[همسات وردة]

صباح الفل والياسمين
صباح الزهور والورود


اممم قبل ماابدا بالبارت برد على بعض البنات ^ ^

البارت اهداء لرابــــطة غازي....
ورابـــــــــطة هديــــل ...>>فيس العدل والمساواة...

الي يقولو قولي رابطة هديل قبل اقولها الرجل اولا ثم
المراه ثانيا .... لان القوامة للرجل على المراة *_^

والحين زيزو ياقلبي شكل تعصبك خلاك تصابين بالخرف بدري وتحوسين الروايه كلها
( علشان الخايس يتعذب ومايقدر يرجعها بعد لانها تقدر تتهمه بالخطف والتزوير والسفارة ماترجعها الا بوجود احد من اهلها يأكدون زواج غويزي منها وليه مزور الاوراق)
ليه انت جازمه ومتاكده انه زور الاوراق وطلع لها جواز مزو باسم رسل
اولا ببداية الروايه غازي اخذ هديل وصورها قبل سفرهم بيوم حتى يقدر يستخرج لها الجواز ولو فرضنا بان كلامك صح وهو غير اسمها بالجواز الى رسل فعادي يقدر ولي امرها بمعاملات خاصه يغير الاسم ففين التزوير والخطف اذا البنت الي معه مرته و اخذها برضى ابوها >>فيس يهز حواجبه

ثاني شي راجح يبطي عظم يهرب هدول من غازي لو يموت مايقدر يوصلها وراح تستمر هدول مع غازي
الى ماهي تهرب بطريقه مايشك فيها ابدا ولدرجة انه يعتقد انها ماتت لانه لو كان عنده شك لو واحد بالالف
مو بالميه كان طلعها من تحت الارض مو قنع بواقعه وحط ايده على خده يعيش الندم بكل لحظه وثانيه
لضياع حياتهم بدون مايتمتعو فيها بالحب والهنا


نظرتك ناحية انتقام غادة وانها المفروض تسامحه غير واقعيه مع اعتذاري لك لان الواحد لما يخطا ممكن نسامحه
الا المساس بالشرف والعرض فلو شافها عدتها له بكل سهولة بيقول عادي وبيستسهل انه يشك فيها
او يجرحها كل مرة لانها ماعندها كرامه ولا عزة نفس ولادافعت عنهم لكن لما تذوقه من نفس الكاس
اكيد انه بيفكر قبل مايتهمها باي شي الف مرة ويحسب لها ولاهلها الف حساب


نرجع للبارت :

راجح ورشا : مثل ماتوقعت وكان تعامل راجح مع الوضع عقلاني وان كان الشك مازال يلعب براسه لعب

( بس كلامها كان مثل البلسم الخفي اللي هداء قلبه...)
ههههههههه هدأ قلبه وليس عقله ... صحيح هو عقله وقلبه شغالين لحل سر رشا بس قلبه
اكثر من عقله لحبه لها ولسى باقي العتاب بينهم ليه تركها تتزوجه ؟؟ وليه هي وافقت على سعود ؟؟



( هذي راح تكون المرحلة الأخيرة لا تستعجلين عليها..)
الطلاق كحل نهائي بينهم بعد كشف الحقيقه راح يكون العائق لها من التصريح بحبها له وقت المصارحه


( رشا بتعب\لأنكم هله.... راجح بحذر\وأنتي أمــــــه ....؟؟ )
التعليقات الي سابقا كانت ترددها وماحد ينتبه لها الحين راجح راح ينتبه مع كل حرف تنطقه خاصة
بعد مابدا يشك انها ام الولد ومع تعلقه الشديد فيه وخوفها من اخذهم له منها


( هو ماكان مقتنع بان هذا كله حب لولدها..لانها توسوس بانه راح يبتعد عنها..)
لان الكل يغني على ليلاه وكل واحد فيهم مشغول بنفسه وبمشاكله فمانتبهو لخوفها اللامعقول
ناحية الولد وانه يناخذ منها رغم انه ابنها وهي اختهم بس راجح لانه الوحيد الي يهتم لامرها انتبه
وساورته الشكوك وبدا يبحث حتى يعرف الحقيقه



( كفاية شايلة ذنب برقبتي بسكوتي..... سعود ما أبي نروح الكويــــت تكفى تكفى لانروح..)
رشا فوق سكوتها بولد مو ولدها الا انها محمله نفسها الذنب بموته لانها رفضت تروح معه الكويت
على اعتبار ان اهل ام غازي الصغيرون هناك فخافت يطالبون فيه وياخذونه منها
يعني تخاف تقولهم ان غازي مو ولدها وانها ماراحت معه برحلته الاخيرة فتعاقبها ام غازي وغازي
وشوق وراجح لخذلانها لسعود باخذ الولد منها


( سامحيني وحلليني.. )
مجرد طلب عادي من ظالم لمظلومته او انه حاسس انها ايامه الاخيرة وانه رايح لحتفه ؟؟!!


راجح ماراح يسكت بعد ماعرف بجهل هديل عن حقيقة انها زوجة غازي
( راجح شال شماغه وعقاله من على راسه ورماه على الأرض..)
هل هذي اشارة رمزيه بانه مايستحق لبسهم ولا لبس الرداء العربي الاصيل مالم يحق
الحق ويصحح الوضع


( توجه لمكتبه وأتصل بالسفارة السعودية في ايطاليا.. وبعدها على الجوازات ...)
اعتقد انه لصلة العائله الوثيقه بالسفارة هناك وطبعا وضح لنا هالشي من الدعوة الي وجهت لهم
ايام سفرهم بالعيد لروما ولحضورهم للدعوة جميعا بالسفارة فهو اكيد طلب من صاحبه بالسفارة
يطلع له بدل فاقد لجواز هديل حتى يقدر يخرجها ويهربها وينقذها من غازي بس الاكيد ان خطته ماراح
تنجح مع غازي وان غازي باي طريقه كانت راح يحافظ عليها تحت عينه ويمنع راجح من اخذها منه ...
و يمكن يكون غازي متوجس من راجح ومتوقع منه اي حركه خاصة بعد محاولته الاخيرة بتهريبها فيكون
طلب من موظف معين بالسفارة يبلغه باي شي جديد يخص اسم هديل او رسل تحسبا لاي ظرف كان



راكان وغاده :
( ماقللت من إحترامك..وماراح اسويها قدام هلك.. )
هذي نقطه اكيد غادة حاطتها باعتبارها في انتقامها منه ومنها راح تكون الكورة بملعب راكان
يااما ينسى جرحها له ويعتبره دين عليه وتسدد او يحفظه لها ويفترقون


( سارة\انكم تزاعلتوا زمان وتركتوا بعض.. غادة تقاطعها\انا اللي تركته ...)
اممم تقصدي على مااظن قبل السالفه الاخيرة المذكورة ببدايات الروايه ... اقصد ان غادة زمان
كانت تحبه وهو يحبها وبعدها غاده تركته لسبب من الاسباب ثم دخلت ساره بالموضوع واحشرت
هديل بالسالفه على اساس ان راكان يحبها فكان الانفصال والخيبه النهائيه لغاده منه حتى ماتت هدول
ورجع خطبها من جديد وظنت بعدها انه خطبها كبديل لاختها وو ........



( طفرت دمعة من عينها.. لأن مشاعرها تتقاتل جواتها..)
وهالشي راح يعجل بانتقامها ويمكن يكون اليوم لان مشاعرها بدت تقلب على راي العقل
وهي ابدا ماراح تسمح لقلبها يغلب عقلها


غازي وهدول :اليوم راح يتصرف التصرف الي يقص الطريق فيه على راجح من اوله
( هديل\أنت أخر من يتكلم عن الجائز والحرام.. )
تؤ تؤ تؤ ليه قالو لك انه ماشي بالسكه البطاليه او انه دشير


( ابتسم لما تذكر جلوسها بهالشكل وبنفس المكان ..تدري انه يذكر ماضيها هنا عشان يعذبها...)
لا ياهدول هو افتكر هالموقف وابتسم لانه كان اول مرة يشوفك فيها تضحكي اول مرة يسمع ضحكتك
ويشوف وجهك بشكل مختلف غير عن العابس الحزين الناظر للبعيد


(ثمني كلامك على نفسك أو ذبحتك.. أقسم بالله العظيم إن عدتي مثل هالكلام يا هـــ...........)
فديت نص مخي الي سارقته منك *_^
اقول باقي ماشتريتي النجوم شكلي انا الي بشتريهم وبضحك على نفسي وبقول منك :lol:


( غازي\قاتل ويبي يصير محامي... )
او يمكن يبي يكفر عن ذنبه بالدفاع عن المظلومين


( غازي بقسوة\ومن متى كان لإرادتك أي أهمية.. )
هنا غازي ينسى اي شي دام فيه مصلحتها ولان العمليه عشان تعيد لها النظر بعد الله
رجع لها بنفس كلامه السابق بان مالها اي راي او قرار غير رايه وقراره


( غازي بهمس\لاتنسين ياكثر ما اجبرتك وانتي خسرتي.. )
هنا قصده بريء بعكس مافهمت هو يقصد انه بكل مرة تتحداه وتستفزه هو الي يجبرها على
تنفيذ امره والانصياع لاوامره وتخسر وان كان بشرف
حال هدول هنا مع عماها وشتاتها بغرفة المكتب يعور القلب فكيف فيه هو الي يشوفها قدامه مباشرة


( أنهزمنا إن رضينا و مارضينا.. مابيننا منتصر ياقلبـــــي..)
الاعتراف بالحق فضيله ... هالكلمه بتظل بينهم لاخر بارت لان مافيه منتصر بينهم
وهو مع ذلك يحارب ويكابر لعل وعسى يصحح الامور ويرجعها لمسارها الصحيح



( غازي\حسرتي على أخوي أقوى.. )
هنا بكلامه تصريح بان حسرته على اخوه اقوى من فقده وكان فيه شي ثاني غير القتل نجهله
وهو سبب كل هالمشاكل



( لم تساعدني عندما طلبت منك المساعدة...هددتني وأخفتني..شكرا لك..لن أنسى هذا..)
والقائمه تطول ولاتنتهي ....




(أريد أن أعاقب نفسي.. أعاقب تلك البليدة الحمقاء...)
وكيف راح يكون عقابك لنفسك .. اكيد بانك تسمحي لاشياء تصير ماكنتي تسمحي بها بالسابق ^ ^



( غازي بحنان\أوعدك ينحل كل شيء ياروحي...
والحضن اللي تبينه ترجعين له..بسك غربة ياروحي بس..)
النقاش الي بينهم هنا فظيع واليم جدا كلام واحده قلبها محروق وهو يحس ان الكلام موجه له كالعاده
وعشان كذا نهائيا مااظن انه راح يتصل باهلها مثل مالاغلبيه يعتقدون اولا لانه ماسوى كل الي سواه
عشان بالاخير يرجعها لهم او يخلي ابوها او اي فرد من اهلها يكلمها لان اي تصرف من هالناحيه راح
يفقدها للابد ولو كانت بدت تتقبل لو واحد بالميه واقعها فهي بعد المكالمه نهائيا بتسحب عليه ولا بترجع له
ثانيا لانه لو اعطاها هالمجال وحرمها منه راح تصاب باكتئاب نفسي حاد فيخلي هالباب مقفل على طول
ولا يفتحه على نفسه بمشاكل ماتنحل
.
والرد على كلامه السابق بكلامها هي : ( قلي يـــــوبه متى لحضنك يرجعني...أنا رسل بنتك رسل..)



( وأجراء اتصال مهم ومصيري.. أنا وعدتها وصار وقت ننهي المأساة...)
اكيد راح يجيب المحامي او اي شخص رسمي يقوم بالمهمه حتى يعلن لها زواجهم بالاوراق الرسميه
وبلسانه حتى تصدقه وعليها يرتب الوضع بحيث تكون عروس وتعيش اجواء غير الي عايشتها



سلمت الايادي غرووري والله يعطيك العافيه على ماتخطه يداك
و ماينزف به قلمك من حروف