البـــــــــــــ11ــــــــ ــــارت
الدكاتره يصارخون:بسرعه........لالا........� �ات .........مات
جاء خبر موته وصاحبني وهن
ما قويت امشي ورجلَيّ حايرات
ارتجف قلبي وعيوني بكن
والعقل من هالخبر صابه شتات
ما قدرت اتحمل الموقف وكن
كن كل الناس ماتوا يوم مات
وقّف التفكير واحتار الذهن
صرت أعيد اللي مضى من ذكريات
طحت من طولي وصرت ابكي واون
يوم قالوا لي ترى صقر مات
احتمى جسمي وعيوني يذرفن
من على خدّي دموعٍ حاميات
خارت اعصابي وعجزن ما قون
يحملن الجسم صارن عاجزات
ضاق صدري حيل وزادت بي مِحَن
والمواقف كلها جت عاسرات
كل شيٍ صار لفراقه يحن
وكل شاعر صار يكتب له رثاة
حالتي ارثي واقول يا رب عن
رب تختم له بحسن الخاتمات
رمى منصور بكل جسمه في نفس المكان ,,,جلس على ركبه ومسك راسه بيدينه......
منصور ابنفسه لاحول ولاقوة الا بلله
لا مستحيل صقر يخليني
صقر لاتروح وترمي علي حمل ثقيــل
وصار يبكي بصوت عالي
د/مازن:منصور.......منصور......
ناظره منصور وكانه مايبي يسمع كلام الدكتور
د/مازن حط يده على كتف منصور وبيده الثانيه قومه:الصبر ياخوك
منصور مايبي يسمع زياده حط يدنه على اذونه ودموعه غرقن وجهه
د/مازن مسك يدمنصور:تفضل معي لمكتبي لو سمحت
بيت ام رنى
كانت ام منصور وام ريان وجومانه ومنار قايمين بلواجب استقبلو
المعزين وحاولو يخففون على ام رنى وماخلو الموجودين يحسون بشي
غاده:الو مي وينك
مي:عشر دقايق وانا عندالباب لاتدخلين العزا بدوني
غاده:طيب بسرعه
شوي وجات مي ودخلو مع بعض
راحوجهة ام رنى
غاده/مي:عضم الله اجركم
هزت ام رنى راسها:اجرنا واجركم
وتوجهولجومانه ومنار وهم يوزعون الماي بين المعزين
وسلموعليهم
غاده /مي :عضم الله اجركم
جومانه/منار:اجرنا واجركم
وراحوغاده ومي يجلسون وهم منصدمين من منظر جومانه
كانت ناحفه وشكلها تعبان
غاده:مي انتي تشوفين شكل جوجوكيف صاير
مي:وطي صوتك حنا في عزا والله شكلها مرااا ناحفه
غاده:غريبه ليش يمكن حامل وتتوحم
مي:مادري اسكتي فضحتينا اذاجات اساليها
شوي ودخلت حنان وشافت منار وجومانه
حنان:اكيدهذولا يقربون لها
وراحت لهم وسلمت عليهم واشرولهاعلى ام رنى تروح تسلم عليها
وتعزيها في بنتها
وبعدها راحو يجلسون عند مي وغاده
ام ريان تطالع بنتها من بعيد ومستغربه حالها وشكلها التعبان وتوهمت انها حامل
غاده:جومانه تعالي جنمبي
راحت جمنبها وشوي وجاتهم حنان وجلست معهم
حنان:انتواخواتها
جومانه:لا بس زوجي وزجها اصدقاء
حنان:اها فكرتكم اخواتها الله يرحمها مالها خوات
منار:لا مالها احد هي الوحيده على امها
سكتت حنان وهي تدعيلها برحمه والغفران
غاده:جوجواشفيك ناحفه مره وشكلك تعبان لاتكونين حامل
تالمت جومانه من هالكلمه الي ابدا ماحاولت تفكر فيها
من تزوجت منصور:لالاشنو حامل لابس مرهقه مانمت
منار:جومانه والله قلبي مومرتاح احس ان فيكم شي
مي:جوجومواحنا خواتك عادي تكلمي
قطع سالفتهم دخول وحده لابسه عبايه مخصره وكلها نقوش
وكانت ماسكه على جسمها بلمره والي يشوفها يقول فستان سهره
عرفتها منار بس الي شدهم اكثر هو ان سمر فزت لها وضمتها
سمر:احلام وينك عني من زمان
احلام اوووف من البزارين:سمر وخري عني
انصدمت سمر:ليش
احلام وين اصرف هذي:لاياحبيبتي بس عشان الحريم يطالعوني
بعدين ابي ادخل جدتي نوره
تفشلت سمر وخرت اما جومانه ومنار ماقدرو ينطقون ولا كلمه
من الي صارو قامو يطالعون في بعضهم بذهول
فكت احلام اللثمه وصارت تطالع يمين وشمال
احلام:اووف وينك ياجدتي كل هذا الوقت عشان تدخلين
الجده:كاني دخلت يابنتي
احلام:يلا بسرعه فشلتيني الله يهداك ياجدتي خربتي برستيجي انتي
وعبايتك كم مره اقولك البسي عبايه كتف وترفضين
الجده:الله يصلحك ياببنتي دخليني اعزي الحرمه ثم روحي
احلام:لاوالله مادخلك ابتاخذين ساعه تمشين بناديلك شغالة خالتي ام منصور اتدخلك
سكتت الجده ووقفت الين جات الشغاله ودخلتها
قامت جومانه بسرعه ومسكت الجده
جومانه:حياك ياجده تعالي ادخلك
الجده:الله يحيك يابنيتي
ودخلتاها جومانه ورجعت تجلس
منار:اخبارك احلام
احلام تزين روجها :تمام الحمد لله
مي تقرب من جومانه:سلامات وين عايشه الاخت حاطه مكياج
جومانه:بس سكتي
شوي ودق جوال احلام(
ويـلاه ضاق الصدر وما ذكر يسأل علي ويلاه
نساهـ طول الهجر .. وإلا الصبر من قسوته قساه .!!
ومــاصـار منـي خطا .. غيــر العطا والتضحيه ماصار !!
جبــار يـاهـالـزمن مـا تنظمـن .. فيـك البشـر جبـــار
ويلاه)
منار:استغفر الله الله يهداك احلام صمتي جوالك
احلام ولاكانها تسمع
الحريم يطالعونها بشمأزاز:استغفرالله موكانه عزا
غاده ماتحملت :لوسمحتي اخت احلام غيري نغمتك على الاقل
لين تطلعين احنا في عزا
طالعتها من فوق لتحت وقامت من عندهم
احلام:هلاحمود وينك
احمد:قريب من البيت الي وصفتي لي
احلام بدلع:طيب حبيبي الاغراض الي قلت لك كامله
احمد:اكيد كامله بس ليش طلبتي نسختين
احلام:اوووف مالك دخل حط السيدي رقم واحد واثنين
بكيسه والباقي بكيسه
احمدولايهمك بتحملك الي ان اخذ الي ابي:من عيوني ياروح حمود
يلا اطلعي لي
احلام سكرت وطلعت
احمد:هلاوالله بطش والرش
احلام:اهلين
احمد:لاتنسين اتفاقنايوم الاربعاء نطلع
احلام بمايعه ماسخه:اوك
وخذت الكيستين ورجعت بسرعه للبيت
انتبهت لها جومانه بس ماحبت تتكلم
احلام:سمور تعالي لي في الغرفه
سمر قامت فرحانه وبدون ماحد ينتبه لها
سمر:اهلين
احلام:هاه ياقلبوقولي شنو صار من لما جاتكم جومانه للحين
سمر:مثل ماوصيتيني,,,,,وبدت تحكي لها كل شي
وبعد ماخلصت
احلام:سمر حبيبتي اليوم جايبه لك هديه ثمينه بس ابيك تنتبهي عليها
فرحت سمر:والله شنوو بحافظ عليها وعد
احلام بخبث اتطالع للباب:جبت لك سديهات تثبت لك ان كلامي صدق الي قلته لك عن جومانه ومنصور
سمرمهي مفتحه عيونها:يعني في هاسيدي اخوي منصور وجومانه
احلام اوف يلغباء:لاموهم هذولا ناس ثانين متزوجين
سمر:طيب
احلام بصوت واطي:اسمعي خبيهم واذا احد شافهم ياويلك تقولين ان انا الي عطيتك
وشوي وجاتها فكره,,,اسمعي ان احد شافهم قولي عطتني جومانه
سمر بخوف:طيب
احلام:يلا ياقلبي متابعه حلوه هذي بس سيدين الياقيه بعدين
سمر:ان شاء الله
وقامت احلام وطلعت وقبل تطلع طالعت في سمر:سمور لااوصيك
في هانسره الي تبي اتخرب اخوك
ابتسمت سمر(المسكينه):ولا يهمك
وطلعت من عندها ووصت ماريا تجيب جدتها وطلعت من العزا