الــــــــــ ج ــــــزأ الــواح ـــد والــ ع ـــشــرون (21)
كانت تجلس في ساحة منزلهم والهواء يلعب بخصلات شعرها المتمرده سارحها بعالمها الخاص
سنه مرت وماعرف اهلي سنه مرت واحاول اتذكر ماقدرت الى متى اظل كذا تائهة ضائعة لا ماضي ولا أهل
حست بيد ناعمه تغمض عينيها تلمست وعرفت اليد وصاحبة اليد القريبه من قلبها
هجير:يالدوبا عذوبه عرفتك
عذوب: ابعدت يدها وجلست جنبها كيف عرفتيني
هجير: اشم ريحتك من مسافة الف كيلو هههههههههههه
عذوب: يالنصابه الف كيلو عاد قولي متر مترين يمكن نمشيها بس الف كيلو لو نوينا نمشيها تغرز ماتمشي ههههههههههه المهم ايش كنت سارحه فيه اخت سارة اعترفي بسرعه لاتكوني تحبي بس وهيمانه بحبيك وغمزت لها بعينها
هجير: تنهدت بضيق افكر بحالي هنا سنه وانا ماذكر شي سنه وجالسه على قلب امي لاشغل ولامشغله سنه وانا عاله على عمي جالسه في بيته عند زوجته مقيدته ورابطته وهو بيته بكل وقاحه مليت ياعذوب مليت
عذوب: بلا اوهام وخرابيط امي هيله الي تنادينها امك زي ماناديتها تراها معتبرتك بنتها سارة وماتتخيلي فرحتها فيك قسم نفسيتها تحسنت لانها بعد وفاة سارة الله يرحمها صح تصبرت بس كان واضح الحزن بعيونها انتي جيتي وقضيتي على وحدتها وربي اقرا الفرح بعيونها يوم تناديك سارة وابوي اصلا من زمان غرفته تحت وهو مشغول مايجي الا عند العشاء ةيتعشى وينام او وقت الغداء وربي انه يعتبرك زي بنته
هجير: وربي انهم مغرقيني بجمايلهم ومستحيه منهم مادري كيف ارد لهم جميلهم
عذوب: لانك غبيه تحبي تتعبي نفسك على الفاضي والا من زود حياك صممتي تشتغلي وخليتي امي هيله تخلي ابوي يدورك لك وظيفة كل هذا موسوسه ماتبغين تكلفين عليهم وتخلينهم يصرفون عليك
هجير: الوظيفه هونت علي شوي ازين من جلستي على قلب امي لاشغل ولامشغلة استحيت ياعذوب استحيت منها
عذوب: بس صعبتي على اخوي عناد
هجير: رفعت راسهاوناظرتها باستغراب ليه صعبة عليه
عذوب: مسوي فيها العاشق الي يغار
هجير: باستغراب عاشق
عدوب: ايه ياويل حالي بس الولد مابين بس واضح انه متعلق فيك دايم يسألني عنك ويهتم فيك ويفرح يسمع اخبارك وان جيتي لنا يركض يشتري الشكولاتات الي تحبينها وان قلت ابروح لبيت عمي خالي مايهتم يالله يوديني بحبة خشم بس ان قلت ابروح لسارة يطير ويتجهز ويوقف على راسي يالله تأخرتي ولازم نمر بندة نشتري الشكولاتات الي تحبينها يقول علشان تستمتعون بسهرتهم ياحسرة وهو اصلا مومعبرني عارفة كل هذل لحبيبة القلب وجن جنونه يوم ابوي وظفك بالمستشفى الخاص حق صديقه ورفض بس ابوي قاله مالك دخل فيها يالله لقيت احد يوظفها وهي ماعندها اوراق رسميه بس ابو ابراهيم ماقصر فزع لي وقال مستشفانا خاص واقدر اوظفها باسم بنتك سارة الله يرحمها
هجير: ماقصر عمي والله سكتت شوي وسرحت ليه ماهتميت بكلام عذوب عن عناد ليه ماحرك فيني شي ايش الحاجز بيني وبينه
ام سارة: يالله بنات استعدو راح نطلع للمزرعه
البنات سمي يمه
**********************
في مكتب هشام
بعيدا عن هجير فيه شخص ماغابت عن باله ولالحظة وهي موعارفة شي من حبه لها وبحثه عنها
جالس بمكتبه الفخم ويفكر سنه وانا ادور عليها مالقيتها كله منك يانورة متاأكد الي صار من تحت راسك لازم القاها قبل مايلقاها طلال ان لقيتك ياهجير مستحيل اتركك او افرط فيك ماراح اخاف من نورة وتهديداتها خلاص مليت فقدتك ياهجير وفقدي لك عذبني ماتفارقيني لا بحلمي ولابعلمي احبك وربي احبك الله يجمعني فيك بس غبي انا بعد ماكانت قريبه مني فرطت فيها حتى طارت من يديني وراحت بعيييذ اااااااااه ياهجير حيه او ميته بس لو كانت ميتة بلغوني الشرطه ان كنتي حيه مبسوطه اولا خايفه او آآآآآآآمنه مسك راسه ارحمني يارب ارحمني رجعها لي يارب عذبتيني ياهجير بهروووبك عذبتيني حييييييييييييل
**********************
في المزرعة
عناد:السهره حلوة بس ناقصه شاهي
يوسف: فز سوا لنا انت
عناد: قام وراح لمطبخ الرجال بس مالقى سكر راح يدور ماحصله دق على اخته
عذوب: ونصها نوم خير
عناد: جيبي لي سكر من مطبخكم
عذوب: مالي حيل تعال خذه انت
عناد: مجنونة انتي ادخل قسمكم
عدوب: مافيه احد اصلا كلنا نايمين وسكرت وكملت نومتها
عناد: والله انها سخيفه
يوسف: من هي؟
عناد: العوبا عذوبه فيه غيرها تقولي نايمه مالي حيل انزل تعال انت خذ السكر
يوسف: فديتها بس لاتتعبها وتصحيها من نومها روح انت
عناد: مسكه مع حلقه كم مره اقولك لاتجيب طاريها
يوسف: اول عيب بس الحين لاتنسى اني لي شهر خاطبها اقلب وجهك بس
عناد: اجل اشربو مويه ماراح اسوي لكم
زياد: تكفى عناد روح جيب
عناد: ليش ماتجيب انت
زياد: هذي مزرعتكم واستحي ادخل من داخل يالله خلينا نصحصح على لعب البالوت
عناد: راح داخل وجلس يدور السكر
هجير: كانت جالسه برا البيت تحاول تتذكر ماضيها بس ماقدرت كل ماتحاول تتذكر اكثر يجيها صداع مؤلم الدكتور مانعها انها تضغط على نفسها بالتذكر يقولها راح ترجع لك ذاكرتك بالتدريج او بصدمة عصبية بس هي مصممة تعرف ماضيها يالمها حياتها كذا بدون ماضي بدون اهل بس وين أهلي ليه ماسالو عني ليه مادور علي يوم تعبت طلعت من شنطتها حبوب الصداع الي وصفها لها الدكتور بس راحت للمطبخ تشرب موية علشان تاكل علاجها دخلت ومانتبهت ان احد بالمخزن وفتحت الثلاجه ومسكت كاس المويه تبي تشربها بس رفعت عيونها وهي متفاجئه بوجود عناد
عناد: طلع من المخزن وشاف البنت الي ماسكه شعرها بشباصه وكانت تلبس بلوزه ناعمه ماسكه على جسمها لفت عليه وياليتها مالفت شاف ملكة جمال عيون كبار ورومشها طويله بيضاء وجهها دائري صغير شفايفها رفيعه مجمل خدها حبه سوداء ناعمه
هجير: طاحت الحبة وكاسة الموية من يدها وهربت فوق
عناد: سكر بشوفتها مافوقه الا هروبها ناظر مكانها واتبع اثرها طلع بسرعه ونسى الشاهي واصحاب الشاهي حط ايدينه بجيب بنطلونه وصار يمشي بالمزرعه يفكر فيها معقوله كل هالجمال وغير هذا جمال اخلاقها سنه عمري ماشفتها سنه عمري ماسمعت صوتها الا اذا كلمتها امي هيله ترد عليها بهمس اااااااه ياسارة ليتني ماشفتك سنه وانا اقاوم حبك بس الحين عشقتك بجنون ياسارة دق جواله طنشه دق ثانيه وثالثه رد خيررررر
يوسف: بسرعه كل هذا شاهي صار ذبيحه موشاهي
عناد: نامو ابرك لكم ماراح اسوي لكم شي وسكر السماعه ورفع عيونه لغرفة البنات تنهد يابختة عذوب فيك تجلس معاك تسامرك تضحك لك انا مستحيل اتحمل احد يشوفك بالمستشفى لازم ادور اهلها وافصلها من عملها واتزوجها سارة لي انا وبس
هجير: كانت ترتعد فوق حمدت ربها ان البنات نايمات خصوصا عذوب كان ماترحمها من التعليق نظراته لي كانت حارة واخته علمتني انه يحبني ليه ماحبه وماحس قلبي يميل له كم موظف معاي بشغلي بس ولا واحد منهم لفت نظري عناد رجال جذاب واغلب البنات من اقاربه معجبات فيه ليه انا مو معجبه فيه معقوله كنت احب قبل فقداني للذاكره وحبه يمنعني من حب غيره ******************************
في مكتب طلال
طلال: طيب عمي ولايهمك خلاص امرك على راسي من فوق وسكر السماعه
راكان:ايش يبغى منك عمك لايكون على سالفة المستشفى بس
طلال: ايه مدوخني عنده يقول انت شريكي ولازم تشرف عليه ماضمن عمري لازم تتعود عليها اخاف يجيني شي وماتعرف تديره بعدين
راكان: كان قلت له وشركتي هذي اخليها
طلال: قلت له قال فيها راكان قدها وقدود وراح تصير هنا ايام وهناك ايام حتى تتعود على كل شي خصوصا انه الحين مسافر للخارج صمم اكثر اروح هناك واديره بنفسي
راكان: الله يعينك على اوامره سبحان الله راسه يابس
طلال: بس يفداه كل شي عمي ابو ابراهيم هو عم ابوي وابوي وصاه على اموالنا وماغلط يوم وصاه فعلا تحسه يخاف على فلوسي انا وحنين اكثر من خوفه على عياله
راكان: الله يخليه لكم يارب
طلال: اللهم امين
*************************************
[في المزرعة
هجير: اصلا ماجاها نوم من البارح وهي متوترة من شوفة عناد لها ونظرات الحب ووالوله والشوق الي واضحة من نظراته ترحمه لانها ماتحمل بقلبها أي ذرة حب له وابوه ماقصر معاها جالسة مع ام سارة وام عناد والحريم الكبار تفطر معاهم والبنات نايمات
ام عناد: سارة يابنتي شكلك مانمتي البارح عيونك ذبلانة
هجير: بخجل الا نمت يالخالة بس مصدعة شوي
ام سارة/ بسم الله عليك يابنتي اكيد اجهدتي نفسك بالتفكيروالدكتور محذرك تجهدي ذاكرتك عساك اكلتي علاجك
هجير: اتربكت لان اكلها علاجها دكرها بشوفة عناد لهاماتقدر تكذب نسيت اكله يمه
ام سارة: الله يهديك ليش تهملين نفسك
عناد: ياولد فيه احد
سارة: ارتبكت وجت تبي تقوم
ام سارة: مسكت يدها ولستها جلال وهمست لها يابنتي تغطي واجلسي انتي تعبانة وماباك تغيبن عن عيني ولالحظة هو يبايسلم ويطلع
عناد:دخل وسلم عليهم وباس راس امه وزوجة ابوه نزل راسه قال بحياء وبحنان وووله وشوق صبحك الله بالخير ياسارة كيف اصبحتي
هجير: بهمس اقرب للصمت وباختصار شديد ان شاءالله بخير
عناد: يعجبه خجلها ويشده لها اكثر اعطى امه ابرة السكر وطلع وخلاهم بس ترك قلبه بين ايدين سارة تتحكم فيه زي ماتبغى سرقة عقله وقلبه
*****************************
في المستشفى
طلال: يدور على اقسام المستشفى ويتاكد من كل قسم علشان يتعرف على كل شي وهو يمشي الا يشوف بنت تمشي قدامه بكامل حجابها عباية ساتره هي معطيته ظهرها بس لفت نظره شعرها لفته واضحه من تحت العباية يبين كثر شعرها من تحت عباتها لانها واضح انها مجمعته وطالع كتله عجز يغض بصره عنها تابعها حتى دخلت غرفه خاصه بالممرضات
حسين: تعال يابو فهد ابعزمك على كوب كفي
طلال: شكرا ماقصرت
جلسو سوا سواليف عن العمل
هجير: راحت هي وسلوى تشتري فطور
طلال: كان يكلمه حسين ومانتبه له لانه تعلقت عيونه بزول البنت الي تمشي متجهة للكفي كل مايشوفها تعلق عيونها فيها ليه يدق قلبي بقوة يحاول ينزل عيونه موقادر كل ماينزلها يرفعها جهاتها ثانية
هجير: اخذت فطورها ومشت تدور طاوله لها هي وسلوى طاحت عيونها على طلال دق قلبها وحنت له ماتعرف ليه جلست تفكر فيه ومو منتبه لكلام سلوى كل شوي تلف تطالعه غريبه كم مره اشوف اوسم منه بس ماعمر قلبي دق لغيره سنة كاملة ماحنيت لرجل كأنه حرك ذكريات ببالي المها راسها ومسكته
سلوى: شوفي هجورة شكله هذا المدير الجديد ولد اخو مديرنا
هجير: لفت تناظره بس يوم شافته يناظرهم لفت على سلوى ايوه اشوفه
سلوى: الله يستر بس لايكون مسوي فيها شديد يشدد علينا تعودنا على حنان ابو ابراهيم الله يخليه
هجير:ماتعرف ليه هي مضطربة كدا ايوه ابو ابراهيم طيوب ومايقصر معانا ابد
سلوى: بس تصدقين يجنن وجع عليه هههههههههههههه
هجير: بدون نفس ايش دخلنا فيه زينه له
سلوى: حبيتي سارة فيك شي
هجير: لابس صداع خفيف
سلوى: قلبي لاتتعبي نفسك بكثرة التفكير (( سلوى صديقه مقربه لهجير وتعرف انها موساره وانها بنت فاقده الذاكره))
هجير: ابقوم اريح في المكتب شوي
سلوى: ماكلمتي فطورك
هجير: انسدت نفسي ابخذ مهدي واريح قبل ماينتهي البريك
سلوى: مشينا حبيتي
ومرو من جهة طلال
طلال: ناظر في النتين اليم رو من عندهم بنت طويلة ومتينة والثانية نحيفة ومتوسطة الطول عجز يغض طرفه عنها حتى غابت عن عينه
حسين: لاحظ نظراته للهجير ومات من الغيره قال ان ماجبتك راسك يالي مسويه ثقل ماكون حسين
طلال: يعني انت هنا مدير الموظفين
حسين: ايه
طلال: فيه موظفين مايستاهلون او يلعبون اعرف عمي طيب واخاف يتسامح معاهم
حسين: بكل خبث ايه فيه وحده متلاعبه وتشغل اعجاب الشباب الي حولها بدلعها وخبثها ومكرها تسها موجاية شغل جاية تلعب وتغازل بس
طلال: عقد حواجبه ومابلغت عمي عنها
حسين: عمك هي بالذات مايسمع فيها ولايشوف لانها بنت صديق غالي عليه كل ماجي ابلغه عنها علشان يوفق استهتارها يسكتني بكم كلمة وانا تعرف عبد مامور ان قالي خلها خليتها
طلال: ضرب بالطاوله لا صديق ولاهم ان ثبت عنها الي تقول اقنع عمي واخليه يطردها حلوة تستغل مكانة ابوها وتلعب على كيفها اعرف طيبة عمي بس الطيبة ماتمنعنا نوقف المستهترين عند حدهم
حسين: فرح بس ماحب يوضخ كمل ايه مشكلة ابو ابراهيم طيبته
طلال: قام خلاص لايكثر نادها لي وجيب ملفها
حسين: توك مالك غير اسبوع هنا ريح الحين وبكره ان شاءالله احولها لك
طلال: وهو معصب الحين يعني الحين
حسين امرك وراح طيران على مكتب الي فيه هجير طلبها برا
هجير: لاحول ولاقوة الا بالله ايش يبغى الحين هذا متى راح يفكني وارتاح من شره اوووف منه قرفني قسم ونكد علي بعملي
سلوى: كم مرة اقولك بلغي عنه ابو ابراهيم يربيه بس مسوية فيها البنت الرحومة
هجير: ايش تبغاني ازعج ابو ابراهيم بمشاكلي وهو ماقصر معاي بشي
سلوى: طيب قلبي روحي شوفي ايش يبغى وان بغيتني اجي معاك اجي واكسر راسه ووقفه عند حده ((طبعا سلوى دفشة ماعندها يمه ارحميني ))
هجير: عدلت نقابها زين لاحبيتي انا ابروح اشوف ايش يبغى تاكدت انه ماطلع شي من عيونها او يدينها وطلعت له بالممر تكتفت خير
حسين: ابتسم تريقه ماتوقع تشوفي الخير بعد يومك هذاالمدير الجديد طالبك
هجير: استغربت ليه طالبني
حسين: قرب شوي منها لاني حالف اني اجيب راسك ياسارة ومافيه احد يوقف بوجه حسين
هجير: بكل ثقه لا انت ولاعشرة من امثالك تجيبو راسي
حسين: راح نشوف ياقوية يالله تراه على احر من الجمر ينتظرك لاتتاخري عليه وراح وخلاها
هجير: دخلت وهي مضطربه اصلا كانت خايف عكس القوة الي كانت تتصنعها قدام حسين علشان مايفرح عليها
سلوى: ايش يبغى منك؟؟
هجير: يقول ان المدير الجديد طالبني وحسين متوعدني يجيب راسي شكله مشوه سمعتي عنده
منال:تكره هجير لانها تغار منهالانها تحب حسين موت بس حسين تركها وحب هجير ايه عاد يقولون ان المدير الجديد مافيه يمه ارحميني يعني واسطتك عند ابو ابراهيم راح تروح تحت رجوله ههههههههههههههه
سلوى: انتي جب ولاكلمه خليك بشغلك ابرك لك وهجير ماغلطت وماراح يضرها شي ربي يحميها وانا مستحيل اخليها اخذت نقابها وقالت يالله ابروح معاك مستحيل اخليك تواجهينهم لوحدك
هجير: لالا قلبي مايصلح راح يرفض المدير دخولك واكيد راح يتخذ فكرة اشين عني ان شافني جيبتك معاي
سلوى: ضمتها مع كتفها حبيتي ماقدر اخليك لوحدك
هجير: انا مو لوحدي معاي ربي راح يحميني من مكر حسين
منال: رفعت حاجب بتريقه قالت نشوف
سلوى: انتي راح تنطمين او لا؟؟؟
منال: بتريقة خلاص حبيتي الله يرد لك حبيبتك سالمة
سلوى: غصب عنك وعن عشرة مثلك انتي وحسينوووه
************************
في مكتب طلال
طلال: لف على حسين بعصبيه وينها لي نص ساعه مأخر اشغالي وحضرتها ماجت بس تجي واعرفها النظام كيف
حسين: دايم كذا تتاخر على كيفها ومطنشه كل شي ورا ظهرها وان قلت لها شي اشتكتني عند ابو ابراهيم وقالي خلها لاتقرب منها
طلال: راح تشوف الحين كيف دلعها يهلكها
هجير: كانت تدعي ربها يحميها من المدير الجديد وترددتت تطق الباب
طلال: سمع طقتها قال لحسين اطلع وخلني انا والسكرتيره معاها
حسين: طلع وناظر بهجير وغمز لها اتمنى لك وقت ممتع بس على فكرة تراه معصب حيل وماعنده يمه ارحمني هههههههههههه
هجير: خافت اكثر وفتحت الباب بشويش ناظرت لقت سكرتيرته اللبنانية قدامها جالسه وبعدين غرفة زجاج تفصل بين الممرضه وطلال ناظرت تشوف رجال عريض المنكبين منزل راسه يقرأ بملف ويقلبه وواضح من حركات ايدينه انه معصب
الممرضه:ااخذتها ودخلتها عليه وسكرت عليهم باب الزجاج
هجير: وقفت بخوف ساكته بس قالت بهدوء السلام عليكم
طلال: رفع راسه و.............[/color] *
*
*
راح تعرفون لقاء هجير وطلال بالجزا الثاني والعشرون ان شاءالله
بس ايضا راح تعرفون من له الرصاصة الثانية راح تنطلق على مين هالمرة
اتمنى انكم قضيتم وقتا ممتعا مع هالجزا
فائدة:
فوائد الصيام الصيام الصحية
فوائده الصحية
وقاية من الأورام
يحمي من السكر
طبيب تخسيس
الأمراض الجلدية
وقاية من داء الملوك
جلطة القلب والمخ
آلام المفاصل
دمتم لمحبتكم بود
|