الجزء الثاني عشر
نور ورهف كانو جالسين بالغرفة
نور:والله وقرب عرسك يارهف
رهف:ياااااااااي أخيراً قربت ليلة العمر
نور:نبيك الأميرة هذاك اليوم محد مثلك
رهف بغرور:أكيد شرايك أنتي...أنا العروس بكون الأميرة
نور:ماني مصدقه أحس اني بشتاق لك
رهف:أكيد بشتاقين لي أنا رهف
نور:أقووووول...والله بتتركنا رهف لااااااااا
رهف:ماحد يقدر على فراقي
نور:بالعكس أحسن
رهف:ووجعه....أقول أتصل بحسن حبيبي أبرك لي
نور:يللا أتصلي بحبيب القلب حسون
رهف طالعت نور بنظره غرور وبعدين دقت على حسن
حسن:ألو هلا والله
رهف:هلا حبيبي شلونك؟
حسن: بخير ياعمري أنتي شخبارك؟
رهف:بألف خير ................حسن ماني مصدقه
حسن:وشو حبيبتي؟
رهف:عرسنا بعد اسبوعين
حسن:ما أنسى هالشي ياعمري ما أنساه وأخيراً يارهف وأخيراً بنجتمع مع بعض ببيت واحد
رهف:أنتظر هالليلة بأحر من الجمر
حسن:وانا نفس الشعور نفسه صدقيني
.................................................. ..........
والثنائي الثاني حنان وخالد
خالد كان زاير حنان بالبيت
حنان:وينك ما أشوفك شنو شغلك عني؟
خالد:ولا شي ياحبيبتي شغلني عنج
حنان:أشتقت لك وانت
خالد:وانا بعد كل لحظه ما أشوفج فيها أشتاقلج ياعمري
حنان:أول كنت تكثر زياراتك بس اللحين مدري شفيك
خالد:عذريني ياحياتي تعرفين الاشغال بس
حنان:okعاذرتك ......بس ماقلتلي لقيت شقة مناسبه لنا؟
خالد:للحين مالقيت أنا قاعد أدور
حنان:للحين مالقيت؟!!!يالله شهذا؟
خالد:شفيج هجتي علي أقولج أدور
حنان:آسفه حبيبي بس المره اليايه تاخذني معاك
خالد:انشالله حياتي شتامرين بعد!(طرارة وتتشرط)
.................................................. ...........
جا يوم الخميس الموعود ولطيفة تنتظره بأحر من الجمر
كانت ام سالم موجوده معهم وعند الرجال أخوان لطيفة موجودين وسالم وبو سالم وسلمان
بو سالم يتكلم وهو مو مشتهي:والله حنا يشرفنا طلب القرب منكم
بو ناصر:هذي الساعه المباركة
بو سالم:حنا جايين نخطب بنتكم لطيفة لولدنا سالم
بو ناصر:والله نفتخر بمناسبتكم أنتو عايله كبيره بالكويت....بس ماقلتلي شلون ولدكم عرف بنتنا؟
هنا التفت بو سالم لولده
سالم:ا...ا.... عرفتها عن طريق وحده معاها بالجامعه تقرب لنا عرفتني عليكم
بو ناصر:اهااااا والله يشرفنا هذا يابو سالم
بوسالم:بس اللي أبي أقولك أن حنا مو كويتيين
الكل استغرب
بو ناصر:عيل أنتو من وين؟!!!!
بو سالم:حنا عايلة سعودية
بو ناصر:يعني أنتو يايين من السعودية للكويت علشان تخطبون بنتنا؟!!
بو سالم:لايا بو ناصر حنا ساكنين هني بالكويت بس سعوديين
بو ناصر:امممممم....انزين ولدنا سالم شنو يشتغل؟
سالم:أنا ما أشتغل أنا أدرس آخر سنة
بو ناصر:تدرس؟يعني مااشتغلت للحين؟
سالم:لاعمي ما اشتغلت
بو ناصر عصب من هالولد:بعد؟! سعودي وباجر تغرب بنتي وتوديها هناك وبعد ماتشتغل؟!!!أنت شلون بتصرف على بنتي أنت مايصير تكَون بيت وأسرة مايصير تكون لبنتي
بو سالم وهو معصب:لهذا الحد وخلاص تغلط على ولدي وعلينا ولاأنتو مانناسبكم أحنا وين وانتو وين حنا فوق وانتو تحت بس الشرهة على ولدي..اللي جا وطلب يد بنتكم...واللا أنا ولدي يناسبكم؟!!على شنو على الفلوس اللي عندكم؟!!.....
بو ناصر:رجاءً يابو سالم لاتغلط حنا مانرضى على الغلط
بو سالم:أنت اللي غلطت تغلط على ولدي!..شنو ناقصه عشان مايقدر يكون بيت وأسرة...والله وزمن...يللا ياسالم ...يللا قوم مابقى ألا هالأشكال نناسبهم أنا أصلاً مو موافق بعد يجي هذا ويغلط...حنا وين وهم وين
سالم:يبى هدي مايصير جذي
ناصر:خلاص هدو ياجماعة
بو سالم:مانبي نهدي يللا ياعيالي نمشي بس
وهم ماشيين نادا ام سالم:يللا ياام سالم نمشي يللا
أم سالم مستغربه:أنشالله أنشالله!!
أم ناصر ولطيفة وسارة أنصدمو وعرفت لطيفة أنهم مو موافقين على سالم
............
في بيت بو سالم
سالم وهو معصب:يبى والله مايصير جذي ليش سويت جذي ليش؟!!
بو سالم:أنت جب ولا كلمة ماابي أسمع منك كلام مابقى ألاهذا الحافي المنتف يغلط علي
سالم:ماعليك منه أنا أبي بنته أبيها
بو سالم:دور لك على بنت غيرها ياكثر البنات مالقيت إلا هالحافيه المنتفه...حنا ناس عيال عز مانناسب هالأشكال
سالم:يبى والله حرام أنا أحبها
بو سالم:حبتك القرادة أنت وياها خلاص قلت
سالم:يبى لاتسوي فيني جذي
بو سالم:سالم خلاص قلتلك
أنزعج سالم من ابوه.. وراح لغرفته ودخل وهو يحس أنه مو بوعيه.. حس بالخنقه وفتح زراير ثوبه وسدح نص جسمه على السرير... وقام يبكي مع أنه نادر مايبكي ومن زماااان مابكى...يبكي عشان لطيفة... حس بحرارة بجسمه وقام ياخذ نفس طويييييييل يهدي نفسه
.................................................
أما لطيفة فهي أردى من حالته.. راحت تبكي بغرفتها بكي يقطع القلب ...أنسدحت على السرير وقامت تبكي وتبكي بقوة .."ليه رفضو سالم جا حبيبي بنفسه وتقدم لي واهلي يرفضونه ليه؟ ليه؟ ياحظي الردي؟... أنا أحبه حبيته لأنه صدق بوعده وجا وتقدم لي.... اااااااااااه يالقهر لاء أنا أبيه ماابي أنحرم منه"
دخلت سارة عليها
سارة:لطيفة شفيج؟
لطيفة وهي تبكي:شنو شفيني شنو شفيني؟!!يوم جا الولد وتقدم لي أبوي يرفضه ليه؟ليه؟
سارة:بس انتي تدرين انه مو من بلدنا وهو مايشتغل
لطيفة:واذا مو من بلدنا هو خليجي وولد أغنياء واذا كان على الشغل بعد التخرج
سارة :لطيفة خلاص مايستاهل هالدموع
لطيفة:لا يستاهل ونص سارة أنا أحبه أموت فيه وزاد حبي له اليوم يوم جا وتقدم لي ...بالاول كنت أظنه يقص علي قلت يمكن شافني لعبة من ألاعيبه مثل مع باجي البنات بس صدق بوعده وجا وترفضونه...مع ان ماناقصه شي
سارة مادرت شتسوي وبعدين دخلت امها وعلى طول لطيفة مسحت دموعها
أم ناصر لاحظت ان بنتها كانت تبكي:لطيفة شفيج تبجين؟
لطيفة:لا مافيني شي
أم ناصر:شنو مافيج شي....بس عشان ابوج رفض الرجال اللي تقدم لج؟
لطيفة تهز راسها بالإيجاب
أم ناصر:انزين ماعليه هو موالريال(الرجال)الوحيد وانتي موناقصج شي ياحبيبتي أخلاق وأدب وجمال
لطيفة بقلبها:"أحبه يمه وانتي تقوليت مو الريال الوحيد"
أم ناصر:ياحبيبتي أنتي صغيرة وحلوة ولا بتخافين تعنسين يابنتي أنتي توج بعمر الزهور وبدل هالواحد ألف واحد
لطيفة:بس يمه....
أم ناصر:بس شنو؟
لطيفة:لابس ليه أبوي رفضه؟
أم ناصر:لأنه مايشتغل وبعدين ابوج مايبيج بعيده عنا باجر إذا تزوجج راح ياخذج للسعودية
لطيفة:بس هو ساكن هني
أم ناصر:ولو ياحبيبتي أبوج يبي مصلحتج الولد صغير وللحين يدرس سنه رابعة
لطيفة:......................
أم ناصر:خلاص مابي هالدموع مرة ثانية زين؟
لطيفة هزت راسها:...أنشا الله
أم ناصر:عفيه على البنيات يللا قومي غسلي ويهج وتعوذي من ابليس
وقامت عنها وحتى سارة راحت وقامت لطيفة وطالعت وجهها بالمراية وانقهرت ودفت كل الأشياء اللي بالتسريحة من كريمات وعطور من القهر انتابتها حالة جنون
.................................................
مها كانت جايبة العشا لزوجها
راشد:شتسوين انتي؟!!
مها:قاعده أحضر العشا!!
راشد:مها حبيبتي لاتتعبين نفسك خلاص كل شي أنا بسويه
مها:وهذا كله علشاني واللا علشان اللي ببطني؟
راشد:الاثنين
مها:هههههههه يعني مو لله بس عشاني حامل ماتبي تتعبني
راشد:ياعمري مو بس كذا ماني مصدق يامها الولد الثالث راح يجي
مها:وشو بتسميه؟
راشد:عمر
مها:طيب وإذا كانت بنت
عمر"يفكر":امممممممم وشرايك بأشواق؟
مها:يجنن
رغد تروح لأمها:ماما ماما أبي تجي بنت مابي ولد
مها:ليه ماتبين ولد؟
رغد:لأن الولد مايلعب معاي والبنات يلعبون معاي
مها:وفصول
رغد:فصول الدب دايماً يبكي بس البنات هاديات مايبكون
راشد ومها:هههههههههههههههه
راشد:يللا رغوده حبيبتي ساعدي ماما على العشا
رغد:بابا لا أبي أجلس معك ومع البيبي الحلو
راشد:يادلعك" وتلمه ويبوسها"
.................................................. ........
سمر:ألا ماقلتلي ياناصر مين اللي ياي يخطب لطيفة؟
ناصر:واحد من الشباب الهيلق
سمر:ليه شفيه؟
ناصر:مايشتغل وتوه نونو لا وموكويتي سعودي
سمر:عادي إذا كان سعودي
ناصر:عارف بس مايشتغل توه يدرس صغير وايد
سمر:والله ما أشوف من مصلحتكم ترفضونه
ناصر:وليه يامدام؟
سمر:كلها سنة ويكمل دراسته ويشتغل
ناصر:شوفي أنا حتى لو كنت مكان ابوي ماراح أوافق أنتي تعرفين بعض شباب هالأيام ياخذ اختنا ويعذبها
سمر:بس أنا سمعت من خالتي أن أبوه عنده شركة يعني الولد غني
ناصر:عارف والله عارف بس مهما كان مايناسب أختي
سمر:بس صدقني لو بتمون على هالحال ماراح تتزوج أختك
ناصر:ليه من كبر أختي
سمر:عارفة ان أختك صغيرة بس ما أحس ان الولد قاصره شي عشان ترفضونه
ناصر:اللحين ليش مزعجتني بهالموضوع خلاص أنتي مالج شغل فيها واحنا أن رفضنا الولد فهذا من مصلحتها
.................................................. ............
بالليل الهادئ كانت لطيفة قاعدة تبكي وتاخذ جوالها وتتصل بسالم سالم بعد هو متضايق مع دقة الجوال على طول شاف رقم لطيفة ورد
سالم:ألو
لطيفة بصوت بكى:ألو هلا سالم
سالم:هلا حبيبتي شفيج؟
لطيفة:...سالم لاتزعل من هلي تراهم يبون مصلحتي
سالم:لا حبيبتي أنا مو زعلان من هلج...بس هدي أنتي لاتبجين
لطيفة بعذاب:سالم أنا أحبك ما أقدر أعيش من دونك
سالم:وأنا بعد أحبج أحبج يابعد عمري وروحي بس لاتبجين أنتي جالسة تعذبيني دموعج غالية علي
لطيفة:شلون ماتبيني أبجي وهلي حارميني منك...أنت صدقت بوعدك وجيت وتقدمت لي بس هلي قاسيين رفضوك
سالم:معلي حبيبتي هلج رفضوني عشان مثل ماقلتي يبون مصلحتج
لطيفة:بس أنت مو ناقصك شي
سالم:بس أبوج رفضني لأني توني أدرس بالجامعة ...حتى ماكملت سنة رابعة ..يعني صغير.. ولأني ماأشتغل ...و فاشل
لطيفة:لا يا سالم لاتقول جذي أنت مو فاشل أنت ريال (رجال)أصيل
سالم:سمعي ما في شي في هالدنيا راح يفرقنا عن بعض فاهمة؟
لطيفة:أي فاهمة بس شلون؟
سالم:بحبنا مافي شي راح يفرق حبنا راح نثبت للكل أن احنا لبعض
لطيفة:شلون نثبت لهم؟
سالم:مادري...مادري...أي شي...أي شي يخلي أهلي وأهلج يعرفون كبر حبنا...ونحطهم جدام الأمر الواقع
.................................................. ....
نور:أكشخ رهف بكرا عرسك
رهف:نور لا تربكيني زيادة خلاص أحس اني ما أقدر انام ماني مصدقة
نور:بكرة تروحين بيت زوجك وتكونين معاه لآخر العمر
رهف:أنا وحسن بنكون مع بعض يانور
نور:وانشالله بتعيشون أحلى حياة
رهف:نور أنا خايفة مرة ومرتبكة
نور:كل بنت بمكانك راح ترتبك...يللا اللحين نامي بكرة ليلة العمر
...........................................
حمد توه راجع البيت من بره
حمد:السلام عليكم
بو راشد:وعليكم السلام هلا حمد وينك؟
حمد:أنا كنت مع ربعي
بو راشد:تأخرت الله يهداك لا تنسى بكرا عرس أختك
حمد:يبى وهذا الشي ينسي والله وكبرت رهيف
بو راشد:أكيد أختك صارت مرة وبتتزوج وبكرة تروح بيت رجلها الله يوفقها انشا الله
حمد:آمين
..................................................
جات الليلة اللي الكل ينتظرها ليلة زواج رهف من حسن ليلة عرسهم كانت ولا أروع الليالي كانت رهف ذاك اليوم ملكة الجمال عن جد صايرة حلوة مرة ونظرتها المغرورة زادت ثقتها بنفسها وبجمالها
عند الحريم في طقطقة ورقص ووناسة قبل ماتجي العروس
نور:أمل وشرايك نقوم نرقص
أمل:وشو نرقص صراحة أنا أستحي
نور:أمول وشو تستحين لا يكون شايفة رجال قدامنا
أمل:لا بس أنا ماتعودت على الرقص
نور:ماعليه أنتي مجرد ماتقومين على الكوشة وتشوفين حركات البنات وتسوين مثلهم يعتبر رقص
أمل:فشيلة
نور:أي فشيلة الله يخليك يللا قومي عن الحيا والخرابيط هذي
أمل:زين اللحين مالي خلق بعد ما تجي العروس أقوم أرقص
نور:أف منك
وفي هالزحام الكبير عند الحريم والصالة الكبيرة الفخمة من ناحية ثانية عند الرجال الكل كان حاضر وكان حسن كشخة ورزة المهم أن ماحد نقص في العرس
سالم:أحلى حسن صاير معرس اليوم من قدك
حسن:أكيد محد قدي أنا اليوم عريس لمن لبنت عمك رهف حبيبتي
سالم:ياسلام أقول أجل هالكلام لمن يخلص العرس وقول اللي تبيه لين تشبع ههههههه
حسن:هههههههههههههههه
...............
بعد كذا دخلو الشباب عند الحريم إلا راشد لأنه استحى يترزز عند الحريم... وهم أخو العروس حمد وعيال عمها وعمتها سالم وجراح وسلمان وقعدو هالرباعي يترقصون رقص هبال والحريم والبنات خاصة يطالعونهم وهم متغطيات طبعاً وانهبلو في هالشباب الهبلان كل واحد منهم أحلى من الثاني ورقصهم حلو على مستوى رقص شباب رغم انه هبال والموسيقى تشتغل لحمد وسالم وجراح وسلمان وكان وناسة وكانو يرقصون على غنية "عزاه " حقة راشد الفارس
عـــزاه ياقلبي من الهم عــــزاه من يواسي دمـــعتي قال خيره
وشلـــــون خيره بعد فرقى لاتقولو خيره خيبة كبــــيرة
(تراني حافظة كل الغنية وأموت فيها بس مالي خلق أكتبها كلها)
..................................
بعد كل كذا جت العروس تمشي بخطوات واثقة كانت طالعة فاتنة وحلوة ومكياجها فوشي حلو مرة وفستانها فاخر جداً تسريحة شعرها روعة ونظرتها مغرورة كانت عن جد حلوة وفاتنة ذاك اليوم والبنات يطالعونها باندهاش وغيرة جلست وبدت الأغاني عن العروس وبعدها جا المعرس وكان حلو أكيد بيكون حلو هو المعرس والحريم تغطو طبعاً وتعرفون حركات البنات المعرس حلو مدري وشو وهو كان مملوح ولبس رهف الدبلة ولبسته هي بعد ويدينها ترتجف وكانت أسعد اللحظات تمر بينهم وشالت رهف ذيك اللحظة غرورها وأعطت الحب لحسن اليوم هو زوجي خلاص زوجي وراح نظل مع بعض طول العمر وهو بعد نفس الأحساس رهف زوجتي اللحين وراح نظل مع بعض راح تكون معاي على طول وحبنا انشالله يدوم
.................................................. ........
شبيصير بعد زواج رهف وحسن؟
وشبيصير بعد رفض بو ناصر سالم؟
هل بعد زواج حنان وخالد بيعيشون أحلى حياة؟
وش بيسوون لطيفة وسالم بعد ماصارو يحبون بعض لدرجة أنهم مايقدرون يفترقون بعد مافرقوهم أهلهم؟
أنتظرو الجزء الثالث عشر قريباً إن شاء لله مع قصتنا الجنونية