[nahe24]

بعد مرور اسبوع من الاحداث السابقه

سلطان بالنادي وياء فواز

فواز:والحين شناوي عليه

سلطان:ولا شي المهم انهم لاقو بصمات على

الصندوق

والاهم انو حارس البوابه مختفي كل

الامور بصالحي

فواز:وموضوعك مع اهل ريفان مو ناوي

تفتحه مره ثانيه

سلطان بتفكر:امبلاء راح اكلم ركان اليوم

واعرف ردهم بالموضوع

فواز:ليش احسك واثق من ردهم
سلطان وباله بعيد عندها هي بالذات:انا

متاكد ماراح يرفضوني واذا على السالفه

اللي من اسبوع فركان يدري بكل شي

عشان كذا احس اني واثق من ردهم

&&

ريفان بغرفتها وتفكيرها بسلطان وتغيره بهالاسبوع

ماحاول يحتك فيها اويفتح معاها أي موضوع

وكانه ناوي يعذبها مع افكارها

وقفت تحاول تلهي نفسها باي شي المهم

تبعده من راسها

وتوجهت لغرفة ميار

&&&

نادر حدد يوم النظره الشريعيه

وبراسه موال راح يسويه عشان ترفضه فوز

&&&

ريفان بحيره:اخاف اني اتخذت القرار الغلط

ميار:بالعكس حبيبتي لاتفكرين بطريقه هذي

لانك راح تتعبين

ريفان:اخاف من الندم وعقبها من راح

يفيدني

ميار :توكلي على ربك...بعدين انتي قلتي انك

استخرتي ...يعني لاتشلين هم

ريفان بخوف:توكلت على رب العباد

&&&
الساعه 10 مساء

سلطان:اممم مدري كيف ابدتي الموضوع

بس شفتكم اتاخرتو بالرد فحبيت

نلتقي هنا واسمع منك سبب تاخيركم علي؟؟

ركان ببتسامه:ماقدرت اكلمك وافتح

معك الموضوع حسيتك مشغول فما

حبيت اشغله زود

سلطان مركز على ملامح ركان يبي

يوصل لرد من ملامحه وطريقة كلامه

تمنى لحضتها يسكت ركان عن هالمقدمه الطويله

ويساله عن ردها

تعب من الانتضار وتمثيل الواثق

يبيها بقربه يحس الشوق لها قاعد يعذبه

من بعد ماسكت ركان وماوضح بكلامه

عن ردهم بشكل صريح

حس ان اعصابه تلفت وقلبه قاعد يرجف بين

ضلوعه

ركان بعد مالحظ ان سلطان ساكت وينتظر ردهـ

استحى انه قاعد يلعب فيه وهو ساكت

ابتسم له بصدق:حياك الله متى ماحبيت

سلطان تنهد براحه ودقات قلبه يحس ان ركان

قاعد يسمعهم من الفرحه

ابتسم بنتصار:الله يحيك خلاص باذن الله

بكره وانا والاهل عندكم

ركان براحه :حياكم الله واحنى بالانتظار
...
من تركه ركان وقلبه مهو راضي يهدي

الفرحه نسته الدنياء ومافيها

تمنى لحضتها يقول للناس انها وافقت عليه

يبي كل البشر تدري انها له ولحاله

اتصل على امه يبي يفرح قلبها

مثل ماقلبه بيطير من الفرحه

من سمع صوت امه نسى يسلم عليها

سلطان بفرحه:يمه باركي لي الناس اللي

كلمتك عنهم وافقو وبكره راح نزورهم

ونخطبها رسمي

امه انصدمت من كلامه وفرحته ,,عمرها

ماسمعت الراحه اللي بصوته قبل

تمنت انه يصير أي شي

المهم ماتتم هالخطبه بس خابت امانيها

من سمعت كلمته

ردت بسخريه:وين يحصل لهم مثلك يالغالي

اكيد ماصدقو على الله صدق ناس فقر

سلطان انصدم من كلام امه توقعها اقتنعت

فيهم بس كلامها ندمه انه خبرها بنفسه

رد بجمود:الله يبارك فيك هذي الكلمه اللي تمنيت

اقولها بعد ماسمعك الخبر

تنهدت بحسره:مبروك ياوليدي معنى

تمنيت لك وحده من.

قاطعها بزعل:وبعدين يمه انا قلت لك

انا ابي هذا ومابي غيرها


ضحكت غصب عنها:خلاص انشاء الله

بكره نروح لهم معنى احسك مستعجل كثير

بس لعيونك احاول اجهز كل شي

ابتسم بحب:تسلم لي عيونك أي هالكلام اللي

ابي اسمعه الله يحفظك يالغاليه لنا

والحين ارخصي لي

امه:مع السلامه

&&&


الساعه 5 العصر

حايسه بين اغرضها شوي تلبس هذا

وتفصخ هذا

تبي تطلع باحلى شكل قدام اهله ماتبيهم يحسون

انها اقل منهم

من قالها ركان ان اهله راح يجون وهي معفوسه

فوق

تحت

واخيرا استقرت على لبس ارضى مزاجها

تنوره سودا طويله على الجسم

وبلوز بلون الدم بسلاسل ناعمه

تركت شعرها الطويل مفتوح بدون

ماترفعه اضافت له كرستاله ناعمه

وحطت مكياج اللي

يبرز جمالها الطبيعي

كل شوي تطالع بالساعه وتحس انها تتوتر

زياده كل ماقرب الوقت

للحين ماهي مستوعبه انها صارت له

حاولت تبعده من تفكيرها وسرحت في ذاك

اليوم اللي سالها ابوها مين تختار سلطان

او معاذ...انصدمت انو معاذ يفكر فيها

كزوجه هي تعتبره اخوها عمرها متخيلت

انها راحت تتزوجه

وافقت على سلطان لان خوفها على عايلتها

كان اكبر موسيطر عليها انها توافق على

سلطان

حست بالدموع تتجمع في عيونها من الذل

والاهانه عمرها ماحست بالجبريه الا معاهـ

وقف قدام المرايه تحاول تشغل نفسها

ماحست الا باحد يشد على لبسها

نزلت عيونها لابراء شخص بحياتها

ابتسمت بحب ونزلت لمستواه:الله مين

عطرك.... ريحتك حلوه

ريان ابتسم بفرحه:ركان هو اللي اعطاني

من عطره اروح اجيبه عشان احطلك

ريفان باسته بقوه:لاحبيبي انا خلاص حطيت لي

من عطري

ريان بزعل:كلكم عندكم الا انا

ضمته بحب:من عيوني اول متفضى

بشيلك ونروح السوق طيب

تركها بفرحه:والله بتشترين لي.... الله

خليني اقول حق رند انك تحبيني اكثر منها

&&&

سلطان لبس وتكشخ وماخلا عطر ولادهن الا

وغرق فيه ملابسه

تمنى يمشي الوقت عشان يشوفها

يحس براحه لان يقدر يشوفها بدون مايشوف

الخوف بعيونها

جهز نفسه ونزل عشان يشيل امه واخته

الكل كان متجهز في الصاله الا

وجد

طالع بساعته:يمه وين وجد معقوله للحين

متجهزت

امه:وجد مابتروح

عقد حواجبه:ليش

امه بتنهيده:تعرف اختك وتفكيرها... خربتها

بكثر الدلع والدلال

تنهد بغضب:وبعدين معاها انا حاولت افهمها بس

راسها يابس ماهي ناويه تقتنع بكلامي

بطلع اشوفها يمكن تجي معانا

امه:لاتعب نفسك ماجهزت نفسها بالمره

سلطان بامل:يمه معليه انا بحاول يمكن ربك يهديها

طلع وطق الباب ودخل

بعد مااذنت له بالدخول

طاحت عيونه على وجها الاحمر واثر الدموع

باقي على خدودها

ابتسم لها بحنان:ليش تبكين

انفجرت بالبكاء:انت ناوي تتزوج وتتركني

توني حسيت اني يتيمه ...انت ماتحبني

تبي تتركني وتعيش مع مع.... وماقدرت

تكمل كلامها

جلس بجنبها واخذ ايدينها في يدينه

ورفع راسها عشان تطالعه:ومن قالك هالحكي

ماراح اتركك انا بعيش هنا معاكم

ووجد بتبقى بنتي اللي احبها ومافيني استغني

عنها

ابتسمت من بين دموعها:والله انت بتعيش

معانا

سلطان بتاكيد:وانا قد قلت لك كلام واخلفت فيه

وجد براحه:لا

ارتاح انها تفهمته بسرعه:اجل خلاص

خلي ثقتك فيني كبيره ....والحين

قومي غسلي وجهك واتجهزي حنا ننتظرك

تحت لاتتاخرين

وجد :لا الله يخليك مافيه وقت ...اوعدك

اني راح اشوفها وابارك لها

وقف وابتسم لها:خلاص راح اعتبره وعد

يلا سلام

من خرج من عندها رجعت لنوبة البكى

وبقلبها كثيـــــــــر على اللي

اخذت اخوها


&&&

وصل هو وامه ووراه سيارة زياد

وسيارة طلال وشهد

امه قاعده تقيم منظر البيت من براء بنظرات

قرف وقهر

سلطان حس في ايش قاعده

تفكر وتضايق من عدم قناعت امه
***

بعد فتره في مجلس الرجال الكل يبارك لسلطان

وفي غرفة الضيوف للحريم

اكثر اللي يسولف شهد مع ام ريفان والحريم

الباقين

شهد مستحيه من نظرات امها للمكان... غير

انها ماتتكلم الا كلمتين وتسكت

ام سلطان بهدوء يعكس اللي بداخلها

:الا ماقلتو لي وين العروس للحين ماشرفت

ام ريفان بطيبه:الحين جايه

دخلت ريفان اللي ابهرت الكل بجمالها

وطلتها الحلوه كان باين على لبسها

البساطه بس كانت ملفتهه بشعرها

وبياضها ورسومها الصارخه

ام سلطان تفاجات بجمالها والحين

تاكدت ليش ولدها مصر عليها بالذات

شهد فرحتها تساوي الدنيا لخواها... وبقلبها


والله وعرفت تختار ياسلطان اثاريك


منت هين

سلمت على الكل وجلست بجنب البنات

رند:ريافي شوفيهم كيف يناضرون فيك

دانه:تصدقين شوي وياكلونك من قدك يابنت

دانه تحاول تبين لها ان رفضها لخوها مارح

يغير بينهم شي

شهد كانت تتمنى تسولف مع البنات بس

ماتدري وشلون تقولهم ابي اجلس معاكم

ام دانه فهمت نضرات شهد:قومي

يابني اجلسي مع البنات اتوقع هما من سنك

وبترتاحين لهم اكثر من سوالفنا

شهد ماصدقت على الله وخاصه لماندوها البنوتات

تعمدت تجلس بجنب ريفان

واخذهم الوقت وهم يتعرفون على بعض

***
في مجلس الرجال بعد

ماحضر فارس واخوه علي وولده نادر

سلطان بهمس لركان:ركان انا ابي اشوفها

اذا ماعندكم مانع

ركان ببتسامه:لا ابد ماعندنا مانع بس خلني

اقول لابوي وجدي سعود وعقب برد لك خبر

وفعلا قالهم ركان برغبة سلطان

وقف العم سعود:عن اذنكم ياجماعه ابي سلطان

على انفراد

وقف سلطان بهيبته الطاغيه وخرج براء المجلس

يتبع العم سعود

العم سعود:قالي ركان انك تبي تشوف ريفان

وانا ماعندي مانع وانابوك هذا حقك ومانقدر نردك

والحين بوصلك للغرفه الجانبيه تشوفها وهي تشوفك

واذا ربك كتب النصيب الله يوفقكم

باس راسها بحترام:تسلم الله يخليك لنا

وصله للغرفه اللي راح يشوف فيها

ريفان وخرج

من خرج العم سعود من عنده وعيونه على الساعه

يحس انهم تاخرو له عشر دقايق وللحين ماجات

شك انها راح ترفض تشوفه بس كان الاصرار بقلبه

معميه الا انه يشوفها باي طريقه

&&&


ريفان بمحاوله:بابا الله يخليك انا ماجهزت نفسي

على اساس انه راح يشوفني

الجد سعود:يابنتي هذا حقه ومانقدر نرده

بعدين بسم الله عليك كنك الغزال

تحس ان محاولاته مامنها فايده

فكرت انها تشوفه ترعبها وتزيد خوفها وارهاقها

استسلمت لكلام جدها ومسك في ايده:بس

مارح تتركني لوحدي معاه صح

ابتسم جدها :لا مارح اتركك بعدين هذي

الشوفه الشريعيه كلها خمس دقايق

وانتي راده

مشت مع جدها بعد ماتاكدت من شكلها

ورجفتها وتوترها واضحه حاولت تقوي

قلبها وماتبين توترها بس من تتاكد انها راح

تكون قدامه وبدون حجاب قلبها يدوي

دوي

لما صارو بجنب المكان اللي هو فيه وقفت تحس

خطواتها

تجمدت

وماعاد فيها تكمل المشوار اللي

اتخذته بنفسها

ناضرها جدها بتعب:وش فيك وقفتي لاتخافين

وانا معاك خلينا ندخل تعبت من الوقفه

والمشي

كلام جدها حركها بسرعه ورجعت تتمسك

بيده اكثر من الاول

سمع همس بجنب الباب وركز نظراته

على المدخل يحس ارجوله تبي تقوده لبراء

لمكان ماهي واقفه الشوق

غلبه وفجر فيه احاسيس ماعرفها الا من يوم

شافها

قطع تفكيره دخولهم

وقف منبهر من ملاكه اجمل من الصوره

اللي رسمها في عقله اول مره يشوفها

بهالجمال الصارخ ماقدر يشيل عيونه

من عليها اذهلته وجننته زوود

الجد ابتسم من لاحض ردت فعل سلطان وتنفس

براحه كان قلقان بس الحين حس بالراحه الحقيقيه

ريفان خطواته صارت ثقيله من رجفتها تحس

مالها حيل تصلب طولها اكثر

للحين مارفعت عيونها له عشان تشوفه

جلس الجد وجلسها بجنبه ناضرها يبيها ترفع

عيونها وتطالع سلطان

ضحك بصوت عالي على بنته وجها احمر وتفرك

يدينها ببعض

من سمعت ضحكت جدها ارفعت راسها

وطاحت عيونها بعيونه

اعجبتها وسامته وهيبته شكله كان جذاب لها

وبسرعه نزلت عيونها

جدها بحب:لو ادري انك بترفعين راسك

كان ضحكت من دخلنا

وقف واستند على عصاها عن اذنكم دقايق واجيكم

بدون ماتحس مسكت يده بقوه وعيونها تترجاه

مايتركها

ابتسم لها عشان يطمنها وبهمس:مابطول اساسا انا

بكون بجنب الباب

وخرج من الغرفه اللي هما فيها

سلطان باعجاب:صراحه ماتوقعتك حلوه

لدرجه هذي

ريفان :...........

سلطان بغرور:بس ولايهمك تستاهلين تكوني

حرم سلطان الراهي

من سمعت جملته الخير رفعت راسها

وعلى فمها ابتسمت سخريه:للحين تفتخر انك سلطان

الراهي

فهم قصدها وعرف انها تقصد سالفة

المخدرات:أكيد

افتخر فيه ولاعندك شك

سلطان حاول يطلع من السالفه ماله خلق

يتهاوش معاها يبي هاليوم يكون

مميز بالنسبه لهم:الملكه ابيها الاسبوع الجاي

طالعته بصدمه:نعم انت اكيد انجنيت

رفع حاجب من وصفها له:ادري اني جنيت من

رضيت بالفقر يابنت الفقر...من دخلت وانتي

ناويه تطلعين من زوري وانا احاول اعدي

بس انتي مامنك فايده

قطع كلامه بدخول الجد سعود عليهم

ابتسم لهم وجلس بمحله

سلطان تكلم قبل مايقول الجد شي

وبثقته المعروفه:ياعم حبيت اقولك اني ابي الملكه

عقب اسبوع

الجد :اسبوع؟؟؟ قريب ياولدي حتى

يمكن مايقدرون يجهزون انفسهم

سلطان بتمهد:انتولاتشيلون هم التجهيز

القاعه وتكاليفها علي والاهل اعتقد انهم راح

يجهزون انفسهم عندهم اسبوع وياطوله

الجد بحيره :مادري عطنا مهله وبنرد عليك

وقف واستاذن وتوجه لشباب بمجلس الرجال

الجد التقت عليها/وانتي شرايك بكلامه

ريفان للحين ماهي مستوعبه كلامه لها قبل مايدخل

جدها

خوفها منه صار اكبر مماتتوقعه وبالها مع الايام

الجايه وشلون بتكون اذا بدايتها كذا

ريفان:؟؟؟؟

لاتغرك الضحكه

الى هنا ينتهي البارت

اتمنى يعجبكم البارت