البارت العاشر
.................................................. .................................................. ......................................
الثلاثاء ساعه 9 صباحاً
عصام فتح عيونه وهو مبتسم وع طول مسك فونه واتصل ع أول رقم في القائمة بأسم مرتي حبيبتي
عقب ثلاث رنات بالضبط ردت نفس عادتها
ريم بدلع وصوت كله نوم:ألووو
عصام:ألووو يا أحلى ألوو سمعتها في حياتي
ريم ضحكت بخجل:صباح الخير حبيبي
عصام:صباح الحب والعشق والورد يا قلبي أنتي يلا حبيبي نشي اليوم بنسوي حفلة عيدميلاد غلوي بنتي
ريم:أوك حبيبي بس خمس دقايق
عصام:لا ماشي يلا أبا أكحل عيني بشوفتج يلااا تعالي بيتنا
ريم:إن شاء الله دبدوبي
عصام:فديتج والله يا قلبي يلا أترياج ف مخبأنا السري
ريم:أوك حبيبي يلا باي
عصام:لحظه وين بوسه ؟؟
ريم استحت وسكتت
عصام عرف أنها أستحت ضحك:يلا يا حبيبي أمواااااااااااااااااااااا ح باي
ريم ع طول بندت
عصام قعد يضحك عليها وسار الحمام (أكرمكم الله ) يسبح وظهر وتعدل وتعطر وظهر من غرفته
ريم عقب ما بندت من عصام راحت تسبحت وسشورت شعرها ولبست بنطلون جنز سكني لونه وردي
وقميص وردي فيه رسمة فراشه وع الفراشه فيه فصوص وجوتي وردي وحطت مكياج خفيف وروج وردي ولبست حلق وساعه وتعطرت ولبست عبايتها المفتوحه و وتلثمت بالشيلة ونزلت ع الدري
ع طول راحت مكتب أبوها دقت الباب ودخلت بهدوء:بابا أنا رايحه عند غلوي ايوم عيدميلادها ما برجع إلا فليل ويمكن أنام عندها
بومحمد ما يقدر يرفض طلب لدلوعته :أوك بس ما أظن أقدر أخليج تنامين عندهم لان في محارم عندهم
ريم برطمت وزعلت من أبوها:لااا بنام عندهم بليز بابا هذا يوم غلا حبيبتي وأختي وبنتك
بومحمد بعد اصرار ريم وافق ..
ع طول ريم ظهرت من المكتب تركض تبا تركب السياره وتروح بيت غلا علشان أشوف عصام
وهي ماشيه بسرعه ظهرت من باب الصالة ومنزله راسها أشوف فونها لان عصام كل دقيقة يتصل فيها يايه تبا ترد وفجأه دعمت حد وطاحت عليه
.................................................. .................................................. ......................................
عصام عقب ما سبح وتعدل ظهر من غرفته وراح عطول غرفة دلوعته وقف عند بابها الوردي وضحك حاطه روقه ع قفلة الباب مكتوب فيها ممنوع الازعاج دخل الغرفه شافها باااارده وظلاااام جو يحفز على النوم
راح صوب السرير شاف بنته نايم بهدوء كأنها ما عنده أي هموم قعد حذالها وباسها ع خدها:صباح الخير حياتي
غلا فتحت عيونها شافت أبها ابتسمت عصام شلاها وحطاها في حضنه وحضنها :كل عام وأنتي أغلى بنت غلويتي
غلا ضحكت وانخشت في حضن أبوها:وأنت بخير يا أحلى أبو في العالم
عصام:يلا دلوعتي قومي بنظر بنروح ندور لج ولحبيبتي لبس حق اليوم يلا
غلا:ريييييييموووووه حبيبتي بتي مععععععععععععاااااااااااي والله بابااااا وقامت تنقز فوق شبريتها من الفرحة
عصام يضحك عليها :يلا بسرعه ولا بنهدج وبنروح عنج
غلا:لالا يلا أظهر بروح أسبح يلا بس بنظهر عقب الغدا لان بابا عازم ولد ربيعه مابيخلينا نظهر قبل ما هو يروح
عصام:أنتي أسبحي وتعدلي ما عليج
عصام ظهر من غرفة غلا ونزل تحت راح الصالة شاف أبوه قاعد مع أمه راح وباسهم ع راسهم
عصام:صباح الخير يا أحلى أم وأبو شحالكم ؟؟شومسوين؟؟
بوعصام :نحن بخير الحمدالله ياولدي
عصام:يبه أنا بشل غلا وبنروح السوق تعرف نفس كل مرة
بوعصام:بس يايبه أنا عزمت عمر أبا أعرفه عليك أبا يشوف ولدي البجر
عصا: أوك يايبه بس عقب الغدا بنظهر ع طول علشان ما تتأخر ع حفلتها
بوعصام:أوك يا ولدي
عصام:يمه جهزتو الكل والكيكه والدي جي كل شي جاهز ؟؟؟
أم عصام:هيه يا ولدي كل شي جاهز نفس كل عام لاتخاف
عصام:مشكوووره يا أحلى أم إلا وين فهووود أكيد البارحه سهرااان مع الحب
ف هالحظه لفهد كان نازل ع الدري ويبين عليه نوه ناش
بوعصام:الطيب عند ذكره هاذو توه نازل
فهد يا وباس راس أمه وأبوه وقعد حذال عصام
عصام:شخبار معرسنا ؟؟ أعترف شو سويت ف البنت البارحه ؟؟
فهد ضحك ع أخوه :هههههههه مالك خص بعدك صغير ع هالسوالف
عصام ضربه ع جتفه بمزح:يا ذكي أنا اكبر منك وأعرف أكثر عنك
فهد:هاااااا أعترف سمعتو يمه ويبه سمعتوو أعترف انه يرعف أعترف منو هالبنت ؟؟؟
الكل ضحك
.................................................. .................................................. ...........................
ريم صدمت بواحد وطاحت عليه
ريم:آآآآه
الشخص:وأحلى آآه وأحلى طيحه بعد
ريم عرفته من صوته وبسرعه تبا تقوم عنه خوف منه
بس هالشخص كان ماسكنها من خصارها ومب طايع يهدها في حالها
ريم شوي وبصيح:بلييييييز ويسف هدني هدني
يوسف:مابي أنتي حلالي حبيبتي ألي أبها أسويه فيج من حقي
ريم:هدننني نحن في الحوش هدنييييي عن حد يشوفنا
يوسف:خايفه حبيب القلب يشوفج هاااا
ريم دزته وركضت
يوسف يصرخ:وين بتروحين مني بزخج بزخج ياريم
السياره وقالت حق السايق بسرعه يوديها بيت عمها
.................................................. .................................................. ..................................
ف بيت بو عصام
الكل قاعد في الصالة يسولفون نزلت غلا وانضمت لهم وباركولها وكملو سوالف رن الجرس راحت الخدامه اشوف منو
رجعت راحت صوب بوعصام :بابا في واحد يبغا أنتا نيم ماله عمر
بوعصام:هاذو يه يلا يا عصام وفهد تعالو ندخل الريال الميلس ونقعد معاه يلا
قام بوعصام وراه يوسف ووراه عصام عصام مر صوب غلا وهمس :من تي ريم خبريني
غلا هزت راسه يعيني أوك روح
راحو المليس
بوعصام:هلا هلا بولد الغالي هلا والله تفضل يبه ليش واقف
عمر :مشكووور يبه شحالك شخبارك شحال خالو وشحال عيالك ؟؟
بوعصام :الحمدالله كنا بخير بعرفك ع ولدي البجر عصام والثاني فهد
عمر من شاف عصام عرفه ع طول وحضنه:أنت هني أخيرا شفتك ما صارت
عصام:هلا والله بعمور شحالك يا جلب وينكك من زمان عنك ؟؟
بوعصام:ماشاء الله تعرفون بعض؟؟
عصام:هيه يا يبه يوم كننت أسافر البحرين كنت أشوف دوم هناك والله ما كان يقصر معاي
بوعصام:ماشاءالله زين زين
وقعدو يسولفون
.................................................. .................................................. ........................
غلا قاعده مع أمه يشفون مسلسل ..رن الجرس راحت الخدامو فتحت الباب شافت ريم قالت لها:تعالي كلو داخل صاله
راحت ريم وسلمت ع مرت عمها وع غلا وباركت لها وقعدو يسولفون
غلا:ريم روحي حجرتي أبا أراويج شي يلا وغمزت لها
ريم عرفت انها تبا تقول شي بس ماتبي أمها تسمع
ريم قامت وراحت غرفة غلا
غلا قامت واتصلت حق عصام:ألووو بابا تعال غرفتي بسرعه يلا
وبندت وضحكت وراحت المطبخ علشان محد يشك
عصام ركض راح غرفة غلا كان خايف عليها دخل وسكر الباب جان يشوف ريم قاعده ومنزله راسها
عصام انصدددددددم وتم مكانه يطالعها كيف صااايره حلوووه
عصام جرب منها وحضنها بالقوووو
ريم انصدمت ان الي حاضننها عصام مب مصدقه عيونها
ضمته وصااااحت ع صدره عقب حست ع عمرها وابتعدت عنه
عصام ما علق لان عارفها مستحيل تخون أي حد حتى لو كان عدوها
عصام:شحالج حبيبي ولهت علييييج وووووااااايد
ريم استحت ونزلت راسها
عصام مسك ايدها وباسها:فديييييييييتج والله
ريم سحبت أيدها وابتسمت له
عصام تعالي خل نقعد ونسولف ولهان علييج و ع سوالفج
ريم :بس البارحه مرمسنيني لين الفجر
عصام:صح بس ما شبعت منج
ريم قعدت حذال عصام يسولفون خبرته عن ألي استوا ما يةسف عصام عصب قال بيروح يضربه بس ريم هدته وأقنعته أنه مايدق يوسف لانها خايفه عليه
.................................................. .................................................. ...............................
غلا وهي تمشي صوب الميلس تبا تروح المطبخ فجأه ظهر همر لانه كان يبا يروح الحما والحمام خارج الميلس بجانبه ف شاف غلا لابسه تنوره قصير ورديه وقميص وردي فيه حركات وحاطه مكياج خفيف وردي وشعرها مسشورتنه
عمر جرب منها:هلا بزوجتي عزيزتي شحالج ؟تصدقين ولهت عليج
غلا انصدمت كيف يجرأ ويرمسها صدق وقاااحه رفعت أيدها وعطته كف وقالت:ووووووقحححح
عمر ضحك:أحلى كف حبيبتي بعد ضربي أحب أيدج تلمس جسمي يلا
غلا اتنرفت من برووده ودزته ومشت بغرور
عمر كمل طريجه وراح يغسل أيده حق الغدا وسمع أبوعصام يقول أن اليوم عيدميلاد غلا فيت في باله فكره
.................................................. .................................................. ............................
غلا راحت حجرتها دقت الباب ودخلت:بابا يلا روح حاطين لكم الغدا ف الميلس أبوي يسأل عنك
عصام:أوك بنتي قام وباس ريم ع راسها وظهر
غلا قعدت حذال ريم:هااا شوقلتووو؟؟؟
ريم ضحكت ودزتها:مالج خص
غلا:أفاااا خلاص آخر مره أخليكم تقعدون مع بعض
ريم ضحكت:ما تقدرين لانج تحبينا
غلا:في هاي صدقتي
عقب ما تغدو وخلصو ظهر عمر قال ان عنده شغل ف عصام قال حق ريم وغلا: يلا أنزلو تحت خل نروح
ف نزلو رواحو السوق قعدو يشرون وعصام يمشي وهو ماسك ريم من أيدها ما همه الناس ولا كلامهم أهم شي أن حبيبته جنبه
غلا حصلت فستان بس ريم بعدها ادور مب عاجبنها أي شي
غلا:يلا ريومه تأخرنا ع الصالون
ريم:مافي شي عايبني شو أسوي ؟؟
عصام:تعالي معاي
مسك أيده ومشاها ليشما وصل محل روعه كل فساتينه حلو
عصام دخل المحل ومشى رفع راسه ف شاف فستان عيبه وااايد خذاها وراح صوب ريم
عصام:شو رايج في هذا؟؟؟
كان الفستان عباره عن فستان بدون حمالات لونه أصفر من صوب الصدر ماسك ع الصدر لين البطن وعقب منفوش شوي بس وفيه حركات صوب البطن والظهر من ورا عاري لين آخر الظهر
ريم من شافته عيباها واااااااااايد وقالت:وااااااااااااااااو حلوووووو واااايد
عصام مسك أيدها وداها غرفت تبديل يلا قايسيه أبا أشوفه عليج
ريم استحت:هاااا لا مابي أستحي مابي
عصام :تستحين من ريلج يلا دخلي أقولج
ريم دخلت ولبسته
عصام:خلصتي ؟؟؟
ريم قالت بصوت واااطي :هيه لبسته وفتحت الباب شوي
عصام ع طول دخل وشافها كان الفستان ع جسمها روووعه
عصام يشوفها ومنبهر ويعض ع شفايفه:آآآه قلبي رووووووووعه الفستان عليج وااايد روووعه
ريم استحت ونلت راسها
غلا:يلاااااااا نرووووح تأخرنااااااااا عقب غازلو بعض
ريم وعصام ضحكو ع غلا ألي مشططه
عصام شل الفستان ودفع عن ريم وراحو البيت
غلا اتصلت في الصالون وخلت مال مكياج تيهم البيت
عقب ما تمكيجو لبسو وتعطرو ونزلو تحت حق الضيوف
الناس أول ما شافو غلا انصدمو من جمالها كانت متغيره وااااااااااااااااااايد
كانت لابسه فستان قصير نعوم وفيه فتحه صوب الصدر وكان لونه احمر أول مره غلا تلبسس هاللون كان روعه عليها وكانت حاطه مكياج بس خفيف مب فل ميكب كانت نفس الاميره
ربعها يو وسلموعليها وعقب نزلت ريم الكل يلتفت صوبها إذا مرت من حذالهم متعجبين من جمالها كأنها بنت أجنبيه
البنات جمعو وقامو يرقصون ويضحكون وفي وحده طول الحفله تراقب غلا ...غلا استغربت من نظراتها مسكت ريم وهمست:ريمووه فيه وحده تراقبني من دخلنا الحفلة وماشالت عينها عني
ريم استغربت لحظه بسأل منو
راحت ريم سلمت ع الحرمه وسولفت شوي عقب رجعت حق غلا
ريم:هاي أم عمر ولد ربيع أبوج جنها ناويه تخطبج
غلا انصدددددددمت وتمت سااااكته
ريم استغربت من غلا أول مره يقولون لها حد بيخطبج وماترفض
ريم:غلوي شوفيج ؟ أنتي مضاربه مع خماسوووو؟؟؟
غلا نزلت دمعتها من سمعت اسم خميس ولهانه عليه وااايد أذكرت يوم سوا لها المفاجأه وزادت دموعها ريم عرفت أن غلا وخميس مزاعلين حضنت غلا :لا تصيحين يا عمري بس بس
غلا حضنتها وصاحت ريم بسرعه سحبت غلا وظهرو من الحفله راحو الحديقه
ريم :يلا خبريني كل شي
غلا خبرت ريم ألي انصدمت من أخوها كيف يقول أنه يحب غلا ويدخل وحده غير غرفته
ريم:بس يا عمري أنا بيب لج الصدق يمكن أنتي سمعتي غلط أو فهمتي السالفه غلط
غلا هدت :أوك خل نرد الحفله ردو ودرت غلا شوي تضحك فجأه يت وحده صوب غلا وسلمت عليها غلا مما تعرف هاي منو ؟؟؟
عهود:هلا والله يغلوي حياتي شحالج؟؟؟
غلا:بخير تمام
عهود:حبيبتي ممكن ررقمج أبا اتصل أرمسج
غلا عطتها رقنها ع بالها أن ها وحدها من ربعها الجدام ما تعرف إن هاي عهود ألي تبا تفرقها عن خميس
عهود ابتسمت و شكرتها وظهرت
فجأه دق الجرس فتحت الخدامه الباب شافت بوكس كبيييييير
راحت ونادت غلا ..غلا من شافت البوكس انصدددمت وقالت خل يودونه غرفتها شلت الكرت وقرته: إلى أغلى البنات كل عام وأنتي الحب وآخر الرساله حرف a غلا ع طول عرفته عمر ما غيره طرت الكرت وراحت لضيوفها
عقب قصو الكيكه وتعشو وراح الكل بيته ريم تمت عند غلا بتنام عندها
ف بوعصام وام عصام وعصام وغلا وريم فهد قاعدين في الصاله يسولفون عن الحقله وألي أستو غلا راحت صوب عصام وحضنته وقعدت ع ريله
غلا:شكرا بابا ع الهدية السياره وووواااايد حلوووه بس انا ما أعرف أسوق
عصام:أنا وين رحت بعلمج حياتي
بوعصام:أبي أعرف غلا بنتي ولا بنتك ههههههههههههههههه
عصام:لك القدر يايبه أكيد بنتك بس تعرف أنا ألي ربيتها م كانت تلبس حفاظ
غلا استحت وقالت بدلع:بابااااااااااااا
الكل ضحك ع غلا عقب راح بوعصام مع مرته حجرتهم
فهد راح حجرته يرمس وفا
عصام أشر لريم تروح وراه ريم ع طول قامت ولحقته بس قبل همست لغلا :روحي غرفتج في مفجأه مني لج
غلا ع طول راحت تركض دخلت حجرتها كانت الحجره ظلاااااااام غلا حست ان في حد في الغرفه
يه شخص من وارها وضمها بالقووووو وحط أيده ع فمها علشان ما تصارخ
نهايه البارت