بالصاله
العائله كلها مجتمعه دموعه الجده الم العمه وجرح الخاله من فقدنا عبد
العزيز ام ماجد ضامه اختها تشاركها همها وقلبها يحترق على بنتها اللي
بين الحيا والموت وولد اختها وزوج بنتها اذا صحت بنت شيبيكون حالها
شبتكون دنيتها وام محمد تهدي امها ومعها هند لكن ام سالم تزيد بدموعها
مع كل استغفار راح حفيد راح غالي رون بحضن دانيه اللي مبين على
عيونها البكي وهي تضم رون وتقرا عليها بهدوء وجنبها موني عند رجول
رون اللي ضامه حالها مريم تحاول تخنق دموعها وهي جالسه جنب هدى
اللي دموعها جفت من كثر البكى وسرحانه يامصعب فقدان الاخ تخيل
ماتصحى الصباح وتسمع صوته ماتحس بريحة وضحكته ريحة عطره
تختفي من الدنيا صوته ينمحي ياه تخيل لمن اخوك يروح وماتبقى الا
ذكرى صعبه لمن يروح السند لمن يروح الاخ اخ يامصعبها من كلمه لمن
تنفقد اول كلمه نقولها لمن نتالم اخ اول مانلجئ له بهمنا الاخ السند العضيد
ياخوي ياعزوتي ياضحكتي وبكاي
من لي سواك الي علىا كتاف ارتشي
لي خانني الوقت وخان فيني القهر
انت العضيد الي اشد فيه الظهر
وينك يااخوي
مؤلم فقدانه مؤلم جدااااا صعب حرقه بجوفك عليه فراغ بحياتك
ام عبد العزيز هيا اذا فقد الاخ فجيعه كيف هي فقد الابن الظنا اللي سهرتي
عليه وربيتيه كبرتيه وتبتسمي بوجها كل ماشفتيه ابن بار بوالديه شافته
مراهق شافته شاب شافته رجال يتحكى فيه بين الرجاجيل بس راح بدون
ريحه منه بدون اسم له بالدنيا راح بدون ظنى يدعي لابوه بهالدنيا راح
قطعه من روحها عذاب فراقه اقوى من عذاب حمله اشهور عذاب فراقه
يهد الحيل يكسر القلب ويضيع الروح فقد الظنى موت بطئ
بشقة رغد فوق
معها خالها نواف
نواف بغرابه :ولادمعه يارغد
تنهدت رغد :تكفى نواف خلاص الله يرحمه ولد عمي بادعي له بالخير
تبيني انافق يعني وبعدين انا ابيك توديني لبيتنا ابي اعتد هناك مو قادره
اجلس هنا
نواف بحسره :ماتوقعت كذا يارغد
صرخت رغد بنفعال :ايش اسوي الله يخليك كافي يانواف كنت ابيه يروح
عني بس مو يروح عن الدنيا ويخسروه اهله احس انا السبب من كثر
ماادعي عليه اهتز جسمها بالم نواف احس نفسي حقيره بس مو بيدي مو
قادره ابكي عليه مااكذب عليك حزنت عليه وعلى موته مثله مثل أي
شخص صادفته مرتين ثلاث بحياتك ولمن جاك خبر موته حزنت مو بيدي
شلون تبيني انهار وابكي على شخص ماعشت معه الا اقل من خمس ايام
وايام الملكه اللي قبل ماعرفت خيره ولاشي كيف تبيني ابكي ليش مصرين
ابكي ليش اخذ نواف نفس عميق سحبها من يديها ومعها شنطتها ونزل معها
يوديها بيت ابوها قبل الظهر لانو بيكون دفن عبد العزيز وتبداء عدتها
صعب انها تعتد بهالمكان مستحيل
بالمستشفى
مغمض عيونه بتعب حيله انهد بعد ولده عدل جلسته بتعب وهو
يذكر الله يمكن يخفف الضيق والخنقه اللي بروحه انخفاض بالضغط
والسكر طالع زوج اخته بتعب :ابغى اطلع اشوف عيالي وسالم وين
تنهد ابو عمر :بتطلع اللحين بس يطمنوا ان الضغط ثبت وسالم بهدوء عند
بنته
راشد وكانه تذكر شي فاته وبخوف :ساره وين
ابو عمر بحزن :هنا بالمستشفى دخلت في غيبوبه والله يعلم متى تصحى
ابو عبد العزيز بالم :يارب رحمتك وغفرانك اللهم اجرني بمصيبتي خيرا
منها
بمكان ثاني بغرفة العنايه
كل الاجهزه حوالها الله رحمها من انها تعيش فراق عبد العزيز
وهي بها الحاله اخوانها عزوتها كلهم حولها نبضات قلبها بالشاشه وصوتها
العاليه وكل دقه تدق بعذاب بقلوب اخوانها جاسم جالس على الارض
وراسه عالسرير يخفي دموعه سعد واقف ومكتف ايدينه عيونه حمرا
واقف جامد لكن قلبه يتقطع وكانه يتناثر بالهو لمن تحس من قوة الفجعه
والالم والحزن ان ماعندك مشاعر ماعندك قلب كل هذول اختفو لدرجة
الالم توصل مشاعرك لدرجة التجمد كان حال سعد اللي بس واقف يتامل
ابوه واخته الغايبه عن الدنيا
.. ( ) .. آلمٌ ..... [ ! ]
جٌرحةَ وصٌلْ لٌينْ " آلعُظمْ " ..!
مٌثلْ الشتآِء ( بآرٌد ) آبدَ مآِ فيهُ دفآ ..
.. ومثلْ آلغدُرَ مآِ فيهُ .. صفآِتْ الوٌفآ ..
شافها عروسه وابتسامتها الهاديه الناعمه شالها طفله صغيره بريحتها
البريئه باس راسها وهي ناجحه من المدرسه واللحين جالس يمسح على
راسها وهي شبه ميت بين الحياه والموت هي بالشعره اللي بينهم ياتموت يا
تعيش دمعت عيونه على بنته بكره الهاديه الحنون الطيبه الناعمه شايل
همها لصحت شبيكون ردها لعرفت انه راح وخايف من كل قلبه لتروح عنه
ويفقدها بقى يمسح على راسها بحركه جامده وهو بداخل مذبوح الابتعاد
عن الواقع من قوة الالم
اما هو اختار يكون بعيد عن الكل اختار مكتبه حتى يوزع المه على
وصفاته وشغله ايه يشتغل يحاول يقاوم الالم والتعب اخته بين الحيا والموت
وولد عمه راح عنهم نزل راسه عالمكتب بتعب وهو يفرك عيونه الحمرا
بدون ولادمعه نزلت مخنوق يبي يبكى مثل طفل لكن يبقى شموخ الرجوله
يمنعه من البكى سوى دمعات متباعده تنزل اصر انه يختار خيلاء الرجوله
على الفضفضه بالدموع هذا هو ماجد ممكن دموعه تخونه لكن مستحيل
يستسلم لها مع انه استسلم بحياته لاشياء اكبر
طلع الصبح واجى الظهر
غسلوه وكفونه هذا نهاية بني ادم يدخل الدنيا يبكي والناس فرحانه ويطلع
منها والناس تبكي وهو بحسب اعماله كلنا نهايتن كفن ابيض مابيشيلن جاه
ولامال كل اللي بيسند صلاه واعمال ناصر وتركي وصلهم الخبر وقدرو
ياخذو اجازه ورجعو بشكل مستعجل كانو بالمقبره واكثرهم لابسين نظارات
يخفون الهم من عيونهم
شال الكفن مع الناس ويده ترجف بيترك اخوه ويروح بيروح سند عمره
وهو اللي بيده بيحطه تحت التراب نزل هو وناصر عمه اللي كان تاثره
كبير عبد العزيز ماكن ولد اخ وبس كان صديق واخ نزلوه اثنينهم للقبر
وايديهم ترجف ودموعهم تودعه الوداع الاخير طلعو ودفنوه بيدينهم صمام
قلبه بينفجر من الالم وقلبه يعصتر روحه تأن بعذاب والم ونين موجع لفرق
الاخو اخر ذرة تراب مسحها بيده ودموعه اتقطر على قبر اخوه وتنتثر
يامن بقيت تحت التراب
يا قبر أعز إنسان غالي رقد فيك :: خفف عليه من التراب الثقيلي
يا قبرماني طيب عقب راعيك :: اللي رعاني صار عندك نزيلي
أغليك أنا يا قبر منحب راعيك :: مرحوم ياخوي ياراعي الوفا والجميلي
ياللي سكنت القبر صوتي يناديك :: موتك جرح قلبي وهديت حيلي
الله يرحمك يااخوي يارب ثبته عند السؤال يارب
نور قبره يارب صبرنا على فراقه يارب اثلج صدري يارب انت الواحد
القادر يارب امي تحتاجني وخواتي يبوني لهم سند وابوي طايح يبي من
يقومه يارب الهمني الصبر والسلوان يارب خفف حرقتي على اخوي يارب
ماالي غيرك دعوات كثيره من قلبه المتعب المرهق المتعذب
يومين متعبين مؤلمات مرو عليهم بين دموعهم والمهم على فقيدهم
اليوم الثالث ومها مازالت بارده تقوم بكل شي بالعزا الكل حاول يخليها
تنفجر مااحد قدر كانت صامده وكانها فجاءه تحولت لجيد
وساره باقي مفترشه السريره وكانه ترفض تقوم بعد ماراح اعز الناس
ورغد بدت عدتها اربع شهوره وعشر ايام
ناصر جلس مع عياله مع ان الالم والحزن معذب روحه لكنه كان يحاول
يعوض عياله عن غيابه
اما تركي الى هاللحظه ماشاف حنان
بس بيوشفها اللحين <هع
بيت ام محمد
شقة تركي
حطت يدها البارده على كتفه ابتسم لها بحب وهو يضم يدها بصوت تعبان
:اشتقت لك يدك بارده دليل حنانك ودفئك
ابتسمت له بحب وهي تتامل بوجهه بعيونه بكل شي فيه مو مصدقه وجوده
همست بحب :والله اشتقت لك
جلس عالسرير وجلسها جنبه حط راهس بحضنها وغمض عيونه :راح عبد
العزيز تعبان ياحنان تعبان
حزنت على حاله وسارت تمسح على راسه بحب وحنان باست جبينه
بعطف وحب وهمست له :ارتاح ياقلب حنان كلنا لهطريق
بيت ابو عبد العزيز
المقلط
كل مره نفس الطريقه تيجي وتجلس جنبه صامته تتكلم كم كلمه وكل
مايسالها تجاوب بكل برود وقف محمد ونادى فهد جى فهد خبره محمد فهد
بصدمه :مجنون انت
محمد بتعب :يافهد هذا الحل الوحيد
راح فهد رجع بعد فتره وعيونه حزينه وقلبه يتقطع وهو يشيل بيده شماغ
عبد العزيز كانو يبونها تنفجر يمكن تخف على حالها الكتم مو كويس لها
وبالاخص انه اكتشفو حملها فهد ماقدر يتحمل ورمى الشماغ على محمد
وطلع قرب منها محمد ناظرته بعيد ناظرة الشماغ اللي بيده وبصوت تايه
وعيونها الذبلانه : اغسله لك
هز راسه بلا وقال بصوت هادي :شماغ عبد العزيز
اخذته بيدها وهي بدت تهتز قربته وشمته اه ياريحة يااخوي معقول رحت
عنا وتركتنا كذا ضمت الشماغ اكثر وهي تغمض عيونها وتسنشق ريحته
اكثر بدت دموعها تنزل لين اطلقت الشهقه اللي فكت كل الكتمان وهي تبكي
اخوه وكانه اليوم مدفون مو مر على دفنه ثلاث ايام بلياليهم بكت الم وعذاب
وهي تزيد من ضم الشماغ يمكن صاحبه يرد يمكن يطلبه منها بكت بعذاب
وحرقة قلب صرخت :راح اخوي يامحمد راح عبد العزيز زادت تبكي
وتصرخ بانين موجوع بصوت يطلع مخنوق مبحوح من شدة الالم وكان
الحنجره بدت تتشق من عذاب الصوت وكانها بدت تنجرح من قوة الالم
اللي فيه ومن قوة الشهقات سحبها محمد بحضنه وهي تبكي وتشهق بكل الم
على اخوها الين هدت بروحها ونامت حسبراحه انها فكت عن حالها مع انه
تالم كثير لاالمها تعذب معها كثير فراق ولد خاله مو هين لكن عذاب زوجته
اكثر الم
مر شهر على وفاته
وكل شي على حاله ساره مازالت غايبه عن الوعي مع انو جروحها تشافت
ناصر وتركي اضطرو يرجعو الجنوب
ورغد باقي بعدتها
بيت ابو ركان
اللي الجد والجده رجعو له حتى يكون مع رغد بعدتها ومعهم طبعا هند
وحنان اللي بغت تكون عند اختها من بعد سفر تركي
رغد بخوف :هند متاكده انه كذا
هند بسعاده :ايه يارغد خلينا نعيش الفرحه
رمت نفسها عالسرير وبصوت مخنوق :اطلعي برى
هند باستغراب :المفروض انك تفرحي انك حامل وترى سالت شيخ تقدر
تروح مراجعتك بس
قطعتها رغد بصرخه :برى
طلعت هند ورمت رغد حالها عالسرير لمت نفسها ويدها على بطنها
وجسمها كله ينتفض :حتى وانت ميت ماعتقتني ليش ياعبد العزيز ليش انا
حامل منك ولدك ببطني ولدك اللي بيعيش يتيم تيتم قبل مايجي عالدنيا
عيونها حمرت وكالعاده صلابتها وقوة باسها منعت أي دمعه تخون عيونها
تهز حالهابالم كيف بربي ولد بهالدنيا بدون رجال كيف بكون ام واب ذليتني
ياعبد العزيز حتى بعد موتك بتعذبني بحياتي بيضل ولدك يذكرني فيك اللهم
لااعتراض اللهم لاااعتراض
شي على خدي يسيل ..؟!!
مدري مطر !
مدري بحر !
يمكن دموعي بهالقدر ؟؟؟!
تبي تجي على جرح العمر
وبذوق أنا موت الصبر
تكتب " دموعي " كلمتين .!
الحزن مامنه مفر ..؟
انتهى البارت