[blue me]

المشاركة الأصلية كتبت بواسطة بوسي هانم

رووعه .........روعه

بجد أنتي فنانه موهوبه جدا ومميزه

فصل رائع جدا مليئ بالمشاعر الجياشه

بجد تسلم أيديكي ...وقلمك ماشاء الله عليه

يجيد حبك الكلمات كأنها صور سينمائيه

شايفينها قصادنا....

موهوبه أنتي في الوصف ...

المشاعر والبيئه المحيطه والشخصيات
أكثر جزئيين في البارت عجبوني جدا
وصفك لسلام بعيني جهاد بعد مقتل ماجد
كان معبر جدا....ومشهد الشرطه حولهم
وسلام ملتفه بالبطانيه...حسستيني كأنهم
في مكان معزول لواحدهم عن الناس كلهم
وكل الي حواليهم كومبارس بيعدي في شريط
سريع وهم ثابتين في مكانهم
وأنفجار سلام بمشاعرها الدفينه تحت ظلال الشجر
في نفس المكان الي لاقت فيه جزء من فرحتها قبل كده
لما أهداها الورده جهاد....
وبرافووووووووووو عليكي فعلا ...في حكايه فقدانها لوعيها
قدرتي تقنعيني بالواقعيه وليه انها مش فاكره أيه الي حصل
وأضطرابها وخوفها من بدايه حياه جديده
بتتمناها من كل قلبها وفي نفس الوقت خايفه جدا منها
فصل شاعري جدا جدا وبمنتهي الرومانسيه والرقي

أستمتعت جدا جدا بمتابعتي لقصتك المتميزه فعلا

وأنتظر من الأن بشوق شديد قصتك الجديده

وبجد نفسي تعملي جزء تاني لشخصيه صلاح
في قصه سيده الشتاء
وهي علي فكره من أجمل قصصك الي نالت أعجابي جدا جدا

لأنك رسمتيه حلو جدا ...بطريقه عميقه ومميزه
شخصيه غريبه فيها القوه والسخريه والضعف والجبن والأهتمام والود والقسوه
فبجد شخصيه تستحق منك جزء لواحدها تركزي عليه

أما عماد أخو سلام ...فده ترميه في البحر وما ترجعيهوش...أخ مالوش لازمه بصراحه
خيخه وسكينه ما تقطعش بطيخه...راجل بالأسم بس وسلام كانت أرجل منه

أنا سعيده لأني بتابع وأقرأ قصص

كاتبه مختلفه ومتميزه مثلك

مع بلو توقع الغير متوقع

مع بلو مش هتقدر تغمض عينيك

بوسي

سلام يا أحلى بوسي
شكرا حبيبتي على كلامك الجميل
أعجبتك باختيارك لمقاطع ما حدش فكر فيها
الطريقة اللي شافها فيها جهاد بعد ما قتلت ماجد
وكأن روح سلام القديمة رجعت تاني
والانفصالية اللي كانو التنين عايشين فيها بعد صدمة هجوم ومقتل ماجد
ان شاء الله فكرة الرواية الجديدة في قيد التخطيط والبحث والحاجات دي
كتبت المقدمة
وان شاء الله مجرد ما تتضح الخطوط الرئيسية حبدأ فيها
أنا أيضا أجد شخصية صلاح مثيرة للجدل
من ناحية
كان ابن العم الحقير والسافل
ومن ناحية أاخرى .. ابن عم حنون لجودي وكان لها السند والأخ
كما كان العاشق اليائس محطم القلب
حتى ذلك الوقت
ما حدش عارف
ممكن أطلع عليكم برواية تانية مفاجئة
شكرا لمتابعتك ليا الأسابيع اللي فاتت حبيبتي
وعلى تشجيعك وتعليقاتك الحلوة