[ايات الشاذلى]

عزيزتى مايا مش محتاجة اقولك اد ايه الفصل التامن ده شديد بس اسمحيلى احييكى على طريقتك فى بناء مشاهد الرواية بجد روعة يعنى فى روايات كتير دايما الحقيقة تنكشف فى النهاية بس لكن لأن دى رواية للمختلفة مايا مختار يبقى السمة الاساسية هى الاختلاف بتميز عجبنى انتقالك بسلاسة من الماضى للحاضر ومن الحلم للحقيقة ومن الذكريات لارض الواقع تانى
كل ده من غير القارئ يفقد تركيزه ولو لثانية واوووووو صدقينى فى لحظة حسيت ان انا بري ودى ذكرياتى ولما فاقت ورجعت بافكارها للواقع للحظة وجودها مع شارلوت وكارولين كل سطر عامل زى حرير بيتغزل بنعومة ورقة كل سطر بيقدم حقيقة جديدة تخص شخصياتنا زى علاقة كاى بأبوة وسر عداوة دومينيك له اسرار بتنكشف مع كل لحظة
واعترف ان رسمك لشخصيات الغجر مثيرة عالم ساحر وكله اسرار وانا بتفق مع البنات ان جاريد ممكن يكون اخو كاى بس مش هحاول اتوقع لأن كل رواياتك اللى قرأتها علمتنى ان خيالك بيغلب دايما خيالى وخبرتك ونضجك ككاتبة وثقافتك العالية اللى بحسها فى كل سطر هى سر اختلاف وتميز رواياتك
اسمحيلى احييكى على اختياراتك للقصائد فى اول كل فصل رووووووووووعة واشكرك انكعرفتينى بأحلام مستغنامى واحييكى على قصيدتك الخاصة بيكى بجد رقيقة ورائعة
مش هاحاول اتوقع الاحداث الجاية وأن كنت اظن ان لسة فيه اسرار كتيييييييييييرة عن كاى وعالم الغجر وانا فى انتظار اعرف سر الفراق بين كاى وبري
عجبني اوى رقة التحدي بين كاي وبري عمرى ماتخيلت ان فيه تحدى رقيق لحد ماقريت سطورك رقة المشاعر من الم وحب وفراق وندم حتى الغضب عجبتني بري لماطلبت منه ان يركع ويتوسل وهى هتسامحه وعجبني رفضه واصراره انها هتسامحه عارفة ان حسيت انها رغم قناع العناد الا ان قلبها سامحه من لحظة ما رجع الا ان الامها وكرامتها هما سبب رفضها يعنى زى مابنقول فى مصر من ورا قلبها
اشكرك الفصل رائع قريته وعيدته حوالى 5 مرات وكل مرة بيزيد جماله