23-11-11, 08:16 PM
|
#20 |
| ? العضوٌ???
» 142458 | | ? التسِجيلٌ
» Oct 2010 | | ? مشَارَ?اتْي » 3,256 | ? الًجنِس »  | ? دولتي »  | ? مزاجي » .png) | ?
نُقآطِيْ
»   | ¬»  | ¬»  | | 
طلال بعد ماسلم على فواز
لاحض توتر الجوء والدليل ان فواز بجهه
وسلطان بجهه ووجه
مايبشر بالخير
طلال باحراج:فواز شكلي جيت بوقت غلط
مادري احس فيه شي
فواز:افا طلال مابين الاخوان الكلام اللي انت تقوله
مانكر ان سلطان متضايق
بس جيتك انت والاولاد بلوقت الصح
طلال ابتسم براحه:تسلم
سلطان قرب من مكانهم وانتبه ان التوم موجودين
وفرح قلبه بوجودهم
سلم على طلال:حياء الله النسيب
ونزل لمستوى التوام وحضنهم بحب وشوق
طلال:من يشوفونك ينسون العالم
لدرجة ان صرت اغار ياخي
سلطان ضحك وباسهم :وافي لما تكبر تبي
تصير مثلي ولامثل ابوك
وافي ببراء:مثلك مابي مثل بابا
فواز هنا نقع من الضحك على تعابير وجه
طلال
طلال بقهر:افا المفروض تقول مثل ابوك
صح روافي
روافي ببتسامه حلوه شدت على رقبت سلطان
:لا حتى انا ابي زي خالو
سلطان بفرحه واضحه:اجل اطلع منها انت خسران
خسران
طلال ببتسامه:انا طالع منها من زمان
وافي:خالو متى نركب على الحثان
سلطان:الحثان هذا متى بتنطقه عدل
روافي تنزقز بفرحه :انا انا اقوله صح الحثانه
فواز بضحك:لاعزالله اللي ماقلتيها صح
انت دمرتي القاموس العربي بالمره
روافي تناضره بعيون دامعه كانها درت
انه قاعد يسب فيها
سلطان حس انها راح تبكي وضم وجها
بين ايديه الكبيره وابتسم لها:من يبي
هديه كبيره
التؤام في وقت واحد:انا ابي
وقف ومد ايده لهم وطالع بفواز وطلال
:انا استاذن واشر براسه على التؤام
اذا وجد الماء وناضرهم بطل التيمم
فواز براحه من تغير مزاج صاحبه: اجل
صرنا تيمم خلهم ينفعونك انا الحين
بروح للبيت وطلال مابيشيلك وانت دور
على احد يروحك حق البيت
سلطان ابتسم:حلو اني عرفت بنواياك ,,,نسيت ان
الهمر هنا من امس,,,طس مو محتاجك يالثول
ومشى وتركهم ورجعت ملامحه للجديه
والصرامه
بعد مرور ثلاث ساعات
طلال بطفش:سلطان بسهم لعب ياخي اختك
بتبهذلني على هالغيبه
فواز سرح وباله يودي لدانه وقرارها عنه
سلطان طالع التؤام:الحين خلصنا لعب
انا اذا فضيت بعدين مريتكم
كلهم بزعل :طيب
ابتسم وباسهم ووصلهم للسياره
والكل توجه لبيته
**
الساعه 8 مساء
صحت على طق الباب
عقدت حواجبها من طاحت عيونها على
الشباك والضلام اللي براء ماتعودت تنام اللي هالحد
صحاها من تفكيرها صوت الطق من جديد
وبصوت نايم:مين
راكان بستغراب:انا ,,,,انتي لسى نايمه
ريفان:دقايق واجيك
طالعت بلبسها وانصدمت ان ملابس اللي من الصبح
باقي عليها رفعت عيونها للسقف :معقوله نمت بدون
ماحس بنفسي كله منه مستحيل اخيله
يدخل بحياتي مره ثانيه
مر طيفه بعيونها وهو يسال اذا كانت تحب
احد ثاني رجف قلبها من الخوف
يالله وشلون قلت له أي بقلبي احد
وشلون تجراءت وتكلمت معه بالموضوع هذا
تذكرت شكله وهيبته القويه ووسامته الجذابه
وقفت بسرعه تمنع نفسها من التفكير
فيه وفي شكله
وبقلبها:شكلي جنيت وش فيني صرت افكر فيه
اخذت برموده زيتيه وتوجهت لتوايت
بعد ماخذت شور وانتهت من الصلاوات اللي
فاتتها
طلعت تدور على ركان
ريفان دخلت لغرفة اخوها وطلت براسها
وببتسامه باهته:ممكن ادخل
ركان ببتسامه:ممكن يالغلا تعالي هنا
واشر بالمكان اللي جنبه على الكنبه
تقدمت منه وجلست بجنبه
ركان ترك الاوراق اللي بيده ومسك ايدها
وناضر بعيونها وعيونه
فيها كلام كثير وحلو
ركان براحه:تدرين ان الايام هذي احلى
ايام مرت بحياتي
ريفان فرحت بكلامه ولراحته:عسى دوووم
ركان:كنت متوقع ماراح تفرج كانت حياتنا
صعبه بس الحين غير انا صرت اشتغل
وانتي بعد يالله كيف الدنيا تمشي
ريفان بضيق وفي بالها فعلا كيف الدنيا
تمشي قبل كنت واثقه من حالي والحين
صرت اشك بخطواتي بسبب شغلي
ركان بعمق:بس اليوم انا اسعد واسعد
ريفان طالعته:اش معنى اليوم
ركان بفرحه:لاني قريب بزوج اقرب
اخت على قلبي وافرح فيها
ريفان جمدت وعيونها مركزه بعيون اخوها
تخاف يكون هو اللي مكلم ركان عنها
ماتبيه
بس هو قال بعدل من موقفي مستحيل يكون
هو اللي متقدم لي
ركان بفرحته:والرجال اللي تقدم لك رجال
ووالنعم فيه اخلاق ودين وسمعه
والكل يذكره بالخير
تنتضر يقول اسمه وتخاف تقول مين ويطلع
هو
استغرب صمتها ولاحض تركيزها
فكر انها مصدومه انه هو اللي فتح الموضوع معها
ابتسم:طيب مو ناويه تعرفين من هو
بهمس ميت:مين
ركان:سلطان مديرك بالشغل كلمني اليوم
المغرب وانا رحبت فيه وبكره راح يزورنا بالبيت
صارت تحرك راسها يمين ويسار
تبي توصل شدت رفضاها فيه
تبيه يفهم حجم معناتها
تحس الغصه عورت حنجرتها
رفعت ايدها على عنقها وتضغط بقوه
وايدها ترجف من الخوف
ركان لاحض توترها واستغرب اكثر
حركتها المتوتره
مد ايده لوجها وثبته بين ايديه
طالعها بستغراب:انا قلت شي غلط
ريفان بهدوء:مابيه مابي هالشخص بالذات
ركان:؟؟؟؟؟؟؟؟
ريفان :كلمه الحين قوله لايجي
قوله اني رفضت
ركان بستغراب اكثر:الى هالدرجه,,,
طيب فكري مو تردين الحين فكري بالاول
ريفان بصوت مخنوق:لو ماكلمته الحين
راح الجى لغيرك يقوله
ركان:طيب ليش؟؟؟؟ اقنعيني بالاول على الاقل
لو جيت ابرر له اعرف اش اقوله؟؟
رفعان ماقدرت تقوله شي:..
...
ركان:طيب معليش تفكرين وتردين لي بعدين
ريفان بتعب :لا تكفى الحين بترد عليه
وتقوله مابيه
ركان تاكد انها راح ترفضه
الحين او بعدين من اصرارها الغريب
ركان لاخر مره:متاكده
ريفان بسرعه:ميه بالميه
دق على سلطان وتركه على المايك
سلطان من اول دقه عرف الرقم
رد بسرعه:هلا
ركان :هلا فيك ,,,مساء الخير
سلطان:مساء النور ,,:كيفك
ركان :تمام يسرك الحال
صمت ساد الطرفين
ركان بحراج:امم سلطان مدري اش اقول
بالموضوع اللي كلمتني عنه اليوم
سلطان ضربات قلبه شك ان ركان
بيقدر يسمعها خاف يسمع اللي مايبي
يسمعه خاف من الرفض
ركان :انا كلمتها اليوم ومااعتقد بينكم
نصيب معنو انا اتمنيت تكون من نصيبك بس
يمكن خيره لك ولها
تنتضر ردت فعله تحس صار له ساعات
وهو ساكت ماكانها ثواني
رجفتها زادت من تخيلت شكله واكيد
انه معصب وثاير
سلطان انصدم برغم من توقعه لرفضها
حاول يتمالك نفسه ومايبين
الضيق والقهره بصوته:الله يوفقها
واللي خلقها خلق غيرها
وهذا الشي مابيخرب الاخوه اللي بيناتنا
وبسرعه عشان ينهي المكالمه:والحين ارخص لي
الوالده تبيني
ركان براحه:الله معك,,,مع السلامه
سلطان:مع السلامه
ريفان انصدمت من رده توقعت يصارخ
ويسب بس اللي سمعته غير اللي في بالها تماما
وقفت تتهرب من اسالت ركان:عن اذنك
اليوم ماشفت بابا سعود
وطلعت قبل تسمع رده
&&
سلطان بقهر سويتها اوكي
انتي اللي جنتي على روحك
شكلك مصره ارويك وجهي الثاني تحملي
ياريفان ثمر عمايلك
ومسك جواله وكتب الكلام اللي
يدري بقوت تاثيره عليها
ومتاكد عقب ماتقراه هي اللي راح تدق عليه؟؟
وضغط على ارسال
**
ريفان بحديقة البيت من طلعت من غرفة ركان
مرت على المطبخ وخذت لها عصير ليمون
يريح اعصابها ويخفف التوتر والقلق اللي بقلبها
سرحانه فيه وباختلاف ردود فعله
وبقلبها
غريبه الصباح معصب ومقهور والحين الله يوفقها
ليش ماني مصدقتك ياسلطان
قطع سرحانها وصول رساله على جوالها
تقراء مو مصداقه ثقل الكلام على قلبها وكبره
دموعها تسيل على خدها
تحس بالضعف والعجز
وفعلا ضغطت على زرالاتصال
الى هنا ينتهي البارت
توقعاتكم اللي تهمني باهمية الروايه
اللي بين ايديكم
لاتغرك الضحكه
|
|  |