المزرعه
وصل المزرعه فتح الباب ونزل وسلطان بالسياره مارضى ينزل والوضع مو عاجبه طنشه عبد العزيز وجلس بالعريشه اللي دائما يجلسون فيها
نادى واحد من العمال وسوى له شاي وسوى قهوه وبعدها جلس يتقهوى وكل هالوقت وسلطان بالسياره نزل متنرفز وقف عند راس عبد العزيز اللي يتقهوى بهدوء : يعني جايبني تحبسني هنا اذا عندك محاظره خلصها وخلينا نرجع بكره السبت عندي محاضرات
ابتسم عبد العزيز بسخريه :اجلس اتقهوى
جلس سلطان بقهر ومارضى يتقهوى
عبد العزيز وهو يحرك الفنجال وبداخله القهوه اللي ريحتها وريحة الهيل تعبق بالمكان وبهدوء :سلطان انت رجال
انفعل سلطان :تهبي ياعبد العزيز كانك تشكك برجلتي
عبد العزيز بصوت حكيم وهادي :سالتك جاوب
سلطان يجاريه وهو واصل حده وبصوت منفعل :رجال ولد رجال مااظنك ماتعرف ابوي وجدي ومنهم خوالي عيال الذيب
عبد العزيز وهو يحط فنجاله ويناظر قدام والشمس تغيب : وانت
سلطان بنفرزه :عطني من الاخير ياعبد العزيز
عبد العزيز بنفس الهدوء : انت تتكلم عن ابوك وخوالك واجدادك بس انت ايش سويت حتى يقولون فلان مو فلان ولد فلان
سكت سلطان
كمل عبد العزيز بثبات وبصوت شامخ :عمر الرجوله ماكانت ثوب وشماغ ولا كانت شنب على وجه رجال الرجوله اخلاق وافعال ياولد عمتي وانت ماينقصك شي حتى تسير من خيرة الرجال واحسنهم كلنا نقع بالاخطئ
بس الرجال الصدق اللي يعترف بغلطه ويصححه
سكت عبد العزيز وسلطان يناظر الارض بصمت قلع عبد العزيز الشماغ والعقال وحطهم على جنب ووقف :يلا قوم صلي المغرب ونرجع نكمل
ناظره سلطان باستغراب من زمان ماركعها كيف بيصلي
عبد العزيز وكانه قرا افكاره :قوم اتعوذ من ابليس واركع لربك يمكن يسامحك لاتزيد بالطغيان ياولد عمتي مااحد يدري متى يومه الموت مايعرف كبير او صغير وكلنا لهالطريق بس العبره في النهايه تخيل كيف تقابل ربك لو قبض روحك وانت على معصيه
تركه عبد العزيز وراح يتوضاء حس سلطان بالاختناق والضيق قام ودخل البيت راح لحمام وحط راسه تحت المغسله وفتح الحنفيه والمويه تصب على راسه وهو يدعك بشعره وكانه بيطير أي فكره براسه رفع راسه وناظر نفسه والمويه تنزل على وجهه حقير انتا ياسلطان كيق بتقابل ربك وانت كذا حقير حس بدمعه رجع على ورى صدم بالجدار نزل وبكى وبكى بحرقه بكى بالم ماايدري ايش جاه يارب ارحمني انهار وهو يبكي كانه طفل ضم رجوله وهو يبكي بشهقات احيان فيه قلوب حيه محتاجه كلمه بس حتى تعرف طريقها قرب منه عبد العزيز ورفعه وبهدوء : قوم صلي واذكر ربك ترى ربك كريم غفور رحيم بعباده
قام سلطان وهويترنح نزل يده تحت المويه وكانه نسى كل خطوات الوضاء تركه عبد العزيز لوحده وهو رايح :انتظرك برى مع العمال نصلي جماعه
سم بالله وهو يتذكر خطوات الوضاء اتذكر ابوه لمن كان يتوضاء قدامه وهو بالمتوسط ابوه انشغل بحايته ونسى يراقب صلاة عياله علمهم الاساسيات ونسى ان الشجر يحتاج سقي ولا يموت نزرع المبادئ بعيالنا بس الزرع وحده مايكفي لازم نسقي هالزرع ولايموت ترى الريح تكسر الغصن الخفيف
خلص وضؤء طلع عندهم وصلى معهم ودموعه ماتوقف كانه اول مره بحياته يصلي راحو كلهم وهو ضل بمكانه يحاسب نفسه ويبكي عن ذنوبه
بيت ابوركان
نزلت عالدرج كانو جالسين مع بعض جدها وجدتها ماانتبهو لها
ام سالم بهدوء : يارجال المره ماتت بشرها وخيرها
ابو سالم وهو سرحان :المره ماتت بس شرها مامات شوفي بنت ولدك كيف نسخه من امها
ام سالم :علشان كذا زوجتها عبد العزيز مو علشان شغله علشان خايف تسير نسخه من امها ومااحد يقدر عليها الا عبد العزيز خايف تفشلك عند العالم
انصدمت وتراجعت وهي تسمع باقي كلامهم اللحين بدت تتوضح الامور اكثر بس ايش امها مسويه لدرجة انهم خايفين اطلع عليها يزوجوني غصب علي عبد العزيز
ابو سالم تنهد :يامره انا خايف عالبنت وعبد العزيز عارف اللي سار من امها يعني ماراح تروح لرجال ثاني وتفشلنا مع اهله
ام سالم :البنت مو مثل امها مو لانها قويه بتسير مثل امه ولاتنسى ان المره كان اللي فيها مرض
صدمه ورى صدمه شهالمرض وشالسالفه لازم تعرف
دخلت عليهم بدون سلام : ايش المرض اللي في امي
ابو سالم بصوت قوي :ماتعرفي تسلمي يابنت وتتسمعي ورى الابواب
قربت منه وباست فوق راسه ونزلت عند ركبه وباست على يده :تكفى شسالفة امي تكفى انا خلاص ماعاد اتحمل يكفي ابوي اللي راح وهو مو راضي عني ياجدي انا ظلمتكم وظلمت كل العائله كنت اشوف الكل ظالم فجاءه اعرف انكم مظلومين والله النار قايده هنا وهي تاشر على صدرها
ناظر فيها بهدوء وهي تناظر بدون ولادمعه كانت ثابته وقف واتكى على عكازه :عندك جدك مطلق روحي اساليه ماحنا بمطلعين فضايح موتانا
قام وخلها وهي جالسه بمكانها على الارض ويدها عالكنبه وسرحانه
بيت ابو محمد
الصاله
دانيه بابتسامه :الله لوعندي عيال عم مثل كذا ويحجرون عليا ويقلون بنت عمنا ماتطلع غير لنا وه بس
ضحك تركي :خيالك واسع
مروان بخبث:عندك عيال خوالك
دانيه بدلع :وع وع الله يعافيك منو هم يعني عيال خالي حمد فهد المرعب
او عيال خالي سالم مجود ابو ولد وسعد الشرطي سكتت اشوي بعدين لفت لمروان تدري سعد فيه تفكير
ضحك الكل تركي يمثل الانفعال : هي ياباردة الوجه قدام اخوك
دانيه بمزح :تكفى يااخوي خلاص الشيمه
ضحكو عليهم
مروان وقف وجلس عند امه باس راسها
دانيه :قول ايش تبي منها
مروان ناظرها نظره قويه ولف لاامه : تكفين يالغاليه ابي اتزوج
قلتي لمن يتزوج تركي وهذا تركي تزوج
ام محمد بهدوء :ياولدي لمن تخلص ادراسه يسير خير
مروان باس فوق راسها ثاني: تكفين بس ملكه الين اخلص باقي بس ترم واخلص والوظيفه موجوده عند عبد العزيز بالشركه بكون محاسب عنده تكفين
دانيه داخله عرض :ايه تكفين يمه نبي عرس
ناظرت ام محمد بتركي ابتسم لها بهدوء الا بدخلة محمد :السلام عليكم ورحمة الله وبركاته
الكل باصوات متفرقه : وعليكم السلام
ابتسم بهدوء وهو ياخذ الرموت من عند دانيه ويدير عالجزيره الرياضيه كالعاده :دوم هالجمعه الحلوه
دانيه بقهر :حمود رجع الرموت تبي تبدل روح شقة
ناظرها بنص عين :اصغر عيالك
بلعت دانيه ريقها ماادري كيف مها تتحملك قطع مروان كلامهم وهو يرجع يكلم امه :تكفين بس ملكه ابيها ولو مازوجتوني اياه بذبح حالي
محمد ببرود :ومن هي اللي تبي تذبحك نفسك علشانها
تركي بابتسامه :بيسير عديلك هاه تنصحه
ابتسم محمد :توكل على الله والخميس الجاي نروح نخطب لك
ناظر مروان فامه قالت بابتسامه :مالي بعد كلام اخوك الكبير كلام قام مروان وباس راس امه وباس راس محمد
دانيه بضحكه : وانا بعد انا
ضحكو كلهم
المزرعه
دخل عليه المجلس وهو جالس بزاويه بعد ماصلو العشاء عبد العزيز بثبات :دق عمر يسال عنك وطمنته
سكت سلطان مارد عليه
عبد العزيز قرب منه :قوم يلا نروح
ناظره سلطان وبهدوء :احجز لي على مكه بروح اعتمر
ابتسم عبد العزيز بهدوء كان شايل هم سلطان بس ماعرف ان سلطان كان محتاج كلمه بس وتغير حياته قال له :ابشر الين نوصل يكون الحجز جاهز قوم معي يلا
قام سلطان وباس فوق راس عبد العزيز
انحرج عبد العزيز وربت على اكتافه :مابين الاخوان حواجز يالغالي
سلطان بهدوء : والله ماانسالك وقفتك ياولد خالي
ابتسم عبد العزيز : حنا اهل ولكنا لبعض
وطلعو متوجهين لبيوتهم
بيت ابو ماجد
غرفة مريم
حست باختناق الدنيا سودا قرب منها قرب اكثر انتفضت بخوف شافته بوجهاا قريب يبخنقها بيذبحها صرخت صوتها مكتوم
شكلها طفله صغيره وهو يقرب منها اكثر صرخت ماجد ماجد الحق عليا ماجد حست صوتها مخنوق مايطلع انتفضت وهي تصرخ لاااااااااااااااا
لفت جنبها وشافت سعد جالس يهديها وامها وابوها حواله
ناظرت بالغرفه تحس حر نار مع انو المكيف شغال والغرفه بارده لكن حرارتها مرتفعه والعرق يصب منها ضمها سعد له وهي تنتفض سار يقا عليها
ماجد كان واقف عند الباب وعيونه كلها الم مو قادر يتقدم اكثر طلع من الغرفه وهو مخنوق اه يامريم ليش اتحملين ذنب انا مو قده دخل الغرفه شاف ولده نايم جلس جنبه عالسرير حياته مع حنان سفره عن اهله وتركه لها زواجه من جاكلين وموتها معقوله كل هذا ذنب مريم بس انا مالي ذنب
بالغرفه كانت مريم ترجف الكل طلع الا سعد جلس يقرا عليه هدت اشوي ناظرت فيه بالم سعد بهدوء :ماراح نزوجك غصب عنك ابوي كان بس يستشيرك بالعريس
سكتت مريم بعدت عنه اشوي ناظر لها بالم مريم بصوت متقطع : سعد اتركني تكفى
قام عنها وهو مو قادر يسوي شي طلع من الغرفه وكانت موني دموعها بعينها وجاسم واقف جنبها يهديها
سعد بهدوء قرب من موني ومسح على شعرها وبصوت حنون :استهدي باالله يالغاليه ماسار شي كل مره كذا بس يمكن لانها زمان ماجتها الحاله
موني بين ادموعها :سعد مريم ليش يسير لها كذا
سكت سعد فتره بعدين قال : صدمه وهي صغيره بس
موني بحزن هالصدمه لها علاقه برفضها الزواج
سكت سعد وسحب حاله جاسم دفها اشوي وبمزح :عجبك يعني احضاني
ابتسمت بين ادموعها :وخ وخ من زينها
ضحك جاسم :تتمنينها بس يلا روقينا بكره ورانا مطرسه اف بس متى نخلص
ضحكة موني :انت بتخلص مع مرتبت الشرف هذا انا لحقت بثالث ثنوي وانت تاخذها للمره الثالثه
حك جبهته جاسم : اصلا العباقره كانو فاشلين شوفي بعدين كيف اسير ماتعرفي ان نيوتن لمن اكتشف الجاذبيه كان مفرك من المدرسه وانا باكتشف شي ثاني وانا مفرك ضحك وتركها وراح ابتسمت فاشل راحت لغرفته اول مادخلت الغرفه تنهدت على حال اختها رمت نفسها عالسرير اتذكرت نواف غمرت راسها بالمخده حتى تنسى وتنام