:
صوت نغمة جواله تصدح في هدوء الغرفه المظلمه ..تقلب ..وتقلب ..كانه
يحاول يسكت الجوال اللي مارضى يسكت المتصل معزم يبي يكلمه فتح عيونه :الو نعم؟
غلا: الو بيبي ..وينك ؟
اسوء صوت في حياته وكوابيسه:نايم .. وبـ لا مبالاه اردف :خير فيه شي ؟
بدلع استغوائي مخضرم : ايه اشتقت لك ..من ايام مو مبين
لا يريد اطالة الحديث معها و اتطيير ماتبقى من لذه النوم : عندي شغل مو فاضي
فهمت تصرفته بس هي غلا قدها وقدود متعوده ما تترك الواحد لين هي تقرر بعد ما تأخذ كل اللي تبيه
:امم تمرني الليله ودي اطلع السوق
بصراحه:لا مو فاضي ..وسكري خلني انام
اغضبتها صراحته بس حبت تهدي لين توصل للي تبي : اوكيه حبيبي نوم العافيه
سكر وهو يتافف ..ورجع يغطي راسه بالوساده الثانيه ..
وبعد نص ساعه وهو يحاول يرجع ينام بس ماعاد قدر ذكريات ليلة غلا اليتيمه تطارده ..قرر انه يقوم يأخذ شور ويطلع ..
ام فراس جالسه تسولف مع ريهام اللي هدت نفسيتها ..ما حاولت تجيب للموضوع سيره لين ريهام تتكلم من نفسها ..
ام فراس : ميلاد قصر ع الصوت صارو الجيران يسمعون معنا
ميلاد : اثلن _اصلن _ هذي الكراتين مو حلوه ..ابي البلايثتيثن ..
سلم على امه وريهام : غريبه وين تنكي ونكي ..ولالا
ام فراس : من ؟!
فراس : جوري وسندس ..عاد قعدة حريم غريبه مهم فيه
ريهام : راحو المكتبه مع جهاد
فراس : امممممم تذكر الفجر من طاري جهاد ..لازم يتاسف منه على الكلام االلي قاله ..: وين جوتا ؟
ام فراس : بالمطبخ يعني وين....؟!
ريهام تضحك وفراس : ام فراس اشفيك مودك اليوم مو تمام ..اها بس مشتاقه لابوي ..قايله لاعاد يتاخر ..يمه لايكون ابوي معرس عليك ..!
ام فراس تحذف بالوساده الصغيره التي تضعها خلف ظهرها .. لانه اصاب في تخمين توترها .. اتصلت عليه عده مرات كان مغلق ...
ثم لا يم الرد ..وليس من عادته فعل ذالك ..حتى في خضم اجتماعاته كان يرد عليها : يازينك وانت ساكت ..بس
شرارة غيره!..
فراس وريهام يضحكون ..على دخلت ابو فراس بهدوء متعب ..السلام عليكم
فراس وريها : وعليكم السلام ..
ابو فراس ما انتبه ان غاليه ما ردت عليه ..تفكر في كلام فراس :جوتاااا ..
جات جوتا : نعم بابا
جيبي كاس ماء
فراس : سوي لي شي اكله
ام فراس ..توجه كلامها لابو فراس : وين كنت ...؟
ابو فراس استغرب السوال مو من عوايدها : ابد مريت على المزرعه
ام فراس طلعت عيونها متفاجاه : جاي من الديره
ابو فراس : ايه ..مو عاجبتني الماء قليل ..جافه
ام فراس : ليه ما قلت لي
:عادي هذاك عرفتي ..وبعدين ما حبيت اتعبك بالمحاتات
ريهام تطالع في فراس كنها تقوله دخلت الشك بقلب امي
ام فراس بنرفزه وعصبيه تحاول تكون هاديه رغم شراره الغيره المشتعله في قلبها وعقلها : مره ثانيه لو سمحت طال
عمرك قلي وين رايح ومتى بترجع ومن وين جاي ..انهت كلامها واقفه وراحت على غرفتها ونظرات المتواجدين تشيعها
بأستغراب من الام المراهقه
ابو فراس متفاجئ ..ومندهش ..:في امكم شئ
ريهام قالت له السالفه وفراس يبتسم
أبتسم ..رغم مرور السنوات ورغم انها تعرف مقدار حبها في قلبه تغار غيره لذيده .. والغيره نابعه من الحب ..جلس دقايق ثم لحق بها
والله لزعل كل هالناس "وارضيك"
وامشي معك لو حالوا الناس "دونك"
يامن ملكت القلب بالروح "لـفديك"
انا معـك لا تفكــر اني "بخونك"
بعت البشر وفي زحمت الناس "شاريك"
وكرهت ناس(ن) بالزمن "يكرهونك"
ميلاد : يمه تعالي شغلي البلايثتين ..عيا لايثتغل
ريهام قامت وطلعت مع ميلاد ..وفراس جالس يأكل فطور مدري غداء المهم لفت انتباهه شي اسود على الكنب بجنبه
استغرب اكيد شيلت وحده من المهابيل .. قربها لانفه يشم ريحتها كنوع من اللقافه ويتمنى تكون لها ..دافع غريب لتمني هذه الامنييه
...هذا هو نفس العطر اللي دوخه ..نفس العطر اللي تحطه كل صبح وكل ليل ..نفسه ريحته تغلغلت في اعماقه يوم لقاها
تبكي عند باب سندس ..رجع الشيله مكانها ورد يستمتع بكاس العصير..وافكاره تسبح في بحر الجوري
....
شغل البيت هد حيلها من الصبح وهي تكرف ..ما قعدت ولا ارتاحت وامه منغصه عيشتها كل ما قربت تخلص من شئ وكلت لها مهمه ثانيه
..ما كن عندها بنتين مثل الفيله بس اكل ونوم ..وتبيهم يتزوجون وهم ما يعرفون يسوون كاس شاي ..
بس كل شي يهون دام ابو وليد معي ...صوت الجده : ليلى ..ياليلى ..وجع..بعدك ما خلصتي الحوش كم لك وانت فيه
خالتي خليني ارضع وليد مات من كثر ما يصارخ ومحد راضي يشيله
من يعني يشيله ..انت امه والا ام على الفاضي
ما قلت شيء ..بس نتساعد
انكتمي وخلصي شغلك..وبعد ما تخلصين الحوش بخري المجلس
ليلى ارخت عيونها تخفي تعبها وامتغاضها : زين
...
في سيارة جهاد..راجعين من المكتبه ..سندس تدرس كل حركه وكل همس لجهاد ..
وجهاد يسولف ويضحك مو على باله ولا هو حاسس بالكام المترصده له
جوري : جهاد وقف عند الماركت ابي شيبس وبيبسي
جهاد : تامرين امر ...سندس تبين شي ..
سندس :لا
اش دعوه ..ولا حتى ماء
سندس تركز على نبرة صوته هل تتغير وهو يكلمها بس للاسف كان نفس الرتم معها
ومع جوري ومع الكل :مشكور جهاد ما ابي شي
...
هل تقبلين ان اكون فارس احلامكـ ؟
بعد صلاة العشاء في بيت ابو فراس ..في مجلسه تحديدا ..ابو فراس جالس وعلى يساره فراس
ويمينه فهد المتوتر يحس الكنب الذي يجلس عليه سيتسبب بزلزال في منزلهم ..تمنى ان والده على قيد الحياه
ليسانده في موقف كهذا ..ومواقف عده ...
فهد:عمي الله يشهد علي اني اعتبرك مثل ابوي ..
ابو فراس : وانت ولدي ..خير يافهد
خير بوجهك ..مسح قطرة عرق تسللت على جبينه ..بدون مقدامات لموقف اول مره يصير بحياتي ..:
انا طالب القرب منكم ..بطلب يد سندس منك على سنة الله ورسوله الحبيب عليه الصلاه والسلام
ابو فراس نظره بطرف عينه على جهاد المنشكح ما عليه شر ...كان يراقب اي تغيرات به لاكن لاشي
حتى ابتسامته الهادئه منحوته على وجهه :وين نلاقي مثلك ..بس ناخذ راي البنت
فهد بانشراح موقت يعطي نفسه امل : تفضل طال عمرك ..ابتسم بخجل تدارى خلف ملامحه الرجوليه : ياليت تشوف رائيها الحين
فراس بضحك: اثقل شوي ..ضيعت هيبتك
فهد يبتسم ويقول بنفسه :بلاك ماتدري اختك وش مسويه فيني
ابو فراس ..طلع يشوف رد سندس كان بامكانه يطلّع فراس... بس يبي يشوف سندس
لها ميول لفهد بعد الاندماج اللي صاير بينها وبين جهاد كتنفيذ لوصية اخيه _ اذا صار توافق بين جهاد وسندس _..
خصوصا ان ردة فعل جهاد الطبيعيه جدا توحي انه ما يفكر بسندس الا كا اخت ..
وديـــ
:
|