[زحمة كلام]

البارت الثـآلث

.
.

فـي بيت أم تـركي ..
أم تـركي عازمه بنـآتها ع الغدآء واحفـآدهـآإ ..
أم تـركي حق منار / منــار أخـوك راكان وينه طـول هناك
منار / مـدري ياجدتي امس نسيت اسـأله
ام تركي / هـو انتي تكملينه ؟
منار / إيي مرات اكلمه
ام تركي / وليش مايســأل عنـي مو أنا جدته ولا خـلاص نسانا وراح دولـة بـوش
منار / يمــكن يكـون مشغـول وهو مايتصل علي انا اكلمه من الأنترنت
ام تركي / وش ذه الأترنت
منار / هههههه الأنترنت مو الأترنت
ام تركي / اي وش ذه..؟
منار / لاحوول عاد الحين وش يخليني افهمها
ام تـركي / لا تتحلطمين وقولي لي شنو الأتنرنت
ريتال / هههههه جدتي هذي ألــه
ام تركي / أله تكلم فيها راكان
ام فارس / يمــه الدنيـا تطـورت
ام تركي / طيب عاد ماقلنا شـيء بس اشترو لي الأترنت ابي اكلم راكان
ساره / هههههههه ياحليلك ياجده تبين تتعلمين الأترنت
ريتال / هههههه ابشـري انا اعلمك
ام إياد بضحكه / يـلا عاد انتي وياها لا تتمسخـرون على أمـي
ام تـركي / ومنو هذولا اللي يتمسخرون علي
ام فارس / ماحد يايمه بس قلتي تبين تكلمين راكان
ام تركـي / إيي والله مشتـاقه له مافيه خير هالولد ويسـأل عن جدته لازم احنا نسـأل عنه
ام فارس / تامرين أمر يايمه الحين اخلي البنات يكلمـونه
ام تركـي / شنوو البنات يكلمونه وين احنا قاعدين منار اخته تكلمه بـس
ساره حق ريتال بصوت صغير / جدتي مره وحده ماتبينا نكلم حتى راكان ولد خالتنا
ريتال / لو تـدري بس
ام اياد / يايمه ماحد راح يكلمه الا أختـه منار
ام تركي / يلا عاد طولتـو أبي اكلمــه
منار واهي تكتب البارسود حق أميلها / عاد ان شـاء الله موجود
ام تركـي / ايي اتصلي عليه
منار / اهو بأمريكا ولا عندي رقمـه ماكلمه الا من النت
ام تركي / والله مدري وش تخربطين
الكل / ههههههه
فتـح الأميل ومن حسن حظهم إن راكان داخل
منــار ......:
ركــون افتح المايك
راكـــان ......:
يا الله انتي فاضيه وبـقوه بقـوم انام
منار .....:
جدتـي تبي تكلمك
راكان .....:
والله كيف بتكلمني ؟
منار .......:
سـوت لنا سالفه الا تبي تكلمك افتح الكام بعد خلها تفرح وتشوفك
راكان ........:
فديتك منــور كأنك حـاسه فيني من جد مشتاق لهم ..
فتح المـايك والكـام ..
ساره حق ريتال / وااااااو هذا بخبلني يجنن
ريتال / منار أحلى منه
ساره / إيـوه عارفه بس هو بعد حلـو
ريتال / طيب حرام تدققين فيه
فـي المـايك ..
ام تـركي / وليش مـا تسـأل عنـا بـوش نساك جدتـك
راكان / والله طـول عمرك ياجدتي في القلب بس تدرين دراسه وشغـل ضغط علي
ام تركي / ومنو يصرف عليك ؟
راكان / أنـا اصرف على نفسي اشتغل وأدرس
ام تركي / والله دام كذا شكلك مو راجع الا وانت متزوج
راكان / ههههه بسم الله علي وشو اتزوج بنت بـوش عاد انتي ترضينها علي ياجده
ام تركي / والله لو تتزوج بنت بـوش تبرينا منك كلنا بعد هذا اللي باقي ماراح تتزوج الا من بنات خالتك
راكان / هههههه الله يسمع منك
ام تركي / شنو لله يسمع مني حاط عينك على وحده منهم بعد
راكان / ههههههههه الله يهداك وين احط عيني على وحده اصلا انا ماعرفهم
ام تـركي / خـلاص انت تعال وانا بـخطب لك
راكان / مايطلع منك الا الزين
ام تـركي / طيب مااقلت متى ناوي ترجع حق بلدك ؟
راكان / بعد شهـر إن شـاء الله انا مخلص
ام تـركي / اجل خـلاص بعد شهر البنت جاهزه
راكان / ههههه شكلك مستعجله عـلي
ام تـركي / شسوي ياوليدي انت أكبر احفادي اذا مافرحت فيك افرح في مين
راكان / وخالي تركي وين راح
ام تركي / خالك تركي انا غاسله يدي منـــه

ودام أم تـركي تسـولف مع راكان مـاراح نخــلص منهم ..
.
.

طـريق الهــلاك والضيــاع ..}
عـذاري جالسه بغرفتها وتسـولف مع عاصم ..
عاصم / ياحيااتي انا قلت عذاري مستحيل ترفـض لي طلب
عذاري / ههههه وانا أقـدر أرفـض لك طلب
عاصم / يابعد حيي
عذاري / عاصم جود بنت عمي راح تكــون معاي
عاصم / حياها ربـي خليها تجي
عذاري / بس تقول بتجلس في سياره
عاصم / لا انا مارضاها كذا تجـي عندي الشقه وتجلس بالسياره تدخل الشقه حالها من حالك
عذاري / حاولت اقنعها بس تقول مابي أخاف
عاصم / اذا هالشـيء يزعجها عادي تدخـل اي غرفه من الغرف وتقفل على نفسها الباب لما اشـوفك بعدين تطلع
عذاري / خـلاص راح أقـول لها وان شاء الله تـوافق
عاصم / طيب ماعلينا قولي لي متى راح تجين عندي ؟
عـذاري / مدري مابعد أقرر بس ان شاء الله بجـي في الوقت المناسب لي ولك
عاصم / طيب حياتي عجلي أشـوي
عذاري / من عيـوني
عاصم / تسلم عيـونك انا الحين بسـكر الشباب جـاو عندي
عذاري / اوكي قلبي باي
عاصم / بايات ..
بعد مـاسكر منها .. عاصم / إيــوه نجحت الخـطه
أنـس / متى راح تجي ؟
عاصم / تقول بتشـوف الوقت المناسب احلى شـيء انها بتجيب معاها بنت عمها جود
انس / أووووه ليه جود رنيم احسن
عاصم / ليه تعرف جود انت ؟
انس / لا ماعرفها ولا تعرفني بس رنيم شفت جسمها يجنن
عاصم / إيـوه رنيم هذي اللي قلت لي عنها فتحت لك الكـام واهي عاريـه
انـس / أيــوه
اسامه / أقــول ترى انا معاكم طيب
عاصم / ههههههه اي بعد احنا مانخلص منهم أنت روح عندهم
اسامه / هههههه عاد قولهم يعجلــون انا بسـافر
عاصم / لعيـونك يعجلــون كـم أسـوم أنـا عندي
.
.
عـذاري / انا اعرف عاصم والله ماعنده هالحركات
رنيم / اجل ليه قال شـقه اصلا كلمة شـقه تخـوف
عذاري / ايي اجل وين تبين نروح مكان عام
جـود / انا والله خايفه
عذاري / اذا بتســون كذا باخذ ريتال ولا ساره
رنيم / لا تاخذين احد ولا تروحين
عذاري / انتي مالك شغل ماحد طلب منك تروحين
رنيم / كلي تبن طيـب روحي واذا صار فيك شـيء تعالي عندي
جـود / خـلاص عاد اسكتــو انا بروح معاك عذاري
عذاري / فديتك والله جــووده
جـود / بس مثل ماقال عاصم بجلس في الغرفه وبقفل على نفسي الباب اضمن شـرفي
رنيم / حمد الله والشكر يضيعــون نفسهم بـ نفسهم
عذاري / اقول انتي شكلك غيرانه علشان اهلك بالموت يخلونك تطلعين ولا شوفي نفسك تضيع شرفها علشان بطاقة شحـن
رنيم / أنا اتلثــم ماراح انفضـح
عذاري / اقول بس اسكتي اذا ماعندك كـلام عدل خليك على كامك
رنيم / راح اسكت بس اذا صار فيك شـيء مابيك تجين لـي فهمتي
عذاري / لا رنيم تكفين خليني اجي عندك منو راح يشـيل همـومي غيرك
جـود / رنيم عذاري انبهلتــو انتو خلاص عاد
رنيم انقهرت من عذاري وراحت غرفتها طـول عمرها ماحد يقدر عليها بالكـلام بس عذاري قدرت عليها وسكتتها
عذاري / ووع مقــرفه انا مدري كيف عايشه معاها انتي
جود / ليه وش فيها ..؟
عذاري / مــقرفه مـقرفه من جد يعني احد يفتح الكام حق ولد واهي مو لابسه شـيء استخفت هذي
جـود بداخلها ( يعني الحين اللي انتي بتسوينه مو استخفاف ولله اثنيناتكم حاله وحــده وانا شكلي بكون وراكم )
.
.
تــم زواج تغـريد على ـآ سامي
سـامي / وينها منـار ماشوفها
تغريد / قلت لها تنام بيت جدتها اسبــوع بعدين ترجع
سامي / لا عاد تغريد مو كذا حرام البنت يتيمه
تغريد بـ حياء مو لايق عليها بسبب كبـر سنها / قلت ناخذ راحتنا اشـوي
سامي / أمممم خـلاص اجل بعد اسبوع لازم ترجع علشان مايقولون اني انا السبب في طردها
تغريد / ان شاء الله
.
.
جالسه بغرفتها وأهي تفـكر بـ حياتها مع روآإف وكـلام عبد المليك اللي خلاها تشـك في رواف
وبـالها كله مع اليـاس .. حست إنها بـتستجـن تفـكر فـي ثــلاثه بقلب واحد ...!
أوووف تعببت من جد يعنـي تعبببت من حيـاتي لازم أفكر بعقلي مو قـلبي رواف هــو الوحيد اللي بـكون لي لـيه أعذب نفسي مع عبد المليك واليـاس آآآآهـ يـارب صـبرك ...!
دخلت الأمـيل وشاف اليـاس موجود .. .. انتظرت خمس دقايق علشان يدخـل عليها يوم شافت مافي فايده دخلت عليه
ريتــال ...:
مرحبـا
اليـاس ...:
هـلا وغلا مرحبتين
ريتــال ...:
أخبـارك ..؟!
اليـاس ....:
بخير بشــوفتك
ريتـال ..:
تســلم لـي ، وينك أكثـر من اسبوع ماشفتك
اليــاس بكذبه ..:
كنت مشغـول أشـوي و مادخلت
ريتـال ...:
وحششتني بجد
اليــاس ...:
ريتال أبـي أقوولك شيء مــهم
ريتال خافت ...:
تفضـل
اليــاس ..:
عذاري بنت عمــك تحبـ....الخ
ريتـال دمعت عيـونها ... وصلت فـي عذا’ري كذا تخـــوني وأنـا بنت عمها اسكتت واهي تصيح وماردت ع اليـآ’س
اليــاس يكمل ...:
اسف ريتال ع الكـلام اللي بقووله الحين بس هذا الشـيء لازم يصير في البدايه اغليتك لانك الانسانه اللي كنت اتمناها قبل ولما الحين انا اتمناك بس انتي في النهـايه بتكونين حق رواف ولد عمك يعني شكلي بـينكم غلط فـ علشان كذا قررت ابقى مع عذاري أحسن ..
قـرت كـلامه واهي مو متخيله حياتها من غير اليــاس صحيح ماكانت واثقه في حـبه وكـان معاها جامد لـكن قلبها من كثـر مايحبه كــان يشــوف له أعذاره بـ كل اللي يســويه حســافه يا اليـاس قلبـي لما الحين ماعرفك ..!
يـوم شافها ماردت رسـل اهتزا’ز
ولمـا الحين ما’ردت فكرت انها تطلع من الأميل على إن كـلام اليـاس ماوصل لها بس قلبها وافقها بالفكره علشان ماتتركه أمـا عقلها ماوافقها علشـان تحـط حد حـق هـذي العلآقــات
مسحت دموعـها وتعوذت من الشيطان وقــوت قلبها وأهي تقـول / منو هذا اليـاس اللي أحــزن عليه مايستاهل دمعه من عيـوني
ردت علــيه بـ قلب مكسـور ..:
اذا كنت تفكر انك جالس بحياتي بس غـلط أنـا اشوفه أكبــر غلط والحمد الله إن هالشـيء جاء منك أنت ومـاجاء مني أنا ، لانـو لو جـاء مني أنـا كان ماعرفتك وأشكـر عذآ’ري من قـلبي على إنها صحتني بالي أنـا فيه الله يوفقك
اليــاس ...:
ريتال لحظه
ريتال ...:
فـي شـيء بتقوله غير اللي قلته الحين ؟
اليــاس ...:
لا مافي شـيء بس مابيك تطلعين كذآ’ بسهــوله
ريتــال ..:
ويهمــك هـالشــيء ..؟
اليـاس....:
أكيد يهمني
تــوها بتـرد إلا طلع مربع صغيروون على جنب الشـاشه يعلـن إن عذآ’ري دخلـت
ريتال .....:
الحبــيبه دخـلت أخليك معاها يـلا بـاي
اليـــاس ...:
بتسوين لي بلووك
ريتــال....:
مشكلــة قلـبي مايطاوعني بـس بدوووس عليه باي
ســوت له بلــوك على طول قبـل لا تغير رايه وبعدها دلـيت
نـامت ع السريــر ودخلت فــي نــوبة بكــاء
اما عند اليـــاس تضــايق وطلع من الأميل على ـآ طـول
.
.
.
فراس / إيــوه فكره حلـوه
اياد / اعتقد أبـوي ماراح يهتم يعني بـس ابوك الله يعين
فارس / إيــوه انا مو خايف الا من ابوي تدرون عنه متشدد
تركـي / تبـوني أكلم أمي تكلــمه
فراس / إيـوه فكـره حلووه واكيد ابوي ماراح يقدر يرفض طلـب حق جدتـي
إيـاد / فرضـا أبـوك وافق وين بنسـافر
تـركي / نروح لبـنان أو تـونس
فارس / لا لبنان أحلى
فراس / إيـوه لبنان سمعت إن هناك ثلـج
اياد / خلاص لبنان لبنـان
فراس / ومنار ؟
الكل / وش فيها ..؟
فراس / راح نخليها يعني
تركي / منار اهي في بيتنا علشان زوجة ابوها تـزوجت وبتسكن عندنا وبعدين بترجع ومستحيل أمي تتركها
فراس / الحمد الله
تركي / أنت وش سالفتك مع منار ..؟ مسوي منتدى باسمها والحين تسـأل عنها ؟؟
اياد / أووه الخـال مايدري عن القصه
تركي / إيــوه هذا من الأحترآ’م ماصرتو تقولون لي شـيء
فارس / ههههه يابعد قلبي شايل علينا
تركي / كثـير ، المهم لا يكثـر هرج وش سالة منار وفراس
اياد / مافي سالفه ألاخ فراس عاشق منـار
تركي / أما عاد فراس يحـب
فراس بنظره غريبه / مو عاجبك
تركي / لا عاجبني بس مو باين عليك
فارس / بلاك ماتدري إنه متعذب بعد
فراس / عاد أقـول كلو تبن عطيتكـم وجه بقـوه إذا جربتـو الحب ذيك الساعه لمـوني
إيـاد ببتسامه / أنـا الحين في طريق الحـب
تركي / شسالفه أشــوف كل واحد عاشق وحــده
إياد / انا قلت فـي طريق الحب ماقلت أعشق
فارس / ومنو هذي تعيسة الحظ اللي بالطريق
اياد / هههههه مانيب قايل إلا لما اتــأكد من حبـي لها
.
.
جـالسه ع السرير وتكلــم فيصـل ..
فيصل / أنتي واثقه فيني
ساره / أكيد واثقه فيك
فيصل / أجل وريني صـورتك
ساره / مـدري والله
فيصل / قولي إنك ماتحبيني ومو واثقه
ساره / الا فيصل وربي أحبك بس صعبه أرسل لك صورتي
فيصل / طيب براحتك
ساره / لا خـلاص برسلك بس لا تـزعل
فيصل / ياعمري انا قلت ساره مستحيل تزعلني
ساره / ماقدر على زعـلك أنت تدري
فيصل / بعـدي والله سوير أحبــك
نزلت راسها و عضت شفتها واهي تقول بهمس/ وأنـا بعد
فيصل / ياحياتي متى راح ترسلين لي صورتك
ساره / متى ماتبي
فيصل / أنا لو علي قلت الحين
ساره / خلاص الحين الحين ..!
فيصل بـفرحه / جد ساره ؟
ساره / إيـوه برسله لك الحين من البريد
فيصل / طيب قلبي انتظرك ارسليه الحين وبتصل عليك الفجر
ساره / ليه الفجر ؟
فيصل / بروح الأستراحه عند الشـباب انتظر صورتك طيب
ساره / طـيب
.
.
في الأستراحه
فيصـل / يلا تعالو جيبو واير النت الحين ساره بترسل لي صورتها
محمد / قــل قســـم
فيصل / وربي بالمووت قنعتها ترسل لي
محمد / وااي وناااسه وين اليــاس
اليـاس / أنـا هنا
فيصل / ماتبي تشوف الصوره معانا ؟
اليـاس / مدرري
محمد / ماعليك منه هذا دايم مسـوي فيها ملتــزم
مارد عليه ولف الجهه الثانيه يشغل TV ..
دخل البريد الأكتـروني و شاف رساله جديــده من سـاره
ابتسمو اثنينهم وفتحو الرســاله
كــانت أول صـوره ..{ كانت لابسـة بلـوزه ( كوكتيل ) لـونه أحمر وفيه بالوسط قطعه كبـيره من الكرستـال وشعرها مستشور وتاركته ومنزله راسها بـ حيث مايبين منها الا شفايفها اللي تلمـع باللون الأحمر .. وكـان شكلها روعه ومغري..~
محمد / آآآآح خقق خقق
فيـصل سـاكت بس يشـوف وفاتح فمـه
نـزل الصـوره الثـانيه .. { وكانت لابسه تي شيرت ورافعه شعرها وبعض شعرها طـايح على كتفها بشكل روعه (طبعا ساره شعرها مو ناعم بس هـي من كثر ماستشورته صـار كذا ) وبعـض شعرها اللي من قدام ( قذلتها ) حاطته ع الجنب و رافعه راسها بجراءه ومبتســمه ..
محمد / woooooow مره كيــوت
أمـأ فيصل لما الحـين مفهي فاتح فـمه ويشـوف نـزل تحت بس المفـاجأه إن ماحطت صوره ثـلاثه
تسدح ع الكنـب وهو ذآ’يب / يااويلي عليها طـول وقتي أكلم هذي القمـر وانا مو حاس
محمد وهو يتسدح جنبه / وتقــول إنها نشبه وربـي أحلى نشبه
الياس / شفتوها
فيصل وهو يلف على محمد / ليـــكون ماشــافها ....؟!
محمد / هههههه قايل لك دومــه مســوي نفسه ملتــزم
فيصل / الياس لا يطوفــك وربـي راح تذوب لـو تشوفها
الياس / بس يمكن ساره ماتسمح
محمد / وش عليك منها تعال بس قرب
اليـاس وهو يصرف / لا خلاص بعدين بشـوفها انا بطلع
وبعــدهـا طلع ..!
فيصل / احسن
محمد / فصلي تكفى طلبتك قل تم
فيصل / تــم
محمد / انا العب على واحد بالمسن مسوي نفسي بنت ودايم يقـول يبي يشـوف صورتي بعطيه صورة ساره وبقوله هـذي صورتي
فيصل / الصـوره كلها تحــت أمـرك
محمد / بعد تسبدي ولــد خـالتي
.
.
فـارس / هههههههههههه
فراس / هههههه حمد الله والشكر الله يعقلك يـاخوي
اياد / يعني بتفهمني إنك كنت تدري إن هذا ولد
فارس / لا بالبدايه توقعت إن بنـت بس بعدين انا كشفته إن هـو ولد عاد قلت بكمـل اللعب عليه
تـركي / علشـان كذآ’ أنـا ماحب النت مدرري كيف توثقــون ان هذآ’ ولد أو بنت
اياد / اللي يعرف حـق النت راح يفـرق
فراس / الا صح اياد اخترقت الأميل اللي قلت لك عنــه
اياد / إيــوه اخترقتــه ولد الذين عنــده مـليون بنت شكله بالموت مجمعهم والحين طارو عليه
فراس / ههههه احسن يستاهل قاهرني من جـد أجل انا يهددني بأن يخترق منتدآ’ي لا أهو ولا اللي جابه
فارس وهو يضربه بخفه / بـلا غرور لا يجيك طراق الحين انا اقـول راكان مغرور وتجي لي أنت
فراس وهوي يحك راسه / مو قصدي بس قاهرني من جد يهددني إن بيخترق منتدى ـآ
اياد / ليه ماتحط حمــآيه حق الجها’ز والمنتدى ..؟
فـراس / خلاص بكره بجي عندك وعلمني على كـل شــيء
تـركي / هييييي بس بس وربــي سويتو لـي قلق نت ونت ونت خــلاص غيــرو السـالفه
فارس / هههههههههه حاس فـيك ياخالي ادري إن ودك تدخل النت بس مشكلتك ماتعرف له ولا يهمك بنسوي لك دوره
تركي / هاهاها ضحكتني انا لو ابي اتعلم تعلمت من زمـان مانتظركــم انا الحين بس أنتظر اليـوم اللي اصـير فيه طيار
اياد / الله يحقق منــآ’ك
.
.
جـآ’لس فارس وجنبه إياد ع النــت يكـلم محمد على ـآ أن هــو بنت
إيــاد / ههههههههه وربي مسخره
فارس / والمشكله مصدق نفســه إن هو بنت مايدري إني كاشفه
محمد باسم ( شـوق )..:
تبي تشـوف صورتي
فـارس ...:
ياليت والله مشتاق أشــوف روحي
إيـاد / تخيل عاد يطلع بنت جد
فارس / وانت بعد بتصــدقه
اياد / يقــولك بوريك صورته
فارس / نصبــر ونشــوف إن كــان بنت أو لا
رســـل محمد صــورة ســاره لـ ولد عمها فـارس وأخوهـآ إيـاد