بيت ابو عبد العزيز
شقة عبد العزيز
صحت من النوم ماشافته جنبها قامت بتعب الا الباب يفتح ابتسم لها :كنت
بالمسجد اصلي العشاء
ابتسمت له :تقبل الله
قامت بعدها دخلت الحمام توضاءت وهي تحس بدوخه خفيفه راحت صلت
العشاء وبعد ماخلصت بدلت ملابسها لبست لها برمود ابيض مع بلوزه
ورديه طويله بقصه دائريه من فوق مشطت شعرها ورتبته ورفعته فوق
طلعت لعبد العزيز ابتسم لها بحب وهويرفع يده يناديها تجلس بحضنه
ابتسمت بخجل وهي تجلس جنبه وهو يضمها بيده حطت راسها على اكتافه
وبصوت تعبان هادي :اهم حاجه انكم ماقلتم لااحد على تعبي مااابي اقلقهم
ابتسم عبد العزيز وهو يلعب بخصل شعرها ويتاملها بهدوء
ساره بخجل :ايش فيك اليوم عالصامت
ابتسم عبد العزيز وقرب منها همس وهو يضمها اكثر :كنت خايف افقدك
مو مصدق انك بين يديني
قدام المستشفى
كان طالع من المستشفى وشاف سياره قدام المستشفى وراح لها
: عمر الى متى وانت كذا حرام اتقي الله في نفسك واقف هنا شتسوي
عمربنرفزه : الحين مين قالكم اني مذنب بنفسي انا ابغى افهم انتو ماعندكم
قلوب في صدوركم مااتحسو ياناس خلوني في حالي بدر انا مرتاح كذا
الله يخليك خليني
بدرق بهدوء : اذا انت تشوف انك الوحيد الي متضايق غلطان ترها زي
ماهي تهمك تهمنا اكثر
بس مو معنا هذا انك توقف حياتك مافي امل خلااااااااااص
عمرويده ترتجف :مالكم دخل فيني وبعدين الامل موجود لاخر نفس فينا
مين الي كان يقول
محد يفقد الامل من الي كان يقول رح الف الكون كله لجلها مو انت
لف وجهه بدر على المستشفى وعيونه حمرامحبوس الدمع فيها : تبيني
اقول لك انا غلطان ايه انا غلطان
عمر مسك كتوفه : لا انت مو غلطان وراح تشوف بترجع لي
تركه عمر رايح للمستشفى وقف قدامه بدر :اركب سيارتك وروح اللحين
هيا نايمه
عمر بتعب :بتحرموني منها يابدر
بدر بغصه : روح بيتكم ياعمر اتركها ياعمر
راح عمر السياره وترك المكان كله ليش يبوني اتركها ليش يبوني انساها
هي حياتي كلها شغل الاذاعه وجت الاغنيه
والله والله واحشني موووت والله واحشني مووت
اخاف بعدك امووت قلبي لو من حديد ذاب وانت بعيد
لو خسرتك حبيبي شلون احب من جديد وين القى وفاء او احس بدفاء ظلمه
بعدك حياتي
كل شي فيها اختفى روحي يمك حبيبي وبيدك اتمنى امووت
كان ماشي بالسياره ويسمعها
وينك وعدتيني ماتخليني تذكر قبل سنتين وهو يسمع نفس الاغنيه
: حبيبي قفل الاغنيه مااحبه
عمربابتسامه :حبيبي انا بعدك اموت تدرين مااقدر اعيش بعدك احس بموت
جومانه بخوف : بعيد الشر عنك اصلن انا مستحيل اتتركك واذا تركتك
مايفرقنا غير الموت واذا مت بموت بعدك وبمزح مت انا ابيك تنتحر بعدي
عمربضحكه : يمه منك طيب اذا تركتيني لا تذبحيني خليني ادور احد احبه
جومانه بابتسامه ودلع :لاتحاول مالك غيري ابدا ابدا
ابتسم عمر واثقه بس تبين الصدق يحق لك فديتك ورجع يغني
انا بعدك اموت اكون جسد بلا روح
عمروهو مخنوق : هذا انتي تركتيني لحالي بهدنيا ومااخذتيني معك ولا
ذبحتيني
تعالي اذبحيني لاني خلاص سرت جسد بلاروح حياتي ظلمه من غيرك
مافيها نور ليش خليتيني ياقلبي ليش رحتي عني انتظرك انا
بالدنيا الي ماترحم
بيت ابو ركان
رجعت البيت براحه التهى مع ساره ونساني جعله دوم ملتهي يارب فكني
منه ومن طلال هدوء طلال مو مريح الله يستر اتذكرت ان نواف عازم
نفسه عندها بدلت ملابسها ونزلت راحت المطبخ شافت هند تطبخ
رغد بابتسامه :اشم ريحه حلوه شطابخه
هند بمزح :يقولون اقرب طريق لرجل من معدته فقلت فرصه يمكن اعلق
خالك واخذه ماخليت شي ماسويته
ضحكة رغد وبهمس :مايسير العمه وبنت اختها
هند لفت عليها :شتقولين
ابتسمت رغد تصرف :متى يخلص الاكل
دق جوال رغد وشافت نواف :يلا انا بطلع المجلس اشوف نواف شكلها جى
عند الباب
نزلو البنات كلهم موني بهدوء :يؤ نسيت شنطتي
دانيه بدلع :احد ينسى شنطته
ضحكة موني: انا بسيار مو مدرسه
ضحكو البنات ودخلو وموني دقت عالسواق يرجع راحت اخذت الشنطه
من السياره اللي كانت بحوش البيت الا سياره ثانيه داخله قالت يمكن احد
من عيال عمها او عممها وقفت تفتش الشنطه ادور جواله :اوه شكلي نسيته
بالبيت ياربي
حست بحركه جنبها لفت تلاقئيا وهي ماغطت وجهها بس انصدمت فيه
وهو وقف يناظرها مشتاق لها حست بدقات قلبها تتسارع مشت بسرعه
وتركته بمكانه عيونها تدمع لوحدها وهي تجري مرت من جنب رغد اللي
شافت المنظر دخلت موني ونواف واقف بمكانه مثبت فيه يحبها ياناس
يعشقها قربت رغد وبهدوء :حياك نواف التفت نواف وحس بحاله بصوت
مخنوق :الله يبقيك دخل معها المجلس
جابت الشغاله القوه والشاي ورغد قهوته ماسك الفنجال بيده ويهزه رغد
بهدوء :دامك تحبها اخطبها
اهتز الفنجال بين يدينه تنهد وهو يحط الفنجال على الارض
بصوت هادي :رغد انا طول هالوقت كنت بصراع بين عقلي وقلبي قلبي
يقول خذها وعقلي يقول لا رغد تتوقعي بتهنى بحياتي وانا اخذ وحده كنت
اكلمها بيبقى الشك بينا حاجز كبير ماراح اقدر اعيش حياه سعيده معها مهما
كانت قوت محبتي لها يبقى بداخلي شك كبير يمكن يجي يوم وتخوني
بالنهايه انا رجل شرقي مثلي مثل غيري والحب مو دافع قوي يخليني اتقدم
سكتت رغد تمنت لو هذي وجهة نظر طلال ويرتكها بحالها الى الان خايفه
منه قلقت كثير على نواف شكله بدوامه مو قادر يقوم منها
داخل البيت بالصاله
جالسه دانيه بحضن جدتها وتضحك ورون جنبها وموني جالسه عندهم
بمسافه سرحانه
ام سالم وهي تمسح على شعر دانيه : الله يصلحك يابنتي
رون قربت من موني : ايش فيك
موني بهدوء تحاول تتماسك : مافيه شي عادي
جت هند بابتسامه :ايش عندهم الثلاثي
ابتسمت دانيه :ماادري عن الدنيا صحوني من النوم وجابوني نزور جدتي
بعد تدرين من لمن دخلت شميت ريحة اكل قلت الله خالتي الغاليه تسوي ليا
اكل وتعرف شعوري على بعد اميال وبعد عرفنا انو رغد رجعت قلت
نشوف اذا فيها اصابت او لا
ضحكو الكل بدخلت رغد دانيه بابتسامه :هلا والله بنت خالو ليكون بس عبد
العزيز معك بالمجلس
ابتسمت رغد عدانيه اللي دائما تدخل عرض على دلعها الا انها حبوبه :لا
قابلت خالي نواف ارتجفت اوصالها من ذكر اسمه رغد التفتت لها بهدوء
وسلمت عليهم بعد ماسلمت على دانيه
رون بابتسامه :لاتقولي ذاك المزيون اللي دخل معك يوم الملكه
ضحكة رغد :ايه هو اما الجده مدت العكاز عليها تبي تصربها بس رون
بعيده :استحي يابنت
رون بابتسامه خبيثه وماانتبتهت للي جالسه جنبها وقلبها ينحرق مية مره
:رغد لمن تبين تخطبين تكفين قولي ليا وغمزت لها
ضحكة رغد حاولت تقطع أي امل بين موني ونواف حتى لو كان نواف يبي
موني فعلا حبهم مستحيل يكتمل :ايش رايك لو خطبتك له توافقين
رون بابتسامه وبحركه مطيوره مسكت جوالها :تعالي سجلي رقم ابوي
ضحكو البنات والجده تتحلطم على رون وموني تحس نار تحرق قلبها بس
خلاص اختارت النهايه وهذا نهاية هالطريق
دانيه بمزح غمزت لرون : ابي سال في مكان بفندققك اقصد قلبك ناظرت
برغد اذا ماتبينه خطبي له رون
ضحكت رغد ورون دفت دانيه وجلسو يتخانقو وموني بعالم ثاني ورغد
طلعت وهي تبتسم الان بس عرفت بنات عمها زين حبوبات وخفيفات دم
بس لو اعرف شالسر ورى كره امي لهم ليش شوهت صورتهم بنظري
ليش هم كانو بعدين عني موني شكلها تعبانه صدق معقوله تحبه هو بعد
يحبها بس ربي يسهل من عنده دخلت عليه شافته سرحان تنهدت موني
جوى سرحان ومرهق وهو هنا يعاني يختصر السالفه ويتقدم لها