بسم الله الرحمن الرحيم
السلام عليكم ورحمة الله وبركاته
اخباركم يا اعضاء منتدى روايتي وشلونكم كيف الحياة وياكم ؟، انا غصون الوله من سلطنة عمان حبيت اضع روايتي الاولى بين يديكم انا كتبت من قبل روايات بس ما نشرتها وهذي الرواية قلت بنشرها عشان اشوف ردود الافعال و انزل الروايتين الثانيين
الرواية عبارة عن قصة ما بين اثنين الشخصيات مو كثيرة الشخصيتين الرئيسيتين اللي هم يوسف وسما راح تكون الرواية رومانسية فيها ظلم فيها اجبار فيها حقد فيها جراءة الى حد كبير وفيها كوميديا ايضا ان شاء الله تعجبكم الرواية ادعي من كل قلبي انها تعجبكم وصحيح راح تكون فيها كلمات عمانية بس راح اترجم معناها ان شاء الله
تفضلوا رواية
(((غريبة كل حلم برقادي تزورينه .... والاغرب كيف احلم الحلم وارجع احلمه بعدين)))
بوقت من البطا وليل تتراقص شياطينه
شفت الضيا ينزع من ثياب المسا بعد ثلثين
تحايلت المنام اللي مثل بيتك تمرينه
وانا اللي من تفارقنا ما غمضت لي عين
غريبة كل حلم يمر برقادي تزورينه
والاغرب كيف احلم الحلم وارجع احلمه بعدين
قبل المنام شفتك من يومين وقمت من حينه قام وهو مخترع من نومته عاود الحلم يجيه الى الان مرتين وهو يحلم هالحلم اللي صار يعتبره شيء مزعج بالنسبة له يحاول يفسر هالحلم بس ما هو قادر يفكر بتفسير اعجزه التفكير بالحلم وقام من مكانه وتوضى للصلاه
الحلم عبارة عن واقف بصحراء قاحلة وفي الوسط بركة ماي وفي بنت صغيرة بوسط البركة جمالها عجيب قاعدة تنسحب داخل البركة وتناديه بصوت عالي وتصرخ باسمه بس هو واقف بصمت وما هو عارف ايش يسوي ولا ايش اللي صايبه وفجاءة يطلع له رجال يقوله رجاء ساعدها ساعدها وظل يكرر هالجملة بصوت عالي )وقام يوسف من هالحلم الغريب
خلص الصلاة و راح فرش اسنانه ولبس لباس رياضة من ماركة اديدايس واخذ الايبود حقه ونزل تحت لبرى الفلة عشان يمارس الركض
وقفة للتعريف بفارسنا يوسف
يوسف:يعتبر من انجح رجال الاعمال بسلطنة عمان عنده شركة ومؤسسات وxxxxات ومشاريع كبيرة بانحاء السلطنة عمره 27 طويل حنطي وسيم عيونه عسلية و انفه حاد زي السيف وشعره طويل وناعم يوصل لكتفه هيبة ومغرور وغامض بشكل كبير امه توفت وهو صغير عمره 11 سنة وعلاقته بابوه مو قوية
رجع للفلة وراح لجناحه واخذ دوش ساخن يحرره من برودة الجو بديسمبر في عمان ،طلع من الحمام ولقى ملابسه جاهز و اللي هو اللبس الرسمي والوطني للرجال اللي هو الدشداشة ولونها اسود و اخذ المصار لونه اسود وعليه نقش باللون الاخضر وسرح شعره ولبس المصار ورش على نفسه من عطر ازارو باريس ونزل لصالة الاكل ولقى فطوره جاهز والجريدة فوق الطاولة كالعادة
صب لنفسه قهوة ناسكافيه تروق مزاجه عالصبح وقعد يقرا الجريدة باهتمام ويشوف اخر اخبار البلد
سمع صوت صالح ساعده اليمين وسكرتيره
صالح:صبحكم الله بالنور سيدي
يوسف:صبحك الله بالخير صالح شحالك
صالح:بخير دامك بخير ،سيدي عندي خبر مهم لك
يوسف :تفضل قول
صالح:انت تعرف جماعة عبدالوهاب الوافي منافسك بالبورصة وسارق الاسهم
يوسف ابتسم:ومن ما يعرفه
صالح:خبر يسعدك بلغنا من الشرطة انهم امسكوا ولده يهرب المخدرات عبر الحدود واللحين جماعة عبدالوهاب متورطين الشركات قامت تسحب استثماراتهم من شركتهم
يوسف ضحك بصوت رنان ملائ الصالة:هذي القرصة الاولى يا عبدالوهاب وكل ما تماديت كل ما زادت القرصات ،احسنت يا صالح في حاجة ثانية
صالح:لا طال عمرك سلامتك انا باستاذن
يوسف:الله يسلمك،اذنك معاك
خلص فطوره و اخذ مفتاح سيارته و ركب سيارته المايباخ و على طول راح للدوام
وهو بالسيارة رجعله خيال الحلم مرة ثانية ،ضرب براسه محاولة منه عشان ينسى هالشيء اللي كل ماله يشتت افكاره ووصل للشركة
نزل وراح لمكتبه واخذ المعاملات و الصفقات وقعد يصفيها وجاه اتصال من ابو امجد
وقفة للتعريف على ابو امجد
ابو امجد:كامل السلطان عمره 65 ووالد يوسف ،وسيم الملامح بالرغم من كبر سنه قلبه طيب لكن يحب يفرض سيطرته عالجميع بس عمره ما قدر يفرض شيء على ابنه يوسف متزوج ثنتين
-ناديا:عمرها 45 عندها من الجمال ما يسر بنت شيخ معروف بالشرقية عندها بنتين وولد الاولى منار وعمرها 25 جميلة حيل وتشتغل مدرسة لغة انجليزية متزوجة وعندها بنت اسمها حلا والثانية امجاد عمرها 19 سنة حلوة كثير بيضاء و عليها شوية جسم و هذا اللي محليها وعيونها عسلية وتدرس سنة اولى تصميم جرافيكي،واخيرا امجد 17 سنة باخر سنة ثانوية ثالث ثانوي وسيم و لكن مغازلجي و كسول دلوع امه
-مناير:عمرها 32 حلوة ولكن طباعها سيئة غيورة وحقودة وملسونة كمان (ههه كملت)عندها تؤام نصر وناصر اعمارهم 3 سنوات
نرجع للرواية
يوسف:السلام عليكم ورحمة الله وبركاته
كامل:وعليكم السلام يوسف شخبارك
يوسف:الحمدالله ما نشكي بأس ،خير يا بو امجد
كامل:ابيك تجيني الفلة اللحين عندي موضوع ضروري
يوسف:ابشر يابوامجد مسافة طريق
كامل :فمان الله يالغالي
يوسف:فمان الكريم
بعد ما انتهى من اشغاله طلع من المكتب و توجه لسيارته وانطلق لفلة ابوه
بعد مسافة خمس دقايق وصل للتوين فيلا حقت ابوه وعطى السايق المفتاح يبركن السيارة
اضطر يدخل من المجلس الحريمي بحكم انه اقرب
يوسف يدق الباب:هود هود
ناديا:تفضل يمه يوسف ادخل
يوسف راح لها وصافحها :السلام عليكم
ناديا:وعليكم السلام شلونك يمه يوسف والله لك وحشة
يوسف بابتسامة خفيفة:اعذريني يا ام امجد بس مشغول لراسي
ناديا:خلاص اجل اليوم غداك معنا وانا اللي اشرف عليه عشانك واللحين بعد شوي امجاد بترد بتفرح بشوفتك
يوسف:وانا اقدر اقول لا ،ها كيف امجد من زمان عنه ما شفته
ناديا:اخ يا يوسف هالولد متعبني للحين فصلوه مرتين من المدرسة عشان تصرفاته مع المدرسين ولا الشلة اللي مصاحبهم ايش اقولك بس
يوسف:خليه عليه يا ام امجد وما يصير بخاطرك الا طيب وينه الشايب
ناديا:بالصالة الثانية
طلع من الصالة وراح لابوه وسلم عليه
يوسف:جيت عشان الموضوع اللي بغيتني فيه
كامل :ايه ابيك تسافر لتركيا
يوسف استغرب:خير ان شاء الله ليش
كامل:السالفة و ما فيها ان عمك اظن تذكره اللي جدك طرده من العائلة عشان تزوج تركية يوم كنت لسه صغير
يوسف:ايه ايه عرفته كمل
كامل:توفى صارله اربع اشهر ومحد عرف هالشيء الا الان عشان كذا ابيك تروح لهناك وتجيب بنته لهنا
يوسف ضحك بسخرية:تمزح معي انت يا بو امجد يا كثرهم السكتارية اللي عندك ومنت قادر تطرش واحد منهم
كامل:انا ما قاعد امزح انا ابغاك انت تروح لها وتجيبها ابي حد من العائلة وما في غيرك العاقل
يوسف:واذا قلت مانيب رايح
كامل:هذا امر ويوم كامل السلطان يعطي امر انت تنفذه سمعت
يوسف تنهد بضيق:متى اروح
كامل :باجر طيارتك الساعة عشر الصبح ولو سمحت اقنعها بلين وعاملها باحترام لساتها بنت صغيرة
يوسف:خير ان شاء اله بروح لامجد
كامل:تسهل
احبائي هذا هو البارت الاول حبيت اخليه قصير و اشوف اذا عجبكم و الردود تكون كثيرة عشان اتشجع و اكمل البارت الليلة ولا بكرة
تحياتي غصون الوله
التعديل الأخير تم بواسطة لامارا ; 26-04-15 الساعة 09:46 AM |