(الجزء الثالث عشر )
مجلس الرجال
ابو سالم بعصبيه :هذا وانا اقول انتا الرجال اللي بتشيل بنت عمك
عبد العزيز بهدوء :خلاص تبون اطلقها ماعندي مانع اذا شايفني مو رجال
عندك
وطلع من المجلس
قام عمر بنفعال ولحقه تركي راح عمر لعبد العزيز اللي يبي يفتح باب
السياره قفل باب السياره ووقف قدامه : حنا بلعبه ياعبد العزيز ايش ذنب
البنت اذا انتا ماتعرف تقدر خطواتك
عبد العزيز بنفعال :عمر
جى تركي وهو يوقف بينهم :استهدو بالله انت وياه
عمر كاتم انفعاله :عاجبك ياتركي اللي يسويه لف على عبد العزيز اللي
واقف بسخريه متذمر من الوضع الشي اللي زاد نرفزت عمر انت
ماتلاحظ تصرفاتك سارت تصرفات مراهق وين عبد العزيز
قطعه عبد العزيز بنفعال :عمر احترم نفسك
قطعه عمر بعصبيه وصراخ :من اللي مفروض يحترم نفسه ويحترام تراب
عمه اللي ماينشف وهو يلعب في بنته لعب اصحى لنفسك ياعبد العزيز
انت من اول بغيتها اتحمل كل شي وجدي صادق انك مو كفو لها لانك لو
رجال ماسويت اللي سويته وسحبتها وابوها ماله اسبوع ولان تبي اطلقها
قطعه عبد العزيز وهو يحاول يهدي نفسه وبصوت ثابت :انا ياعمر معترف
اني تسرعت واخطيت ومافيه واحد يرضى بالغلط
هدى عمر اشوي وبهدوء :وتصحيح خطاء تترك بنت عمك طول عمرك
رجال عاقل فكر زين ياعبد العزيز ولاتتهور بنت عمك مالها غيرك
راح عمر وركب سيارته ومشى وعبد العزيز مشى بسكات يركب سيارته
بس تركي سحبه بهدوء :اسوق انا
مامانع عبد العزيز ركب كرسي الراكب ومدده قلع شماغه وعقاله وطقيته
ومدد عالكرسي انطلق تركي وعبد العزيز جنبه
بمجلس الرجال
ابو عبد العزيز بضيق :يبه الموضوع ماينحل كذا
ابو سالم كان ساكت قام من عندهم بهدوء كالعاده رجل صامت ماتتوقع
شيفكر فيه
ابو ماجد همس لابو عبد العزيز:المفروض مايقلل من قدره قدام العيال
وانت تعرف عبد العزيز الا احد يشكك برجولته حتى لو جده
ابو عبد العزيز بتنهيد :الله يستر كل واحد راسه انشف من الثاني
ايطاليا
روما
بساحة نافونا
ماشي خطوات تايهه بين الناس الساحه زحمه الرسامين بكل مكان
والكشكات جلس على كرسي وهو يناظر النافوره حس بشوق كبير بس مو
قادر يرجع مايبي يضر عبد العزيز بس لينا بقلبه مستحيل يتخلى عنها
عرف انها رجعت المستشفى ذبحتيني يالين مالقيتي الا تكوني لااعز
اصحابي تركت لك السعوديه كلها عيشي مستانسه وانتي حارقه قلبي
بس ماراح تكونين الا ليا بس انا وبس بتكونين ليا بدون مااجرح صديق
عمري والايام بينا يالين
بالسياره
اللي انطلقت بالشوارع بدون هدف ماحب يتكلم يبيه يفكر لوحده
ويعرف هو ايش يبي يعرف انه مشتت كثير سمع صوته بصوت واهن
:كيف حياتك
ابتسم تركي بسعاده :الحمد الله المؤمن كل امره خيره
شبح ابتسامه على شفايفه : الحمد الله بس انا فعلا قررت اطلقها
وقف تركي على جنب وبهدوء بدون مايطالعه :فكر ببنت عمك شيقلون
الناس ملكة على ولد عمها وطلقها وهم ماكملو زواجهم اكيد البنت فيها
عيب لاتنسى انك المسؤل عنها بعد وفاة ابوها
عبد العزيز بهدوء عدل جلسته وبنره واثقه : عندها جدها وعمامها كلهم عزوه لها ولاني ماابي اضيم بنت عمي اشوف الطلاق اريح لها ولي انا ياولد عمي عماني الكبرياء والغرور وجدي صادق لمن يحس بنقص رجولتي انا عرفت غلطي وبصلحه
تركي بهدوء :بس لاتعالج الخطاء بخطا تمم زواجك وبعدها طلقها كذا اهون
عبد العزيز بهدوء :البنت ماتبيني
تركي شغل السياره :من اول البنت ماتبيك بس انت الله يهديك مو شايف قدامك
تنهد عبد العزيز وسكت دق جوال عبد العزيز رفعه شاف رقم سعد
رد بهدوء :وعليكم السلام
سعد بصوت سريع: الحق ياعبد العزيز
رفع حاله وبصوت قوي :ايش سار
سعد بسرعه وصوته يرجف :الحق ياعبد العزيز فضحنا ولد عمك تعال بسرعه شوف لك حل معه الله يفضحه مثل ماذلني عند الخلق
عبد العزيز بقلق :وينك فيه
سعد بعصبيه :يمجلسنا تعال وجيب معك عمر
قفل الجوال
تركي بقلق :ايش فيه
عبد العزيز وهو يفتح بجوالها يدور على رقم عمر :ماادري ياشيخ سعد يقول تعالو مجلسنا روح مجلس عمي ابو ماجد
اشوي الا رد علييه عمر
عبد العزيز بثبات :تعال مجلس عمي ابو ماجد بسرعه
عمر بخوف :ايش فيه
عبد العزيز تنهد :ماادري بس تعال
بيت ام محمد
شقة محمد
دخلو سوى دخلت الغرفه قلعت عبايتها حتى مالاحظ ان بنته مو معنا ياربي صبرني على بروده بس بعرف ايش السر بحياته ليش بارد معي كذا الرجل الجليدي ابتسمت على افكارها الصبيانيه فتحت الدولاب بتبدل ملابسها بس انفتح باب الغرفه دخل محمد حاولت اطنشه بس هو اصلا معطي الدنيا طناشه نفسها تذيب هالجليد
قطع افكارها صوته بارد مثل تصرفاته :وين رهوفه
ماردت عليه وشغلت حالها كانها ادور لابس تبي اتذوقه اشوي من البرود اللي تعيشه طلعت لها ملابسه اخذتها ومشت وقفها بصوته :وين رهف
مها ببرود :اخذتها خالتها رون عندها
محمد ببرود :وليش مااعطتيني خبر
مها بنفعال غير مبرر:وليش اسالك انتا داراي بالدنيا اصلن خلك بقوقعتك اللي انت فيها
ناظرها محمد بهدوء وهي ترجف كل جسمها يرجف قرب منها ومسك اصابعها اللي ترجف وبهدوء :مها ايش فيك قرب منها ومسح دمعه على خدها حتى مها ماكانت منتبهه لها
انهارت مها تبكي وبعدت عنه وجلست عالسرير تبكي ويدها على وجهاا
انصدم محمد وقرب منها حط يده على ايدينها بقلق : مها ايش فيك
ماردت عليه قام بهدوء وجلس جنبها
ماتدري ليش تبكي على الايام والسنين اللي معه ولا على حبها له ولا على ايش بالضبط حست بضغوط كبيره حست انها بس تبي تبكي
تركها فتره بعدين مسكها من اكتفاه ولفها له
بهدوء :مها ايش فيك
ناظرت فيه وعيونها كلها ادموع :ليش دائما بارد
تنهد محمد وبهدوء : مها انا طبيعتي انسان عملي ومااعرف اظهر عواطفي
واكثر من مره اقولك
مها بصوت مخنوق :حتى زوجتك مو قادر تصبحها وتمسيها بكلمه حلوه
وقف محمد : انا كذا يامها ومن اول ماتزوجنا وهذي طبيعتي الحياه مو كلها رومانسيه وعواطف ومشاعر
مها قطعته بنفعال : ومو كلها عمليه
وقف محمد وتركها بهدوء وطلع من الشقه حقتهم كلهم صرخت بقهر طول عمرك بارد وراح تبقى بارد ياقطعة جليد ورجعت رمت نفسها عالسرير حتى بدون ماتبدل ملابسها
بيت ابو ماجد
مجلس الرجال
وصلت سيارة عمر بنفس الوقت اللي وصلت فيها سيارة عبد العزيز
عمر قلع نظارته :ايش فيه
عبد العزيز وهو يمشي بثبات : علمي علمك سعد دق وقال دق على عمر وتعالو مجلسنا
تنحنحو الثلاثه ودخلو المجلس شافو سعد ببدلة الشرطه ويده على راسه وسلطان مربط جنبه ناظرهم سلطان ببرود وسعد وقف لهم
يسلم بعد ماسلم عمر باستغراب :ايش ساير
جلس عمر جنب سلطان وعبد العزيز وتركي جنب بعض وسلطان ملتفت الجهه الثانيه
وسعد جلس مكانه وهو يفتح اول ازرار من البدله وبصوت مقهور :
كنا بمهمة مداهمة لاستراحه معا الهيئه ولمن دخلن كنت انا وواحد ننتقل بالغرف وشفت بقرف هالحقير بوضع اعوذ بالله بالعافيه اقدرت ارقع الوضع سحبت سلطان وقدرت الملم السالفه ومن هنا وهنا الين اقتنع الليمعي واذخت سلطان وجيت هنا
لف عمر على سلطان بصدمه :من متى
ضحك سلطان باستهتار :انت خلك عايش بحياتك مالك دخل من متى وناظر سعد ببرود يااخي كان خليتني ياخذوني اخذ كم جلده وانتهى الموضوع بدل هالمسرحيه ومسوي فيها دور البطل
قام سعد اللي ماقدر يمسك نفسه يضرب بسلطان سلطان بقهر :لو انك رجال فكني فكه سعد وسار يتضاربو وقف عمر وتركي يحاولو يفكو بينهم
صرخ عبد العزيز : بس انت وياه يالمبزره
وقفو وكل واحد يمسح جروحه اللي بوجه قرب عبد العزيز وسحب سلطان من وسطهم وبثبات :تركي هات مفاتيح السياره ورح مع عمر
اخذ المفاتيح وطلع ومعه سلطان اللي ماقال ولاكلمه ركبو السياره
بالمجلس جلس سعد وعمر وتركي
تركي بهدوء :يجماعه اذكرو الله
سعد وعمر :لا اله الا الله
سعد يتنفس بسرعه :والله لو تركه مايفكني منه الا موته
تركي بهدوء :الامور ماتنحل بالضرب والطق وسلطان مو صغير ياسعد
سعد بقهر :لو هو رجال عاقل ماسوى سواته
قام عمر بهدوء وهو مو مستوعب الوضع :يلا تركي كنك بتروح
ابتسم تركي يخفف الوضع :انا اليوم مشتت كل اشوي بمكان
طلعو عمر وتركي وسعد دخل البيت
بسيارة عبد العزيز
الصمت كان سيد المكان ناظر سلطان بالطريق وعقد حواجبه :المزرعه
مارد عليه عبد العزيز وهو يمشي بالطريق العام
سيارة عمر
تركي بهدوء : ياابن الحلال ايش فيك من اول ماطلعنا وانت مانطقت ولا كلمه حتى وحنا بالمجلس هادي
عمر بصوت مخنوق : ياتركي احس كل شي من اهمالي
تركي لف له :يااخوي انت لاانت ابوه ولا امه
عمر بلع ريقه : بس اخوه اللي التهى بحياته وانعزل عن اخوانه مو بس سلطان اللي متغير حتى حس على نفسه وسكت وتنهد الله يعين ياتركي
تركي ربت على كتفه :اذكر الله ياعمر ولاتخاف باذن الله عبد العزيز قدها
تنهد عمر :المفروض انا اللي اخذه
تركي بهدوء: ياعمر انت عزلت نفسك عن الكل وحياتك كلها سارت الشغل وبس ترى الدنيا ماتوقف على شي واحد شوف انا كيف كانت حياتي والحمد الله اللحين احمد ربي واشكره واحس كل شي سار خيره
سكت عمر علق تركي بمرح :سرت اليوم مرشد اجتماعي لك ولعبد العزيز يلا رجعني البيت اشتقت للمدام
رسم ابتسامه مصطنعه ورجع يسرح بعالمه لهى بحياته ونسى حياة اخوانه
بيت ابو عبد العزيز
جالسه بالصاله وسرحانه قرب منها بهدوء وجلس جنبهاحط يده على اكتفا انتفضت ابتسم بحنان : يالغاليه وين كنتي ابتسمت بحب لودها وبصوت تعبان :هنا ياولدي
باس فوق راسها بحنان : افا يام فهد ايش هالصوت
ابتسمت بحزن ام عبد العزيز : ابدا ياولدي مافيه شي
دخلت بمرح :لا قولي له اسكت يافهد اليوم حولو الغدا مناحه هي وخالتي
وهذي تبكي من هنا وهذيك تبكي من هناك
ام عبد العزيز بزعل :تتريقي يابنت ابوك
فهد بابتسامه ويده على اكتاف امه :افا يالغاليه ماعاشت ولاكانت تبي تغير عليك جو بس واحد يقدر على ام فهد وانا موجود
ابتسمت ام عبد العزيز : الله لايذوقني حزنك ياولدي
رون بدلع قربت منهم وجلست عند امها من الجهه الثانيه : لا والله اول شي اسمها ام عزوز ثاني شي انا بعد بنتك الحلوه الدلوعه
ضحك فهد :ياشين السرج عالبقر
ناظرته وعيونها مفتوحه : انا بقره ياثور
ام عبد العزيز بعصبيه :يابنت استحي اخوك الكبير
ابتسم فهد ومد لسانه من ورى امه رون بوزت :هذا وانا بنتك اخر العنقود القعده تشمتينهم فيني
وقامت وقبل ماتطلع لفة عليهم وهي تضحك :اصلا ادري انو مافي احد اغلى مني صح ياام عزوز بروح الحق رهوف لاتعدم الدنيا
ضحك فهد وامه معه ابتسمت ام عبد العزيز :متى ناوي ياولدي تتزوج
اختفت ابتسامه وبهدوء :كل شي بوقته حلو يالغاليه
ام عبد العزيز بتمسكن :ابي اشوف عيالك قبل مااموت
قطعها فهد بضحكه :يمه هالاسطوانه ايام اول الابيض والاسود ذلحين يقولون متى تبتلي في بنت الناس اللي تعقلك
عرفت ام عبد العزيز ان ولدها مافيه امل