[asmasa]

بلو فصل صاعق لاقسى حد...........

منى وعادل شو هالتطورات اي لو بعرف كنت حكيت لمنى تستفزك من زمان وتضربك كف, اذا كان هالكف هو اللي رح يخليك تفوق وتصحى عحالك يا افندي. بس التطورات عندك رهيبه منى احنا بنعرف حبها لالك بس انه انت شاعر وعاشق حتى النخاع كنت مخبي عنا هالشي لاقصى حد لدرجه احيانا كنت اشك بحبك لمنى مع انه كنت التمسلك الاعذار دائما .لانانيتك وعدم ملاحظتك لهالملاك البريء اللي واقع لشوشته فيك.........

رشاد فهماك ومعك حق ليه تترك هالشي جواتك ويجرحك لاقصى الحدود, انك حكيت لصلاح هالشي شيء انا بدعمه كرمال ما يضل بقلبك شي تحقد عليه منه بالرغم من انه صلاح ولا كان شايفها ولا معتبرها غير سكرتيره للست ايه, اذا بعدك بتحبها ذلها تتعرف قيمتك وترجعلهاش بسهوله وبينها وبين صلاح ما في اختيار لانها هي الخاينه مو صلاح , وصلاح لو ما بعزك وبحترمك كان ما بحاول يصالحك عهالحيه السامه.........

ايه قديشك حقيره " بلو سامحيني بس هيك حسيت" , انانيه قررتي تهدي المعبد عليك وعلى الجميع لمجرد انه واجهك بالحقيقه وبينلك انه لولا رشاد كان اسمك ما بعرفه, انك كنت باقسى نقاط ضعفه بعد زواج اماني مو معناها انك تذليه وتذكريه بهالشي يا الله قديشه مختلفه عن الملاك اللي تزوجه صلاح برقتها ونعومتها واللي ما بتصور ابدا انه تعمل هيك شي بايا كان حتى لو كانت مجروحه , مو كرمال تبراي حالي تعملي هيك وتقارنيها بكل عشيقاته السابقات لانه اللي بتحب عن جد بتحس بالاخرين وانت لو بتحبي رشاد كان عرفتي لاي درجه لندا بتحبه لصلاح ومانها مبهوره فيه او مجرد انجذاب لانها حبته وهو بقمة القسوه معها. ياااااااا شو كرهتك انا بهالفصل وان شاء الله رشاد ما يرجعلك يا خاينه......

صلاح لا تصدقها انت بتعرف لندا مليح وبتعرف انها بتحبك صحيح انها بتفقد السيطره عحالها معك بس من الحب والشوق والرغبه وهالشيء عادي بين الازواج لما يكونو بحبوا الثاني بصوره فائقه, لا توخذ على حكيها هي قررت تقلب الطاوله عليك لتخبي اللي عملته بس ابدا ابدا لا تشكك بلندا واذا مانك متاكد من حبها لالك لهلا معناها جد في مشكله بعقلك مو بس قلبك يا صولاح.

بانتظارك حبيبتي