ام ماجد بشك :غريبه رجعتم بدري
مريم بخجل : والله يمه ماقدرت اعيد بعيد عنكم
موني بدون اهتمام :لو مكانك ارقص من الوناسه انفك من هالوجوه الودره
وهي تاشر على جاسم ضربها على اكتافها :اقول تتمني وجهي بس
موني بوجع :ايه يااخي انا مو واحد من ربعك انا بنت نعومه
ضحك جاسم :من ضاحك عليك وقايل ناعمه النعومه يمين وانتي يسار
دخلو ابوها واخونها ابتسمت لهم وبخجل :وين سلطان
صفر جاسم : لا مااقدر يناس تموت عليه
انحرجت مريم وجهها قلب الوان وكلهم ضحكو عليها
سعد باابتسامه :وزعناه قلنا نبي اختنا تنام عندنا اليوم اعترفي ايش مسويه
له حلف يمين مايخليك عندنا
ابتسمت بخجل وموني وجاسم يعلقون عليها
والراحه كانت بقلوب اخوانها وابوها وامها كلهم حسو انه هم وانزاح من
قلوبهم سعادة مريم هو الحلم اللي كلهم كان يتمنون يتحقق دمعت عيون امها
من الفرحه والراحه
اليوم الثاني
المغرب
بيت ابو مطلق
نواف بابتسامه :اوه بنات اختي هنا والله اسفتر وانورت ناظر في ابوه
غريبه رافع الحضر عن رغد
رغد بقهر من نواف :ايش دخلك بنت وجدها ايش دخلك بينا بس تبي تخرب
علينا
نواف وهو ياكل :مااقول الا الله يعين عبد العزيز عليك
بوزت بقرف انتبه لها جدها استحت منه وابتسمت هز راسه مافيها امل توه
مكلمها ينصحها ماتحاول تشوه سمعت زوجها مهما كان اللي بينهم وانها
ماتطريه الا بخير وتحاول تخفي أي شي بينهم بس حركتها كانها ماسمعت
شي
بعد ماخلصو اكل راحو الصاله الثانيه وحطو القهوه والشاي وسارو يتقهو
نواف ياشر على حنان اللي تتقهوى : هذي ايش عندها عالصامت
رغد بابتسامه :ايش فيك حبيب القلب غايب اصلا هي مي معنا هي هناك
بالجنوب
ضحكو نواف ورغد وحنان طنشتهم والجد ابتسم بهدوء راحه وبنات بنته
حنان تكلم جدها : بنروح بعد العشاء علشان نطلع مع عمتي منيره
ابتسم الجد مطلق :الله يسهل دربكم
وبقى الجد وحنان يسولفو قرب نواف من رغد وهمس لها:قررت اتزوج
رغد بابتسامه :واخيرا حنيت يااخي كنت بتموت
نواف بحزن :مو موني اقصد اماني ماقدرت تبقى ذكرى حلوه ولاانو اخذها
بعدين تعاني مني واعاني انا بتعذيبها الغيره جنون يارغد
تنهدت رغد بالم على حال خالها وبنت عمها :طيب
نواف نزل راسه :عمتك او وحده من بنات عمك
رغد بصدمه :ايش
انتهى البارت