:
فهد لي ..!
سلوى وعيونها على الحضور : اش فيك كليتي البنت بقشورها
سوسن ..بقمة العصبيه المكتومه :نعم ياعيوني ...تاخذ فهد وتبين اسكت
ناظرتها بهدوء :طيب هي ما لها دخل فهدك هو اللي يبيها
: بإ ستهزاء ..اضحكي على غيري ..ما استبعد كيدها لين لفت راسه ...تعرفين انهم جيران واصحاب من زمان
سلوى:طيب وش بتسوين
:بفكر ...فهد لي ...وبس
بتروي وبتفكير شيء مهم تحضر له بعيد عن صخب سوسن :الا وش علاقة لورين بكادي وجوري وسندس
:زوجة اخو سندس
:اهااا
بـ استفسار مستغربه الاهتمام : ليه وش عندك ...ما تسالين من فراغ
:لا ولاشيء ...بس هذي تدرس معي بنفس المدرسه ...نفسها خايسه ومغروره موت
سوسن بقهر وغيره لاتحب الخير لااحد :حبيبتي ..عادي لو كانت مغروره... متزوجه راكان ..مال وجمال و شخصيه ..
تلتهم ملامح لورين الي حتى وهي تعبانه طالعه حلوه :حلو زوجها
يجنن مو حلو
نفسي اشوفه ..
بسذاجه لاتناسب شخصيتها بل انقاد لسلوى :
نفكر لك بطريقه تشوفينه ..بس تراه ثقيل وبقوه ..لمعت فكره براسها ... تعالي نروح له بالمستشفى
ما استغربت بس كـ تاكديد للمعلومات التي جمعتتها من فدوى عنه : هو دكتور ؟
ايه ..صاحبتك ..وما تعرفين عنها شي ؟
ما تحب تتكلم دوم مبوزه تقولين يصبحها ضرب ويمسها ضرب
ما علينا فيها تبين تشوفينه نروح للمستشفى ....!
......
ترتيب اوراق!
طول اليل من وصلها لبيت اهلها وهو يفتر بالشوارع ...بدون هدف ..يفكر في حياته مع الانسانه اللي حبها طول عمره
تحدو اثنينهم عائلاتهم ليتزوجو .. حياتهم كانت هادئه في السنه الاولى ولكن مجيء ميلاد ووفتاة والد ماجد وتحمله مسؤلية بيت ابوه ..قلبت الموازين ..تذكر انه ما تقبل خبر حملها بميلاد براحابة صدر كان رافض فكرة الاطفال بعد سنه تخطيطه ثلاث سنوات قليل جدا ...لكن طبيعه ريهام الحنونه وفي الوقت نفسه قويه فرضت الفكره غصب عنه ..بعدها حاول يتقبل الموضوع بشرط ما تحمل لفتره ..لحد ما يدرس ميلاد ..والحين من يومين ضربها وسقطت ..رمت عليه كلماتها مثل قذيفه : طلقني ..ما عاد ابيك ..وحياتنا مع بعض وصلت لطريق مسدود
حاول يثنيها عن رايها مو مصدق بعد كل الحب تطلب الطلاق ...ريهام ..انت بعدك تعبانه ..معاك حق انا غلطان ..بس ...
قاطعته وكانها تبي الفكه رغم انه شعور مخالف تماما لما تكن :لابس ولاشي ..خلاص ماجد تعبت ...ما عدت اقدر اتحمل ..لهنا وكفايه ...زين مني صبرت عليك كل ها المده
ياماجد ..لو تغاظيت عن الليله الماضيه ومسحتها من حياتي فيه ليال ثانيه مثلها ..صحيح ما تضرب بيدك ..بس لسانك يضرب ...تصرفاتك ..كل شيء فيك متغير ..
: دافع عن نفسه بـ:حتى انت ريهام تغيرتي مو انا لوحدي
نهرته : مو مثلك
صحيح الزعل مو زين لها و هو مومتحمل خسارتها بس بعد لازم يحط النقاط ع الحروف بما انها تشوفه بعيوب حتى هي فيها عيوب :صحيح مو مثلي ..شو تقولين عن وحده تقعد عند اهلها شهر كامل وزوجها كل يوم يقولها ردي البيت ..ماعندك شغله ولا مشغله في بيت اهلك ..بس جالسه تسولفين ... ميلاد ..متاكده انك امه ..من شهرين بس صار يقولك ماما واول مفكر انه ولد الشغاله ..
وحده عاقله تقول الكلام اللي قلتيه عشان بس تروح حفله. وياليت لناس يقربونك ..هدمتي بيتنا عشان حفله !
..طيب ميلاد لو تطلقنا وين بيكون
تناست كل كلامه وعلقت باخره :معي اكيد ..والا تبيه يتحسر على كل شي يبيه
بزعل وغضب كتمه هانت عليها العشره : ما اتوقع اني قصرت عليك ياريهام لدرجه التحسر ..كنت ابديك انت وولدك على نفسي وعلى اهلي
تشدقت بتحاذق مصطنع :والحين بريحك خلاص ياخي ستانس ليه ماسك السلم مقلوب ..بريحك من ميلاد
صرخ فيها بغضب ..ها الحرمه مو راضيه تفهم شكل عقلها فيه مصيبه :هو ولدي مثل ماهو ولدك
بنس نبرته ردت عليه:ماراح ارجع معك البيت وميلاد بيجي معي ..وغير كذا ما عندي كلام ثاني
لوحه استخرجته من بوتقة افكاره مكتوب عليها ..الشرقيه 10 كيلو ...خرج من الرياض بدون مايدري ...كمل طريقه للشرقيه ..ياخذ وقت راحه ..لتفكير بهدوء.بعيد عن ريهام واهله ...
...
الحب مو غصب
رجعت كادي لبيت مع امها وخبرت فهد باللي صار
فهد : ان شاء الله بكره بروح اخطبها..وسوسن بالطقاق فيها ..موغصب واتوقع اني لمحت لها اكثر من مره انها ما تناسبني
كادي: اترك البنت تفكر على الاقل بكره ..ولاتنسى بكره بيت خالتي نوره بيجون على الغداء ..فانت ياما انك تتكلم معها عن الموضوع او تصرح فيه قدام الكل
فهد: لاما راح اكلمها ..بكلم امي تكلم امها في اقرب وقت ..
كادي : زين ان امي ما عندها مشاكل مع ام فراس والا كان صفت مع خالتي
فهد : امي اعقل من خالتك ..ها اللي كنها وحده من بناتها ..
كادي : بس على عقل امي ..فراسة خالتك ممكن تقلب راسها مثل سالفه ورث جدي
فهد : الله يستر ... تعتقدين فعلا ..ان جدي كتب ورثه كله لخالتي ام جهاد
حبيبي هي ابر وحده فيه جلست معه ايام مرضه ..وامي وخالتي مشغولين بااعمارهم ..الحق حق وما ينزعل منه
وبعدين جدي اعطاهم من الورث ..صحيح ان الجزء الاكبر لخالتي ايمان بس حقها ..
طيب اتركي ارواق الماضي عنا ...بروح انام عندي شغل لفوق راسي بكره
...
الساعه 2 الفجر
دخلو البيت مهدود حيلهم بعد ها اليله خصوصا جوري اللي خلعت جزمتها وانتو بكرامه في سيارة راكان من كثر الالم ..
اما راكان ولورين راحو بيتهم بعد ماوصل جوري وسندس
جلسو بالصاله وشالو عباياتهم واضح ان البيت ما فيه حد من الشباب واذا كانو فيه فـ انهم نايمين
جوري : تحسين انك جوعانه ..
سندس : ايه جوعانه ..بس بليز جيبي خفايف ما بي اصير مثل بعض الناس الفستان شوي وينقطع
جوري يحسها انو الكل صار يقول عنها دبــه بدل مليانه بنزفوه ردة عليها: دوري من يجيب لك اكل يالعصلاء
سندس تشيل الساعه اللي بيدها وتحطها بالشنطه الصغيره :عادي احب الخدمه الذاتيه ..لاتحوسين المطبخ
راحت جوري المطبخ بالفستان ....
بعد دقايق طلعت جوري ..محمله عمرها كل انواع الاكل الجاهز في المطبخ
سندس : الحين فيه وحده صاحيه تاكل كل هذا ..وانت بتنامين
جوري : تبين تاكلين قومي ..ماتبين التزمي الصمت
صوت من وراهم غاضب : لاياشيخه انت وياها ..
التفتت سندس ..وبمفاجأه لانها ماسمعت حسه وهو داخل :فراس ...
اما جوري غصت بالاكل و قلب وجهها احمر ..بسرعه وصل لها جهاد الي كان خلف فراس ..يخبط على ظهرها بخفه ويعطيها كوب عصير
مافيه ماء على الطاوله ..
جلس جهاد على الكرسي بجنبها..عيونه طالعه ..خايف عليها .. : خلاص ..ما صار شي ..الحمد لله .. سلامات
سندس حست على عمرها وراحت لعباتها تلبسها ..: فراس يتمسخر : بدري ...اجلسي شوي بعد ..وبعصبيه اعطي الهانم عباتها ..
شالت سندس عبات جوري بعد ما لبست عباتها وشيلتها واخذها جهاد لان جوري باقي مسويه مناحه ..تذكرت امها وهي تنازع ..في الشارع محد انقذها ..رمى جهاد العباه عليها بحيث تسترها ..وحاول يهديها
فراس بغضب : توكم الحين تجون ...عارفه ياهانم كم الساعه ..
ردة سندس بـ لامبالاه فلا مبرر لكل هذه العصبيه في نظرها :راكان جابنا وكانت معنا لورين يعني مو لوحدنا
:لا طمنتيني عاد . ويقلدها ..لورين معنا ..بشويش كلكم اضرب من بعض ..ليه ما راحت امي معكم
:نسيت ان ريهام هنا ....وتعبانه
بأمر :مره ثانيه لاعاد اشوفك انت وياها طالعين لكذا سخافات لحالكم
جهاد خاف على جوري اللي صارت ترجف وصوت فراس الثاير يزيد رعبها ..
اساسا هي خايفه منه من المغرب لما كان معصب من راكان وماجد _
فحاول يهديه : فراس خلاص ياخي ماصارت طلعه وطلعوها بس اسكت ..
فراس :: لو انت ترضى لاختك تجلس لها الوقت ..انا مو راضي ...
جهاد ناظره بغضب وعصبيه واضحه ..اغفلته معنى كلامات فراس المندفعه :اتوقع ان كانت معهم لورين وجابهم راكان ..
ولا تتكلم عن اختي اللي هي بنت عمك بذي الطريقه ... كاد ان يضيف يا..محترم بس ابتلعها
ووقف جوري : قومي نطلع ..بسك بكاء ..
طلع جهاد وهو ماسك الجوري مع اكتافها وطالعين الدرج وراهم سندس ..
وصل جوري غرفتها ..جلس معها لين هدت ..وفي الاخير نامت وهي لسى بفستانها والمكياج مبهذل وجهها ..
سكر اضاءت الغرفه وطلع لغرفته صلى الفجر ونام ..اما فراس كان يلوم نفسه على اندفاعه ويحمد ربي ان جهاد ماانتبه لاندفاعه ...
جاه اتصال من واحد من ربعه بعد ما كلفه بمهمه البحث عن صاحب الرقم المزعج جوري
...ويطلع لواحد من جده ..حاب يلعب وفارس هذبه ..باتصال ساخن
يوم طويل على الكل منهم من انتهى يومه بسعاده ومنهم تخطيط مكايد وناس ثانيه غارقه بهمومها
وثالثه سرحانه حبيبها وغيرهم يتجرعون دموع الفقد الالم الحسره ..
..
اتخيل وجهك في زوايا البيت
بعد ما تغدو .. في بيت ابو فهد ..عندهم خالتهم نوره وبناتها ..مثل كل جمعه ..يقضونها مع بعض
كانت سوسن معزمه تنفذ خطتها الي حاكتها البارح عشان توقع فهد في شباكها ..امها عندها خلفيه بالفكره ووافقتها عليها ..اما مياس كا العاده حاضر مع العالم وانا مكتوب جنب اسمي غياب ...
خصوصا لاجات بيت خالتها ذكريات الماضي ما تفارقها ابد ..تشوف وجهه في كل مكان ..في كل زاويه ..في وجه خالتها وعيالها
...تتمنى يصير لكادي لنفس اللي صار لها ...بس ترجع تقوا مالها ذنب بالي صار ....
_ في الماضي _
كان عمرها 14 سنه جات بيت خالتها متهاوشه مع سوسن ..قعدت عندهم يومين ..
اليوم الثالث في الليل والكل نايم ...كان لها غرفتها في بيت خالتها لانها دايم تجيهم تحب تسولف مع كادي
على الرغم من فارق السن الي بينهم
سمعت صوت دق على باب غرفتها : من
ابو فهد : افتحي يامياسه جبت لك الاغراض اللي وصيتي عليها من المكتبه
فتحت الباب خذت الاكياس ابو فهد : مافيه شكرا
باسته على خذه ..دايم تعتبره مثل ابواها المتوفي :شكرا بابا
فجاء الاب المثالي تحول الى ذئب جائع سرق منها شرف طفله ...صوت اخرجها من ذكرياتها ..
كادي : مياسه ..مياسه
مياس ارمشت عيونها بمفاجأت وجود كادي امامها :نعم
كادي بابتسامه :اخيرا انتبهتي
أعتذرت رغم ما يثيره تواجدها في هذا البيت من حرقه لاتنطفي :سوري ..مشغوله باختبار بكره
كادي بأبتسامه : تعالي يابنت الناس ننزل تحت الجو يجنن و مافيه شمس ..
بابتسامه مصطنعه : ايه الشتاء قرب
نزلو الحديقه معهم عصير وحلى ..كانت سوالفهم عن المدرسه والجامعه ..اما سوسن كانت تكتفي بالتعليق ..مشغل بالها فهد متى يخرج من البيت
بعد نص ساعه من نزلوهم ..خرج فهد مواعد واحد من ربعه ..
سوسن تلعب بالجوال ..فتحت على النغمات ..على موسيقى نغمه الاتصال ..توهمهم ان احد دق عليها وقامت تمثل بالرد عليه :الو ..هلا سلوى ..لحظه شوي ...عن اذنكم يابنات ...
قامت من عندهم ..وباقي تكمل تمثيلها لين بعدت ووصلت للبيت .. طلعت الدرج بدون محد يشوفها ..وصلت لغرفة فهد فتحتها ..خذت منها بقايا شعره في المشط ..تيشرت مرمي على حافة السرير كان لابسه ..فتشت بالدولاب لقت دفتر واضح انه دفتر ذكريات خذت منه ورقه وخرجت على عجل .. خبتها في شنطتها ..ونزلت لامها وخالتها اللي نزلو مع البنات بلحديقه .: يمه بروح لسلوى تقول انها تعبانه ..ومدري وش فيها
نوره بابتسامه تخفي خلفها سوء نيه : روحي يمه وطمنيني عليها
....
لاتلمس الجرح يامعود!
لا تـلمس الجرح يا معود وصبح ـا عزوم
الـبرد فتق ضلوعي وانت دوار صيت
ضيعت عمري اطاول في حزومي رجوم
وايست اباقول كل الشعر في شطر بيت
لا الـوقت وقتي ولا حلومي تطيع وتنوم
ولا الركايب وحادي العيس ترضيه ليت
ذهـايب الـذود راحت مع ذواهيب قوم
لا صـار لك الف قوماني فلك الف بيت
ترى اصعب الموت موت يذبحك كل يوم
واصعب حياتك تعيش وانت جواك ميت
اواه يـا طـول عمري لا حسبت الهموم
يـا كـني اكبر من الدنيا ولا قد شكيت
عـلمك دهـاني يا لاقي خير خل العلوم
اسرجت صفرا من همومي عليها حديت
واطـلقت لـلبيد راحـلتي وفوق النجوم
راسي وانا كل راسي تيه فخر و iiهميت
واقـول لـلي يـبي كـرامتي لا ..تهوم
لا انـته ولا الـف مثلك يهدم اللي iiبنيت
اتعبته ها السياره اللي عمرها من عمر جد ابوه ..في افضل حالتها توقف مرتين بالاسبوع ...صار من كثر مايصلح فيها بيحترف الميكانيكا ..
كان تحت السياره مو باين منه شي ..سمع صوت انثوي هادي جداء مع ان الكلام اللي تقوله يدل على انها غاضبه جدا ..
: سلوم كم مره قلت لك لاتقطع الشارع لوحدك
سلوم_سالم _ صغير بعمر العشر سنوات :اوف منك ما فيه احد شوفي الشارع فاضي
ردت عليه بصوت هامس وحازم : اقول لايكثر ..مره ثانيه لاصرنا بنطلع للبقاله انتظرني ...زين ؟
مارد مو عاجبه ...مرت من جنب سيارته حمد وما لاحظت . ..اما هو عرفها من اسم اخوها ..ما احد بجيرانهم مسمي سالم غيرهم ..
طلعت رؤيا : حمد باقي ما خلصت ؟
حمد يطلع من تحت السياره ويمسح يده بمجموعه كلانكس: الا ..خلاص نادي امي ..لانتاخر اكثر ..
ام حمد تفتح الباب كله : هذاني جيت
رؤيا تمسك بيد امها ..الفاضيه بينما الاخرى تمسك بعكاز خشبي : يمه ليه ما انتظرتي لين اجي اساعدك
ام حمد : يابنتي تعبتك معي ..بعدين خليني احاول امشي لوحدي .. بكره لتزوجتي من بيساندني
رؤيا خنقتها العبره على امها الروماتزيوم متعبها للدرجه ماعاد تقدر تمشي
:يمه ما تعبتيني انت امي وواجب اقوم فيك ..وبعدين ما راح اعرس ..
ضربت الام على صدرها بخفه دليل على مفاجأتها وصدمتها من قرار ابنتها :ليه يابنيتي ..الا اعرسي وخلفي بزارين يقولون لي ياجده ..عاد خاطري فيها ..مو اخوك شاب شعره وهو مايبي يعرس
رؤيا تشيش امها على حمد وبضحك: يمه اخطبي له وزوجيه غصب
ام حمد: على ايدك عندك بنيه بمدرستك مناسبه له
حمد يخفي مشاعره تحت قالب جليد تمرس عليه :
اقول يام حمد تراى موعدك بيروح وانت وياها تخططون ...خلوني اوصلكم دام ها العجيز صلحت ..
ام حمد : ايه بس صرفني
ضحت رؤيا اما حمد التزم الصمت وركب سيارته .. ينتظرهم يركبون
......
حيره !
خذت شور طويل جدا كان مقصدها منه تريح اعصابها اتعبها التفكير في كلام كادي البارحه
: معقوله فهد يحبني وانا مو شايفه ها الحب ..من جد انا عميا .. تعتقدين يابنت ان عزيمة المطعم هي السبب ..
دق الباب واانفتح بسرعه قبل لاتقول ادخل جوري : يالاميره النائمه تروحين معي انا وجهاد المكتبه ؟
بنفسها..:طيب وجهاد ...نقظت نفسها_الحين وش دخل جهاد ...فيه مواصفات فارس احلامي ..طيب وحنون وسيم بس ما احبه ..و..قطعت افكارها جوري : هيه يابنت اكلمك وراك ما تردين
سندس بنرفزه : لامو رايحه ما عندي شي اجيبه ..
جوري بابتسامه : اوكيه طلعت وسكرت الباب
سندس ..ليه ما اطلع واشوف جهاد عن كثب.. يعني تأمل .. المشكله المقارنه بين الاثنين صعبه هذاك اكبرمني ..وعصبي احيانا ..بس مكون نفسه ..ويحبني ..اما جهاد طيب وتحسين انه مسكين من كثر ماهو مسالم ...ما توقعت اني باشوفه في يوم معصب للين الفجر اليوم ..ابتسمت لما تذكرت شكل فراس وهو متفاجئ من جهاد ..وتوه يدرس ..بس عمره قريب من عمري كلها ثلاث سنوات وفارس احلامي ابيه قريب من عمري...بس هو يشوفني مثل جوريه...
فتحت جوري الباب ..وبدفاشه لاتنتمي مطلقا ل شكلها : اقول انتِ ما شفتي شيلتي
سندس : اوف منك ما تخلين الواحد ياخذ راحته
بشويش ..سوري نسيت انك تفكرين كيف تحرّين فلسطين ..اخلصي شفتي شيلتي قلبت غرفتي عليها
ايه هذيك هي ..اشرت لها على التسريحه ..وعلى فكره انتظروني بروح معكم
هماك قلتي موب رايحه .. وبنبره استكشاف ..شو غير رايك ؟
سندس بكذب ولامبالاه تخفي مشاريعها الغير مقتنعه فيها : بروح اجيب لي كم روايه
:اقول محاضراتك ابرك لك
عصبت سندس :وش دخل امك..؟
صمت ...طلعت جوري وسكرت الباب حتى شيلتها ما شالتها
سندس : اوف من ها البنت مو براضيه تنسى ان امها ماتت ..رجعت ترد على نفسها ..لو كنت مكانها ما نسيتيها
خافت من افكارها ..بعيد الشر عن امي ...قامت تلبس عبائتها ونزلت تحت ..كان جهاد وجوري وام فراس بالصاله جلوس
جهاد بابتسامه : واخيرا شرفت ..
سندس : سوري ع التاخير ..رمت االشيله على جوري ..جوري خذتها وحطتها على ابلكنب ..وقامت كانت لابسه عباءه وشيله ثانيه ..
ام فراس : لاتتاخرون يمه جهاد
جهاد بعفويه : ان شاء الله يمه
جوري ناظرته بقوه ..النظره ماغابت على احد كلهم انتبهو لها ..: انتظركم برا ..خرجت وهي تمسح دموعها ...
وتحاول تنفيس عن نفسها بتناسي
....
ودي لكم
|