السلام عليكم ورحمة الله وبركاته
بارت لعيوونكم حبايبي ادري انه قصير حييل لكن هذا اللي كتبته امس لاني جد مشغوله بالعرس اتمنى تعذروني ويوم السبت ان شاء الله بارت اطوول مو بارت الا بارتين ورا بعض ان شاء الله .gif)
مدخل البارت
والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
فجاءه سمعوا صوت صرخه واحد من الشباب
وكلهم راحوا لجهة النافذه
وشافوا يوسف
يوسف تحت كان قاعد يشيل الصفريه حقت العيش هو و الهندي وفجاءه والهندي ما حاسب ان ايد يوسف تحت نزلها تحت على ايد يوسف
يوسف بصراخ من الاذى:اييييييييييييييي شيله يالاثول شييله بسررعه
والهندي شاله ويا امجد
عاصم بعصبيه :انت ما تشوف هااا
يوسف وهو يتالم:خله خله ما قصد خله يروح
امجد:يوسف روح ارتاح ووبقول حال امجاد تجيب عدة الاسعافات
يوسف بالم:ما يحتاج انا بقول لها لحالي
ودخل البيت
اما عند البنات
مايا:ياا عمري يا يوسف تالم مسكييين
امجاد بعصبيه:الله يقطع ابليس هالهندي
نجمه:وااي شوفوا يدينه شلون صارت
سما بلا مبالاه:لا تكبرون السالفه وش صارله يعني
ريان:يااااااااااااا ربي انتي بااارده ثلجه ما تحسين الرجال نزل صفرية العيش على يدينه
سما :واذا
يوسف طلع فوق
يوسف بصرراخ:امجاااد
امجاد راحت له بسرعه:يا هلا والله
واول ما شافت يدينه حطت يدها على فمها :وووه يووسف شوف يدك
يوسف :اقووول بلا كلام زاايد وبليز جيبي العده
البنات كلهم منصدمين من يده شلون صارت وحتى سما كاانت حيل مصدومه لدرجة حست قلبها يعورها ما تعرف ليش
يوسف قعد عالكنبه ما فيه حيل والبنات دخلوا غرفتهم الا سما كانت قاعده عالكرسي وسرحانه
يوسف قام يناديها وهي ما تسمع اخر شي صفر
سما انتبهت:ها اشو
وانتبهت على ايده ونزلت راسها
يوسف بسخريه:اللي ماخذ عقلك يتهنا به
سما ناظرته :سلامات
يوسف تنهد :الله يسلمك،خيير ليش جالسه هنا روحي الغرفه مع البنات
سما (طييب يا يوسف عناااد فيك بقعد) :مابي
يوسف وهو يشوف ايده :اقووول بلا كلام فاضي يعني خلصت الاماكن وجلستي هنا
سما تاشر على راسها :مزززاجي كييفي بيت عمي مو بيتك وين ما ابي اروح اروح
يوسف :وعمك ذا يطلع ابوي وهالبيت بيتي
سما:اصلالا انا خلاص صرت فرد من الاسرره فاا تاقلم مع الوضع
يوسف بسخريه:لا تطوور والله اشوفك ما صارلك اسبوع وخلاص مرره تاقلمتي
سما بعصبيه بس كاتمتها:ليش في مانع
يوسف باستهزاء:لا مو غريبه وحده طلعناها من حياة الفقر وجايه على حياة الغنى ما بيعجبها الا بيعجبها ونص
سما بعصبيه :تذكر اني ما جيت هنا الا عشان وصية ابوي ولا كان اصلا ما اعترفت فيكم ابد
يوسف بضحكه سخريه:حيلك حيلك يا بنت اصلا كذا ولا كذا كنا بنسحبك من اذانيك
سما عصبت و كرهت نفسها على عنادها اللي خلاها تجلس معاه وقامت وعطته ظهرها بتمشي
يوسف :كم مره قلتلك يوم اكلمك لا تديري ظهرك وتمشي
سما ما عرفت وش بتقول لفت عليه :تستاااهل اللي جاك ويجي اكثر
يوسف سكت وهي مشت فجاه قام يضحك توه استوعب الاخ كلامها
دخلت امجاد ومعاها العده
يوسف :حشاااا سنننه
امجاد :سووري يوسف والله ابوي طرشني
يوسف:انزين خلصيني بسرعه
امجاد:اوكي
سما دخلت الغرفه عند البنات
فدوى بصوت عالي:سبحااان الله الحيا انفسخ مره وااحده
ريان سكتتها:هييه انتي جب
فدوى بعصبيه:انتي اللي اسكتي يا قليلة الادب
سما شافتها بنظره وطنشتها و دخلت الحمام
فدوى :انا تسفهني خلها تطلع بس
البنات طلعوا مالهم خلق فدوى و حركاتها بس فدوى ظلت بالغرفه (حشاا تدووور الزله هالبنت )
سما طلعت من الحمام بعد ما اخذت لها شور يهدي الاعصاب ولابسه روب
شافت فدوى و دارت ظهرها وراحت لغرفة الملابس بدون ما تعطيها وجه
لبست لها فستان طويل لونه بنفسجي باكمام طويله بس على اليدين شفافه
وراحت لمرايتها وكل هذا قدام انظار فدوى اللي محترقه من سما ليه ما حاطه لوجودها اي اعتبار
فدوى بسخريه:انتي مفكره انك تقدري تهزي يوسف بحركاتك يا مااما يوسف انسان ما تهمه الناس الحقيره مثلك
سما ضحكت وما ردت عليها
فدوى بغيض: انتي مفكره بحركاتك اللي مبينه انك مره ثقيله راح تخليه يحبك صدقيييني انتي شكلك ما تعرفيه يوسف زين
سما بلا مبالاه:ولييش لازم اعرفه
فدوى:ههههه انتي اصلالالا انسانه بلا شرف
عند هالكلمه سما رفعت يدينها وصفعت فدوى كف ينسيها اسمها
وفدوى طاحت بالارض وقامت تصيح بصوت عالي وتصرخ
فدوى:يالحقيييره ،قليلة الادب
فجاه انفتح الباب
وكانوا البنات كلهم داخلين بصدمه ويشوفون فدوى طايحه عالارض
وسما معطيتها ظهرها
امجاد بصدمه:خير ان شاء الله وش صار
فدوى بصياح وصراخ:شوووفيها الحمااره صفعتني
ريان:اكيييد قلتي لها شيء ولا غير كذا ما راح تصفعك
فدوى قامت من مكانها وطلعت من الغرفه وهي تبكي وحالتها حاله وكان يوسف بالصاله يريح شوي
فدوى راحت ليوسف وهي تشتكي:اهئ اهئ يووسف
يوسف تقزز :نعم وش فيك
فدوى وهي تمسك خدها مكان ما صفعتها سما:سما الحقيره صفعتني
يوسف عصب لانها سبت سما:لا تسبيها مفهووم وانزلي تحت عند امك
فدوى بصياح وهي مفتشله تبعد عنه وتنزل تحت لامها
في غرفة سما
مايا :امم سما وش صار
مريم:ايه والله وش صار
سما بهدوء وبرود:اطلعوا من الغرفه لو سمحتم ابي ابقى لحالي
امجاد احترمت رغبتها:يالله بنات خلا تحت عند الحريم
نجمه :اهتمي بنفسك يا سما وانا اسفه على اي شي ممكن تكون سوته فدوى
سما:معليش
كلهم البنات طلعوا من الغرفه وراحوا للمجلس
قبل لا يطلعون يوسف نادى امجاد
يوسف:امجاد
امجاد:لبيه
يوسف:تعالي شوي وانتوا انزلوا
البنات نزلوا وامجاد قربت ليوسف
امجاد:وش في
يوسف:وش اللي صار قبل شوي
امجاد :سما صفعت فدوى ما نعرف ليش ما طاعت تقولنا وما بغت حد بغرفتها وكلنا طلعنا واحترمنا كلامها
يوسف بحيره :اهاا اوكي روحي معهم
نزلت امجاد بدون ما تهتم لحيرة يوسف
سما بغرفتها
قامت تبكي بصوت منخفض و قلبها معورها
(لييييش يقولون ما عندي شررف انا وش نااقصني يا ربي وووش)
فجاه سمعت طق عالباب وكانت ناديا هي اللي موجوده عالباب
قلت وانا امسح دموعي :ادخل
دخلت ناديا
ناديا:وشوله هالدموع يا بعد قلبي يا سموي
سما (ما قدرت استحمل وقمت ابكي حاسه اني ارتحت لهالانسانه ):اهئ والله وش اقولك ،ناديا كم شخص للحين قالي انم عندي شرف ولا اخلاق ولا دين
باالله من ترضى ينقال لها هالكلام
ناديا تنهدت وهي تربت على ظهر سما
ناديا:سما بقولك شيء وانتي على كيفك تقبليه او لا
سما هزت راسها بموافقه
ناديا:سما انتي جيتي هنا بعمان وانتي عارفه ان التقاليد والدين ما تسمح لاشياء كثييره انتي تعمليها ،سما انتي لازم تهتمي بصلاتك ولازم تقوين صلتك بربك حبيبتي سما هالشي راح يساعدك كثير ،وبعدين موضوع الحجاب انتي لازم تبدين تتحجبي عن الشباب لان مو المفروض تكشفي شعرك قدامهم الشعره كجمره فاا ما بالك انتي شعرك كله طالع ،سما انا اقولك هالكلام لانك يشهد الله عليه بمثابة بنتي
سما تنهدت بقوه :تعرفين وش المشكله انو ابوي ما اهتم بتثقيفي من ناحية الدين فاا هالشيء راح يكون صعب شويه لكن راح احاول ان شاء الله
ناديا بفرح ضمتها :وااااااي فرحتلك واحنا بنساعدك باذن الله ،يالله الحقيني تحت انا نازله
ناديا طلعت من غرفة سما وشافت يوسف منسدح عالكنبه وحاط ايده اليسار على عيونه
ناديا:سلامااات يوسف ما تشوف شر
يوسف اعتدل بجلسته وبابتسامه:الشر ما يجيك
ناديا تتنهد:شفت اللي صار قبل شوي
يوسف بسخريه:وانا وش يهمني بحركات بنات هاليومين
ناديا بابتسامه:بشااره مني لك او تعرف شي بخليها مفاجاه للكل
يوسف بحيره ومتشوق يعرف:وش هي المفاجاه هذي
ناديا بضحكه وهي تنزل تحت:اقووولك مفاجاه وتسالني وش هي
يوسف بعثر شعره بكسل و نزل تحت عند الرجال
في صالة الرجال
كامل: ها متى بودي سما عند امي
خلفان وهو يضحك:هههههههههههههههههههه ما خلت امك كلمه ما قالتها اوين جيبوها عندي حال ايش تتعود عالبلد ،قلتلها صعب عليها اول ما تجي نوديها البلاد قامت تسبني وتقول انتوا كذاك تخربوها
صالح بجديه:كامل بقولك شيء البنت لا تضغطوا عليها بس الافضل عالاقل ناديا تبدا تساعدها تتغير و تتحجب وتتعلم العادات والتقاليد هنا هو صح مجتمعنا لو شافها كذا ما راح يمانع او يقول شيء بس قبيلتنا غيير
كامل بابتسامه وثقه:صدقني ناديا ما في مثلها و بتشوفوا كيف سما بتتغير للافضل وبنوديها عند حبوتها(جدتها) نهاية الشهر
خلفان:خير ان شاء الله
عند الشباب
عاصم:ها كيف يدك اللحين ؟
يوسف:الحمدالله احسن
مهند:ياااخي شفتم بنت العم ما احلاها
يوسف دخااان بيطلع منه من العصبيه
امجد:يااااااخي هي معنا في نفس البيت واشبع من شوفها
عماد ضربه على ظهره
يوسف بضيق:انتم بدال ما تغضون البصر وتحترمون بنت الناس قااعدين تتغزلوا فيها يا محترررمين هاا
سالم بسخريه:ها ها ها هدي يالشيخ اول خلها تحترم نفسها
يوسف قام من مكانه: محترمه غصبن عنك وعن طوايفك ياللي ما تستحي
وراح عنهم وهو في قمة العصبيه
مخرج البارت
جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
عسى ان شاء الله عجبكم البارت والبارت الجاي ان شاء الله يوم السبت لان بكره عندنا عرس اعذروني حبايبي
تحياتي وودي وحبي
الحارثيه