخوف
لاحظت نورة يالسة على الطاولة ووياها خواتي شهد وفاطمة
ابتسمت لخواتي بس نورة صديت الصوب الثاني عشان لا تظن ان الابتسامة لها
صديت الصوب الثاني ولاحظت ام حصة يالسة ابتسمت لها بعد
ما صدقت وصلت لين الكوشة الي نصها ورد روز وردي القاعة كلها كانت باللون الوردي
أول ما ساعدوني ايلس فتحوا الليتات ما صدقت حسيت عمري اثبت على الكرسي
ابتسمت لي حصة ويت يلست عندي : مبروووووووووك يا عروووووس
عليا:ههههه الله يبارك فيج
حصة: يلا عقبالنا
عليا:يا رب
شوي قامت من عندي حصة وراحت عن امها الي زقرتها
تميت يالسة روحي وبين فترة وفترة يون الناس يسلمون علي ويروحون وتاخذلي المصورة بين فترة والثانية صور
يت عندي منى ويلست عندي
منى:عليا بيدخلون الحين
ما اعرف ليش حسيت قلبي وقف ... صح كنت ملانة بس ما بغيتهم يدخلون الحين
عليا:ليش الساعة كم الحين
منى :12 الا ربع
عليا:هب جنه من وقت
منى :بلا أنا اقول جي بعد ..... ما احب العرس الي يخلص من وقت
بس أماية وخالوا أم حميد يقولون بيدخلونه الناس بتروح
عليا قلت بخوف وبضيعان :وانا الحين شو اسوي
منى:هههههههههههههه انتي ...الصراحة ما اعرف
الصراحة وقت سخافة منى الحين كان ودي اضربها لحظتها بس سكتت
طالعتها بطرف عيني فارجي فارجي
قامت منى من عندي وهي تضحك
بعد شوي يت عندي لميا وهي لابسة عباة ووقفتني
لميا:هب لازم تتغطين محد غريب داخل
عليا:ليش منو بيدخل
لميا:حميد وعمامي وابوي...خوان حميد ما بيدشون وانتي ما عندج خوان ههههههه
عليا رفعت واحد من حياتي وانا أطالعها وقتها هاي بعد .... الظاهر
اليوم كلهم يخففون دمهم
لميا:هههههههه يلا ما بقا شي
حطت الفرقة اغنية والله اني احبه وحيل مولع به
و
لاحظت من بعيد حميد داخل وهو لابس بشت..........................
|