فى بيت ابو خالد
دخل خالد معصب حييييل وعروقه مشدوده شاف ربا جالسه قدام التلفزيون وطلع للدرج نادته ربا ومارد عليها وسكر غرفته
وانسدح على السرير وسحب الجوال حق هند وقعد يناظر فيه شاف صورته وهوماسك الشغاله وضحك فى داخله ومسك جوال هند وضربه بجدار وتكسر
خالد فى خاطره: والله وثم والله لعلمك السنع ياضايعه
اليوم ملكه ربا
رحاب : هند ماتجهزتى اليوم ملكت بنت عمك
هند : ماقدر أروح احس بشويه تعب
رحاب : شلون ماتروحين اليوم ملكت ربا راح تزعل عليك
هند اصلا ماتبي تشوف خالد: ماما راح اروح لها بعدين والله موقادره أقابل احد
رحاب راحت تزين لمى علشان تروح للحفله
فى بيت ابو خالد
كانت ربا تحس بربكه وخوف ومشاعرها متلخبطه حيييييييل وحست بقلق خصوصا ماعندها احد يطمنها ابوها تحت عند الرجال واخوها بعد
فجأه دخلت رحاب على ربا : الف الف مبروك
ربا وهو خايفه : الله يبارك فيك
ربا تناظر رحاب : وين هند
رحاب متفشله من بنتها : تعبانه
ربا: اها تعبها قوي
رحاب : شويه ارهاق
ربا معصبه: حرام عليها ماكنى بنت عمها ماتجى
طبعا كان جاي خالد معه دفتر التوقيع حق الملكه وسمع كلام اخته مع ام رحاب وعرف ان هند ماراح تجي علشانه فيه
خالد: احم احم
رحاب : ادخل ياولدي
خالد: كيفك يام هند
رحاب : بخير
خالد يناظر اخته : الف الف مبروك يالله وقعي واستعدي علشان تشوفين زوجك
ربا وجها احمر: الله يبارك فيك
طلع خالد بعد ماوقعت اخته وقرر يروح لهند هالحين دام رحاب هنا البيت مافيه الا هند وهذا وقته علشان يصفى حسابه معها
ربا استعدت علشان تنزل لزوجها كانت لابسه فستان ناعم لونه زهر ماسك على جسمها ويوصل لركب وكانت مسيحه شعرها كان لونه بنى ناعم قصير للرقبه بس شكله جنان وحاطه مكياج ناعم حيل بس مركزه على عيونها بكحل والمسكرا كانت ناعمه حيييل
دخلت ربا وهى مستحيه ومنزله عيونها تحت : السـ السلام عليكم
رفع يوسف عيونه اتجاه ربا وانصدم من شكلها كانت ايه فى الجمال لكن يوسف قدر يضبط اعصابه وبان على وجهه الجمود
يوسف برود : وعليكم السلام
ربا فجأ رفعت راسها اتجاهه وجت عينها بعينه وشهقت وحطت يدها على فمها مو مصدقه انها قدام حبيبها المجهول مو مصدقه انه نفس الشخص قامت تتأمل فيه فى وسامته وفى عيونه الحاده وفجأة حست انها تمادت فى نظرتها نزلتها على طول وقلبها يرقص من الفرح سحبت رجولها وجلست على الكنب اللي قريب نوعا ما من يوسف
يوسف برود : اخبارك
ربا مستغربه: تمام
يوسف قام بيروح انفجعت ربا فيه وفى بروده ماكان كذا بالسوق استغربت منه
كان ودها تصرخ بوجهه وتقول له انها تموت فيه انه اول ماشافته بالسوق مانسته
يوسف وهو عند الباب : على فكره الزواج بعد شهر تجهزي والمهر بكرا عندك يالله سلام
وطلع تارك ربا بذهول معقوله اللي حبته كذا طبعه معقوله وسامته عكس طبعه مسكت رأسها وقالت فى خاطرها ليش ماشوف السعاده بوجهه
دخل ابوها عليها : ها ربا راح يوسف
ربا بدون شعور: ايه راح ... راح
ابو خالد: ربا وش فيك
ربا : مافينى شي
ابوخالد: ايه اكيد دريتى
ربا: فى وش
ابو خالد: ليله زواجك راح تروحين للخارج مع زوجك لانه يشتغل هناك
ربا : ----------
ابو خالد: ولا يهمك كلها ثلاث سنين وراجعه
ربا : ----------
ابو خالد: ربا
ربا اغمى عليها ابو خالد انصدم وقعد يحاول يصحي بنته جاب لها عطر وشممه اياها وصحت
ابو خالد: ربا وش فيك
ربا : مافينى شي بس احس بدوخه يمكن ماكلت
ابو خالد يشيل بنته : يالله ابصعدك فوق وبقول لشغاله تجيب لك شي تأكلينه
|