| ? العضوٌ???
» 142458 | | ? التسِجيلٌ
» Oct 2010 | | ? مشَارَ?اتْي » 3,256 | ? الًجنِس »  | ? دولتي »  | ? مزاجي » .png) | ?
نُقآطِيْ
»   | ¬»  | ¬»  | | 
]بسم الله الرحمن الرحيم
البارت الثاني عشر
تظن اني انا مدري انا ادري بس اتجاهل
حسبت انك محب وافي واثرك خاين وغدار
ومثل مابحبي تساهلت فأنا من اليوم بتساهل
حبيبي كذبتك هاذي تمشيها على جاهل
غلطنا يوم تلاقينا وهاذي قسمة الاقدار
ولا ألوم احد غيري واقول لنفسي استاهل
حبيبي انتظر لحظه يقولون الزمن دوار
نصيحه خلها في بالك بتعذيبي لا تتفائل
انا عفتك لجل طبعك وانسى اللي بيننا صار
لعلمك (الوفى والغدر) تركيبه ماتتفاعل]
سلطان رفع حاجب من سرعت ردها:اجل
بتقنعيني انك ماراح تشتغلين مره ثانيه
ريفان:هذا شي راجع لي انا وبس
سلطان وخطرت في باله
فكره وبتركيز عليها:ولا عشان زواجك تبين
تفضين حالك
رفعت راسها وناضرت بعيونه :انت متى ناوي
تبطل عادت الكلام اللي تجيبه من راسك
سلطان ارتاح وبخبث وتركيز اكثر بعيونها:اها لا
اقصد زواجنا انا وانتي؟؟؟؟
ريفان بشك انها سمعت كلمته:نعــــــم
سلطان بهدوء:زواجنا
ريفان بصدمه وحالة الاوعي:وشلون,,,,مافهمت؟؟؟
سلطان يدري انها مصدومه من جرائته
متاكد انها للحين مستوعبت كلامه
وببتسامه:اممم ,,,يعني نكون في بيت واحد
لبعض وبس,,,زي أي اثنين متزوجين
فهمتي....
ريفان اكبر صدمه مستحيل اللي قاعده تسمعه
وبعقلها هذا اش قاعد يخربط...مستحيل اناوهو
اكيد يبي يموتني
سلطان لاحض سرحانها وعيونها باين عليها
الصدمه والخوف
فقرر يكسر حاجز الصمت مصر انها تتكلم
يكره صمتها:اكيد للحين مو مستوعبه ان سلطان
الراهي اهو اللي بيتقدم لك لا وفوق هذا
بيكون زواج علني,,,يعني لاتخافين حتى
مابيكون مسيار لاني طفشت من المسيار
ابي هالمره اسكت امي واف
قاطعته بصوت حاد وعيون تلمع من
الخوف والاهانه:اسكت ولا كلمه مابي
اسمع كلام اكثر من اللي سمعته
كانت تسمعه مو مستوعبه قمة جراته وحقارت
كلامه
سلطان بجديه:مو انتي اللي تسكتيني واخر مره
اسمعك تقولين اسكت
ريفان وقفت وبرجفه واضحه: أي اسكت ومابي
اتزوجك اموووت ولا اخذ واحد مثلك
سلطان بعصبيه:ومن قال لك يهمني رايك,,,غلطانه
انا اللي ابيه اخذه بساهل ومتى ماحبيت ارميه
ريفان والدنيا تحسها تدور من حوليها:مستحيل
اسمح لك تدخل بحياتي وتخربها
وقف سلطان وتقرب منها وماصار يفرق بينهم
الا شي بسيط وبقهر :واذ قلت لك قريب راح اسمع
بموافقتك ومنك انتي بعد,,,وبالم وقهر اكثر
الا اذا كان بقلبك احد فياليت ادري
لان اكيد راح اعدل من موقفي
ريفان بعد ماسمعت جملته الاخير
حست ان الدنيا لسى بخير وانها ممكن
تعتقها من سلطان وافكاره
رفعت راسها وبثقه مزيفه:أي بقلبي غيرك
واموووت بارضه
سلطان بسرعه لف واعطاها ضهره ويحس
كلامها اقسى من الخناجر بقلبه ضغط على كفه
وحاول يتحكم بصوته :اطلعي براء
اساسا انتي من الاول ولاشي
ريفان بفرحه توجهت للباب تحس
ان ربي اعتقها منه
وقبل تطلع سمعته يقول:وربي لاتندمين
نطقت من صميم جرحها قبل تطله
وبهمس يسمعه:لاتنسى انك قلت انك تتسلى فيني
,,,,,وموانا اللي ينسلى فيها وطلعت
اسرع بخطواته لمكتبه وصار يضرب فيها وينثر
الاغراض اللي عليه بقهر وحسره
فواز توه جاي من البيت ودخل على سلطان
وانصدم من وضعه كل شي مرمي بالارض
وسلطان مو حاس بنفسه
فواز قفل الباب وتوجه لسلطان وقيده من الخلف
بحيث صار ضهر على صدرفواز وايدين سلطان
ملفوفه بقوه بيدين فواز
فواز بخوف:سلطان صل على النبي ,,,اش فيك
ليش تسوي كذابنفسك
سلطان هدت حركته ونزل راسه وبصوت مبحوح:
ابي اجلس احس حيلي مهدود
فواز قربه للكرسي وجلسه واخذ المويه واعطاه
سلطان ماخذ المويه وطلع من جيبه السيجاره
وولعها وصار يناضر
بالدخان اللي يطلع منها باين عليه التوتر
من رجفت كفوفه وصدره اللي يرتفع وينزل
فواز خاف اكثر من شكله وحالته:سلطان
قولي وش اللي قلب حالك من ساعتين
كلمتك وشكلك رايق,,,والحين عكس
اللي كان مبسوط؟؟؟
سلطان تنهد وطالع بفواز وعيونه تنطق
اللي بقلبه قبل يتكلم لسانه
نزل راسه وبهم:تخيل طلعت تحب واحد ثاني
وبكل وقاحه تقولها بوجهي,,, معقوله ماتدري
بحبي لها
رجع ناضر بفواز اللي للحين مو مستوعب
تصريحه:تخيل بوجهي تقول مابيك ومستحيل
اتزوجك
ناديتها من شوي ابي اشوفها اشتقت لها
ابيها ابي قربها,,,ابي دوم اتمتع بشوفت
عيونها ابيها لي انا وبس
وضحك بسخريه:على بالها اتسلى فيها
وبتنهيده :ياللـــــــــــــه وش قد قلبها
قاسي
فواز مصدوم ماتوقع هالضعف اللي
يسمعه يكون بسلطان
عرف انه يتكلم عن ريفان من قال
ناديتها من شوي غير انه لمحها
طالعه من مكتبه وشكلها معصبه
احتار اش ممكن يسوي له وشلون يهديه
وهو باسواء حالاته
مد ايده لسلطان وجره الين وقفه
فواز بتشتت:انا راح الاقي لك حل بس
اول نطلع من هنا,,,خلنا نروح للمزرعه
&&&&
ريفان بمكتبها وعيونها على الاوراق اللي
قدامها وكلامه راسخ بذهنها
يعني نكون في بيت واحد
لبعض وبس,,,زي أي اثنين متزوجين
سحبت ورقه من الاواق الفاضيه وكتبت
عليها بيدين مرتجفه؟؟؟؟؟
&&&
في وقت مسبق من لما طلعت ريفان وجدها وركان
من غرفت ميار متوجهين للبيت
واقف بسيارته من بعيد تعود يوقف ساعات
طويله من دخلت هنا
يبي يشوفها الشوق جننه واتعب خفوقه
لما شاف اهلها كلهم طلعو من المستشفى
وهو مصدق عيونه
يحس انه في حلم
وبقلبه يعني بشوفها بريح قلبي الولهان
نزل من سيارته وتوجه لبوابة المستشفى
دخل سال الاستقبال عن غرفتها
واكيد مارح يردونه او يستفسرون سبب
زيارته لانه من المالكين لها المكان
كل ماقرب يحس قلبه يدوي دوي
يخاف من ردت فعلها لو درت بوجوده
حط ايده على مقبض الباب وفتحه بهدوء
ودخل وسكر بهدوء
ماكان يشوفها زين لان الاناره خافته
قرب منها اكثر واكثر
الين صار قريب منها وصار يشوفها بشكل واضح
جمد بمحله ماتوقعها ملاك لهدرجه سكر
عيونه من كثر ضربات قلبه ورفع ايده لمحل قلبه
كانه يحاول يهديه
ورد فتح عيونه فعلا تاكد انها مثل ماسمع انها
انعمت
رفع ايده يبي يمسح على شعرها الحريري
اغراه شكله وكثافته وبسرعه تراجع
وبقلبه لا يافارس انتبه لاتحس عليك
يكفيك انك تشوفها بالمنظر هذا
ميار كانت جالسه على السرير
ببجامه ليمونيه وبيدها الجوال تخاف تحتاجها
ريفان وتتاخر عليها
ميار ماحست بدخول احد لغرفتها وهذا الشي
كان مريح فارس
فجاءه التفتت على الجهه اللي واقف عليها
فارس وعقدت حواجبها
فارس لما لاحض شك للحضه انها تشوف
ميار بصوت عذب:فيه احد هنا
لما سمعت الهدوء التام ارتاحت نسبيا وماتحركت
من الجهه اللي واقف عليها فارس
فارس ذبحه صوتها زوود وشتت افكاره
واخيرا طاحت عيونه بعيونها التايهه
وبقلبه لو تدرين اش قد كان الخوف هالكني
اني ماشوف عيونك مره ثانيه
تعب من افكاره ووقفته تقرب من الكرسي اللي
بجنبها وجلس بهدوء
وتوه ينته:وشلون التفتت لمكاني اللي كنت فيه
وسالت من فيه وكانها متاكده انو فيه احد
ماحس بالوقت الا لما اذن الفجر
ناضرها بتركيز يبي يحفض ملامحها قبل يطلع
وبعد فتره طلع وقلبه وياها
&&&
في بيت ابو فواز
فوز وصديقتها بغرفة الضيوف
هدى برجه:الله يرزقني ,,,عاد هالمسكين مدري
وش سامع عنك وخاطبك اخخخ لويدري ان في
الوجود وحده بحلاوتي اكيد بيجيني ركض.
فوز:هالله كل ذا بقلبك ,,,,اللهم لاحسد
هدى:مو حسد هذا الله يسلمك الخوف
من العنوسه ,,,بس تدرين الله هالله
امدحيني قدام اهل زوجك كود يرحمون
حالي واتزوج
فوز بضحكه:شكلك منتهيه على الاخر
هدى كشت عليها وبحلطمه:توك تدرين مالت
عليك
وكملو ضحك وسوالف
&&&
الشر في كل مكان وبنفوس يملاها الحقد...
..
راشد :اجل خلاص لازم تنفذ يوم.....
نواف بحقد:ولا يهمك اوعدك لاخليه يبوس ارجولك
ويترجاني بعد بس انا اتنظر الوقت المناسب وعقب
راح تشكرني من كل قلبك ياراشد
راشد بقلبه:راح تترجاني اعطيك بنتي
ووقتها راح اذلك يالزفت
&&&
دانه تحس قلبها وعقلها صارو مع فواز
معاذ قرب منها :مساء الخير دندون
دانه طالعته وابتسمت:مساء النور
معاذ:اشوفك سرحان من اللي ماخذ عقلك؟؟
دانه برتباك:ها,,, ماعندي غيرريفان
معاذ بتوتر من سمع باسم ريفان
:دانه ابيك
تكلمينها انا بصراحه ,,,,يعني انا نويت
اخطبها يعني انا
دانه نطت عليه بفرحه:قول والله ,,,,الله يعني
بتعيش وياي هنا انا راح اكلمها اليوم وو
سكت فجاءه وطالعته:بس شلون انت تدري
بظروفهم هالفتره
وكانها تذكرت شي:اجل منهي اللي كلمت ابوي عنها
وقال لك انه كلم ابوه
معاذ:قلت له عن ريفان ومارد ابوها خبر,,,لان
بنفس اليوم صار حادث حق العم سعود
دانه بحكمه:توكل على ربك لو كانت من نصيبك
صدقني مابيردكم شي
معاذ تطمن من كلام اخته واقتنع فيه ميه بالميه
&&&
وجد ماقدرت ترتاح كل ماتخيلت ان سلطان
راح تكون له حياه خاصه تحسن نفسها بتنجن
وارسلت له رساله على جواله
وقفلت جهازها
&&&
رند اخت ريفان صارت تحس انها لوحدها
تاكدت ان مالها اهميه مثل ريفان او ريان
ودمعوها دوووم على خدها من الوحده
والضيق
&&&
فاطمه امه:أيـــــــــــــــــــ� �ــــــش انت اكيد جنيت
نادر بغضب:ليش انجنيت انا مابي البنت خلاص
هونت
فاطمه بصراخ:السالفه لعبه بيدك ابي ومابي
الناس خلاص وافقو ومانقدر نقولهم شي,,
نادر بتوتر:لا من هالناحيه لاتخافين انا بكلم بفواز
واتفاهم وياه
فاطمه بذهول:نادر تدري لو تعتذر والناس تدري
بالخطبه انها تفركش اش راح يقولون؟؟؟؟
راح يتكلمون على البنت طالع نازل وانت
ماترضاها لاخواتك وانا امك
نادرشال مفاتيح سيارته من على الطاوله
وخرج براء البيت
وبقلبه :مستحيل اعيد ماسات فهد
&&&
سمع صوت وصول رساله صحته من
سرحانه وهمومه
وبسرعه خطر بباله انها ممكن تكون هي اللي
ارسلت حقه
طلع جهازه فتح الرساله
سلطان انا زعلانه حيل الله يخليك لاتتزوج وتتركني
يكفي ماعندي ابو تبي تحرمني حنانك؟؟
رفع ايده لشعره وبعثر وتافف
ورجع طالع بالجوال ودق رقم وجد
وتفاجاء انه مقفل
فواز لما لاحض حركاته استغرب:وش فيك
ومن وين الرساله
سلطان بهدوء وعيونه لقدام:هذي وجد زعلانه
علي
وبسخريه:الكل طالع لي بشغله اليوم
فواز ماحب يناقشه وركز بطريق
وبعد فتره وصلو
سلطان من قربت السيارعلى اسطبل الخيل ركز
نظره على الخيول وكانه ماصدق يلاقي شي
يشغله
نزل قبل يوقف فواز عدل وتوجه
لمكانه اللي يحب يكون فيه وهو بالحاله هذي
فواز قاعد يطالع بسلطان
يالله متوقعتك بيوم تحب ,,,وانت اللي من الاساس
ماتحب طاريهم,,سبحان اللي قلب قلبك
ونزل وتوجه لمكان سلطان
&&&
ريفان بعد ماكتبت اللي كان لازم تكتبه
من شهرين وقفت واعطت السكرتيره
توصل الورقه لمكتب سلطان
وطلعت من الشركه للبيت وصورته
وثقته بنفسه في بالها
هيبته دوم تسكتها كلامه يرغمه تبكي
وتعصب,,,نضراته تلجمها تماما
والمشكله انه هو مو راضي يفارق بالها
بعد ماوصلت للبيت كانت ناويه تختلي
بروحها تحس انه راح يغمى عليها من
اللي سمعته اليوم
وللاسف ماتحققت امنيتها
بالصاله جدها وابوها وامها وريان
ريفان بتعب:السلام عليكم
الجميع:وعليك السلام
ريان طار لها ولمها من ارجولها
وببتسامه بريئه:ابي ارويك الالعاب
اللي اعطوني الروضه
ريفان نزلت لمستواه وببتسامه مصطنه:
شطور حبيبي اذا صحيت من النوم
جيبها اشوفها طيب
ريان بفرحه:طيب
الجد:تعالي للقهوه والحليب
ريفان:لا مشكور مابي,,,الا شلونك اليوم
الجد:الحمد الله
الاب :وش فيك راده بدري
ريفان وعيونها على ريان:ماعندي شي مهم
ورفعت عيونها لامها:يمه فديتك لاتصحوني
الا لما اصحى بنفسي,,ابي انام لي فتره
مانمت زين
امها بحنان:نامي حبيبتي ماراح اخلي احد يزعجك
ريفان :عن اذنكم ومشت بخطوات ثقيله
لغرفتها
فسخت عبايتها وشيلتها وعلقتها ورمت
بحالها على السرير حتى بدون ماتبدل
وعقلها راح لبعيد راح له
معقوله يبيني بصدق معقول بقلبه مشاعر
تجاهي بس لا هو قال اول انه قاعد يتسلى فيني
وبسرعه رنت كلمته بعقها
مابيكون مسيار لاني طفشت من المسيار
مابيكون مسيار لاني طفشت من المسيار
مابيكون مسيار لاني طفشت من المسيار
هزت راسها يمين ويسار وبسخريه
حتى المسيار ماسلم منك
مستحيل استسلم له ماراح اوافق لو
سوى ماسوى ووو
واخذها النوم وهي على هالافكار
&&&
دانه ماصدقت تكون بروحها وصارت
تدق على ريفان تبي تعرف
شالي شصار بينها وبين فواز
تبي تعرف كل شي قاله بالتفصيل
ريفان صار جوالها يدق بس موحاسه بالدنيا
نايمه نومه عميقه
ودق للمره ثالثه وهي ولاحاسه بشي
دانه فقدت الامل انها ممكن ترد عليها الحين
وبقلبها
الله يصبرني الين تدق
&&&
سلطان ركب خيله واسرعت فيه
كانها حاسه بخنقته وعذابه
فواز خايف على سلطان حركة الخيل قويه
واذا ماتحكم فيها احتمال انه يتاذى
تهلل وجهه لما شاف سيارت طلال توقف بجنب
سيارته
وبقلبه الحمد الله ,,,الله جابهم بالوقت المناسب
طلال مر الشركه وماحصل سلطان فتوقع انه
بالمزعه
وافي اول ماطحات عيونه على خاله سلطان
تشقق من الوناسه
ورافي تحاول تقلد وافي بوناسته وضحكه
سلطان لمح سيارت طلال من بعيد
تنهد بصوت عالي ورفع ايده لشعره
وبعثره كذا مره
وبقلبه:والله لاوريك وجهي الثاني ,,,صدقيني
بسمعك تقولين ياليت
لف وبحركه خاصه امر الخيل تتوجه لمكان فارس وطلال
|