الحلقه الخامسه
بيت ابوا وليد
غدير/انهبلتي انتي وش ها التصرفات
نوره/وانا وش سويت
غنى/لا سلامتك على بالك محد يدري انك تحبين فارس الكل يدري وعارف بس ساكت
موا عشانك عشانا عشان ما نتفشل لآنا خواتك يعني احترمي نفسك وعن ذا الحركات
ام وليد/هذا بدال ما توقفون بصف اختكم
غدير/وش نوقف معها فيه يمه غيرتها من بنت ولا عمرها شافتها لمجرد انه خالتي قالت
انها ودها تشوفها وتكون من نصيب فارس اظن هذا حقها
ام وليد/اصلا ما لكم شغل بها السالفه نوره لفارس
غنى/اذا هوا اساسا مدرى عن هوى دارها
ام وليد/مصيره بياخذها هي بنت عمه وأولى من الغريب
غدير/ومنار وغرام بعد بنات عمه
نوره/بس موا من مستواه
غنى/اي مستوى هذا اذا على الفلوس عندهم ورث عمي الله يرحمه يعني زيهم زيك
نوره /ما يخسى الا هم انا بروح انام ابرك لي
ام وليد/رفعتوا ضغطي الله يا خذكم من بنات
****************************************
بيت مالك
عبير /استانستي
منار/ايه مره بس نوره هذي مدري ماتريح عكس خواتها
عبير/تصدقين على انها بنت عمنا بس من يوم ماكنا صغار ماكنا نرتاح لها
مالك/شعندكم
عبير/سلامتك
منار/كنا نسولف عن نوره يا انها ثقيلة دم
مالك/هههههههههههههههههههه لي الحين على خبري ما تغيرت
منار/ليه انت كنت تقعد معها
مالك/لا كانت دايم اطفشنا انا وعيال عمي المهم استناستي
منار/ايه والحمد الله شيخه طمنتني على غرام
*******************************************
في مكان ثاني جيران ابوا خالد
لبنه/ كانت قاعده تتفرج وتبدل القنوات طفشانه
نوير/انت قاعده هنا قومي عمى يعميك ان شاء الله قومي نظفي المطبخ عقبها روحي
كوي الغسيل وذاكري حق عمر
لبنه/لا يكون على بالك انا خدامتك وانا مدري
نوير/عندك مانع
لبنه /ايه اشرايك
نوير/لا تحديني انادي اخوك يجي يغسل شراعك مثل كل يوم
لبنه/خوفتيني
نوير/هين دقيقه راحت المقلط
نوير/اسمع عاد لازم تشوف صرفه مع اختك و لا انا وولدي بنروح بيت اهلي موا كفايه
مسكني معى ها العله اختك
مسلط/ليه وش سوت
نوير/بعد ما تعرف اختك ما تبي تساعدني بشغل البيت
راح الصاله لقاها قاعده مسكها وعطاها كف قوي بكت غصب عنها
مسلط/على بالك انتي في بيت ابوك تشتغلين في البيت غصبن عليك يكفي اني ضافك
عندي
لبنه/لوا كان ابوي عايش ما استرجيتوا تسوي فيني كذا انت وزوجتك بعدين انا توني
قاعده من الصبح وانا اكرف في البيت
مسلط/اكلي تبن كل الي تقوله نوير تسوينه فهمتي وراح
نوير/بشماته/يعني لازم كف وبهدله عشان تسمعين كلامي شكلك تعودتي على الاهانه
********************
ترددت تتصل فيها بالاخير قوت قبلها ودقت
غرام/الوا من معي
منار/انا
غرام/منار
منار/شلونك
غرام/تبكي/ليه سبتيني ليه رحتي عني انت موا اختي ليه ليـــــــــــــــــــــــ ــــــــــه
منار/حبيبتي والله ما تركتك انا ما نسيتك بس انتي ما بغيتيني اذا تبيني ارجع ارجع
غرام/لاء خليك عنده ما ابغاكم ما بغاكم وقفلت في وجهه الخط
عبير/ها تطمنت عليها
منار/للحين زعلانه مني وماتبي تكلمني
عبير/هي وش فيها
منار/محد منا يدري
عبير/ما فكرتوا تعرضنوها على طبيب نفسي
منار/ كله خالتي تقول عين لآنه مره يوم كنه صغار صابها عين وما قدرت تشوف الكل
كان يحسدها على لون عيونها وما صارت زينه الا لما وديناها لشيخ
عبير/بس هذي غير لازم تعرظونها على طبيب
بيت ابوا وليد
وليد/اقول غدير
غدير/نعم قول صار لك كم يوم موا وليد أولي الدار امان الوالده ونوره بالسوق وغنى
على النت فوق يعني تكلم على راحتك
وليد/صراحه مدري شقول مادري من وين ابتدي
غدير/ابتدي من اي مكان المهم تقول
وليد/صراحه انا ابي اتزوج
غدير بفرحه/والله تتكلم جد انت لاء اكيد تمزح
وليد/قصري حسك فضحتيني لاحد يسمعنا
غدير/من فرحتي وش خلاك تعزم الوالده صار لها سنه تقنعك ببنت خالتي موا راضي
وليد/بس انا ما بي ليال بنت خالتي
غدير/اجل منوا
وليد/بنت عمي
غدير/ تشهق/حلا بس انت طول عمرك تقول عنها مثل غنى
وليد/يا لخبلا بنت عمي سيف الله يرحمه
غدير/من منار وانت وش عرفك فيها
وليد/يكفي انت وغنى تمدحون فيها
غدير/وليد انا غدير اختك قول الصدق
وليد/بصراحه انا شفتها في بيت مالك مره مريت عليه الظهر بغيته بشغله هوا طلع راح
يجب غرض من سيارته شفتها شكلها كانت توها صاحيه ومن ذاك اليوم وانا افكر فيها
وابيها زوجه لي
غدير/صراحه يحق لك تفكر فيها البنت حلوا وخلوقه وتنحب بس الحين المشكله بالوالده
وش بتقول لها
وليد/وش المشكله بالوالده
غدير/الوالده وتعرفها اطالع الناس من فوق ولما كنا في بيت مالك كان مبين من نظراتها
انها مستحقره البنت
وليد/والله امي مشكله بس دام الوالد معي ما بخاف لانه ابوي يعرف يسكت الوالده
غدير/بس الوالده معزمه تخطب لك ليال
وليد/بس انا ما ابيها بكرا ان شاء الله اكلم الوالد
غدير/على العموم مبروك مقدما
وليد/الله يبارك فيك
*****************************
برى عند باب بيت ابوا خالد رجعوا خالد ومحمد من دوماتهم وهم يببون يدخلون لفت
انتباهم ولد صغير تقريبا عمره 7سنوات قاعد ويبكي عند باب بيتهم كسر خاطرهم
وراحوا عندهم نزل محمد لمستواه وصار يطالعه
محمد/ولد صغير وحلوا مثلك ليه يبكي
عمر/................
خالد/ماتبي تقول ليه تبكي
محمد/احد من عيال الحاره ضربك
عمر/لاء محد ضربني
محمد/طيب ليه قاعد لحالك وتبكي ليه ما تدخل البيت الحين تلاقي اهلك قلقانين عليك
عمر/بس انا ما احبهم
خالد/ليه حبيبي
محمد/في اخد ما يحب امه وابوه هذا عيب
عمر/بس هم كل يوم يضربون عمتي لبنه ويخلونها تبكي وانا احب عمتي لبنه وازعل
لما اشوفها تبكي لوا كنت كبير كنت ضربتهم وما خليتهم يضربونها بس انا صغير
محمد/حس فيه ورق قلبه زياده ومسح دموعه /شرايك يا بطل نروح البقاله مع بعض
وتشتري الي تبيه
عمر طبعا طفل فنسى على طول زعله وفرح
محمد/خالد انت روح بيتك انا بروح معه شوي وبرجع
*********
محمد/خلاص اتفقنا تصير بطل وما تبكي مره ثانيه عشان عمتك تقول عنك كبير وعاقل
عمر/خلاص اتفقنا شكرا
محمد/ايش قلنا حنا الحين صرنا اصحاب يعني ما في شكرا بين الاصحاب
عمر/خلاص
*********************************
بيت ابوا خالد
شيخه/معقوله غرام طالعه من غرفتها وجايه الصاله
غرام/وش عادي ما تبوني
نايف/ماصدقنا يا شيخه قعدي
قعدة شيخه جنمبه
نايف/ انا اقصد غرام موا انتي
شيخه/ بس انت قلت شيخه
ايمان/اخص ياا لاستهبال
نايف/محد يقعد جنمبي غير اختي وحبيبتي غرام
غرام/كل هذا حب وهذي قعده
نايف/اقول بنات شرايكم بها المناسبه اطلعكم امشيكم
ايمان/ايه جبتها
غرام/لا ما ابي
ايمان/امانه عشان خاطري غرام صار لك من زمان ما طلعتي معنا
نايف/اذا غرام ما تبي ما في طلعه
شيخه/الله يخليك غرام طفشانين وافقي
غرام/يا شين الطراره خلاص
ايمان نطت عليها وصارت تبوس فيها
***************************************
منار/مالك ممكن طلب
مالك خير
منار/ودنا اطلعنا برى زهقنا من قعدت البيت
عبير/ايه والله
مالك خلاص شرايكم بالمملكه
منار/فكره حلوه نص ساعه نتجهز فيها ونطلع
*******************************************
لبنه/عمر من وين لك ها الكيس مليان شبس وحلاوا وايسكريم
عمر/من صديقي عموا محمد
لبنه/ ومن هذا وين تعرفت عليه عشان تقبل منه ها الاغراض
عمر/حكالها كل شي
لبنه/وانت ليه تقوله بمشاكلنا مهما كان بيظل رجال غريب وعيب تقوله كل شي
عمر/بس هوا صديقي الحين وقالي لما تكون متضايق تعالي بس لاتبكي عشان عمتك
لازم تصير قوي عشانها
لبنه/طيب حبيبي روح غرفتك الحين وافتح دروسك وانا شوي واجي اراجع لك
(لبنه بنت هاديه وحلوا وحبوبه عمرها24 سنه فقدت امها وابوها بحادث سياره من
خمس سنين ومن يومها وهي عايشه في بيت اخوها وزجته العقربه كانت تبي تكمل
دراستها بس السوسه مرت اخوه فرت راس اخوها وخلته يوقفها عن الدراسه فما كملت
دراستها في الجماعه ويعاملونها كنها خدامه وكل ما تقدم لها شخص تلعب زوجة اخوه
بعقل اخوها وتخليه يرفض)
الحلقه السادسه
بيت ابوا وليد
وليد/يبه بغيتك بسالفه
ابوا وليد/تفضليا ولدي محد غريب خواتك وامك
وليد/الله يسلمك بغيت اتزوج
ابوا وليد/مبروك يا ولدي تبي امك تشوف لك
ام وليد/انا قايلت له ابلك بنت اختي موا نا قصها شي
وليد/لا يبه انا ابي اخطب بنت عمي سيف الله يرحمه
نوره/شنوا لايكون منار
غنى/وش فيها منار الا تهبل
ابوا وليد/زين ما اخترت يا ولدي هذي بنت عمك وانت أولى فيها من الغريب
ام وليد/بس انا موا مواقفه البنت ما نعرف عنها شي ولا عن تربيتها
وليد/بس انا ابيها يمه
ابوا وليد/بحزم/هذي بنت عمه واذا هوا يبيها بنخطبها له
امك وليد/بس
ابوا ليد/خلاص وانت وش لك خص هذي حياته خلك انت بعزايمك الي ما تخلص
******************************************
مجمع برج المملكه
نايف/اقول بنات انا جبتكم امشيكم موا تصفوني على الحديد
غرام/موا قلت بلاش انتوا الي اصريتوا
شيخه خلاص خل انروح المطاعم نتعشى ونرد البيت
ايمان /يلا
قوف في المطاعم
مالك/ها وش تب تطلبون
منار/انا ودي اطلب من كودوا فيليه دجاج
مالك/الله واكبر فيليه مره وحده
منار/باكله بالبيت عندك مانع
مالك/خلاص بطلب لك وانت حياتي
عبير/انا ابي جكن برجر
منار/نايف
مالك/شنوا
منار/هذاك نايف ومعاه خواته واكيد اختي غرام معهم بروح اسلم عليهم
شيخه/نايف موا هذاك مالك اخوا منار
نايف/ ايه هوا
شيخه/اجل هذي الي جايه صوبنا منار الله يخليك دق عليها قول لها لاتجي اخاف غرام
تشوفها تنقلب وتنتكس حالتها حنا ما صدقنا
دق جوال منار
نايف/هلا منار
منار/اهلين نايف
نايف/منار الله يخليك لاتجين صوبنا اخاف غرام تشوفك يصير شي
منار/طيب سلملي على البنات
وطول الطريق كانت قاعده هاديه وساكته حتى مالك كان مستغرب سكوتها
***********************************
بيت ابوا فارس
حلا/عندي لكم خبر حلوا
ابوا فارس/بشرينا
حلا/توا غنى داقه علي تقول وليد نوى يخطب
ام فارس/ومنهي العروس من اهلنا
حلا/منار بنت عمي سيف الله يرحمه
ابوا فارس/زين ما اختار
فارس /خلن ادق ابارك له
ام فارس/كان ودي تكون من نصيبك بس انت الله يهديك
فارس/يمه خلصنا من ها السيره
********************************************
بيت مالك
مالك/منار تعالي اقعدي ابيك بموضوع
منار/وهذي قعده امر
مالك/اسمعيني زين قبل شوي عمي زيد دق علي وقال انه بكرا بيجون هوا وولده وعمي
بدر
منار/الله يحيهم
مالك/خليني اكمل هم جاين بكرا يخطبونك لوليد ولد عمي ها وش قلتي
منار/ما قدرت ترد من الصدمه والحيا بنفس الوقت
مالك/على العموم انا ما ابي ردك الحين انت فكري وبكرا بنسمع قرارك الحين بدق على
خالك ابوا خالد هوا الي مربيك ولازم يكون حاضر
منار طلعت بسرعه غرفتها ما توقعت انه وليد يفكر فيها
**********************************************
ابوا خالد/خلاص يولدي موعدنا بكرا ان شاء الله يلا مع السلامه
محمد/وش يبي منك مالك
ابوا خالد/منار طالبها ولد عمها وليد ويبينا بكرا نكون هناك
خالد/والله وكبرت ها المفعوصه وراح تزوج
نايف/ماني مصدق
ام خالد/لاحد يجيب سيره لغرام اخاف اذا سمعت الخبر تركره اهلها اكثر
************************************
اليوم الثاني بيت مالك
عبير/قمر تهبلين
منار/خايفه يا عبير يعني لازم يشوفني (هوا قد شافني وش يبي بعد)
عبير/الخوف هذا شي طبيعي بعدين هذا الشرع ولازم يشوفك يلا انزلي الرجال تعب
وهوا ينتظرك وبعدين كل الرجاجيل تحت اخوك وخوانك الباقين وخالك وعمامك يعني
وشوله ها الخوف
كل الي بتسوينه بتخدلين تعطينهم القهوه تقعدين شيوي وتطلعين
منار/لا ما ابي احراج
عبير صارت تشدها من يدها ونزلتها تحت
كانت واقفه عند باب المقلط خايفه تدخل طلع بوجهها مالك
مالك/تأخرتي يلا تعالي وشدها من يدها طبعا هي من الرجفه الي فيها عبير خافت
تعطيها الصنيه وعطتها لشغاله ادخلها ما حست اب حالها الا وهي بنص المقلط سلمت
عليهم وراحت قعدت جنمب خالها ابوا خالد ومحمد
طبعا وليد كل خمس دقايق يرفع راسه عشان يشوفها عقبها اطلعت منار وهي صايره
طبلون من الحيا
واتفقوا على الملكه الاسبوع الجاي يوم الخميس
طبعا امها من الرضاع وخالتها ام خالد والبنات ما تركوها ويساعدونها مع عبير في
التجهيز ومحد قال لغرام شي عن الموضوع هذا الي كان مزعل منار كانت تتمنى اختها
تكون معها
****************
غنى/الوا اهلين يا عروس
منار/اهلين فيك اخبارك
غتى/انا تمام انت شخبار التجهيزات
منار/تمام
غنى/موا ناقصكم شي
منار/اخص يعني ان قلت نا قصنا بتكملينها لنا
غنى/انا عن نفسي لاء بس هذي اوامر زوجك المصون قال دقوا عليها وشوفوا اذا نا
قصها شي
منار/استحت وما ردت
غنى/يا قلبي على الي يستحون
منار/اقول ضفي وجهك وراي شغل
غنى/حاضر بضف وجهي باي
منار/هههههههه باي
******************************
يوم الملكه طبعا غرام للحين ما تعرف فا شيخه قعدت معها والباقي راحوا الملكه
بيت مالك غرفة منار
غدير/طالعه قمر يا بخت اخوي
منار/كانت لابسه فستان بيج فخم ومسويه تسريحه جنان وميكاج سموكي طالعه قمر
ام خالد/يلا يا بنيتي الناس ينتظرونك تحت
نزلت منار على انغام اغنية مذهله
عند الرجال
فارس/اقول يا عريس خذ الجوال يا سر بيبارك لك
وليد/الوا
ياسر/هلا بالمعرس
وليد/هلا فيك
ياسر/مبروك والله وسويتها مبروك الف مبروك
وليد/عقبالك
ياسر/اتمنى بس خل التنح الي فوقي يتحرك
وليد/وانت وش عليك منه
ياسر/اخوي الكبير لازم هوا أول على العموم مبروك وباي لا اعطلك عن شوفتها
وليد/هههههههههههههههه باي
*****************************
غرام حست حالها طفشانه طلعت الصاله ما لقت احد راحت المطبخ لقت الشغاله
غرام/سيلين وين بابا وماما اخواني
الشغاله/شيخه/في استحمام وبابا وكلوا في روح زواج حق اخوت انت منار في اليوم
زواج هي ولد عم مال هي
غرام /صنمه من الصدمه وصارت في حاله غريبه
نرجع لبيت مالك
كان الكل مبسوط ومستانس واكثرهم طبعا العريس وليد
ألي ما صدق متى دخل ولبسها الشبكه وهي ميته حيا كانت عبير مجهزا لهم قعده حلوا
بمجلس الحريم
غدير/وليد خذ عروسك وتعالوا وراي راحوا المجلس وخلوهم بالحالهم
مرت لحظة صمت بيناتهم
وليد/مبروك يا منار
منار/بصوت يالله ينسمع/الله يبارك فيك
وليد/ليه منزله راسك
منار/(يستهبل ذا يوم يسأل)
وليد/طيب خلاص براحتك خلك منزله راسك بس ممكن تتكلمين ابي اسمع صوتك
منار/ما عندي شي اقوله
سرحت شوي
وليد قرب جنمبها بس ما حست فيه رفع ذقنها بيده تفجاء من الدموع الي مات عيونها
وليد/منار فيك شي زعلتك بشي
منار/...........
وليد/لايكون مغصوبه بزواجك مني
منار/لاء موا مغصوبه
وليد/طيب اقلقتيني قولي وش فيك يمكن اقدر اساعدك
منار/لابس كنت اتمنى اختي تكون معي بها الليله فاقدتها
وليد/طيب وهي ليه ماجت
منار/تصدق اذا قلت لك عمري ما عرفت اختي وش فيها مخليها كاره الدنيا وابوي اهله
لها الدرجه ولما مالك جا وتعرفنا على بعض اعتبرتني نسيتها ومن ذاك اليوم ماتبي
تشوفني حتى ملكتنا ما تدري عنها شي كنا خايفين اذا درت تزيد حالتها
وليد حس بحزنها وحضنها من غير اي مقدمات
****************************************
عند الرجال
محمد/شنوا شتقولين وشلون منتي لاقيتها
شيخه/والله انا كنت اتحمم طلعت ما لقيتها بالغرفه دورت عليها بالبيت كله ما لقيتها
سألت الشغاله طلعت الخبله قايلت لها على كل شي انا خايفه يصير فيها شي
محمد/انا جاي الحين باي
سعود وخالد /وش فيك
محمد/غرام محد لقايها
سعود/شلون محد لاقيها
خالد/ وين راحت
محمد/مدري انا بروح ادور عليها
خالد وسعود/وحنا بعد
نايف/وانا بعد
خالد/لا انت خلك مع ابوي لاتخليه يحس بشي وعقب الحقونا يلا مع السلامه
**************************************
منار/حست بحالها بحضنه ومن الحيا قامت بسرعه
وليد/وش فيك
منار/منزله راسها/ها لاولاشي
وليد/حس انها استحت وهوا بعد مصخها من أولها حضنها
منار قعدت بعيد عنه شوي دخلت عليهم ام خالد وجابت لهم العشا
منار طبعا يالله كلت شوي
وليد/الظاهر انا مسبب لك رعب
منار/لا بس
وليد/على العموم انا طالع الحين طلع من جيبه هديه /تفضلي
منار/تسلم كلفت على نفسك
وليد/لا كلافه ولا شي مع السلامه
منار/مع السلامه
عقب ما طلع دخلوا عليها البنات شمس وايمان وغنى وعبير وغدير وحلا
**************************************
في مكان ثاني
كان تمشي وهي منهاره وترسخ في بالها انه الكل ما يبيها واختها وراحت
كان تمشي وراها سياره همر كان فيها مجموعة شباب شافوا ها تمشي لحالها وصاروا
يلحقونها بس هي ما انتبهت لهم دخلت حاره هاديه مافي جنس بني ادم في الشارع كانت
الساعه حوالي 11بالليل
وقفت السياره ونزلوا منها اربعه
سامي/يا حلوا ليش ما شيه لحالك محتاجه توصيله
غرام/خافت وماردت عليه وصارت تمشي بسرعه
حمد/وين يا حلوا عطينا اسمك
غرام/وانت وش عليك باسمي يا قليل الحيا
سعد/الحين ليه الغلط حنى نبي نساعدك
******************************************
|