الجزء العاشر
انتهت سهرة الشباب الساعة 4 الفجر كان سالم وسلمان رايحين للفندق اللي ساكنين فيه (فندق الميريديان اللي في كورنيش الخبر) سلمان من التعب على طول انسدح بالصالة وسالم عيونه خلاص غصب عنها تسكر وراح غرفته وانسدح على طول عشوائياً من دون مايغطي نفسه
بعدين جا أبوهم عشان يعلمهم شلون يتأخرون
راح الصالة شاف سلمان منسدح الأخ ومرتاح
بوسالم بصوت عالي:سلمان
سلمان تخرع:نعم..نعم
بوسالم:جاي متأخر أنا أعلمك (يطق راسه ) قوم ياسلمان
سلمان:زيييييييييين ...أي
وراح لسالم
بوسالم "بصوت عالي":سالم ياسالم... سويلم قم
سالم:هاه...نعم يبه
بوسالم:أسمع أن تأخرت مرة ثانية لهالوقت واحنا هنا ذبحتك انت واخوك فاهم؟
بوسالم يشد أذن سالم:فاهم؟!"بصراخ"
سالم:ااااااااه أي نعم فاهم فاهم
بوسالم:يللا قم توضا علشان تصلي
سالم:يبى حنا على سفر
بوسالم:جب وقم صل
سالم:زين زين
وراح عنه
سالم:أففففففففففففففف والله نشبة ذا الابو
..........................................
بالصباح الساعة9
رهف صحت من النوم رايحة للحمام شافت أختها نور صاحية واستغربت
رهف:نور شمقعدك من الصباح؟!
نور:أنا أصلاً مانمت
رهف:"تشهق"مانمتي للحين نوير؟! روحي نامي
نور:أنتي روحي نامي
رهف:أنا كنت رايحة الحمام مستغربة من قعودك شمسهرك للحين؟!!!
نور:مو مشتهية أنام مافيني النوم
رهف:النوم شهوة؟!.. وبعدين مين هذا اللي تخاوين الليل عشانه؟
نور:مالك شغل
رهف:أن ماقلتيلي بعلم ابوي
نور:علميه حركات البزارين
رهف:كل هذا عشان ولد عمي الحلو؟
نور:لا...أنا...مشتهية أسهر أحب السهر..ومافيني النوم
رهف:نور ترى كثير السرح والسهر هو العاشق
نور تتنهد:اااااااااه ماقدرت انام سحرني.. يمة منك كشفتيني
رهف:الله على الحب
نور:شسوي
رهف:خلاص يانور أنا مااحب حسن كثرك
نور:أنا غير وأنتي غير
رهف:طيب إذا كان مايفكر فيك
نور:مومهم...وبعدين أنتي ماتدرين وش بقلبه
رهف:ترى سالم ولد عمي لعوب ومجنون
نور:أنتي ليه تحاولين تكرهيني فيه؟!
رهف:ما أكرهك فيه هذي الحقيقة...أقول أنا بروح الحمام ماني فاضية لك
نور سرحت مرة ثانية
نور تقول بقلبها :أحبه..أحبه موت كل يوم حبي له يزيد أكثر وأكثر وأمس بعد شفته ياااااااااي لمن يجي ينور دنياي عيونه ساحرة وحلوة تتذكر شكله وتتذكر عيونه الناعسة الحلوة
وهي كانت مشغلة الكمبيوتر وشغلت منه غنية (عادي) حقت نوال الزغبي وهي تسمعها ومستانسة
عادي عادي تشغلني تشغلني بحبك***عادي عادي تجرحني تجرحني بهواك
لو بيموتني أحبه بس اموت انا معاه***عادي تشغلني بحبك عادي تجرحني بهواك
.........................................
من ناحية ثانية ولدولة ثانية في الكويت
لطيفة تطالع نفسها بالمراية تطالع عيونها الساحرة الوسيعة وهي مكحلة وشعرها الطويل الأسود وخشمها وشفايفها الحلوة طالعت وجهها تحس ان فيه براءة مع انها ماتحب تمدح نفسها بس ليش سالم متعلق فيني أو احس بجذي رغم جرأته الزايدة ملت من وجهها وقالت انزل احسن نزلت وكالعادة شافت ابوها وامها وعبد العزيز وسارة وخالد قاعدين اللي يسولف واللي يطالع التلفزيون نزلت وقعدت يمهم بالصالة
بوناصر:هلا باللطفي هلا "لطفي تدليع لأسم لطيفة"
ام ناصر:شعندج قاعدة فوق
لطيفة:لابس جذي ...سوير عطيني الريموت
سارة:تحلمين فيه
لطيفة:يللا عاد سيور عطيني شوي أبي أفرر من زمان ماشفت التلفزيون
سارة:أتحدى
عبد العزيز:كله عيونج بالتلفزيون وتقولين من زمان ماشفت التلفزيون!
لطيفة:لا والله صج أنا كله قاعدة بالكمبيوتر
سارة:أيه تقرين القصص السخيفة
لطيفة تسكت سارة:أووووووووووش
عبد العزيز:وأنا كم مرة قلتلج لاتقرين هالقصص
لطيفة:أنا ما أقراها وايد وبعدين مافيها شي هالقصص
عبد العزيز وهو معصب:جبي ولا كلمة
بوناصر:شفيكم انتو خلاص هذا وانا جدامكم
ام ناصر:خلاص ياعزيز اسكت
عبد العزيز:زين
لطيفة بهمس:أحسن
سارة:ترى أقول لعزيز
لطيفة:أنتي دومج ملقوفة
خالد:خلاص سوير بلا لقافة زايدة
لطيفة:وييييييييييييييو هزأوها
سارة:أنطمي
لطيفة:أنتي انطمي (وضربتها)
وسارة ضربتها وقعدو يتضاربون
خالد:هااااي أنتو بس "بصراخ"
وهجدو
بوناصر:وانتو طول عمركم جذي"يضحك"
ام ناصر:خلاص من انخلقو وهم جذي
بو ناصر:الله يهداكم بس
ام ناصر:هذا البنات كله جذي غير الأولاد شوف عبد العزيز وخالد ولا ناصر غير هالثنتين
لطيفة:بس احنا أحسن من غيرنا
بوناصر:بوايد
.................................................
سالم وعيونه فيها نعس وهي بروحها ناعسة :يبى اليوم وين بنروح؟
بوسالم:وين مانروح
سالم:يعني شنو بنروح لعمي ولا بنرد الكويت ولاشنو؟!
بوسالم:غبي أنت...مادري قلتلك وين مانروح
سالم:نتمشى
سلمان:أي صح نتمشى
بوسالم:نتمشى بعينك انت وياه
سالم:ليه؟
بوسالم:وين فاضيين حنا جايين هنا زيارة لأهلكم تقولون نتمشى
سلمان:يبى والله الدمام حلوة والخبر أحلى ودي نتمشى بالكورنيش
سالم:والمجمعات
بو سالم:بس هذا اللي ذابحكم ذا المجمعات والكورنيشات
سالم:زين هذي الدمام والخبر ياكورنيشات يامجمعات يامنتزهات ومقاهي..مدينة رفاهية
بو سالم:عن القرقة ويللا قومو غيرو وبنروح لعمتكم جوهرة
سالم:أفففففففففففففف
سلمان:أففففففففففففف
بو سالم:وليش هالأف ياسهولتها على لسانكم
سلمان:أمس شايفينها
بو سالم:واليوم بعد..قومو غيرو مثل ماقلتلكم لبسو الثوب
سالم:السعودي بعد أكشخ
.................................................. ............
أمل كانت جالسة بغرفتها تخاوي الهم والحزن ..عن قصتها عن أبوها اللي مات من عمرها يااااااه يا يبى محتاجة لك...ليه طرى على بالي يوم جاعمي هنا شمعنى يوم شفته طريت على بالي ..وهي جالسة تشوف صورة أبوها مرة قديمة وامها كسرت خاطرها أرملة للحين ولاتزوجت من بعدها وربت بنتها أمل لين كبرت ياحبيبتي يايمى مانسيتيني ولاتركتيني و تزوجتي ..وهذا أمل تخاوي الحزن والألم والبعد..... ياترى يوم من الأيام راح احب يوم من الأيام راح أنسى همومي متى راح ألقى الأجوبة على هالأسئلة القدر أهلكني وتعبني...دنيا تهلك الإنسان هلاك!!!
..................................................
ومن ناحية ثانية لطيفة تفكر بسالم أحبك ياسالم مدري ليه رغم أني عارفة ألاعيبك بس حاسة انك تحبني وتعشقني ..ماراح تكون لغيري من اليوم ورايح راح أحارب كل إنسان ياخذك مني راح تكون لي وراح أغيرك...متى تستعدل ياسالم وتترك ألاعيبك مع البنات تكون لي بروحي...ليه أحبه ليه ذايبة في هواه...يمكن عشانه يحبني ...ولاعشانه طيب وعفوي ...أبي يكون حبنا حب شريف راح اخليه حب شريف حب بعده زواج وسعادة وحياة ولا أروع يارب تجمعنا مع بعض
................................................
في بيت ام جراح جا لهم بو سالم
في المجلس>>>
بوسالم:أجل وين بو جراح؟
ام جرا:والله موهنا عنده كم شغلة
الشباب طبعاً كانو جالسين مع بعض يسولفون سوالفهم البطالية بمكان ثاني بالبيت
جراح:هههههههههه نتمشى بعينك انت وياه؟!!!
سالم:"بعبوس"تضحك انت ووجهك!
سلمان:أصلاً ماقلنا شي يضحك
جراح:أحسن ليه ماتبون تجون بيتنا شصاير؟!
سالم:أحنا ماقلنا جذي بس حبينا نتمشى بالاول
جراح:ولايهمكم أنا بمشيكم أحلى تمشية وأحلى من أمس بعد...بس تعالو متى ترجعون الكويت؟
سالم:مادري يمكن باجر واللا اليوم ....ليه تبي تفتك من وجيهنا؟!!
جراح:سالم الله يهداك شفيك اليوم لاموقصدي كذا والله..شكلك معصب اليوم
سلمان:هو طول عمره مستلعن ومعصب
سالم:أنت جب أنا ما أعصب إلا نادر..أنا بارد
جراح:زين بارد قول ثلج
سالم:الظاهر تبيني أقوم أروح الفندق أبرك لي
جراح بجدية:سالم خلاص سكتنا سكتنا
جراح:تصدق سالم الثوب عليك كشخة توني ألاحظ ليش ماتلبسه من زمان أنا ملاحظك من امس كاشخ
سالم:لاشدعوة أنت اللي تلبس ثوب
سلمان:وأنا مو كشخة؟
جراح:لا والله كشخة ورزة بعد....أجل مارحتو بيت عمي سعود؟
سالم:لاشنسوي هناك أمس كنا عندهم!
جراح:ها...ما اشتقت لحبيبة القلب هناك؟!
سالم:أي حبيبة القلب أنت بعد؟!!!
جراح:أفااا بنت عمك المصون
سالم:من هذي؟!!!!
جراح:نور بنت عمك
سالم:لاخير أنشالله ولا أفكر فيها
جراح:ليش موحلوة؟
سالم:أولاً ماشفتها علشان أحكم لاتنسى أنها تتغطى... ثانياً هي حلوة ولا لا ما أفكر فيها أنا اللي أحبها وحدة ثانية بقلبي
جراح:أحلى مين بعد؟
سالم:ماراح أقولك
جراح:يللا عاد سلوم أنا ولد عمتك ياولد خالي ورفيجي "يقلد اللهجة الكويتية"
سالم:وحدة من اللي أكلمهم غير ياجراح غير
جراح:شلون بعد غير؟!!!!
...............................................
أبرار ومريم كانو قاعدين بالبيت
أبرار:مدري شفيه هالأيام صار يصد عني؟!
مريم:يمكن عنده ظروف
أبرار:أي ظروف صار مايرد وحتى رنة موبايله غير الظاهر موهني بالكويت
مريم:حاولتي معاه؟
أبرار:حاولت معاه أتصل فيه مايرد مادري شفيه
مريم:أرسليله مسج
أبرار:وليه مايكلمني؟!
مريم:مدري عنه بس أرسليله مسج يمكن يرد عليج
أبرار:مدري شفيه ومن شنو زعلان مدري شفي هالأنسان بالضبط!
مريم:هونيها وتهون اللحين حاولي تدقين عليه واذا مارد مثل ماقلتلج
أبرار:أول شي أكلمه
وتدق أبرار بجوالها على سالم وكان سالم جالس يسولف مع جراح وسلمان أخوه وأول ماشاف الأسم حس بضيق وقفل جواله
جراح أستغرب من حركته
جراح:وراك قفلت جوالك؟!!
سالم:لاهذي وحدة من الغثة
جراح:ياخي ليش مارديت عليها متزاعل معاها؟
سالم:لابس مالي خلق
.......................
أبرار:أفففففففففف...شفتي قفل جواله عشان مايرد علي
مريم:أرسليله مسج
أبرار:ok ......والله مدري شفيك ياسالم؟!!!!
وترسله مسج:
حبيبي شفيك ....ليه تجافيني....تراك معذبني؟!!!
سالم جاه المسج
قراه شافه سخيف ومارد
أرسلتله مسج ثاني:
حبيبي مشتاقة لصوتك رد علي
سالم حس فيها وقال بنفسه أكلمها كسرت خاطري
سالم:ألو
أبرار:هلا سالم شلونك حبيبي؟
سالم :بخير حياتي وشفيك؟
أبرار:أنت اللي وشفيك أشتقت لك وينك؟
سالم:أنا بالسعودية أزور أهلي
أبرار:اهااااااا....بس الحمد لله أنك رديت علي حسبالي صار لك شي خفت عليك
سالم:لا حبيبتي مافيني شي بس رايح أنا وابوي واخوي نزور أهلنا
أبرار:انزين المهم أني تطمنت عليك باي حبيبي
سالم:باي
بعد ماسكر سالم يقول بنفسه:"روحي بس تطمنين علي حقيقي هالأشكال من البنات ماتستحي ...ألف صديق من الشباب لج...بس لو كانت أبرار تحبني ...لا لاحتى لو أبرار تحبني بوفاء وصدق تبقى بنت بايعة نفسها صايعة وسلعة رخيصة للشباب
.................................................. ............
نورة تكلم لطيفة
لطيفة:تعالي نوير نسيت ماقلتلج
نورة:شنو؟
لطيفة:أبيج تيين بيتنا اليوم واللا باجر
نورة:لا ياحبيبتي لا باجر ولا اليوم أنتي تعالي بيتنا
لطيفة:ليش وبعدين أنا دايماً أيي بيتكم وانتي ماتيين
نورة:أنتي عارفة عذري
لطيفة:عذرج سخيف علشان عندي أخوان بالبيت
نورة:صح عندج أربع رياييل وأمي ماترضى
لطيفة:وليه ماترضى أبوي بيطلع وأخواني بعد وان ماطلعو بطردهم هم الثلاثة
نورة:لا حبيبتي ماتقدرين تطردينهم أنا أخاف أحد يدش علي فجأة ولايمكن أحد يشوفني من اخوانج
لطيفة:نورة لاتصيرين سخيفة مو كله أنا اللي أييكم موحلوة عاد
نورة:أصلاً حتى لو وافقت أمي ماراح توافق
لطيفة:بصراحة أمج تبالغ شدعوة شهالخوف؟!
نورة:من حقها عندج ثلاث اخوان شلون ماتخاف؟
لطيفة:نوير الله يخليج تعالي بيتنا أنتي نادر تيينا كله أنا اللي أييكم
نورة:والله بشوف بقول لامي إذا وافقت زين مع اني عارفة أنها ماراح توافق
لطيفة:لابتييين غصب عنج
نورة:انشالله الجية بالغصب؟!!!
لطيفة:لا موبالغصب بس مليت من زمان أقولج تعالي تعذريلي باخواني
نورة:انزين لو فرضاً أخوج دش علي فجأة وشافني شسوي؟
لطيفة:أنا عارفة أنج تقصدين خالد بس هو مايسوي هالحركات
نورة:أنا بصراحة أخاف من اخوج هذا وبعدين بيتكم يخرع
لطيفة:شنو يخرع وين قاعدين يناني(جناني)؟!!!!
نورة:لابس بيتكم كله رياييل
لطيفة:ياربييييييييييي خلي الرياييل يولون وتعالي وماعليج من احد
نورة:ok ...بشوف
.................................................. ........
في بيت بو راشد كان حسن مليك رهف زايرهم يشوف رهف
بعد صلاة العشا تقريباً>>>
حسن:شخبارك رهف من زمان ماشفتك؟
رهف:بخير...اشتقت لي؟
حسن: أكيد اشتقت لك أصلاً اليوم اللي ما اشوفك فيه أستخف
رهف: لها الدرجة ميت فيني؟
حسن:وأكثر
رهف بدلع:أقول حسوون
حسن ذاب:سمي
رهف:وشرايك نطلع اليوم؟
حسن:بسك طلعات أن اللي أتعب
رهف:يالله عااااااد
حسن:أنا أول مرة أشوف بنت تقول للي مالك عليها أبي أطلع
رهف:أنت زوجي بحكم الشرع وعارفة اذا عرست فيني واخذتني من بيت ابوي ماراح تطلعني
حسن:بالعكس بعد العرس انشا الله راح اطلعك المكان اللي تبينه شتبين بعد!
رهف:أووف خلاص يمكن أحد ثاني يطلعني
حسن:من هذا؟!
رهف:أخوي حمد بعد من؟
حسن:يمكن يكون طالع ولامشغول
رهف:معليه واحد من عيال عمي
حسن:وشو؟!!!
رهف:هههههههه شفيك اخترعت أو يمكن ابوي طيب تطمن أكذب عليك
حسن:يمكن تسوينها
رهف:إذا بطلع مع واحد من عيال عمي لازم مع أختي نور نتمشى مع بعض وهو بس يوصلنا مجرد سواق
حسن:والله أنا أخاف من هالأشياء يارهف
رهف:أنت مرة غيور ياحسن
حسن:ماتدرين يمكن يغير مساره هذي مو غيرة هذا خوف
رهف:حسن ما أسمح لك تقول كذا عن عيال عمي
حسن:هذي هي الدنيا يا رهف مافي شي مو ممكن
رهف:ألا هاالشي...سكر الموضوع
حسن:زعلتي حبيبتي؟
رهف:أكيد....أنت حيل شكاك لو خلاص صرنا مع بعض شبتسوي
حسن:أنا زوجك
رهف:أقصد بعد العرس
حسن:راح أسجنك بقلبي
رهف:أنا اللي بقفل عليك بقلبي
جا بو راشد
بو راشد:هلا حسن
حسن قام لعمه:هلا عمي شخبارك؟
بو راشد:بخير ياولدي
وسلمو على بعض
بو راشد:ها شخبارك ياولدي ياحسن
حسن:بخير ياعمي
بو راشد:شخبار رهف معك خلاص تاخذها اليوم نفتك منها؟
رهف:وين ياخذني؟!!!
حسن:هههههههه أخذك معي البيت بعد وين
رهف:يعني بدون عرس؟!
بو راشد:إذا ماكنتي زينة معاه لا
رهف:يبه لهالدرجة أنا شينة؟
حسن:لا لا ياعمي رهف من أحسن مايكون وخلاص العرس قريب انشالله
بو راشد:يعني مافيكم شي؟
رهف:ألا يبى أبيه يطلعني
بو راشد:كل يوم هالطلعة؟!
رهف:أي
حسن:أقووول....
بو راشد:لا لا لاتقول حمد أخوك طالع واتحدى ان رضى
.................................................. ............
نور تتصل باخوها حمد
نور:ألو هلا حمد
حمد:نعم نور شتبين
نور:الله...الله لهالدرجة مو مشتهيني
حمد:نوير أخلصي علي
نور:أبيك بمهمة ...أنت وعيال عمك هذا إذا بتتمشون
حمد:وشو؟
نور:هذا من بعد ابوي طبعاً
حمد:يللا وبعدين
نور:زين لاتاكلني
...............................................
لطيفة كانت جالسة وجاها مسج من سالم وهي راحت تقراه:
يوم ناظرتك لقيـــــــتك
لقيتك عمري أنت أول تالي
حبيبي يا غلا نفسي فديتك
عيوني لك و لك روحي و حالي
لطيفة ترسل له:بسك ولاتتصل
سالم يرسل:
إذا ماتبيني أتصل اجل راح أرسل
ويرسل مرة ثانية:
أنا عرفت الحب يوم عرفتك
ومن قبل أعرفك الهوى ماصفى لي
أحلف برب البيت ماشفت مثلك
انت فريد النوع بأول وتالي
ماينحسب عمري ومافات قبلك
وكل الدقايق ضايعه في خيالي
ومن يوم ضحكت لي أسارير وجهك
استبشرت دنياي ياراس مالي
أكتب حروف الحب ياشوق لجلك
والله ماغيرك ع القلب غالي
لطيفة تبتسم لأشعاره ومسجاته الحلوة وأخيراً ترسل:
شلت لك بقلبي مكان
معزة وحب وأمان
تعال أجلس بمكانك
وخذ نصيبك في هالزمان
بعد ماقرا سالم المسج قرر أنه يتصل في لطيفة لأنها أخيراً حبته استانس مرة أتصل ويرن ويرن ولطيفة عندها الجوال ودارية أنه راح يتصل فيها فحبت تتغلى وماترد ويرن يرن وبعدين قالت أرد عليه مسكين يتصل وما أرد
لطيفة:ألو
سالم:هلا والله بهالصوت
لطيفة:هلا سالم
سالم:شلونج حبيبتي
لطيفة:تمام وانت
سالم:أنا أكيد بخير دام سمعت صوتج
لطيفة:سالم
سالم:لبيه
لطيفة:أنت للحين بالسعودية ؟
سالم:أي اشتقتيلي؟
لطيفة:لا
سالم:ااااااااااه ليه أنا مرة اشتقتلج أبي أشوفج
لطيفة:مارح تجي تشوفني ألا لما تخطبني من هلي
سالم:على أمر الغاليين ...بس شهالمسج الحلو لهالدرجة تحبيني يالطيفة؟
لطيفة:"أستحت".......قلت أرد على مسجاتك أنت اللي لهالدرجة تحبني ياسالم؟
سالم:أنا أموت فيج
لطيفة:تقص علي
سالم:ليه؟!!!
لطيفة:لأنك تكلم بنات غيري
سالم:يوووووووووه ردينا لهالموضوع خلاص أوعدج من اليوم اللي أكلمهم من بنات أقاطعهم وماراح أكلم غيرج
لطيفة:تقص علي بهالحجي
سالم:ليه شلون تبيني أثبت لج؟
لطيفة:سالم...تعال أخطبني إذا أنت تحبني جد إذا تبيني حبيبتك وزوجتك
سالم:انشاااااااااالله ياحياتي
لطيفة:متى؟
سالم:عما قريب انشالله
لطيفة:يعني متى؟
سالم:متى تبين؟
لطيفة:فيهالأسبوع
سالم يفكر:الخميس الياي
لطيفة استانست:والله يافرحتي الخميس الياي بتيي تقدم لي؟!!!!!
سالم:أي نعم حبيبتي فرحانة؟
لطيفة:وايد
...............................................
رهف:من جدك تتكلمين؟
نور:أي والله وسالم ولد عمي معانا بالسيارة
رهف:زين والله
نور:لاتنسين راح نمر أمل
رهف:أمل... ليه؟!!
نور:تتمشى معانا أحسن من قعدتها في البيت مسكينة ماعندها أحد
رهف:ok متى بيجون؟
نور:قالو اللحين تجهزو يللا يللا بسرعة ...ويدق جوال نور
نور:هلا حمد...طيب اللحين جايين
وراحو نور ورهف يتجهزون ويتعدلون
بالسيارة>>
سالم:اللحين موعندكم سواق؟
حمد:ألا بس انا ما أرضى يطلعون خواتي معه
سالم:ليه أجل ليه حاطينه؟!!
حمد:للحالات الضرورية فقط
سالم:والله تدفعون له وهو قاعد
حمد:والله نحتاجه في الحالات الضرورية
سالم:والله حالة
وبين كلامهم نزلو نور ورهف من الدرج للسيارة وكانو طبعاً متغطيات
رهف دخلت أول:السلام عليكم
سالم وحمد:وعليكم السلام
رهف:شلونك سالم ياولد عمي
سالم:والله الحمد لله بخير أنتي شلونج
رهف:بخير وينك من زمان عنك
سالم:والله بهالدنيا وبعدين تدرين السعودية مو قريبة من الكويت عشان نييكم بسهولة
بعد سكوت شوي وتحركت السيارة
سالم:شلونك نور؟
.................................................. .
أنتهى الجزء العاشر وانشالله بالجزء الحادي عشر أحداث أكثر إثارة
شنو رد نور بيكون عادي ولا بحيا؟
وأبرار هل بتم لازقة بسالم؟
وحب سالم ولطيفة هل بيتجدد؟
وخالد وحنان شنو ينتظرهم اجتماع ولافراق؟
وهل بتم نور تحب سالم ولا بتكرهه بعدين؟
أنتظر ردودكم وانتو انتظرو الجزء الحادي عشر عن قريب انشالله يا أحلى قراء وقارئات بااااااي